Цинепар Экстра

МНН: Парацетамол
Производитель: Марион Биотек Пвт. Лтд
Анатомо-терапевтическо-химическая классификация: Парацетамол в комбинации с другими препаратами (исключая психолептики)
Номер регистрации в РК: № РК-ЛС-5№021602
Информация о регистрации в РК: 02.03.2021 - бессрочно

Инструкция

Саудалық атауы

Цинепар Экстра

Халықаралық патенттелмеген атауы

Жоқ

Дәрілік түрі, дозасы

Таблеткалар

Фармакотерапиялық тобы

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол, біріктірілімдері, психолептиктерді қоспағанда.

АТХ коды N02BE51

Қолданылуы

Симптоматикалық емдеу: бас ауыруын, бас сақинасын, тіс ауыруын, невралгияны, тіс жұлғаннан кейінгі ауыруды, буын мен бұлшықеттің ауыруын, бел ауыруын, баспа кезінде тамақтың ауыруын, ауырып өтетін етеккірде және жоғары температурада.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- ацетаминофенге, кофеинге немесе препараттың басқа ингредиенттеріне жоғары сезімталдық

- бауыр немесе бүйрек функциясының айқын бұзылулары

- глюкозо-6-фосфат дегидрогеназаның генетикалық болмауы

- қан аурулары

- елеулі артериялық гипертензия, атеросклероздың айқын құбылыстары, ауыр жүрек-қантамырлық аурулары

- жүктілік және бала емізу кезеңі

- глаукома

- ұйқының бұзылуы

- қант диабеті

- 12 жасқа дейінгі балалар

Қолдану кезінде қажетті сақтық шаралары

- Жильбер синдромында (конституциялық гипербилирубинемия) сақтықпен қолдану керек

Басқа дәрілік препараттармен өзара әрекеттесуі

Колестираминмен бір мезгілде қолданғанда Цинепар Экстра препаратының сіңірілуі төмендейді.

Варфарин мен басқа кумариндердің антикоагулянттық әсері қан кету қаупі жоғары парацетамолды ұзақ уақыт тұрақты күнделікті қолданғанда күшеюі мүмкін.

Бауырдың микросомальді тотығу индукторлары (барбитураттар, фенитоин, этанол, рифампицин, фенилбутазон, трициклді антидепрессанттар) дозаланғанда гепатоуытты әсер ету қаупін арттырады. Микросомальді тотығу тежегіштері (циметидин) гепатоуытты әсер ету қаупін төмендетеді. Ацетоминофеннің әсерінен хлорамфениколдың шығарылу уақыты 5 есе артады.

Ацетаминофен қабылдаған кезде зидовудиннің белсенділігі төмендеуі мүмкін.

Ацетаминофен антибиотиктердің организмнен шығарылуын баяулатады.

Тетрациклин ацетаминофенді қолданғанда анемияның, метгемоглобинемияның даму қаупін арттырады.

Кофеин эрготаминнің сіңуін тездетеді.

Парацетамол мен алкогольді ішімдіктерді бір мезгілде қабылдау гепатоуытты әсерлер мен жедел панкреатиттің даму қаупін арттырады. Метоклопрамид пен домперидон жоғарылайды, ал колестирамин парацетамолдың сіңу жылдамдығын төмендетеді. Препарат урикозуриялық препараттардың тиімділігін төмендетуі мүмкін. Темекі шегушілерде препараттың шығарылуы жоғарылайды.

Арнайы ескертулер

Препарат егде жастағы, әлсіреген науқастарға, бауыр мен бүйрек функциясы бұзылған пациенттерге сақтықпен тағайындалады.

Препаратты бүйрек немесе бауыр жеткіліксіздігі бар пациенттерге тағайындаған кезде сақтық таныту ұсынылады. Алкогольді бауыр фиброзына шалдыққан адамдарда артық дозалану қаупі жоғары.

Кофеинді шамадан тыс тұтынудан аулақ болу керек (мысалы, кофе, шәй және кейбір консервіленген сусындар).

Көрсетілген дозадан асыруға болмайды.

Егер бас ауыруы тұрақты болып қалса, пациенттерге дәрігермен кеңесу керек.

Құрамында парацетамол бар басқа дәрілік заттарды бір мезгілде қабылдауға болмайды.

Препаратты қолданған кезде алкогольдік ішімдіктерді тұтынуға болмайды.

Жоғары дозаларда ұзақ уақыт қолданғанда бауыр мен бүйрек функциясының бұзылу ықтималдығы артады (бүйрек коликасы, спецификалық емес бактериурия, интерстициальді нефрит, папиллярлық некроз) және қан көрінісін бақылау қажет.

Педиатрияда қолдану

12 жасқа дейінгі балаларда қолдануға болмайды.

Жүктілік немесе лактация кезінде

Жүктілік

Цинепар Экстра жүктілік кезінде ұрықтың салмағын жоғалту және кофеиннің әсерімен байланысты түсіктің өздігінен түсу қаупінің жоғарылауына байланысты қолданылмайды.

Бала емізу

Емшек сүтіндегі кофеин еметін нәрестелерге әсер етуі мүмкін. Лактация кезінде Цинепар Экстраны қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын және қауіптілігі зор механизмдерді басқару қабілетіне әсер етпейді.

Қолдану бойынша ұсынымдар

Дозалау режимі

Ересектер (қарттарды қоса алғанда) мен 16 жастағы және одан үлкен балалар:

күніне төрт ретке дейін екі таблетка. Доза әрбір 4 сағаттан жиі қайталанбауы керек.

Ең жоғары тәуліктік доза: 24 сағат ішінде 8 таблеткадан асырмай.

Препаратты бес күннен артық ауырсынуды басатын дәрі ретінде және үш күннен артық ыстықты түсіретін дәрі ретінде дәрігердің тағайындауынсыз және қадағалауынсыз қолдану ұсынылмайды.

Егер жеткілікті емдік әсер болмаса, сондай-ақ жаңа симптомдар пайда болса, дәрігермен кеңесіңіз.

Балалар

12-15 жастағы балаларға: күніне төрт ретке дейін бір таблеткадан. Доза әрбір 4 сағаттан жиі қолданылмауы керек.

Ең жоғары тәуліктік доза: 24 сағат ішінде 4 таблетка.

12 жасқа дейінгі балаларға қолданылмайды.

Енгізу әдісі мен жолы

Ішке қолданылады.

Емдеу ұзақтығы

Емдеу ұзақтығы орта есеппен 3-5 күн.

Артық дозалану жағдайында қабылдануы қажет шаралар

Парацетамол

Бауырдың зақымдануы 10 г немесе одан да көп парацетамол қабылдаған ересектерде мүмкін. Егер пациентте қауіп факторлары болса, 5 г немесе одан да көп парацетамолды қабылдау бауырдың зақымдалуына әкеп соғуы мүмкін

Қауіп факторлары

Егер пациент:

а) карбамазепинмен, фенобарбитонмен, фенитоинмен, примидонмен, рифампицинмен, шайқурай немесе басқа дәрілік заттармен ұзақ уақыт емделуде болса

б) этанолды ұсынылған мөлшерден тыс үнемі тұтынатын болса

c) ас қорыту бұзылыстары, муковисцидоз, адамның иммун тапшылығы вирусы, ашығу, кахексия

Симптомдары

Алғашқы 24 сағат ішінде парацетамолдың артық дозалануының симптомдары - бозару, жүрек айну, құсу, анорексия және іштің ауыруы. Бауырдың зақымдануы қабылдағаннан кейін 12-48 сағаттан кейін пайда болуы мүмкін. Глюкоза алмасуының бұзылуы және метаболизмдік ацидоз пайда болуы мүмкін. Ауыр улану кезінде бауыр жеткіліксіздігі энцефалопатияға, қан кетуге, гипогликемияға, ми ісінуіне және өлімге әкелуі мүмкін. Гематуриямен және протеинуриямен, белдің ауыруымен нақты болжанатын жедел өзекшелік некрозбен астасқан жедел бүйрек жеткіліксіздігі бауырдың ауыр зақымдануы болмаса да дамуы мүмкін. Жүрек аритмиясы және панкреатит туралы хабарланды.

Емдеу

Парацетамолмен артық дозаланғанда дереу емдеу өте маңызды. Маңызды ерте симптомдарының болмауына қарамастан, пациенттерді шұғыл медициналық көмек алу үшін ауруханаға жедел жіберу керек. Симптомдар жүрек айнуымен немесе құсумен шектелуі мүмкін және артық дозаланудың ауырлығын немесе ағзаның зақымдану қаупін көрсетпеуі мүмкін. Емдеу белгіленген емдеу нұсқаулықтарының қағидаттарына сәйкес жүргізілуі керек.

Егер артық дозалану 1 сағат ішінде орын алса, белсендірілген көмірмен өңдеуді қарастыру керек. Плазмадағы парацетамолдың концентрациясы қабылдағаннан кейін 4 сағаттан соң немесе кейінірек өлшенуі керек (анағұрлым ерте концентрациялар сенімсіз). N-ацетилцистеинмен емдеуді парацетамолды қабылдағаннан кейін 24 сағатқа дейін қолдануға болады, алайда ең жоғары қорғаныс әсеріне 8 сағаттан кейін қол жеткізіледі. Осы уақыттан кейін антидоттың тиімділігі күрт төмендейді. Қажет болған жағдайда пациент белгіленген дозалау кестесіне сәйкес N-ацетилцистеинді вена ішіне алуы тиіс. Егер құсу кінәрат туындатпаса, оральді метионин ауруханадан тыс орналасқан шалғай аудандар үшін қолайлы балама бола алады. Ауыр бауыр дисфункциясы бар пациенттерді тамақтанудан кейін 24 сағат бойы жүргізу NPIS немесе бауыр бөлімімен талқылануы керек.

Кофеин

Симптомдары: кофеиннің артық дозалануы эпигастрий аймағындағы ауырсынуға, құсу, диурез, тахикардия немесе жүрек аритмиясына, орталық жүйке жүйесін стимуляциялауға (ұйқысыздық, мазасыздық, қозу, жүйке, тремор және құрысулар) әкелуі мүмкін.

Айта кету керек, осы өніммен кофеиннің артық дозалануының клиникалық маңызды симптомдары үшін сіңірілген мөлшер парацетамолмен байланысты елеулі уыттылықпен байланысты болады.

Емі: пациенттер жалпы демеуші ем қабылдауы тиіс (мысалы, өмірлік маңызды функцияларды демеу). Белсендірілген көмірді енгізу артық дозаланғаннан кейін бір сағат ішінде, бірақ артық дозаланғаннан кейін төрт сағаттан кешіктірмей қолданған кезде пайдалы болуы мүмкін. Орталық жүйке жүйесіне артық дозаланудың әсерін венашілік тыныштандыратын препараттардың көмегімен емдеуге болады.

Түйіндеме

Артық дозалануды емдеу антидоттармен емдеу үшін плазмадағы парацетамол деңгейін бағалауды қажет етеді, ал кофеин уыттылығының симптомдары мен белгілері симптоматикалық түрде емделеді.

Дәрілік препаратты қолдану тәсілін түсіндіру үшін медицина қызметкерінен кеңес алу үшін жүгіну бойынша ұсынымдар

Дәрілік препаратты қолдану тәсілін түсіндіру үшін медициналық қызметкерден кеңес алыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болғанда)

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес.

Парацетамол

Қан жүйесінің бұзылуы

Өте сирек: тромбоцитопения, агранулоцитоз,

Иммундық жүйенің бұзылуы

Өте сирек: анафилаксия, тері бөртпесін, ангионевроздық ісінуді және Стивенс-Джонсон синдромын, уытты эпидермальді некролизді қоса алғанда, аса жоғары сезімталдықтың тері реакциялары

Тыныс алу жүйесінің бұзылуы

Өте сирек: бронх түйілуі (парацетамолмен бронх түйілу жағдайлары, бірақ олар аспиринге немесе басқа ҚҚСП-ке сезімтал демікпемен ауыратындарда жиі кездеседі)

Гепатобилиарлық бұзылулар

Өте сирек: бауыр дисфункциясы

Кофеин

Орталық жүйке жүйесінің бұзылуы

Өте сирек: күйгелектік, бас айналу.

Цинепар Экстра дәрілік препаратының ұсынылатын дозалау режимі кофеинді тағамдық тұтынумен біріктірілген кезде нәтижесінде алынатын кофеиннің анағұрлым жоғары дозасы ұйқысыздық, мазасыздық, ашушаңдық, бас ауыруы, асқазан-ішек аурулары және жүректің жиі соғуы сияқты кофеинмен байланысты жағымсыз әсерлердің ықтималдығын арттыруы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: ацетаминофен (парацетамол) 500 мг,

кофеин 65 мг.

қосымша заттар: микрокристалды целлюлоза, жүгері крахмалы, магний стеараты, тазартылған тальк, повидон К-30, натрий кросскармеллозасы, натрий крахмалы гликоляты, сусыз коллоидты кремнийдің қостотығы, жүгері крахмалы (пастаға арналған).

Сыртқы түрінің, иісінің, дәмінің сипаттамасы

Дөңгелек пішінді, бір жағында сызығы бар ақ түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

10 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

Сақтау мерзімі

4 жыл.

Жарамдылық мерзімі өткеннен кейін қолдануға болмайды.

Сақтау шарттары

25°С-ден аспайтын температурада сақтау керек

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«Марион Биотек Пвт.Лтд.»

Б-49, Сектор-67, Нойда, Үндістан

тел/факс- +91-120-2484621-23

электронды пошта: info@marionbiotech.com

Тіркеу куәлігінің ұстаушысы

«Марион Биотек Пвт.Лтд.»

Б-49, Сектор-67, Нойда, Үндістан

тел/факс- +91-120-2484621-23

электронды пошта: info@marionbiotech.com

Қазақстан Республикасы аумағында тұтынушылардан дәрілік заттар сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Спектрамакс» ЖШС

Қазақстан Республикасы, Алматы қ., Сейфуллин даңғ. 458-460/95, 312 кеңсе

Телефон/факс нөмірі +7(727) 344-94-37 (8)

Электронды поштасы: kz@quramax.com

Прикрепленные файлы

Цинепар_Экстра_каз.docx 0.05 кб
Цинепар_Экстра_рус.docx 0.05 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники