Полижинакс

МНН: Неомицин, Нистатин, Полимиксин В
Производитель: ИННОТЕРА ШУЗИ
Анатомо-терапевтическо-химическая классификация: Нистатин в комбинации с другими препаратами
Номер регистрации в РК: № РК-ЛС-5№015850
Информация о регистрации в РК: 03.08.2020 - 03.08.2030
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

Полижинакс

Халықаралық патенттелмеген атауы

Жоқ

Дәрілік түрі

Қынаптық капсулалар

Құрамы

Бір капсуланың құрамында

белсенді заттар: неомицин сульфаты 35 000 ХБ

полимиксиннің В сульфаты 35 000 ХБ

нистатин 100 000 ХБ

қосымша заттар: Тефоз 63®, гидрогенизделген соя майы, диметикон 1000

Қабықтың құрамы: желатин, глицерол, диметикон 1000

Сипаттамасы

Түсі ақшыл сарыдан сарыға дейінгі тегіс, сопақ пішінді капсулалар

Фармакотерапиялық тобы

Гинекологиялық ауруларды емдеуге арналған антисептиктер және микробтарға қарсы препараттар. Гинекологиялық ауруларды емдеуге арналған антисептиктер және микробтарға қарсы препараттар (кортикостероидтармен біріктірілімді қоспағанда). Бактерияларға қарсы препараттар. Басқа да препараттармен біріктірілімдегі нистатин

АТХ коды: G 01AА51

 

Фармакологиялық қасиеттері

Фармакокинетикасы

Қынаптың шырышты қабатына біркелкі таралып, жергілікті бактерицидті және фунгицидті әсер етеді. Қынаптың шырышты беткейінен мүлдем дерлік сіңбейді.

Фармакодинамикасы

Біріктірілген препарат, әсері оның құрамына кіретін компоненттерге негізделген. Бактерияға қарсы, бактерицидті және зеңге қарсы әсер етеді.

Неомицин сульфаты – аминогликозидті антибиотик, бактериялық рибосомалар функциясын бөгеу жолымен ауқымы кең грамоң (Corynebacterium, Listeria monocytogenes, Staphylococcus meti-S) және грамтеріс микроорганизмдерге: Acinetobacter (essentially Acinetobacter baumanii), Branhamella catarrhalis, Campylobacter,Citrobacter freundii, Citrobacter koseri, Enterobacter aerogenes, Enterobacter cloacae, Escherichia coli, Haemophilus influenza, Klebsiella, Morganella morganii, Proteus mirabilis, Proteus vulgaris, Providencia rettgeri, Salmonella, Serratia, Shigella, Yersinia бактерицидті әсер береді

Полимиксин В сульфаты – басым түрде грамтеріс флораға, әсіресе Pseudomonas aeruginosa қатысты бактерицидті әсер ететін табиғаты полипептидті антибиотик; Acinetobacter, Aeromonas, Alcaligenes, Citrobacter freundii, Citrobacter Koseri, Enterobacter, Escherichia coli, Klebsiella, Moraxella, Salmonella, Shigella, Stenotrophomonas maltophilia штамдары да сезімтал болып табылады. Полимиксин В бактериялар жарғақшаларының осмостық төзімділігін бұзады, сондай-ақ тыныштық сатысында тұрған қоздырғыштарға қатысты да белсенді.

Полимиксин В және неомицинге Streptococcus spp. және анаэробты бактериялар сезімтал емес.

Нистатин – зеңдер цитоплазмалық жарғақшасы эргостеролын байланыстыру арқылы фунгицидті немесе фунгистатикалық жолмен әсер ететін полиенді антибиотик. Ашытқы тәріздес Candida albicans, Cryptococcus, Hystoplasma тұқымдастығына қатысты белсенділік байқатады.

Қолданылуы

- сезімтал микроорганизмдер туындатқан вагинитті және спецификалық емес вагинитті жергілікті емдеу

- гинекологиялық араласулар кезінде жұқпалы асқынулардың алдын алуда (жасанды түсік алдында, жатыр мойнын диатермокоагуляциялау алдында немесе одан кейін, жатырішілік диагностикалық емшаралар алдында, босану алдында)

Қолдану тәсілі және дозалары

Ересектерге. Қынаптық қолдануға ғана арналған.

Бір капсуланы кешкілік ұйықтар алдында қынапқа терең енгізу керек. Емдеу курсы 12 күн. Жұқпалы асқынудың алдын-алуда емдеу курсы 6 күн.

Бір немесе бірнеше дозаны қабылдауды өткізіп алған жағдайда, препаратты әдеттегі дозада қайта жалғастырыңыз.

Қолдану ерекшеліктері.

Ауру жұқтыруды болдырмас үшін өзіндік гигиенаның жекелеген (жөке, сүлгі және басқа да сол секілді) заттарын пайдаланып, таза мақтадан жасалған іш киімдерді кию қажет.

Емдеу кезінде гигиеналық тампондарды қолдануға болмайды, контрацептивтік қалпақшалар мен латекстен және спермицидтен жасалған мүшеқаптарды пайдаланбау керек.

Қайталап жұқтыруды болдырмас үшін жыныстық жұптасын да бір мезгілде емдеу қажет.

Жағымсыз әсерлері

Сирек:

  • қышыну, күйдіру, аллергиялық жанаспалы экзема

Болуы мүмкін

  • аминогликозидтер жағымсыз әсерлерінің жүйелік байқалуы (ұзақ қолданғанда)

Қолдануға болмайтын жағдайлар

  • неомицинге және препараттың басқа компоненттеріне немесе аминогликозидтер тобының антибиотиктеріне жоғары сезімталдық

  • жүктіліктің бірінші триместрі

  • диафрагмалар немесе латекстен жасалған мүшеқаптарды пайдалану

  • жержаңғақ немесе сояға жоғары сезімталдық

  • спермицидтермен үйлестіре пайдалануға

Дәрілермен өзара әрекеттесуі

Контрацепцияның бөгеттік заттарымен бірге пайдалану ұсынылмайды, өйткені спермицидтер белсенділігінің төмендеу және мүшеқаптың жыртылу қаупі болуы мүмкін.

Айрықша нұсқаулар

Препаратқа аурудың жеке қоздырғыштарының төзімділігін тудырмау үшін және қайта жұқпа жұқтыру қатерінен қорғану мақсатында, оны қолданудың мерзімі шектеулі болуы керек.

Емдеу курсын етеккір уақытында тоқтатудың қажеті жоқ.

Бұл дәрілік препараттың құрамында соя майы бар және аллергиялық реакциялар туындатуы мүмкін (есекжем, анафилаксиялық шок).

Жүктілік, лактация

Ықтимал жағымсыз әсерлерін ескере отырып, препарат жүктіліктің 1 триместрінде қолданылмайды, 2-3 триместрде қауіп/пайда арақатынасы есепке алынатын дәрігер кеңесінен кейін ғана қолданылады. Егер Сіз емделу кезінде жүкті екеніңізді білсеңіз, дәрігерге айтуыңыз керек, өйткені тек дәрігер ғана емделуді жалғастыру қажеттілігі туралы шешімді қабылдай алады. Препараттың ана сүтіне түсуі туралы деректер жеткіліксіздігін ескере отырып, ол бала емізу кезінде пайдаланылмауы тиіс. Осы кезеңде препаратты пайдалану қажет болғанда емшекпен қоректендіруді тоқтату қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Анықталмаған

Шығарылу түрі және қаптамасы

6 қынаптық капсуладан поливинилиденхлоридті үлбірден және алюминий фольгадан жасалған пішінді ұяшықты қаптамада.

1 немесе 2 пішінді ұяшықты қаптама медициналық қолдану жөніндегі нұсқаулықпен бірге картон қорапшаға салынған.

Сақтау шарттары

25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Свисс Кепс АГ, Кирхберд қ., Швейцария

Өндіруші - Қаптаушы

Иннотера Шузи, Шузи-Сюр-Сис қ., Франция

Тіркеу куәлігінің иесі

Иннотек Интернасиональ Зертханасы, Франция.

Қазақстан Республикасы аумағында тұтынушылардан осы өнімнің сапасына қатысты шағымдарды ( ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«ҚР-дағы Иннотек Интернасиональ Зертханасы С.А.С.» өкілдігі

050059, Қазақстан Республикасы, Алматы қ., Әл-Фараби даңғ., 17, «Нұрлы тау» бизнес орталығы , 4 Б блогы, 606 кеңсе, тел./факс: +7-727-311-09-71, +7-727-311-09-72, электронды поштасы: innotech@innotech.kz

 

Прикрепленные файлы

564774031477976408_ru.doc 69 кб
865638771477977607_kz.doc 70 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники