Фасторик™
Инструкция
-
русский
-
қазақша
Саудалық атауы
ФасторикТМ
Халықаралық патенттелмеген атауы
Жоқ
Дәрілік түрі
Ішке қабылдау үшін ерітінді дайындауға арналған түйіршікті ұнтақ, 5 г
Құрамы
Бір пакеттің ішінде
белсенді заттар: парацетамол 500 мг, фенирамин малеаты 25 мг, С витамині (аскорбин қышқылы) 200 мг;
қосымша заттар: маннитол, натрий сахарині, аспартам, натрий кроскармеллозасы, кросповидон, повидон, Даниско Каптаром Н-13096 апельсин хош иістендіргіші, сары сансет Е 110.
Сипаттамасы
Ақтан ашық-қызғылт сары түске дейінгі, апельсин хош иісі бар сусымалы түйіршіктелген ұнтақ, сумен араластырғаннан кейін мөлдір немесе бұлыңғыр қызғылт сары түсті ерітінді болады.
Фармакотерапиялық тобы
Анальгетиктер. Басқа да анальгетиктер-антипиретиктер. Анилидтер.
Басқа да препараттармен біріктірілген парацетамол (психолептиктерді қоспағанда).
АТХ коды N02BE51
Фармакологиялық қасиеттері
Фармакокинетикасы
Парацетамол: асқазан-ішек жолдарынан жылдам сіңеді және организмнің барлық тіндеріне өтеді. Плазмадағы ең жоғары концентрациясына 30-60 мин кейін жетеді. Ақуыздармен байланысуы төмен. Бауырдағы метаболизмі глюкуронды және күкірт қышқылымен байланысты коньюгаттар түзілуімен жүреді, ол бүйрекпен 24 сағат ішінде шығарылады. Парацетамолдың елеусіз бөлігі цитохром Р450 қатысуымен глутатионмен қосылысқа түсетін метаболитке айналады және несеппен шығарылады. Артық дозаланғанда бұл метаболиттің мөлшері артады. Ауыр бүйрек жеткіліксіздігі жағдайында (креатинин клиренсі 10 мл/мин аз) парацетамол және оның метаболиттерінің шығарылуы баяулайды. Егде жастағы адамдарда конъюгацияға бейімділік өзгермейді.
Аскорбин қышқылы: ішекте тез сіңеді және организмнің барлық тіндеріне өтеді. Оның ішінде плацента арқылы жақсы өтеді және емшек сүтіне түседі. Тіндерде ішінара жиналады (әсіресе бүйрек үсті бездерінде). Cmax 4 сағаттан кейін жетеді. Плазма ақуыздарымен байланысу 25% жуықты құрайды. Егер оның организмге түсуі қажетті мөлшерден астам болса, артық шамасы несеппен шығарылады.
Фенирамин малеаты: ішке қабылдаудан кейін фенирамин малеаты асқазан-ішек жолдарынан сіңеді. Плазмалық концентрациясының шыңына 1-2,5 сағаттан кейін жетеді, жартылай шығарылу кезеңі 16-19 сағат шегінде. Препараттың плацентарлық бөгет арқылы, емшек сүтіне және жұлын-ми сұйықтығына өтетін-өтпейтіні белгісіз. Организмнен несеппен метаболиттер түрінде немесе өзгермеген түрде элиминацияланады (фенираминнің қабылданған дозасының шамамен 70-83% метаболизмдік реакцияларға ұшырамайды).
Фармакодинамикасы
Фасторик™ - біріктірілімдегі препарат. Суық тию ауруын емдеу кезіндегі кешенді емнің құрамында қолданылады. Гистаминді Н1-рецепторларын бөгей отырып, гистаминге қарсы әсерге ие, нәтижесінде ринорияны, жас ағуын және мұрын бітелуін азайтады. Сондай-ақ ауруды басатын және ыстықты түсіретін әсерге ие. Бас ауыру кезінде, тамақ және тұла бойдың ауыруы, қызба кезінде тиімді.
Қолданылуы
- аллергиялық құбылыстармен, қызбамен, бас ауыруымен, тамақтың және тұла бойдың ауыруымен, ринитпен, мұрынның бітелуімен қатар жүретін суық тию ауруларында
Қолдану тәсілі және дозалары
Ересектерге: күніне 1 пакеттен 2-3 рет.
Бір пакеттің ішіндегісін бір стақан жылы суда ерітіп, одан кейін араластырып ішу керек. Суық тиюді емдеу үшін препаратты аурудың алғашқы белгілері көрініс бере салысымен ертерек пайдаланған дұрыс. Молынан су ішу токсиндердің жылдам шығуына ықпал етеді. Қабылдау аралығы 4 сағаттан кем болмауы керек. Бүйрек функциясының бұзылуы бар науқастар үшін препаратты 8 сағаттық аралықпен пайдалану керек.
Ең жоғарғы бір реттік доза: 1 саше-пакет.
Ең жоғарғы тәуліктік доза: 4 саше-пакеттен артық емес.
Препаратты дәрігердің кеңесінсіз 5 күннен артық қолданбау керек.
Жағымсыз әсерлері
- тыныштандырғыш әсері немесе ұйқышылдық
- шырышты қабықтардың құрғауы
- іш қатуы
- аккомодация бұзылуы, мидриаз
- жиілеген жүрек қағуы
- несеп іркілу қаупі
- ортостатикалық гипотензия
- вертиго, қозғалыс координациясы бұзылуы
-діріл, сананың шатасуы, елестеулер, жадының немесе зейін қоюдың нашарлауы, көбіне егде жастағы емделушілерде
- аллергиялық реакциялар (эритема, қышыну, экзема, пурпура, есекжем,
Квинке ісінуі, анафилактикалық шок)
Сирек
- лейкоцитопения, нейтропения, тромбоцитопения
Сиректеу
- қозу күйі: үрейлі жай-күй, жоғары қозғыштық,
ұйқысыздық
Қолдануға болмайтын жағдайлар
- препараттың кез келген компонентіне жоғары сезімталдық
- гепатоцеллюлярлық жеткіліксіздігі
- жабық бұрышты глаукома қаупі
- қуық асты безінің функциясы бұзылуына байланысты несеп іркілуі қаупі,
- глюкозо-6-фосфат дегидрогеназа тапшылығы
- темірдің шамадан көп болуы
- фенилкетонурия
- гипероксалатурия
-жүктілік, лактация кезеңі
- 18 жасқа дейінгі балалық және жасөспірімдік кезең
Дәрілермен өзара әрекеттесуі
Холестираминмен, белсендірілген көмірмен: парацетамолдың сіңуі баяулайды.
Домперидонмен және метоклопрамидпен: парацетамолдың сіңуі күшейеді.
Зидовудинмен: зидовудиннің әсері төмендеуі мүмкін.
Алкогольмен, ұйықтатын, тыныштандыратын препараттармен, транквилизаторлармен, есірткілік анальгетиктермен Фасторик™ препаратының депрессиялық әсерін күшейтеді.
Моноаминоксидаза тежегіштері (МАО): препараттың антихолинергиялық әсері ұзарады.
Антихолинергиялық дәрілермен және үшциклиді антидепрессанттармен: әсері күшеюі мүмкін.
Аминогликозидтер: аминогликозидтердің отоуыттылығын бүркемелейді.
Ішілетін контрацептивтермен және эстрогендермен: С витамині эстрогендердің жағымсыз әсерлерін күшейтеді.
Варфаринмен: варфариннің антикоагулянтты әсері азаяды.
Айрықша нұсқаулар
Жоғары немесе ұзақ сақталған температура жағдайында, асқын жұқпа белгілері білінгенде немесе симптомдары 5 күннен соң да сақталғанда емді қайта қарастыру керек.
Психологиялық тәуелділік қаупі ұсынылғаннан астам дозалауда және ұзақ емдеуде ғана туындауы мүмкін.
Артық дозалануын болдырмау үшін, басқа дәрілік заттардың құрамында парацетамол болмауын тексеріңіз.
Дене салмағы 50 кг астам ересектер үшін парацетамолдың ең жоғары тәуліктік дозасы 4 г аспауы тиіс.
Алкогольдік сусындар немесе тыныштандыратын дәрілер пайдалану (атап айтқанда, барбитураттар) антигистаминдердің тыныштандыратын әсерін күшейтеді, сондықтан оларды ем уақытында қабылдаудан аулақ болу керек.
Препараттың автокөлік құралын және қауіпті механизмдерді басқару қабілетіне әсер ету ерекшеліктері
Ұйқышылдық туындау қаупінен жоғары зейін қоюды, психикалық және қозғалыстық реакциялар тездігін талап ететін қызмет түрінің барлығынан емделушілер бой тартуы тиіс.
Артық дозалануы
Симптомдары: фенирамин малеаты артық дозаланған кезде көбінесе сылбырлықты және ұйқышылдықты байқатады, елестеулер, зейін қою бұзылуы, енжарлық, бас айналуы, жүректің қатты соғуы, бұлшықеттің әлсіреуі, психоздың уыттылығы, ауыздың кеберсуі, асқазан-ішек жолы тарапынан бұзылулар, гипертермия, беттің қызаруы, дерматит болуы мүмкін.
Парацетамолдың артық дозалануының елеулі асқынуы бауырдың өлі некрозы болып саналады. Гепатоуыттылық әсерінің ерте симптомдары жүрек айнуы, құсу, қатты тершеңдік және жалпы әлсіздік болуы мүмкін. Бауыр тарапынан уыттылық бұзылуын растайтын клиникалық және зертханалық белгісі препаратты қабылдағаннан кейін 48-72 сағатқа дейін анықталмауы мүмкін. Бүйректің тубулярлық некрозы, гипогликемиялық кома, тромбоцитопения болуы мүмкін.
Организмге аскорбин қышқылының шамадан тыс үлкен дозасы түскенде диареяны және асқазан-ішек жолынан басқа да бұзылуларын туғызуы мүмкін.
Емі: асқазанды шаю, қарқындатылған сілтілік диурез, сұйықтықтың орнын толтыру, электролитті және қышқылды теңгерімді қалпына келтіру, диализ, сондай-ақ симптоматикалық емдеу, антагонистерді қабылдау: парацетамолдың антагонисі N-ацетилцистеин болып табылады.
Шығарылу түрі және қаптамасы
Ішкі жағы полиэтиленді үлбірден және сыртқы жағы поливинилхлоридті үлбірмен қапталған алюминий фольгадан жасалған пакеттерде 5 г препараттан. 8 пакет медициналық қолдану жөніндегі мемлекеттік және орыс тілдерінде жазылған нұсқаулықпен бірге картоннан жасалған қорапшаға салынған.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау шарттары
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Plethico Pharmaceuticals LTD.
Дхаравара, Калария – 453 001, Индор (М.П.), Үндістан.
Тіркеу куәлігінің иесі
Plethico Pharmaceuticals LTD., Үндістан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Резлов ЛТД» ЖШС, 100009, Қарағанды қ. Ермеков к-сі 110/2
тел.+7(212)48-16-44, факс +7(212)48-17-44
Электрондық поштасы: rezlov_ltd@mail.ru, rezlov-ltd@rambler.ru