ГИДРОКОРТИЗОН (Мазь глазная)

МНН: Гидрокортизон
Производитель: Биосинтез ОАО
Анатомо-терапевтическо-химическая классификация: Hydrocortisone
Номер регистрации в РК: № РК-ЛС-5№016893
Информация о регистрации в РК: 07.04.2021 - 07.04.2031

Инструкция

Саудалық атауы

ГИДРОКОРТИЗОН

Дәрілік түрі, дозалануы

Көзге арналған жақпамай 0,5 %, 5 г

Фармакотерапиялық тобы

  • Сезім мүшелері. Офтальмологиялық препараттар. Қабынуға қарсы препараттар. Глюкокортикостероидтар. Гидрокортизон.
  • АТХ коды S01BА02

  • Қолданылуы

    - көздің аллергиялық ауруларында (қабақ дерматитінде, блефаритте, конъюнктивиттерде және кератоконъюнктивиттерде)

    - мөлдір қабық эпителийі тұтастығының бұзылуы болмағанда көздің алдыңғы бөлігінің қабынулы көз аурулары (блефариттер, конъюнктивиттер және кератоконъюнктивиттер)

    - термиялық және химиялық күю (мөлдір қабық ақауларының толық эпителизациясынан кейін)

    Қолданудың басталуына дейін қажетті мәліметтер тізбесі

    Қолдануға болмайтын жағдайлар

    - препаратқа немесе оның компоненттеріне жоғары сезімталдық

    - көздің іріңді, вирустық, туберкулездік, зеңдік ауруларында

    - глаукомада

    - трахомада

    - вакцинация кезеңі

    - көз қабығының тұтастығы бұзылғанда

    - балалар мен 18 жасқа дейінгі жасөспірімдерге

    - жүктілік және лактация кезеңі

    Қолдану кезіндегі қажетті сақтандыру шаралары

    Сақтықпен: артериялық гипертензия, қант диабеті.

    Емдеу уақытында жанаспалы линзаларды тағу ұсынылмайды. Көзге тамызатын дәріні пайдаланғанда инстилляция мен жақпамай жағу арасындағы аралық - 15 мин кем емес.

    10 күннен астам қолданғанда және анамнезде ашық - немесе жабықбұрышты глаукома болғанда көзішілік қысымды бақылау қажет.

    Жақпамайды қолданғаннан кейін 30 мин бойы жоғары назар аударуды талап ететін істерден бас тарта тұру қажет.

    Сықпаны ашқаннан кейінгі жарамдылық мерзімі – 1 ай.

    Басқа дәрілік препараттармен өзара әрекеттесуі

    Препараттың жалпы қан ағысына ықтимал резорбциясында препаратты ұзақ қолдану кезінде гидрокортизон инсулиннің, пероральді гипогликемиялық препараттардың, гипотензиялық дәрілердің, антикоагулянттардың тиімділігін төмендетеді, қандағы салицилаттардың концентрациясын төмендетеді, празиквантелдің қан сарысуындағы концентрациясын төмендетеді. Гидрокортизонның жағымсыз әсерлерінің даму қаупін жоғарылатады: андрогендер, эстрогендер, пероральді контрацептивтер, анаболизмдік стероидтар (гирсутизм, безеулі бөртпе); психозға қарсы дәрілер, карбутамид, азатиоприн (катаракта); холиноблокаторлар, антигистаминді дәрілік заттар, трициклді антидепрессанттар, нитраттар (глаукома); диуретиктер (гипокалиемия).

    Жүрек гликозидтерімен қолданғанда дигиталисті уыттану қаупі болуы мүмкін. Қорғасын және күміс препараттарымен бір мезгілде қолданғанда өзара белсенділігінің жойылуына әкеледі.

    Арнайы сақтандырулар

    Препараттың құрамына метилпарагидроксибензоат (Е218) кіреді, ол жергілікті қолданғанда баяу типті аллергиялық реакциялардың дамуын туындатуы мүмкін

    Педиатрияда қолдану

    Препарат 18 жасқа дейінгі балалар мен жасөспірімдерде қолдануға қарсы көрсетілімде.

    Жүктілік және лактация

    Жүкті және бала емізетін әйелдерде гидрокортизон қолданудың қауіпсіздігін және тиімділігін зерттеу жүргізілмеді. Глюкокортикостероидтарды жергілікті қолданғанда емшек сүтіне енуі туралы нақты деректер жоқ. Алайда қауіп толық жоққа шығарылмайды. Гидрокортизонды жүкті және бала емізетін әйелдерде қолдану шаранаға және балаға төнетін потенциалды қауіп ана үшін күтілетін емдік әсерден басым жағдайда емдеуші дәрігердің тағайындауымен ғана жол беріледі.

    Қолдану ұзақтығы 7-10 күннен аспауы тиіс.

    Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

    Егер пациентте препаратты қолданғаннан кейін уақытша көрудің өткірлігі төмендесе, ол қалпына келгенге дейін автомобильді басқару және көру арқылы қабылдаудың анықтығын талап ететін қызмет түрлерімен айналысу ұсынылмайды.

    Қолдану жөніндегі нұсқаулар

    Дозалау режимі

    Конъюнктивальді қалтаға 1 см көзге арналған жақпамайды тәулігіне 2-3 рет енгізеді.

    Бұл үшін түбекті ашып, басты ақырын артқа шалқайтып, жақпамай жолағын астыңғы қабаққа жағу қажет. Көзді абайлап жұмыңыз. Пайдаланғаннан кейін түбекті нығыздап жабыңыз.

    Көзге арналған жақпамайды аппликациялау кезінде түбектің тері беткейімен немесе конъюнктивамен жанасуына жол бермеу керек.

    Енгізу әдісі мен жолы

    Жергілікті.

    Емдеу ұзақтыгы

  • Емдеу курсы 1-2 апта. Дәрігердің ұсынысы бойынша емдеу курсы ұзартылуы мүмкін.
  • Артық дозалану жағдайында қабылдау қажет болатын шаралар

    Артық дозалануы өте сирек белгіленген.

    Симптомдары: жергілікті дозаға тәуелді жағымсыз әсерлер туындауы мүмкін.

    Препаратты қолдануды тоқтатқанда артық дозалану құбылыстары өздігінен кетеді.

    Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

    Дәрілік препаратты қолданар алдында дәрігерге немесе фармацевтке жүгініңіз.

    ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау қажет шаралар

  • Сирек

  • - аллергиялық реакциялар, күйдіру

  • - ақ қабықтың қызаруы

  • - көрудің қысқа мерзімді бұлыңғырлануы

  • 10 күннен ұзақ қолданғанда мыналар байқалуы мүмкін:

  • - көзішілік қысымның жоғарылауы көру жүйкесі зақымдалған және көру аймағының бұзылуымен соңынан стероидты глаукоманың ықтимал дамуы (сондықтан құрамында глюкокортикостероидтар бар препараттарды 10 күннен артық қолданғанда көзішілік қысымды тұрақты өлшеп тұру керек)

  • - артқы субкапсулярлы катарактаның пайда болуы

  • - жараның жазылу үдерісінің баяулауы (мөлдір қабықтың жұқаруын туындататын ауруларда оны тесуге болады)

  • Екінші қайтара бактериялық инфекция науқастың организмінің қорғанысы бәсеңдеуі салдары ретінде туындауы мүмкін. Жедел іріңді көз ауруларында глюкокортикостероидтар бұрыннан бар инфекциялық үдерісті бүркемелеуі немесе күшейтуі мүмкін.

  • Мөлдір қабықтың зеңдік зақымдануы, әсіресе глюкокортикостероидтарды ұзақ қолданғанда жиі туындауы мүмкіндігіне иеленген. Мөлдір қабықта глюкокортикостероидтармен ұзақ емделгеннен кейін жазылмаған ойық жаралардың пайда болуы зеңді инвазияның дамуы туралы айғақтауы мүмкін.

  • Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

    Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

    http://www.ndda.kz

    Қосымша мәліметтер

    Дәрілік препарат құрамы

    100 г жақпамайдың құрамында

    белсенді зат гидрокортизон ацетаты – 0,5 г,

    қосымша заттар: метилпарагидроксибензоат, (Е218), жұмсақ ақ парафин.

    Сыртқы түрінің, иісінің, дәмінің сипаттамасы

    Ақ, сарғыш реңді ақ немесе сары түсті жақпамай.

    Шығарылу түрі және қаптамасы

    5 г алюминий сықпада.

    Әр сықпа медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

    Сақтау мерзімі

    2 жыл

    Жарамдылық мерзімі өткеннен кейін қолдануға болмайды!

    Алғашқы ашылуынан кейінгі қолдану кезеңі 30 күн.

    Сақтау шарттары

    15 оС-ден аспайтын температурада сақтау керек

    Балалардың қолы жетпейтін жерде сақтау керек!

    Дәріханалардан босатылу шарттары

    Рецепт арқылы

    Өндіруші туралы мәліметтер

    «Синтез» ААҚ, Ресей, 640008,

    Қорған обл., Қорған қ., Конституция даңғылы, 7 үй.

    Тел./факс (3522) 48-16-89

    Е-mail: contact@ksintez.ru

    Интернет-сайт: www.ksintez.ru

    Тіркеу куәлігінің ұстаушысы

    «Синтез» ААҚ, Ресей, 640008,

    Қорған обл., Қорған қ., Конституция даңғылы, 7 үй.

    Тел./факс (3522) 48-16-89

    Е-mail: contact@ksintez.ru

    Интернет-сайт: www.ksintez.ru

    Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

    «Deсalog» ЖШС, 050050, Қазақстан Республикасы,

    Алматы қ., Глазунов к-сі, 41 А-4

    тел. 2944221, тел. 8 7017315218

    E-mail: deсalog@nur.kz

    Прикрепленные файлы

    Гидрокортизон_мазь_каз.docx 0.05 кб
    Гидрокортизон_мазь_рус.docx 0.03 кб

    Отправить прикрепленные файлы на почту

    Источники

    Национальный центр экспертизы лекарственных средств, изделий медицинского назначения и медицинской техники