Трисоль (раствор для инфузий; 200 мл, 400 мл; Фармацевтическая компания Ромат)

МНН: Калия хлорид, Натрия гидрокарбонат, Натрия хлорид
Производитель: Фармацевтическая компания Ромат , завод медицинских препаратов ТОО
Анатомо-терапевтическо-химическая классификация: Электролиты
Номер регистрации в РК: № РК-ЛС-5№014775
Информация о регистрации в РК: 06.11.2014 - 06.11.2019

Инструкция

Саудалық атауы

Трисоль

Халықаралық патенттелмеген атауы

Жоқ

Дәрілік түрі

Инфузияға арналған 200 мл және 400 мл ерітінді

Құрамы

1 л препаратқа, грамм бойынша

белсенді зат: 5.00 г натрий хлориді, 4.00 г натрий гидрокарбонаты, 1.00 г калий хлориді

қосымша зат - 1 л-ге дейін инъекцияға арналған су

Сипаттамасы

Түссіз мөлдір сұйықтық

Фармакотерапиялық тобы

Плазма алмастырғыш және перфузиялық ерітінділер. Көктамыр ішіне енгізуге арналған ерітінділер. Сулы-электролитті теңгерімге әсер ететін ерітінділер. Электролиттер

АТХ коды В05ВВ01

Фармакологиялық қасиеттері

Иондық құрамы: Na+ - 133 ммоль/л, К+ - 13 ммоль/л, Сl- - 98 ммоль/л, гидрокарбонат - 48 ммоль/л.

Фармакокинетикасы. Құрамында молекулалық салмағы төмен кристаллоидтар бар «Трисоль» ерітіндісі қылтамырлар қабырғасы арқылы жеңіл енеді және қантамыр арнасынан интерстициалды кеңістікке жылдам шығарылады. Осылайша, ерітінді тек қантамыр айналымындағы сұйықтық көлемін қысқа мерзімге ғана ұлғайтады.

Фармакодинамикасы. «Трисоль» ерітіндісі гемодинамикалық әсер береді, құсу, іштің өтуі, қатты терлеу және т.б. нәтижесінде организм сусызданған кезде гиповолемия мен қан қоюлануын азайтады. Әлсіз сілтілік реакциясы бар және метаболикалық ацидозды түзеткенде тиімді. Микроайналымды жақсартады, қантамырішілік ұю синдромының дамуы мен қан арнасында микроұйындылар түзілуінен сақтандырады. Диурезді күшейтеді және дезинтоксикациялық әсер етеді.

Қолданылуы

- метаболикалық ацидозбен біріккен дегидратацияда

- гиповолемияда

- әртүрлі аурулар кезінде организмнің уыттану аясында сусыздануында (жедел дизентерия, тағамдық уыттану, Эль-Тор тырысқағы және басқалар)

Қолдану тәсілі және дозалары

Ересектерге және барлық жастағы балаларға

Трисоль препаратын зертханалық көрсеткіштерді бақылаумен көктамыр ішіне (сорғалатып және тамшылатып) енгізеді. 1 сағат бойына науқастың 7-10 % дене салмағына сәйкес мөлшердегі ерітіндіні енгізеді, одан кейін сорғалатып енгізуді минутына 40-120 тамшы жылдамдықпен 24-48 сағат бойына тамшылатып енгізумен алмастырады. Ерітіндіні енгізер алдында 36°С – 37°С-ге дейін жылытады. Енгізілетін ерітіндінің жалпы көлемі жоғалтқан сұйықтық көлеміне сай болуы тиіс. Енгізілген және жоғалған сұйықтық теңгерімін әрбір 6 сағат сайын анықтайды.

Аурудың ауыр түрлерінде (гиповолемиялық жұқпалы-уытты шок, талапқа сай емес қылтамырлық перфузия, қалпына келмейтін метаболикалық ацидоз, анурия) кейіннен тамшылатып енгізуге ауыстыра отырып, препаратты сорғалатып енгізуден бастайды.

Аурудың анағұрлым жеңіл түрлерінде (организмнің уыттануы және сусыздануы, метаболикалық ацидоз, олигурия) препаратты тамшылатып енгізумен шектелуге болады.

Жағымсыз әсерлері

- гиперкалиемия және гипернатриемия

- алкалоз

- гипергидратация

- аллергиялық реакциялар (қышыну)

Кейбір жағдайларда қалтыраудың туындауы мүмкін.

Қолдануға болмайтын жағдайлар

- аса жоғары сезімталдық

- гиперкалиемия және гипернатриемия

- ми және өкпе ісінуінің даму қаупі

- гипертоникалық және изотоникалық гипергидратация

- метаболикалық алкалоз

- бүйрек және созылмалы жүрек жеткіліксіздігі

Дәрілермен өзара әрекеттесуі

Препаратты қышқыл реакциясы бар еріткіштермен (допамин, добутамин) араластырған кезде дәрілік заттардың биологиялық белсенділігінің жоғалуымен қатар жүретін бейтараптану жүреді.

Айрықша нұсқаулар

Емдеуді гематокритті және қан электролиттерінің концентрациясын бақылай отырып жүргізеді. Бүйрек шығару функциясының бұзылуы, декомпенсацияланған жүрек ақауы бар науқастарға, бауыр циррозымен науқастарда ісіну-асциттік синдромы болған кезде сақтықпен енгізу керек.

Жүктілік және лактация

Препаратты жүктілік және бала емізу кезеңінде қолдану тәжірибесі жоқ. Дәрілік заттың көлік құралдары немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Гиперкалиемия симптомдары: іш аймағының ауыруы, жүрек айну, құсу, тыныс алудың жиілеуі, профузды тер, гипотермия.

Емі: артериялық қысымды, тамыр соғуы және ЭКГ бақылай отырып, 10 % кальций хлоридін, сода ерітінділерін көктамыр ішіне енгізу.

Шығарылу түрі мен қаптамасы

200 мл және 400 мл препараттан резеңке тығындармен тығындалған және алюминий қалпақшалармен қаусырылған, қанға, трансфузиялық және инфузиялық препараттарға арналған сыйымдылығы 250 мл және 450 мл (сәйкесінше) шыны бөтелкелерге құйылады. Бөтелкелерге заттаңбалық немесе жазу қағазынан жасалған заттаңбалар жапсырылады. Бөтелкелерді гофрланған картоннан жасалған аралықтармен жеке қорапшасыз гофрланған картоннан жасалған қорапқа қаптайды. Қорапқа бөтелке санына сәйкес медицинада қолданылуы жөніндегі мемлекеттік және орыс тілдерінде нұсқаулықтар салынған.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Бөтелке бүтіндігі сақталған кезде ерітіндіні мұздатып қатыру, препаратты

қолдануға қарсы көрсетілім болып табылмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz

Тіркеу куәлігінің иесі

«Ромат» Фармацевтикалық компаниясы ЖШС, Медициналық препараттар зауыты, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz

 

 

 

Прикрепленные файлы

391087081477976654_ru.doc 46.5 кб
919105371477977817_kz.doc 55 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники