Новокаин 10 мл (0,5%)

МНН: Прокаин
Производитель: Химфарм АО
Анатомо-терапевтическо-химическая классификация: Procaine
Номер регистрации в РК: № РК-ЛС-3№021171
Информация о регистрации в РК: 04.02.2015 - 04.02.2018

Инструкция

Саудалық атауы

Новокаин

Халықаралық патенттелмеген атауы

Прокаин

Дәрілік түрі

Инъекцияға арналған 0.5% 10 мл ерітінді

Құрамы

1 мл ерітіндінің құрамында

белсенді зат - 5.0 мг прокаин гидрохлориді,

қосымша заттар: 0.1 М хлорсутек қышқылы, инъекцияға арналған су.

Сипаттамасы

Мөлдір, түссіз немесе аздап сарғыш сұйықтық.

Фармакотерапиялық тобы

Анестетиктер. Жергілікті анестетиктер. Аминобензой қышқылының эфирлері. Прокаин

АТХ коды N01BA02

Фармакологиялық қасиеттері

Фармакокинетикасы

Прокаин дәрежесі енгізілген орнына, енгізу жолына (әсіресе енгізілген аймақтағы васкуляризациясына және қан ағымы жылдамдығына) және препарат дозасына (мөлшеріне және концентрациясына) байланысты жүйелі толық сіңуге ұшырайды.

Қан плазмасы және бауыр эстеразаларымен екі негізгі фармакологиялық белсенді метаболиттер: диэтиламиноэтанол (орташа қантамырларын кеңейтетін әсерге ие) және пара-аминобензой қышқылын түзумен тез гидролизденеді.

Жартылай шығарылу кезеңі (Т1/2) секундына 40,0+9,0 құрайды. Негізінен бүйректермен метаболиттер түрінде шығарылады, өзгермеген түрінде 2% аспайтын мөлшері шығарылады.

Фармакодинамикасы

Орташа жансыздандыратын белсенділігімен және емдік әсерінің кең ауқымымен жергілікті жансыздандыратын дәрі. Әлсіз негіз бола тұрып, Na+ өзекшелерін бөгейді, сезімтал жүйкелердің ұштарында импульстардың генерациясына және импульстардың жүйке талшықтарымен өткізілуіне кедергі келтіреді. Жүйке жасушаларының жарғақшаларында тыныштық потенциалына мардымсыз әсерімен, әсер ету потенциалын өзгертеді. Тек ауыру ғана емес, басқа модальдіктегі импульстердің берілуін басады. Қысқа жансыздандыратын белсенділікке (инфильтрациялық анестезия ұзақтығы 0,5-1 сағат құрайды) ие.

Сіңірілгенде және тікелей тамыр ішіне енгізілгенде шеткергі холинергиялық рецепторлардың қозуын төмендетеді, преганглионарлы ұштардан (кейбір ганглиобөгейтін әсерге ие) ацетилхолиннің босап шығуын және түзілуін азайтады, тегіс бұлшықеттер түйілуін қайтарады, миокардтың және мидың моторлық аймағының қозғыштығын азайтады.

Көктамыр ішіне енгізгенде ауыруды басатын, гипотензивті және аритмияға қарсы әсер етеді (тиімді рефрактерлі кезеңді арттырады, қозғыштықты, автоматизмді және өткізгіштікті төмендетеді), үлкен дозаларда жүйке-бұлшықеттік өткізгіштікті бұзуы мүмкін. Ми діңінің ретикулярлы формациясының төменге бағытталған тежейтін әсерін және полисинаптикалық рефлекстерді тойтарады.

Қолданылуы

- жергілікті анестезияда (инфильтрациялық, өткізгіштік, перидуральді, эпидуральді, жұлындық - субарахноидальді, сүйекішілік)

- блокада жасау үшін (вагосимпатикалық және паранефральді блокада, экземада, нейродермитте, ишиалгияда паравертебральді блокада)

Қолдану тәсілі және дозалары

Новокаин ерітіндісінің дозасы және концентрациясы операциялық араласымның сипатына, қолдану тәсіліне, емделушінің жасына және жағдайына байланысты.

Препарат тері ішіне, бұлшықет ішіне, көктамыр ішіне қолданылады.

Жергілікті анестезия үшін

Инфильтрациялық анестезияда 0,25% – 0,5% ерітінді қолданылады (бір рет енгізу үшін 1 г асырмай); тіндердің тығыз жылжымалы инфильтрациялық әдісі бойынша анестезия үшін (А.В. Вишневский бойынша) – 0,125% – 0,25% ерітінді; өткізгіштік, эпи – және перидуральді анестезия үшін – 2% 20- 25 мл ерітінді; жұлындық анестезия үшін – 2% 5мл ерітінді.

Инфильтрациялық анестезия үшін келесі ең жоғары дозалар тағайындалған (ересектер үшін): операция басында алғашқы бір реттік доза – 1,25 г асырмай (500 мл 0,25% ерітінді) немесе 0,75 г (150 мл 0,5% ерітінді). Ары қарай операцияның әрбір сағаты бойы – 2,5 г асырмай (1000 мл 0,25% ерітінді) немесе 2 г (400 мл 0,5% ерітінді) (0,5 г дейін бір рет адреналинсіз және 1 г адреналинмен).

Сіңірілуінің азаюы және әсерінің ұзаруы үшін Новокаинді 0,1% адреналин ерітіндісімен бірге қолданады, оған асептикалық түрде Новокаиннің 2-5 мл ерітіндісіне 1 тамшы есебімен қосады.

Препаратты сүйекішілік анестезиясында 0,25% 50-150 мл ерітіндісін қолдануға болады.

Блокада жасау үшін

Экзема және нейродермитте паравертебральді блокадада сезімтал жүйке діңгегі проекциясының аймағына Новокаиннің 70-100 мл 0,25% ерітіндісінің тері ішілік инъекциясы ұсынылады.

Паранефральді блокадада (А.В. Вишневский бойынша) бүйрек маңы шеліне Новокаиннің 50-80 мл 0,5% ерітіндісін немесе 100-150 мл 0,25% ерітіндісін енгізеді.

Вагосимпатикалық блокадада - Новокаиннің 30-100 мл 0,5% ерітіндісі.

Новокаиннің ең жоғары дозасы (ересектер үшін): бұлшықет ішіне енгізгенде бір реттік дозасы 0,1 г, көктамыр ішіне енгізгенде бір реттік дозасы - 0,05 г; тәуліктік дозасы– парентеральді енгізгенде 0,1 г.

Новокаинді төмен концентрацияда (0,125% немесе 0,25%) қолдану қажет болғанда препаратты қолданар алдында натрий хлоридінің стерильді изотоникалық ерітіндісімен қажет концентрацияға дейін сұйылтады.

Көктамыр ішіне енгізуді натрий хлоридінің изотоникалық ерітіндісінде баяу жүргізеді.

Педиатриялық тәжірибеде дозасын дене салмағына байланысты анықтау керек, бірақ дене салмағына 15 мг/кг асырмайды.

Жағымсыз әсерлері

- бас ауыруы, бас айналуы, әлсіздік, ұйқышылдық

- жүрек айнуы, құсу

- артериялық гипотензия, коллапс, брадикардия, кеуде қуысының ауыруы

- көру және естудің бұзылуы, нистагм

- діріл, құрысулар

- метгемоглобинемия

- аллергиялық реакциялар (дерматит, есекжем, терінің қышынуы, эритема,

ангионевротикалық ісіну, анафилактикалық шок)

Қолдануға болмайтын жағдайлар

- прокаинге және препарат компоненттеріне жоғары сезімталдық

- тіндердегі айқын фиброзды өзгерістер (жылжымалы инфильтрат әдісімен анестезияға арналған)

- енгізілген орындағы іріңді үдеріс

- жедел қан кетумен жүретін шұғыл операциялар

- миастения

- артериялық гипотензия

- 12 жасқа дейінгі балаларға

Дәрілермен өзара әрекеттесуі

Көктамыр ішіне енгізгенде Новокаин жалпы анестезияға арналған дәрілердің, ұйықтататын, седативті препараттардың, есірткілік анальгетиктер мен транквилизаторлардың орталық жүйке жүйесіне бәсеңдететін әсерін күшейтеді.

Препаратты есірткілік анальгетиктермен бір мезгілде тағайындағанда аддитивті әсері байқалады, ол жұлындық және эпидуральді анестезия жүргізгенде пайдаланылады, бұл кезде тыныс алудың бәсеңдеуі күшейеді.

Вазоконстрикторлар (эпинефрин, метоксамин, фенилэфрин) Новокаиннің жергілікті жансыздандыратын әсерін ұзартады.

Препарат суксаметонийден туындаған, жүйке-бұлшықет блокадасын ұзартады, өйткені екі препарат та плазма холинэстеразасымен гидролизденеді.

Новокаин миорелаксациялайтын дәрілік заттардың әсерін күшейтеді және ұзартады.

Новокаин дәрілік заттардың миастенияға қарсы әсерін төмендетеді, әсіресе оны жоғары дозада қолданғанда, бұл миастенияны емдеуді қосымша түзетуді талап етеді.

Холинэстераза тежегіштері (миастенияға қарсы дәрілік заттар, циклофосфамид, демекарин, экотиофат, тиотепа) Новокаин метаболизмін төмендетеді, сондықтан оларды бірге тағайындауға болмайды.

Антикоагулянттар (ардепарин, далтепарин, данапароид, эноксапарин, гепарин, варфарин) Новокаинмен бір мезгілде қолданғанда қан кетудің даму қаупін жоғарылатады.

МАО тежегіштерімен қолдану (фуразолидон, прокарбазин, селегилин) гипотензия даму қаупін жоғарылатады, сондықтан оларды жергілікті анестетиктерге дейін 10 күн бұрын тоқтату керек.

Новокаинді гуанадрел, гуанетидин, мекамиламин, триметафанмен қолданғанда артериялық қысымның және брадикардияның күрт төмендеу қаупі артады.

Новокаиннің метаболиті пара-аминобензой қышқылы сульфаниламидтердің бәсекелес антагонисті болып табылады және олардың микробтарға қарсы әсерін әлсіретуі мүмкін, сондықтан осы препараттарды бір уақытта қолдануға болмайды.

Құрамында ауыр металлдар бар зарарсыздандыратын ерітінділермен Новокаин инъекциясы орнын өңдеген кезде, ауыру және ісіну түрінде жергілікті реакция даму қаупі артады.

Айрықша нұсқаулар

Новокаин әдетте жақсы көтерімді, әйтсе де ол жағымсыз әсерлер туындатуы мүмкін болғандықтан, оны енгізудің барлық әдісінде сақтықпен қолдану керек.

Кейде симпатомиметиктерді тағайындауды қажет ететін айқын гипотензия байқалады.

Препарат жедел қан кетумен асқынған шұғыл операцияларда, бауыр қанайналымының төмендеуімен жүретін жағдайларда, жүрек-қантамыры жеткіліксіздігінің үдеуінде, қабыну ауруларында және инъекция орнының жұқпалануында, псевдохолинэстераза тапшылығында, бүйрек жеткіліксіздігінде, 65 жастан асқан егде емделушілерде, ауыр науқастарда, әлсіреген науқастарда сақтықпен қолданылады.

Анестезия кезінде организмнің өмірлік маңызы бар қызметтеріне бақылау

жүргізу керек.

Анестетикті қолданар алдында препаратқа жекелей сезімталдыққа міндетті

түрде сынама жүргізу керек.

Жергілікті анестезия жүргізгенде белгілі бір жалпы дозаны қайта қолданғанда, Новокаиннің уыттылығы неғұрлым жоғары болса, қолданылатын ерітінді соғұрлым концентрацияланған болып табылады.

Препарат шырышты қабаттан сіңбейді, сондықтан тері бетіне қолданғанда

беткейлік анестезияны қамтамасыз етпейді.

Жүктілік және лактация кезеңі

Жүктілік және лактация кезеңінде препаратты аса сақтықпен, абсолютті нақты көрсетілімдері бойынша қолдану керек.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Дәрілік препараттың жағымсыз әсерлерін ескеріп, көлік құралдарын немесе әлеуетті қауіпті механизмдерді басқаруда сақтық шараларын сақтау керек.

Артық дозалануы

Симптомдары: тері беткейінің бозаруы, бас айналу, жүрек айнуы, құсу, «суық» тер, ОЖЖ қозуы немесе бәсеңдеуі, көрудің бұлдырлауы, діріл, құрысу, тыныс алудың бәсеңдеуі, брадикардия, жүрек лықсуының төмендеуі, коллапс, кома.

Емі: өкпенің желдетілуін демеу, дезинтоксикациялық және симптоматикалық ем.

Шығарылу түрі және қаптамасы

10 мл бейтарап шыны ампулада.

Әр ампулаға заттаңбалық немесе жазу қағазынан жасалған заттаңба жапсырылады немесе мәтінді шыны бұйымдарға арналған терең басылатын бояумен тікелей ампулаға жазады.

5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға қапталады.

1 пішінді қаптамадан медицинада қолданылуы жөніндегі мемлекеттік және орыс тілдеріндегі бекітілген нұсқаулықпен бірге қораптық картоннан жасалған немесе хром-эрзац қорапшаға салынады. Әрбір қорапшаға ампулалық скарификатор салынады.

Кертігі, сақинасы және нүктесі бар ампулаларды қаптағанда скарификаторлар салынбайды.

Пішінді ұяшықты қаптаманы (картон қорапшаға салынбаған) қораптық немесе гофрланған қораптарға салуға жол беріледі. Әр қорапқа қаптама санына қарай медицинада қолданылуы жөніндегі мемлекеттік және орыс тілдеріндегі нұсқаулық салынады.

Сақтау шарттары

Жарықтан қорғалған жерде, 25 ºС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы,

Шымкент қ., Рашидов к-сі, 81

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы,

Шымкент қ., Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электрондық поштасы infomed@santo.kz

Прикрепленные файлы

659463161477976539_ru.doc 70.5 кб
890568601477977695_kz.doc 93.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники