Фенадол®

МНН: Этофенамат
Производитель: Abdi Ibrahim
Анатомо-терапевтическо-химическая классификация: Etofenamate
Номер регистрации в РК: № РК-ЛС-5№005094
Информация о регистрации в РК: 11.08.2021 - 11.08.2031

Инструкция

Саудалық атауы

Фенадол®

Халықаралық патенттелмеген атауы

Этофенамат

Дәрілік түрі

40 г гель

Құрамы

1г гельдің құрамында

белсенді зат – 50 мг этофенамат

қосымша заттар: қарағай эссенциясы, эвкалипт майы 773791, эмульгин М-8, полиэтиленгликоль 400, карбопол 980, триэтаноламин, изопропил спирті, тазартылған су.

Сипаттамасы

Мөлдір, хош иісі бар ашық-сары түсті гель

Фармакотерапиялық тобы

Тірек-қимыл аппараты ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес препараттар. Этофенамат.

АТХ коды М02АА06

Фармакологиялық қасиеттері

Фармакокинетикасы

Циклооксигеназаны тежейді, арахидон қышқылынан ПГ биосинтезін бөгейді. Тері беткейінен ішінара сіңеді. Қанда ақуыздармен 98–99% байланысады. Биожетімділігі - 20% жуық. Бүйрек жеткіліксіздігі плазмадағы концентрацияға әсер етпейді.

Фармакодинамикасы

Сыртқа қолданған кезде гель түріндегі этофенаматтың жүйелі әсері жоқ, өйткені жүйелі қан ағымына сіңуі мардымсыз. Этофенамат қабынуға қарсы стероидты емес болғандықтан айқын ауруды басатын және ыстықты түсіретін әсер береді және қабынуға қарсы әлсіз әсері бар.

Әсер ету механизмі флуфенам қышқылының түзілуімен байланысты, ол циклооксигеназа ферментінің белсенділігін бәсеңдетеді. Қабыну патогенезіне, ауыру сезімі мен қызбаның пайда болуына әсер етеді. Ревматизм аурулары кезінде этофенаматтың қабынуға қарсы және ауыруды басатын әсері ауыру айқындылығын, таңертеңгілік қозғалыс бөгелісін, буындар домбығуын едәуір азайтуға ықпал етеді, бұл пациенттің функционалдық жағдайын жақсартады. Жарақаттарда ауыруды сезіну мен қабынбалы ісінулерді азайтады.

Қолданылуы

Мынадай ауыру синдромы кезінде:

- қаңқа-бұлшықет жүйесінің ауруларында (созылмалы ревматоидты артрит, фиброзит, иық буындарының ауырып баяу қозғалған кездегі бұлшықет құрысулары, люмбаго, шонданай жүйкесінің қабынуында, тендосиновитте, бурситте, омыртқа бағанының қабыну ауруларында (спондилоартрит немесе спондилоартроз))

- тірек-қимыл аппараты жарақаттарында (спорттық жарақаттар), соғып алуда, созылуларда.

Қолдану тәсілі мен дозалары

Жергілікті, ауыратын бөлікке күніне 2-3 рет. Зақымдану аумағына қарай, 5-10 см гельді (1,65-3,3 г) сығып шығарып, теріге жағу керек. Емдеу ұзақтығын дәрігер белгілейді. Теріге жаққан кезде, бастапқыда суықтық сезіледі.

Жағымсыз әсерлері

- аллергиялық реакциялар

- қызару

- бөрту

- күйдіру немесе қышыну

- дерматит.

Қолдануға болмайтын жағдайлар

- этофенаматқа және басқа да ҚҚСП-ға жоғары сезімталдық

- 6 жасқа дейінгі балалар

Дәрілермен өзара әрекеттесуі

Анықталмаған

Айрықша нұсқаулар

Препаратты ашық жараға және экземалық қабынуы бар тері аймағына қолдануға болмайды. Көзге және шырышты қабықтарға түсуінен сақтану керек.

Жүктілік және лактация

Жүктілік кезінде және лактация кезеңінде қолдану ұсынылмайды.

Дәрілік заттың көлік және қауіптілігі зор механизмдерді басқару қабілетіне әсер ету ерекшеліктері

Анықталмаған

Артық дозалануы

Симптомдары: бас ауыруы, бас айналуы.

Емі: гельді тері беткейінен сумен дереу жуып тастау қажет.

Шығарылу түрі мен қаптамасы

40 г препараттан полиэтилен бұрандалы қақпағы бар алюминий сықпаға салынады.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 250 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

«АBDI IBRAHIM» Стамбул, Түркия

Тіркеу куәлігінің иесі

«ABDI IBRAHIM», Түркия

Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85, электрондық пошта: info@aigp.kz

Прикрепленные файлы

842565911477975703_ru.doc 47 кб
501965561477977414_kz.doc 52.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники