Эпосан (40000 МЕ/1 мл)

МНН: Эпоэтин зета
Производитель: ROVI Contract Manufacturing, S.L., Мадрид, По контракту STADA Arzneimittel AG, Германия
Анатомо-терапевтическо-химическая классификация: Erythropoietin
Номер регистрации в РК: № РК-ЛС-5№022219
Информация о регистрации в РК: 21.05.2021 - 21.05.2031
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 51 960.98 KZT

Инструкция

Саудалық атауы

Эпосан

Халықаралық патенттелмеген атауы

Эпоэтин зета

Дәрілік түрі

Инъекцияға арналған ерітінді, 1000 ХБ/0.3 мл, 2 000 ХБ/0.6 мл, 4 000 ХБ/0.4 мл,

6 000 ХБ/0.6 мл, 10 000 ХБ/1 мл, 40 000 ХБ/1 мл

Құрамы

1 еккіш-түбек ішінде:

белсенді зат: Эпоэтин зета (адамның рекомбинантты эритропоэтині) – 1000 ХБ (7.68 мкг), 2000 ХБ (15.36 мкг), 4000 ХБ (30.72 мкг), 6000 ХБ (46.08), 10000 ХБ (76.80 мкг), 40000 ХБ (307.20 мкг)

қосымша заттар: полисорбат 20, натрий дигидрофосфат дигидраты, натрий гидрофосфат дигидраты, кальций хлорид дигидраты, глицерин, лейцин, изолейцин, треонин, глютамин қышқылы, фенилаланин, натрий хлориді, натрий гидроксиді 0.1 М, хлорсутек қышқылы 0.1 М, инъекцияға арналған су.

Сипаттамасы

Мөлдір түссіз ерітінді

Фармакотерапиялық тобы

Қан түзілуіне және қанға әсері бар препараттар. Басқа да гемопоэз стимуляторлары. Эритропоэтин.

АТХ коды B03XA01

Фармакологиялық қасиеттері

Фармакокинетикасы

Көктамырішілік енгізу

Көп рет көктамырішілік енгізуден кейінгі эритропоэтиннің жартылай шығарылу кезеңі (T½) дені сау еріктілерде 4 сағатқа жуықты құрайды және бүйрек жеткіліксіздігі бар науқастарда 5 сағатқа жуық. Эпоэтиннің жартылай шығарылу кезеңі балаларда 6 сағатқа жуықты құрайды.

Тері астына енгізу

Тері астына енгізгендегі қан плазмасындағы эпоэтин концентрациясы оны көктамырішілік енгізгендегіге қарағанда елеулі төмендігі анықталды, қан плазмасындағы эпоэтиннің ең жоғары концентрациясына (TCmax) қол жеткізу уақыты енгізуден кейін 12-18 сағатты құрайды. Тері астына енгізгеннен кейін эпоэтин ең жоғары концентрациясы Сmax көктамырішілік енгізгендегі ең жоғары концентрациясына қарағанда төмен (көктамырішілік енгізгеннен кейінгі концентрациясының 1/20 жуығы).

Белсенді заттары жинақталмайды: бірінші инъекциядан соң 24 сағаттан кейін және соңғы инъекциядан кейін 24 сағаттан соң концентрациясының бірдей деңгейі байқалды.

Эпоэтин зетаны тері астына енгізгенде T½ анықтау күрделі, ол шамамен 24 сағатты құрайды. Тері астына енгізгендегі эпоэтиннің биожетімділігі оны көктамырішілік енгізгендегіге қарағанда елеулі төмен, және 20% жуықты құрайды.

Фармакодинамикасы

Эритропоэтин эритропоэзді стимулияциялаушы, митозды және эритроцитарлық қатардың ізашар-жасушаларынан эритроциттер пісіп-жетілуін белсендіруші гликопротеин болып табылады. Эритропоэтиннің молекулярлық массасы 32000 – 40000 Дальтонға жуық. Ақуыз фракциясы молекулярлық массасының 58% жуығын құрайды және онда 165 аминқышқылы бар. Төрт көмірсу тізбегі ақуыздармен үш N-гликозидты байламмен және бір О-гликозидты байламмен байланысқан.

Эпоэтин өзінің аминқышқылдық және көмірқышқылдық құрамы бойынша анемиядан зардап шегетін науқастардың несебінен бөлінетін адамның эндогенді эритропоэтиніне сәйкес келеді. Эпоэтин зета Эпоэтин альфа референтті препаратының биосимиляры болып табылады.

Эпоэтин зета препаратының биологиялық белсенділігі in vivo эксперименттерде (зерттеулер дені сау егеуқұйрықтарда және анемиясы бар егеуқұйрықтарда, сондай-ақ полицитемиясы бар тышқандарда жүргізілген) расталған. Эпоэтин зета енгізілгеннен кейін эритроциттердің, ретикулоциттердің саны, гемоглобин концентрациясы және сіңу жылдамдығы 59Fe артады.

In vitro зерттеулерінде эпоэтинмен инкубацияда көкбауырдың ядросы бар эритроидты жасушаларында (тышқандардың көкбауыр жасушалары өсіріндісінде) 3H-тимидин инкорпорациясы күшейгені анықталды. Адамның сүйек кемігі жасушалары өсіріндісіндегі зерттеулер эпоэтин зетаның эритропоэзды спецификалық стимуляциялайтындығын және лейкопоэзға әсер етпейтіндігін көрсетті. Эритропоэтиннің адамның сүйек кемігі жасушаларына цитоуыттық әсері анықталмады.

Эритропоэтин негізінен эритроциттер түзілуін стимуляциялайтын өсу факторы болып табылады.

Қолданылуы

- созылмалы бүйрек жеткіліксіздігіне (СБЖ) байланысты ересектер мен балалардағы, симптоматикалық анемияны, оның ішінде төмендегілерді емдегенде:

- гемодиализдегі ересектер мен балалардағы созылмалы бүйрек жеткіліксіздігі (СБЖ) салдарынан болатын анемияда, сондай-ақ перитонеальді диализдегі ересектерде;

- гемодиализ жүргізілмеген, бүйрек жеткіліксіздігі бар ересектердегі клиникалық симптомдармен бірге жүретін бүйректік генезбен анемияның ауыр түрі.

- ауқымды жаңа түзілімдер, қатерлі лимфома немесе көптеген миелома себепті химиялық ем препараттарымен ем қабылдайтын ересектерде, сондай-ақ жалпы жай-күйімен байланысты гемотрансфузия қажеттілігінің қаупі бар адамдарда (жүрек-қантамыр ауруларына байланысты немесе егер анемия химиотерапия басталғанға дейін анықталса) анемия емдегенде және қан құю жүргізуге қажеттілік азаюы

- предепозиттік бағдарлама аясындағы аутологиялық қан құю тиімділігін жоғарылату үшін. Бұл жағдайда тек тромбоэмболиялық асқынулардың расталған қаупін ескере отырып қолданылуы мүмкін. Пациенттерде айқындығы орташа анемия болғанда (темір тапшылығынсыз Hb 10-13г/дл), егер қан жоғалтуды болдырмау бойынша шаралар жасау мүмкіндігі болмаса немесе ауқымды жоспарлы хирургиялық араласулар тиімсіздігінде, көп мөлшердегі қан құю талап етілуі (еркектерде 5 және одан астам көлем және 4 және одан астам – әйелдерде) мүмкін емде көрсетілген.

- темір тапшылығы жоқ (гемоглобин деңгейі 10-13 г/дл немесе 6.2-8.1 ммоль/л), ересек пациенттердегі айқындығы орташа анемияда гемотрансфузия жүргізгенде қауіп жоғарылығында жоспарлы ортопедиялық операция алдында.

Қолдану тәсілі және дозалары

Эпосан препаратымен ем тиісті біліктілігі және эритропоэз стимуляциялайтын препараттармен ем көрсетілген науқастарды емдеу тәжірибесі бар дәрігер-маман бақылауымен жүргізілуі тиіс.

Созылмалы бүйрек жеткіліксіздігі бар ересектер мен балалардағы симптоматикалық анемияны емдеуде:

Эпосан көктамыр ішіне немесе тері астына енгізіледі.

Гемоглобин концентрациясының мақсатты деңгейі ересектерде 10г/дл (6,2-7,5ммоль/л) және балаларда 9,5 – 11г/дл (5,9-6,8ммоль/л) құрайды. Гемоглобиннің мақсатты концентрациясының жоғарғы шегінен арттыруға болмайды.

Анемияның клиникалық білінулерінің және асқынуларының жасына, жынысына және аурудың жалпы ауырлығына қарай айырмашылығы болуына байланысты науқастың жай-күйіне жеке-дара баға беру керек.

Эпосан препаратын көктамыр ішіне немесе тері астына гемоглобинді жоғарылату үшін 12г/дл (7,5ммоль/л) асырмай енгізу керек.

Жеке-дара ауытқушылығы салдарынан гемоглобин концентрациясы оңтайлы мәннен жоғары немесе төмен болуы мүмкін. Гемоглобин деңгейі ауытқығанда дозасын гемоглобиннің 10г/дл (6,2ммоль/л) -ден 12г/дл (7,5ммоль/л) дейінгі мақсатты диапазонын ескерумен түзету керек. Гемоглобиннің концентрациясы ұзақ уақыт 12г/дл жоғары болмауы керек. Гемоглобиннің 12г/дл (7,5ммоль/л) жоғары концентрациясындағы доза түзету қажеттігі бойынша тиісінше шаралар төменде келтірілген. Гемоглобиннің концентрациясы 4 апта бойына 2г/дл (1,25ммоль/л) астам жоғарылауын болдырмау керек. Бұндай жағдай туындағанда доза түзету жүргізу керек.

Емді Эпосан препаратының ең төмен тиімді дозасы аурудың клиникалық білінулерін және гемоглобинге қажетті бақылауды қамтамасыз ететіндей келесі түрде бастау керек.

СБЖ және жүректің клиникалық расталған ишемиялық ауруы немесе созылмалы жүрек жеткіліксіздігі бар пациенттерде гемоглобин концентрациясының жоғарғы мақсатты шектен аспауын бақылау керек.

Гемодиализ жүргізілетін ересек пациенттер:

Эпосан көктамыр ішіне және тері астына енгізіледі.

Ем екі сатыда жүргізіледі:

Түзету сатысы: 50ХБ/кг аптасына 3 рет. Қажет болғанда дозаны біртіндеп 4 апта бойына түзетеді. Дозаны ұлғайту немесе азайту - 25ХБ\кг асырмай аптасына 3 рет.

Демеуші ем сатысы: Гемоглобиннің қажетті деңгейін ұстап тұру мақсатында доза түзету: Hb 10-12г/дл (6,2-7,5ммоль/л). Эпосан препаратының ұсынылатын апталық жиынтық дозасы – 75-тен 300ХБ/кг дейін. Ауыр анемиясы бар науқастарда (Hb <6г/дл, немесе <3,75ммоль/л), гемоглобин концентрациясы жоғарырақ пациенттерге қарағанда (>8г/дл, немесе >5ммоль/л) жоғарырақ демеуші доза қолдану қажет болуы мүмкін.

Гемодиализ қабылдайтын балаларда қолданылуы:

Ем екі сатыда жүргізіледі:

Түзету сатысы: Эпосан препаратын 50ХБ/кг дозада аптасына 3 рет көктамыр ішіне енгізеді. Қажет болғанда дозаны біртіндеп 4 апта бойына түзетеді. Дозаны ұлғайту немесе азайту - 25ХБ\кг асырмай аптасына 3 рет.

Демеуші ем сатысы: Гемоглобиннің қажетті деңгейін ұстап тұру мақсатында доза түзету: Hb 9,5 – 11г/дл (5,9-6,8ммоль/л).

Көп жағдайларда дене салмағы жоғарырақ балалар мен ересектерге қарағанда дене салмағы 30кг аз балаларда жоғарырақ демеуші доза қолдану керек.

Қолда бар клиникалық деректер бойынша 6 ай ем бойына науқастың дене салмағына қарай препараттың келесі дозаларын қолданған дұрыс:

Дене салмағы (кг)

Доза (аптасына 3 рет ХБ/кг)

Орташа

Демеуші

< 10

100

75-100

10-30

75

60-150

>30

33

30-100

Ауыр анемиясы бар балаларда (Hb <6,8г/дл, <4,25ммоль/л) гемоглобин концентрациясы жоғарырақ (Hb >6,8г/дл, немесе >4,25ммоль/л) балаларға қарағанда жоғарырақ демеуші доза қолдану керек.

Перитонеальді диализ қабылдайтын ересек науқастар:

Эпосан көктамыр ішіне және тері астына енгізіледі.

Ем екі сатыда жүргізіледі:

Түзету сатысы: Бастапқы доза аптасына 2 рет 50 ХБ/кг құрайды.

Демеуші ем сатысы: Гемоглобиннің қажетті деңгейін ұстап тұру мақсатында доза түзету: Hb 10–12г/дл (6,2-7,5ммоль/л).

Демеуші доза аптасына 2 рет 2 бірдей дозада 25 –тен 50ХБ/кг құрайды.

Бүйрек жеткіліксіздігі бар, әлі диализ емшарасын өтпеген ересек пациенттер:

Эпосан көктамыр ішіне және тері астына енгізіледі.

Ем екі сатыда жүргізіледі:

Түзету сатысы: Бастапқы доза 50 ХБ/кг аптасына 3 рет, кейіннен егер қажет болса, дозаны 25 ХБ/кг ұлғайта отырып (аптасына 3 рет), көздеген мақсатқа қол жеткенше (төрт апта бойына сатылы орындалады).

Демеуші ем сатысы: Доза түзету гемоглобинді (Hb) қажетті шекте ұстап тұру үшін реттеледі: Hb - 10 және 12г/дл (6,2–7,5ммоль/л) арасында. Демеуші доза аптасына 3 рет, 17 және 33ХБ/кг арасындағы мәнді құрайды. Ең жоғары доза аптасына 3 рет, 200ХБ/кг аспауы тиіс.

Химиотерапия курсынан кейін науқастарда анемияны емдеу:

Эпосан препаратын анемиясы бар пациенттерге тері астына енгізеді (Hb концентрациясы <10г/дл (6,2ммоль/л). Препарат дозасын анемия ауырлығын және асқынуын, жасын, жынысын және науқастың жай-күйінің жалпы ауырлығын жеке түрде ескерумен дәрігер таңдайды. Жеке-дара ауытқушылығы салдарынан гемоглобин концентрациясы оңтайлы мәннен жоғары немесе төмен болуы мүмкін. Гемоглобиннің концентрациясының 10г/дл (6,2ммоль/л) – 12г/дл (7,5ммоль/л) қалыпты мәнін ескере отырып, қолданылатын препарат дозасын түзетумен, гемоглобиннің концентрациясының ауытқуын да ескеру керек. Гемоглобиннің концентрациясының 12г/дл (7,5ммоль/л) астам жоғарылауын болдырмау керек; бұндай жағдай туындағанда доза түзету жүргізу бойынша ұсыныстар төменде келтірілген.

Емді эпоэтин зета препаратының ең төмен тиімді дозасы анемия симптомдарын бақылауды қамтамасыз ететіндей түрде тағайындау керек.

Эпосан препаратымен емді химиялық ем курсы аяқталғаннан кейін 1 ай бойы жалғастыру керек.

Препараттың бастапқы дозасы 150ХБ/кг құрайды, аптасына 3 рет тері астына енгізіледі. Препарат 450ХБ/кг дозада тері астына аптасына 1 рет баламалы түрде қолданылуы мүмкін.

Емнің 4 аптасынан кейін бастапқы көрсеткіштерге қатысты гемоглобин концентрациясының ең кемі 1г/дл (0,62ммоль/л) жоғарылауы немесе ретикулоциттер санының артуы >40000 жасуша/мкл жағдайында препарат дозасы аптасына 3 рет 150ХБ/кг немесе аптасына 1 рет 450ХБ/кг құрайды. Гемоглобин концентрациясының <1 г/дл (<0,62ммоль/л) жоғарылауында және бастапқы көрсеткіштерге қатысты ретикулоциттер санының <40000 жасуша/мкл артуында препарат дозасын аптасына 3 рет 300 ХБ /кг дейін ұлғайту керек. Егер 4 апта бойына аптасына 3 рет 300ХБ/кг дозада қосымша емнен кейін гемоглобин концентрациясы >1г/дл (>0,62ммоль/л) жоғарыласа немесе ретикулоциттиер саны >40000 жасуша/мкл артса, препарат дозасы бұрынғыша қалуы және аптасына 3 рет 300ХБ/кг құрауы тиіс. Алайда егер гемоглобин концентрациясының артуы <1г/дл (<0,62ммоль/л) және ретикулоциттер санының бастапқы көрсеткіштерге қатысты өсуі <40000 жасуша/мкл құраса, онда Эпосан препаратымен ем тиімділігі аз деп саналады, және тоқтатылуы тиіс.

Дозалаудың ұсынылатын режимі келесі диаграммада келтірілген:

150 ХБ/кг аптасына 3 рет

немесе 450 ХБ/кг аптасына 1 рет

4 апта ішінде

Ретикулоциттер санының артуы Ретикулоциттер санының артуы

> 40 000 жасуша/мкл < 40 000/µ жасуша/мкл

немесе Hb > 1 г/дл жоғарылауы немесе Hb < 1 г/дл жоғарылауы

Мақсатты Hb (10 - 12 г/дл) 300 ХБ/кг аптасына 3 рет

4 апта ішінде

Ретикулоциттер санының артуы

> 40 000 жасуша/мкл немесе

Hb > 1 г/дл жоғарылауы

Ретикулоциттер санының артуы

< 40 000 жасуша/мкл немесе

Hb < 1 г/дл жоғарылауы

Емді тоқтату

Пациент емдік мақсатқа қол жеткізгеннен кейін, гемоглобинді осы деңгейде ұстап тұру үшін дозаны 25-50%-ға төмендету керек. Тиісінше доза титрлеуді ескеру талап етіледі.

Гемоглобин концентрациясын 10-12г/дл (6,2-7,5ммоль/л) шегінде ұстап тұру үшін дозаны түзету:

Егер гемоглобин концентрациясы айына 2г/дл (>1,25ммоль/л) астам жоғарыласа препарат дозасын 25-50%-ға азайту керек. Егер гемоглобин деңгейі 12г/дл (7,5 ммоль/л) астам болса, емді оның мәні 12г/дл (7,5ммоль/л) дейін төмендегенше тоқтату керек, ал содан кейін бастапқы дозасын 25%-ға азайта отырып, эпоэтин зетамен емді жаңғыртады.

Хирургиялық операциялар алдында аутологиялық қан жинау бағдарламасына қатысатын ересек пациенттер:

Қан тапсыру емшарасын аяқтағаннан кейін Эпосан препаратын көктамыр ішіне енгізеді.

Жеңіл дәрежелі анемиясы бар, >4 бірлік қан тапсыру талап етілетін пациенттерге (гематокриттің 33-39% деңгейінде), хирургиялық араласымға дейін 3 апта бойына аптасына 2 рет Эпосан препаратымен дене салмағына қарай 600ХБ/кг дозада ем жүргізу керек.

Эпосан қабылдайтын барлық пациенттерге барлық ем курсы бойына қосымша темір препаратын (ішке тәулігіне 200 мг дозада) тағайындау керек.

Эпосан препаратымен ем бастағанға дейін мүмкіндігінше ертерек, темірдің жоғары концентрациясын туындату үшін аутологиялық қан жинауды бастар алдында бірнеше апта бұрын темір препаратын қабылдауды тағайындау керек.

Аутологиялық қан дайындау бағдарламасына қатыспайтын, операция алдындағы және операциядан кейінгі кезеңдегі ересек пациенттер

Тері астына енгізу жолын пайдалану керек. Эпосан препаратының операция алдында үш апта бойына (21, 14 және 7 күндері) апта сайынғы және операция күнгі енгізілетін дозасының ұсынылатын сызбасы -600 ХБ/кг.

Операция жүргізгенге дейінгі уақытты үш аптадан азға азайту медициналық тұрғыда қажет болған жағдайда операцияға дейін бірізді 10 күн бойына, операция күні және операциядан кейін 4 күн бойына 300 ХБ/кг дозадан енгізудің сызбасы ұсынылады. Гемоглобиннің  13 г/дл (8,1 ммоль/л) деңгейіне қол жеткізу үшін 300 ХБ/кг/тәулік доза ұсынылады. Егер гемоглобин деңгейі 15 г/дл, немесе одан жоғарыға жетсе, Эпосан препаратын енгізуді тоқтату керек және қосымша дозаларды енгізуге болмайды.

Енгізу тәсілі

Көктамырішілік инъекция: дозаның жалпы көлеміне қарай инъекция ұзақтығы 1-5 минутты құрайды. Гемодиализде диализ емшарасы уақытындағы диализ желісінің ыңғайлы көктамырлық порты арқылы болюстік инъекция қолданылуы мүмкін. Диализ емшарасы аяғында фистулалы ине арқылы жасалған инъекция балама ретінде жасалуы мүмкін, содан кейін инені тазарту және препараттың қан ағынына қанағаттандырарлықтай енгізілуін қамтамасыз ету үшін 9мг/мл (0,9%) натрий хлоридінің ерітіндісінің 10 мл енгізеді.

Препаратты көктамырішілік енгізуге тұмауға ұқсас синдром анықталған пациенттерге препаратты баяу енгізу ұсынылады.

Препаратты көктамырішілік инфузия түрінде енгізуге немесе оны басқа дәрілік заттармен араластыруға болмайды.

Тері астылық инъекция: бір енгізу орнына ең жоғары инъекция көлемін 1 мл арттыруға болмайды. Көп көлемде енгізен жағдайда инъекция енгізу орнының үлкен мөлшерін таңдау керек.

Инъекцияны аяқ-қолға және алдыңғы құрсақ қабырғасына жасау керек.

Егер Сіз өзіңіздің емдеуші дәрігеріңізден немесе медбикеңізден бұны жүргізуді үйренбесеңіз инъекцияны өз бетіңізше енгізуге болмайды.

Алдын ала толтырылған еккіш көмегімен препарат инъекциясын өз бетінше жүргізу жолы

1. Тоңазытқыштан еккішті алып шығыңыз. Ерітіндіні бөлме температурасына дейін жеткізу керек. Әдетте бұған 15-тен 30 минутқа дейінгі уақыт керек.

2. Еккіштегі дозаның дұрыстығын, сақтау мерзімін, зақымдануы жоқтығын, сондай-ақ ерітіндінің мөлдірлігін және оның мұздатып қатырылмағандығын тексеріңіз

3. Инъекция орнын таңдаңыз. Инъекция үшін ыңғайлы орын жамбастың жоғарғы аумағы және алдыңғы құрсақ қабырғасы болып табылады, тек кіндік маңы аумағына жасауға болмайды. Инъекция орнын күн сайын кезекпен алмастырыңыз.

4. Қолыңызды жуыңыз. Инъекцияның орнын оны дезинфекциялауға арналған антисептикті тампонмен тазалаңыз.

5. Еккіштің корпусын ұстап тұрып және қаптаманы бұрамай тарта отырып, еккіштің қаптамасын шешіңіз. Поршеньді басуға инеге жанасуға немесе еккішті сілкуге тыйым салынады.

6. Қолдың бас бармағы және сұқ саусағы арасында теріні қатпарға жинаңыз. Оны тартпаңыз.

7. Инені толық енгізіңіз.

8. Қан тамырларының тесілу ықтималдығын анықтаңыз. Поршеньді сәл кейін тартыңыз. Егер еккішке қан жиналса инені шығарыңыз және инъекцияны басқа орында жасап көріңіз.

9. Барлық ерітіндіні инъекциялау үшін поршеньді түбіне дейін басыңыз. Оны тері қатпарын қысып тұруды жалғастыра отырып, күштемей және біркелкі басыңыз. Иненің қорғаныш құрылғысы толық доза енгізілгенге дейін белсендірілмейді.

10. Поршеньді ең жоғары болжамды қозғап, инені шығарыңыз және тері қыртысын жазыңыз.

11. Бас бармақты поршеньнен алыңыз. Иненің қорғаныш қондырмасымен толық жабылып тұрғанша қозғалуына мүмкіндік беріңіз.

12. Ол аяқталғаннан кейін антисептикпен тампонды инъекция орнына бірнеше секунд басып ұстаңыз.

13. Пайдаланған еккішті қауіпсіз контейнерге тастаңыз.

Әр еккіштен бір дозадан ғана пайдаланыңыз. Егер инъекциядан кейін еккіште ерітінді қалса, бәрібір еккішті тастау керек, оны қайталап пайдалануға болмайды.

Бұл препарат тек бір рет қолдануға арналған.

Сілкуге болмайды!

Эпосан препаратын егер төмендегі жағдайлар болса пайдалануға болмайды:

- блистердің тұтастығы бұзылуында;

- ерітінді боялса немесе ерітіндіде жүзінді бөлшектер анықталса;

- сұйықтықтың қандай да бір мөлшері еккіштен ағып кетсе немесе дәнекерленген блистер ішінде қалдық көрініп тұрса;

- егер препарат кездейсоқ мұздатып қатырылса.

Жағымсыз әсерлері

Эпосан препаратымен ем кезінде артериялық қысымның дозаға тәуелді жоғарылауы немесе бұрыннан бар артериялық гипертензия ағымы нашарлауы жиірек бақыланады. Артериялық қысымға мониторинг, көбіне ем басында қажет. Клиникалық зерттеулер кезінде диарея, жүрек айнуы, құсу, гипертермия және бас ауруы жиірек кездесті. Сондай-ақ тұмауға ұқсас жай-күйлер, әсіресе ем басында анықталған.

Диализде жүрген, бүйрек жеткіліксіздігі бар ересек пациенттерде жоғарғы тыныс алу жолдары тарапынан іркілісті құбылыстар, мұрын қойнауларының бітелуі, назофарингит байқалуы мүмкін. Сондай-ақ тамырдағы тромбоэмболия жағдайларының жоғарылауы анықталды.

Төменде пациенттерде бақыланған жағымсыз реакциялар көрсетілген. Жағымсыз реакциялардың жиілігі келесі түрде жіктелген: өте жиі (≥1/10), жиі (≥1/100, <1/10), жиі емес (≥1/1000, <1/100), жиілігі белгісіз.

өте жиі

- диарея, жүрек айнуы, құсу

- қызба

- бас ауруы

жиі

- артериялық, көктамырлық тромбоз4

- гипертензия

- жөтел

- тері бөртпесі

- артралгия, миалгия, сүйектердегі, аяқ-қол ауырулары

- қалтырау

- тұмауға ұқсас жай-күйлер

- инъекция орнындағы реакция

- шеткергі ісінулер

Жиі емес

- гиперкалиемия2

- құрысулар

- жоғарғы тыныс алу жолдарының іркілісті құбылыстары

Өте сирек

- тромбоцитемия1

Жиілігі белгісіз

- эритропоэтинді антиденелер арқылы болатын парциальді қызыл жасушалы аплазия1,4,

- анафилаксиялық реакция4

- жоғары сезімталдық4

- гипертониялық криз4

- ангионевротикалық ісіну4, есекжем4

- порфирия4

- емнің тиімсіздігі4

1 Тіркеуден кейінгі зерттеулер барысында және өздігінен болған мәлімдеулерден анықталған

2 Әдетте диализдегі

3 Терең көктамырлар тромбозы, өкпе эмболиясы, торқабық тромбозы, артериялық тромбоз (миокард инфарктісін қоса), инсульт (оның ішінде церебральді инфаркт/миға қан құйылуы), транзиторлық ишемиялық шабуылдар және шунттың тромбозы (диализге арналған жабдықтарды қоса) және аневризмді артериякөктамырлық шунттау шегіндегі тромбоз сияқты артериялық және көктамырлық, өлім жағдайымен/ өлім жағдайынсыз аяқталуларды қоса

4 Төмендегі қосалқы бөлімдерде және/немесе «Айрықша нұсқаулар» бөлімінде көрсетілгендерге қатысты .

Жеке-дара жағымсыз реакциялар сипаттамасы

Бөртпе түріндегі аллергиялық реакциялардың (есекжемді қоса), анафилаксиялық реакциялардың, ангионевротикалық ісінудің жеке-дара жағдайлары.

Айрықша нұсқаулар

Эпоэтин альфамен бірнеше айдан бірнеше жылға дейін емделудегі пациенттер арасында эритропоэтинді антиденелер арқылы парциальді қызыл жасушалы аплазия өте сирек анықталды (жылына <1/10 000 жағдайлар).

Гемодиализдегі созылмалы бүйрек жеткіліксіздігі бар балалар популяциясы

Гемодиализдегі созылмалы бүйрек жеткіліксіздігі бар науқас балаларды зерттеу тәжірибесі шектеулі.

Қолдануға болмайтын жағдайлар

- препарат құрамына кіретін әсер етуші және қосымша заттарға жоғары сезімталдық

- эритропоэтинмен емнен кейін туындайтын парциальді қызыл жасушалы аплазия (ПҚЖА)

- бақыланбайтын артериялық гипертензия

- тромбоз профилактикасы үшін қандай да бір себептермен тиімді ем қабылдай алмайтын пациенттер

- жоспарлы ем алдындағы 1 ай ішінде болатын миокард инфаркті немесе инсульт; тұрақсыз стенокардия; сыртартқысында терең көктамырлардың тромбозы және тромбоэмболиялық аурулар қаупі жоғары пациенттер (аутологиялық қан құюдың жоғары тиімділігі аясында)

Дәрілермен өзара әрекеттесуі

Эритропоэтинмен емнің басқа дәрілік заттардың метаболизмін өзгертуін растайтын деректер жоқ.

Алайда циклоспорин эритроциттермен байланысты болғандықтан басқа дәрілік заттармен өзара әрекеттесу ықтималдығы бар. Эритропоэтинді циклоспоринмен бір мезгілде қолданғанда, қандағы циклоспорин деңгейі көрсетілімдерінің мониторингін жүргізу керек, сондай-ақ гематокрит жоғарылауына қарай циклоспорин дозасын түзету керек.

Эпоэтин зета және гранулоцитарлық колония стимуляциялаушы фактордың (Г-КСФ) немесе гранулоцитарлық-моноцитарлық колония стимуляциялаушы фактордың (ГМ-КСФ) арасында өзара әрекеттесулер туралы деректер жоқ.

Айрықша нұсқаулар

Эпосанмен ем барысында артериялық қысым жоғарылауы мүмкін. Артериялық қысымға мұқият мониторинг жасау және бұрын эпоэтинмен ем қабылдамаған барлық пациенттерді, сондай-ақ бұрын Эпосанмен ем қабылдағанға дейін, басында және ем барысында да пациенттерде талапқа сай бақылау талап етіледі. Гипертензияға қарсы емді бастау немесе күшейту талап етілуі мүмкін. Егер артериялық қысымды тиісті деңгейде бақылау мүмкін болмаса, Эпосанмен емді тоқтату талап етіледі.

Эпоэтин препаратын эпилепсиясы және созылмалы бауыр жеткіліксіздігі бар пациенттерде сақтықпен қабылдау керек. Эпоэтинмен ем уақытында қалыпты диапазон шегінде тромбоциттер санының орташа дозаға тәуелді артуы бақылануы мүмкін. Емді жалғастыру үдерісінде тромбоциттер саны регрессияға ұшырайды. Емнің бастапқы 8 аптасы ішінде тромбоциттер санына ұдайы мониторинг жүргізу ұсынылады. Эпосанмен емді бастағанға дейін және емі уақытында бар-жоғын анықтау талап етілетін анемияның (темір тапшылығы, гемолиз, қан жоғалту, В12 витамині немесе фолий қышқылының тапшылығы ) басқа да болжамды себептерін ескеру керек. Көп жағдайларда қан сарысуындағы ферритин деңгейінің мәні шөккен эритроциттер көлемі артуымен бір мезгілде төмендейді. Эпоэтинге оңтайлы жауапқа кепіл болуы үшін темірдің талапқа сай қорын қамтамасыз ету керек:

- қан сарысуындағы ферритин деңгейі 100 нг/мл төмен, созылмалы бүйрек жеткіліксіздігі бар пациенттерге мысалы күніне ішу арқылы 200-300 мг (балаларға күніне 100-200 мг) құрамында темір бар қоспалар ұсынылады.

- трансферриннің қанығуы 20% төмен, онкологиялық аурулары бар пациенттерге орнын басу үшін күніне ішу арқылы 200-300 мг темір ұсынылады.

Анемияның осыған ұқсас барлық аддитивтік факторлары ішінде сондай-ақ онкологиялық науқастарда эритропоэтин дозасын арттыруды шешкенде ерекше назар аударылып, ескерілуі тиіс. Гемоглобин көрсеткіші кенет төмендеп және ретикулоциттердің төмен көрсеткіштеріне байланысты ауыр анемия дамығанда эпоэтинмен емді дереу тоқтату және антиэритропоэтинді антидене бар болуына зерттеу жүргізу талап етіледі. Бір мезгілде эпоэтин қолданғанда интерферон және рибавирин қабылдаған науқастарда С гепатиті тіркелген жағдайлар болды. Эпоэтиндер С гепатитіне байланысты анемияны бақылау үшін мақұлданбаған.

Эритропоэз стимуляторларының (ESA) қадағалауын жақсарту үшін тағайындалған ESA стимуляторының атауы пациенттің ауру тарихына (медициналық картасына) түсінікті түрде жазылуы тиіс.

Операция жүргізу барысында әркез қан кетуді болдырмаудың тиісті қағидаттарына сүйену керек.

Созылмалы бүйрек жеткіліксіздігі (СБЖ) бар пациенттер

Қолдану тәсілі және дозалары

Гемоглобин концентрациясын тұрақты деңгейге қол жеткенше үнемі, сондай-ақ артынан мезгіл-мезгіл бақылау керек.

Гипертензия дамуының немесе нашарлауы қаупін өте азға жеткізу үшін гемоглобин артуының жылдамдығы айына шамамен 1г/дл (0,62ммоль/л) құрауы тиіс және айына 2г/дл (1,25 ммоль/л) аспауы тиіс.

Эпосан препаратын тері астына қабылдайтын, СБЖ бар пациенттерге әсерінің азаюына үнемі мониторинг жүргізу керек, бұл бұрын осы емге жауап болған Эпосан еміне жауап болмауымен, сондай-ақ төмендеуімен анықталады; бұл клиникалық түрде Эпосан дозасы артуына қарамастан, гемоглобиннің тұрақты төмендеуімен білінеді.

Ем бастағанға дейін анемия (темірдің, В12 витамині немесе фолий қышқылының тапшылығы; алюминиймен уыттану, интеркуррентті инфекциялар; қабыну немесе жарақаттану эпизодтары; жасырын қан кетулер; гемолиз, кез келген шығу тектегі сүйек кемігі фиброзы) туындауының басқа да себептерін жоққа шығару керек.

Эпоэтинді тері астына енгізгенде СБЖ бар пациенттерде Парциальді қызыл жасушалы аплазия (ПҚЖА) жағдайлары өте сирек анықталды.

Пациенттерде трансфузия қажеттілігі артуымен бірге, гемоглобин (айына 1-2г/дл) төмендеуімен анықталған кенеттен жауап жетімсіздігі дамығанда ретикулоциттер көрсеткішін алу керек және жауап болмауының болжамды себебін (мысалы, темірдің, В12 витамині немесе фолий қышқылының тапшылығы, алюминиймен уыттану, инфекция немесе қабыну, қан жоғалту және гемолиз) анықтау керек. Егер себебі анықталмаса, ПҚЖА диагностикалағанда сүйек кемігін зерттеу расталды деп саналады.

ПҚЖА диагностикалағанда Эпосанмен ем дереу тоқтатылуы және эпоэтинге антидене анықтау тағайындалуы тиіс. Науқастарды қандай да бір басқа дәрілік заттармен емге ауыстыруға болмайды, өйткені антиэритропоэтинді антидене басқа эритропоэтиндермен айқаспалы реакция береді. ПҚЖА басқа себептерін жоққа шығару керек және тиісінше ем бастау керек.

СБЖ бар пациенттерде болжамды жауап жеткіліксіздігі дамуын анықтау үшін ретикулоциттер көрсеткіштерінің үнемі мониторингін жүргізу ұсынылады.

Жеке-дара жағдайларда гиперкалемия анықталды. СБЖ бар пациенттерде анемияны түзету тәбет артуына, сондай-ақ калий және ақуыздың болуына әкелуі мүмкін. Мочевина, креатинин және калийдің қажетті көрсеткіштерін ұстап тұру мақсатында мезгіл-мезгіл диализ жүргізу сызбасын түзету керек. СБЖ бар пациенттерде сарысудағы электролиттер құрамына мониторинг жүргізу керек. Сарысудағы калийдің деңгейі жоғарылығы (немесе жоғарылап келе жатқан) анықталғанда калий деңгейі қалыпқа келгенше эпоэтинмен емді тоқтату дұрыстығын бағалау керек.

Көбіне эпоэтинмен емдеу курсы кезінде гемодиализде гепарин дозасын ұлғайту, соның салдарынан шөккен эритроциттер көлемі артуы талап етіледі. Егер гепаринизация оңтайлы болмаса, диализ жүйесінің окклюзиясы болуы мүмкін.

Қолда бар ақпараттар негізінде, осыған дейін диализ алмаған, анемияны бүйрек жеткіліксіздігі бар ересек пациенттерде эритропоэтинмен түзету бүйрек жеткіліксіздігінің үдеу жылдамдығын жеделдетпейді.

Химиотерапия курсын өтіп жүрген, симптоматикалық анемиясы бар ересек онкологиялық науқастар

Химиотерапия қабылдаушы онкологиялық науқастар да Эпосанмен емнің дұрыстығын бағалауда (пациент үшін қан құюдың қаупі) эпоэтинмен стимуляция аясында эпоэтин енгізуден кейінгі 2-3 аптада эритроциттер түзілгенге дейінгі іркілуді ескеру керек.

Тромбоздық құбылыстар даму қаупін өте аз ету мақсатында гемоглобин деңгейін және оның рұқсат етілетін көрсеткіштер шегінде арту жылдамдығын бақылау керек.

Эритропоэтинді препараттар қабылдайтын онкологиялық науқастарда

тромбоздық тамырлық асқынулар (ТТА) жиілігі артуы анықталуына байланысты бұл қауіпті емнен алу керек пайдасына қатысты, әсіресе тромбоздық тамырлық асқынулардың семіздік сияқты жоғары қаупі бар онкологиялық науқастарда, сондай-ақ сыртартқысында ТТА бар пациенттерде (мысалы, терең көктамырлар тромбозы немесе өкпе эмболиясы) мұқият таразылау керек.

Хирургиялық аралсым алдында аутологиялық қан жинаудағы ересек пациенттер

Аутологиялық қан жинау бағдарламасына байланысты, әсіресе ұдайы қан толтыруда ұстанылатын барлық ерекше нұсқаулар мен сақтық шаралары сақталуы керек.

Эпоэтиндер өсу факторы болып табылады, ол негізінен эритроциттер түзілуін стимуляциялайды. Эритропоэтинге рецепторлар әртүрлі типтегі ісік жасушалары беткейінде болуы мүмкін.

Басқа да өсу факторлары сияқты, эпоэтиндердің ісік өсуін стимуляциялауы мүмкіндігіне күдік бар. Бақыланатын клиникалық зерттеулерде басқа эпоэтиндерді қолдану мынаны көрсетті:

  • гемоглобин деңгейі 12-14 г/дл (7,5-8,7 ммоль/л) астамға қол жеткенде сәулемен ем қабылдайтын, тереңдеп кеткен бас және мойын обыры бар пациенттердегі локорегионарлық бақылау төмендеуі;

  • жалпы өміршеңдікті арттырмайды және гемоглобин деңгейі 12-14 г/дл (7,5-8,7 ммоль/л) жеткенде, химиотерапия қабылдайтын метастаздалатын сүт безінің обыры бар пациенттерде 4 ай емнен кейін ауру үдеуіне байланысты өлім жағдайын азайтпайды;

  • химиотерапияны да қабылдамайтын, сәулемен ем де қабылдамайтын, белсенді қатерлі ауруы бар пациенттерде мақсатты гемоглобин 12 г/дл (7,5 ммоль/л) жеткенде өлім қаупі жоғары. Эритропоэз стимуляторлары бұл популяция пациенттеріне қолдану үшін ұсынылмайды.

Рекомбинантты эритропоэтин препаратын енгізу туралы шешім нақты пациент қатыстырылып, пайда/қауіп арақатынасын бағалау негізінде қабылдануы тиіс және нақты клиникалық жағдай ескерілуі тиіс. Бұндай бағалауларда қарастырылуы тиіс факторларға мыналар жатады: ісіктің типі және сатысы; анемия ауырлығының дәрежесі; күтілетін өмір ұзақтығы; пациенттің ем қабылдау жағдайлары.

Бұл дәрілік заттың құрамында фенилаланин бар, бұл фенилкетонуриядан зардап шегетін адамдар үшін қауіпті болуы мүмкін.

Бұл дәрілік заттың дозасы құрамында натрий 1 ммоль (23мг) аз, атап айтқанда «натрийсіз».

Жүктілік және лактация кезеңі

Препаратты жүкті әйелдерде және бала емізетін әйелдерде қолданудың қауіпсіздігі бойынша тиісті бақыланатын зерттеулер жүргізілмеген. Жануарларға зерттеулер нәтижесі бойынша репродуктивтік уыттылығы анықталды. Эпоэтиннің емшек сүтіне экзогендік экскрециялануын растайтын деректер жоқ. Сондықтан жүктілік кезінде созылмалы бүйрек жеткіліксіздігі бар пациенттерге эритропоэтинді егер анасы үшін болжамды пайдасы ұрық үшін қаупінен елеулі артық болса ғана қолдану керек.

Көлік құралын немесе қауіптілігі зор механизмдерді басқару қабілетіне әсері

Автокөлік жүргізуге және механизмдерді басқару қабілетіне әсер етпейді немесе елеусіз әсер етеді.

Артық дозалануы

Препараттың емдік диапазоны кең. Артық дозаланғанда гликопротеиннің фармакологиялық әсері білінуінің аз дәрежесін көрсететін (гемоглобин немесе гематокрит концентрациясы жоғарылауы) симптомдар туындауы мүмкін. Гемоглобиннің немесе гематокриттің аса жоғары деңгейінде флеботомия қолданылуы мүмкін. Қажет болғанда симптоматикалық ем тағайындалады.

Шығарылу түрі және қаптамасы

Резеңке қалпақшамен жабылған, бекітілген болаттан жасалған инесі, ПТФЭ жабынды бромбутил резеңкеден жасалған еккіштің поршеньге енуін шектегіші бар I типті шыны еккіште 0.3 мл, 0.4 мл, 0.6 мл немесе 1.0 мл ерітіндіден.

1 еккіштен термофольгадан жасалған пішінді ұяшықты қаптамаға салынған.

1000 ХБ/0.3 мл; 2000 ХБ /0.6 мл; 4000 ХБ /0.4 мл; 6000 ХБ /0.6 мл; 10 000 ХБ / 1 мл дозалары үшін 1 немесе 6 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

40 000 ХБ /1 мл доза үшін 1 немесе 4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

20С-ден 80С-ге дейінгі температурада. Мұздатып қатыруға болмайды.

Түпнұсқалық қаптамасында, жарықтан қорғалған жерде сақтау керек.

Балалардың қолы жетпейтін жерде сақтау керек.

Сақтау мерзімі

30 ай

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/қаптаушы

ROVI Contract Manufacturing, S.L., Мадрид, Испания

STADA Arzneimittel AG келісім-шарт бойынша, Германия

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы, Шымкент қ., Рашидов к-сі, 81,

Телефон нөмірі +7 7252 (561342) Факс нөмірі +7 7252 (561342)

Электронды поштасы: infomed@santo.kz

Қазақстан Республикасы аумағында дәрілік заттың қауіпсіздігіне тіркеуден кейінгі бақылауға жауапты ұйымның атауы, мекенжайы

«Химфарм» АҚ, Қазақстан Республикасы, Шымкент қ., Рашидов к-сі, 81,

Телефон нөмірі +7 7252 (561342) Факс нөмірі +7 7252 (561342)

Электронды поштасы: infomed@santo.kz

Прикрепленные файлы

031506021477976205_ru.doc 99.47 кб
431251211477977450_kz.doc 197.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники