Фарматекс (20 мг)

МНН: Миристалкония хлорид
Производитель: ИННОТЕРА ШУЗИ
Анатомо-терапевтическо-химическая классификация: Интравагинальные контрацептивы
Номер регистрации в РК: № РК-ЛС-5№003517
Информация о регистрации в РК: 01.04.2016 - бессрочно

Инструкция

Саудалық атауы

Фарматекс

Халықаралық патенттелмеген атауы

Миристалконий хлориді

Дәрілік түрі

Қынаптық таблеткалар

Құрамы

белсенді зат: 20,0 мг миристалконий хлориді

қосымша заттар: натрий гидрокарбонаты, сусыз лимон қышқылы, сусыз коллоидты кремнийдің қостотығы, магний стеараты, микрокристалды целлюлоза, лактоза моногидраты, макрогол 6000

Сипаттамасы

Ортасында саңылауы бар дөңгелек ақ таблеткалар

Фармакотерапиялық тобы

Гинекологиялық ауруларды емдеуге арналған басқа препараттар. Жергілікті қолдануға арналған контрацептивтер. Қынап ішіне енгізілетін контрацептивтер.

АТХ коды G02BB

Фармакологиялық қасиеттері

Фармакокинетикасы

Миристалконий хлориді қынаптың шырышты қабығына сіңбейді. Ол қынап қабырғаларының беткейінде ғана сіңіріліп, сонан соң қалыпты физиологиялық бөліністермен шығарылады немесе сумен жай ғана жуып-шаюмен жойылады.

Фармакодинамикасы

Антисептикалық дәрі, сонымен қатар зеңге қарсы, протозойға қарсы, жергілікті контрацептивтік (сперматоцидті) жергілікті әсер көрсетеді; Herpes simplex белсенділігін жояды. Стафилококктарға, стрептококктарға, грамтеріс бактерияларға (ішектік және көкіріңді таяқшалар, протей, клебсиелла және т.б.), анаэробты бактерияларға, зеңдер мен өңездерге қатысты бактерицидті белсенділік танытады. Антибиотиктерге және басқа химиялық емді дәрілік заттарға төзімді бактериялардың штаммдарына әсер етеді; плазмокоагулазаны және стафилококктар гиалуронидазасын бәсеңдетеді. Сперматоцидті әсер сперматозоидтар жарғақшасын зақымдау қабілетімен (бастапқыда жіпшелерін, сосын басын) жүзеге асады, бұл зақымданған сперматозоидпен ұрықтану мүмкін еместігін кепілдейді.

In vitro препарат Neisseria gonorrhoeae, Clamydia spp., Trichomonas vaginalis, Herpes simplex 2 типіне, Staphylococcus aureus қатысты белсенді.

Mycoplasma spp. әсерін көрсетпейді және Gardnerella vaginalis, Candida albicans, Haemophilus ducreyi және Treponema pallidum әлсіз әсер етеді.

Жыныстық жолмен берілетін кейбір аурулардың алдын алуда аздаған іn vivo белсенділік танытады. Қынаптың қалыпты микрофлорасына (соның ішінде, Додерляйн таяқшасына) және гормональді циклға ықпал етпейді.

Клиникалық тиімділігі, егер препарат дұрыс пайдаланылса, 1-ден кем құралып, түзетілген Перль индексімен белгіленеді.

Қолданылуы

Ұрпақ өрбіту жасындағы кез келген әйелге арналған жергілікті контрацепция, мыналарға қарсы көрсетілімдері болмаса, сондай-ақ мынадай жағдайларда:

- ішуге арналған контрацептивтер немесе жатырішілік спиральдар (ЖІС) қолдануға уақытша немесе нақты қарсы көрсетілімдер болғанда

- босанудан кейінгі кезең және бала емізу кезінде

- менопауза алдындағы кезеңде

- жүктіліктен кезеңді сақтану қажеттілігінде

- таблеткалар қабылдауды өткізіп немесе кешіктіріп алған жағдайда ішуге арналған контрацепцияны тұрақты пайдаланғанда.

Қынаптық диафрагма немесе жатырішілік спираль пайдаланылғанда қосымша жергілікті контрацепция ретінде (әсіресе, егер дәл осы уақытта қабынуға қарсы стероидты емес дәрілер сияқты кейбір препараттар қабылдап жүрсе).

Қолдану тәсілі және дозалары

Қынапқа енгізіледі.

Жатқан қалыпта, жыныстық қатынасқа дейін 10 минуттан кешіктірмей таблетканы қынап ішіне терең енгізеді. Препараттың әсер ету ұзақтығы –

3 сағат. Әр қайталанатын жыныстық қатынас алдында міндетті түрде жаңа таблетка енгізіледі.

Бір реттік доза: бір таблетка бір жыныстық қатынасқа есептелген. Пайдалану реттілігі әсер етуші заттың жекеше субъективті көтерімділігімен және жыныстық қатынастар жиілігімен шектелген.

Фарматексті қынаптық диафрагмамен немесе ЖІС-мен бірге қолдануға болады.

Жағымсыз әсерлері

- препарат компоненттеріне аллергиялық реакциялар (ашыту, кышыну)

- жанаспалы дерматит

Бұлар білінген жағдайда Фарматексті пайдалану тоқтатылады.

Қолдануға болмайтын жағдайлар

- препарат компоненттеріне жоғары сезімталдық

- психика бұзылулары бар тұлғаларда немесе контрацептив пайдалануды кедергілейтін жыныс мүшелеріне жасалатын кез келген араласуларға жол берілмейтін тұлғаларда Фарматексті дұрыс қолдану мүмкін болмағанда

- контрацепцияның осы түрін түсінуге немесе келісуге қабілетсіз кез

келген тұлғаға

- кольпит

- қынап пен жатырдың шырышты қабығының ойық жаралануы және тітіркенуі.

Дәрілермен өзара әрекеттесуі

Қынапқа қолданылатын дәрілік препараттармен бір мезгілде қолдану ұсынылмайды. Қынапқа енгізілген кез келген дәрілік зат Фарматекстің жергілікті спермицидті әсер ету белсенділігін жоя алады. Йод ерітінділері (соның ішінде 0,1% йодонат ерітіндісі) препараттың белсенділігін жояды.

Айрықша нұсқаулар

Фарматекс сабынмен ыдырайды. Жыныстық қатынасқа дейін және одан кейін қынапты бүркіп-шаюға болмайды, өйткені сабын, тіпті оның іздері әсер етуші затты ыдыратады. Контрацепцияның тиімділігі тек қана оны пайдалану ережелерін қатаң қадағалауға байланысты.

  • Әр жыныстық қатынас алдында жүйелі түрде қолданылады.

  • Жыныстық қатынастан 2 сағат бұрын және жыныстық қатынастан кейінгі 2 сағат ішінде жыныс мүшелерін жуып-шаю үшін сабынды пайдалануға тыйым салынады, өйткені сабын, тіпті қалдық мөлшерінде де Фарматекстің әсер етуші затын ыдыратады.

  • Жыныстық қатынастан кейін бірден жыныс мүшелерінің сыртынан ғана тек таза сумен жуып-шаюға болады. Қынапты бүркіп-шаймас бұрын жыныстық қатынастан кейін 2 сағат күте тұру керек.

  • Қынапқа енгізілген Фарматекспен, кейіннен контрацептивтік әсерінің төмендеу қауіптілігіне орай, су бұлауын қабылдауға, теңізде, бассейнде және су қойнауларында шомылуға болмайды.

  • Фарматекс құрамында миристалконий хлориді бар болғандықтан, қынаптың қандай да бір аурулары болғанда немесе олар өршігенде оны пайдалануды тоқтату қажет.

  • Егер қынап ауруларын емдеу қажеттілігі туындаған және/немесе қынаптық кез келген басқа дәрілік зат тағайындалған жағдайда Фарматекс көмегімен контрацепцияны жаңғырту (бастау) алдында емнің аяқталуын күте тұру қажет.

Жүктілік және лактация кезеңі

Жүктілік кезінде препаратты пайдалануға байланысты қандай да бір зиянды әсері анықталмаған: әсер етуші заттың өзінің тератогенді қасиеттерінің сараптамасы сияқты, соңғы өнімнің тератогенді қасиеттерінің сараптамасы теріс нәтижелер берді. Бұдан басқа, зерттеулер миристалконий хлоридінің қанға енбейтінін көрсетті. Әсер етуші заттың өте аз мөлшерлерде жайсыз зардаптарсыз ана сүтіне өту ықтималдығы бар. Бала емізу кезеңінде пайдалану ешқандай қауіп төндірмейді.

Дәрілік заттардың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған.

Шығарылу түрі және қаптамасы

Силикагельді полиэтиленнен жасалған тығынмен жабылған пилипропиленді тубада 12 таблеткадан.

1 тубадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Тіркеу куәлігінің иесі

Иннотек Интернасиональ зертханасы, Франция

Өндіруші

Иннотера Шузи, Рю Рене Шантеро «Л’Исль Вер», 41150, Шузи-Сюр-Сис, Франция.

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

«ҚР-дағы Иннотек Интернасиональ С.А.С. зертханасы» өкілдігі

050059, Қазақстан Республикасы, Алматы қ., әл-Фараби д-лы, 17,

«Нұрлы тау» бизнес орталығы, 4 Б блок, 606 кеңсе,

тел./факс: +7-727-311-09-71, +7-727-311-09-72,

электронды пошта: innotech@ innotech.kz

 

Прикрепленные файлы

118364741477976260_ru.doc 53 кб
096665881477977463_kz.doc 66 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники