Лозарел® Плюс (100 мг/25 мг)

МНН: Гидрохлоротиазид, Лозартан
Производитель: Лек Фармасьютикалс д.д.
Анатомо-терапевтическо-химическая классификация: Лозартан в комбинации с диуретиками
Номер регистрации в РК: № РК-ЛС-5№121734
Информация о регистрации в РК: 30.10.2015 - 30.10.2020

Инструкция

Саудалық атауы

Лозарел® Плюс

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған 50 мг/12.5 мг, 100 мг/25 мг таблеткалар

Құрамы

Бір таблетканың құрамында

белсенді заттар: 50 мг калий лозартаны, 12.5 мг гидрохлоротиазид немесе

100 мг калий лозартаны, 25 мг гидрохлоротиазид

қосымша заттар: лактоза моногидраты, микрокристалды целлюлоза, желатинденген крахмал, магний стеараты, сусыз коллоидты кремнийдің қостотығы

қабық құрамы: гипромеллоза, гидроксипропилцеллюлоза, темірдің сары тотығы (E 172), титанның қостотығы (Е 171), макрогол (400) (100 мг/25 мг доза үшін), тальк (100 мг/25 мг доза үшін).

Сипаттамасы

Дөңгелек пішінді, екі жақ беті дөңес, ашық-сары түсті үлбірлі қабықпен қапталған таблеткалар.

Фармакотерапиялық тобы

Ренин-ангиотензин жүйесіне әсер ететін препараттар. Басқа препараттармен біріктірілген ангиотензин II антагонистері. Диуретиктермен біріктірілген ангиотензин II антагонистері.

АТХ коды C09DA01

Фармакологиялық қасиеттері

Фармакокинетикасы

Сіңуі

Лозартан. Ішу арқылы қолданудан кейін лозартан жақсы сіңіріледі және карбон қышқылы белсенді метаболитінің, сондай-ақ басқа да белсенді емес метаболиттердің түзілуімен жүйе алдындағы метаболизмге ұшырайды. Таблеткалар түріндегі лозартанның жүйелі биожетімділігі шамамен 33% құрайды. Лозартан мен оның белсенді метаболиті орташа ең жоғары концентрациясына, тиісінше, 1 сағаттан соң және 3-4 сағаттан соң жетеді. Лозартан стандартталған ас ішумен бір мезгілде қолданғанда қан плазмасындағы препарат концентрациясының бейініне клиникалық мәнді ықпалы байқалмаған.

Таралуы

Лозартан. Лозартан да, оның белсенді метаболиті де қан плазмасы ақуыздарымен, ең алдымен, альбуминдермен ≥ 99% байланысады. Лозартанның таралу көлемі 34 литр құрайды. Егеуқұйрықтарға жүргізілген зерттеулер лозартанның гематоэнцефалдық бөгет арқылы нашар өтеді немесе өтпейді.

Гидрохлоротиазид. Гидрохлоротиазид плацентарлық бөгет арқылы өтеді, бірақ гематоэнцефалдық бөгет арқылы өтпейді және емшек сүтімен бөлініп шығады.

Метаболизмі

Лозартан. Көктамырішілік немесе ішу арқылы қолдану кезінде лозартанның 14% жуық дозасы өзінің белсенді метаболитіне айналады. Көктамыр ішіне немесе ішу арқылы 14С-таңбаланған калий лозартанын қолданудан кейін айналымдағы қан плазмасының радиобелсенділігін, ең алдымен, лозартан мен оның белсенді метаболиті танытқан. Зерттеуге қатысушылардың 1% шамасында лозартанның өз белсенді метаболитіне тым аз айналуы байқалды.

Белсенді метаболиттен басқа, бутилді бүйірлі тізбектің гидроксилдену жолымен қалыптасатын 2 негізгі метаболитін қоса, белсенді емес метаболиттер және негізгі емес метаболиті – N-2 тетразол глюкуронид түзіледі.

Шығарылуы

Лозартан. Лозартан мен оның белсенді метаболитінің плазмалық клиренсі, тиісінше, шамамен 600 мл/минут және 50 мл/минут құрайды. Лозартан мен оның белсенді метаболитінің бүйректік клиренсі, тиісінше, шамамен 74 мл/минут және 26 мл/минут құрайды. Лозартан ішу арқылы қолданылғанда 4 % жуық дозасы өзгеріссіз күйде несеппен шығарылады және 6 % жуық дозасы белсенді емес метаболит түрінде несеппен шығарылады. Лозартан мен оның белсенді метаболитінің фармакокинетикасы калий лозартанын 200 мг дейінгі дозаларда ішу арқылы қолданғанда дозаға байланысты болады.

Тәулігіне 1 рет 100 мг дозасын қолданғанда лозартан да, оның белсенді метаболиті де қан плазмасында елеулі дәрежеде жиналмайды.

Лозартан мен оның метаболиттері өтпен және несеппен шығарылады.

Гидрохлоротиазид. Гидрохлоротиазид метаболизденбейді, бірақ бүйрекпен жылдам шығарылады. Ішу арқылы қабылданған кем дегенде 61 % дозасы 24 сағат ішінде өзгеріссіз күйде шығарылады.

Емделушілердің жекелеген топтарындағы фармакокинетикасы

Егде жастағы емделушілер

Қан плазмасындағы лозартан мен оның белсенді метаболитінің концентрациясы, сондай-ақ гидрохлоротиазидтің сіңірілуі артериялық гипертензиясы бар егде жастағы емделушілерде гипертензиясы бар жас емделушілерде едәуір ерекшеленеді.

Бауыр функциясының бұзылуы

Ауырлығы жеңіл және орташа дәрежедегі бауырдың алкогольді циррозы бар емделушілерде ішу арқылы қолданудан кейін қан плазмасындағы лозартан мен оның белсенді метаболитінің концентрациясы, тиісінше, ерікті жас ерлердегіден 5 және 1,7 есе көбірек болды.

Бүйрек функциясының бұзылуы

Лозартан мен оның белсенді метаболиті гемодиализ жүргізілгенде шығарылмайды.

Фармакодинамикасы

Лозартан-гидрохлоротиазид. Лозарел Плюс препаратының компоненттері, жеке алынған әр компонентке қарағанда, артериялық қысымды көп дәрежеде төмендетіп, артериялық қысымды түсіретін синергиялық әсерін көріністейді. Бұл әсердің екі компоненттің де өзара күшею әсерінің нәтижесі екені жорамалданады. Әріқарай, диурездік әсер нәтижесінде, гидрохлоротиазид қан плазмасында ренин белсенділігін арттырады, альдостерон секрециясын ұлғайтады, қан сарысуында калий деңгейін төмендетеді және ангиотензин II деңгейлерін жоғарылатады. Лозартанды қолдану II ангиотензиннің физиологиялық мәнді әсерлерінің бәрін бөгейді де, альдостерон тежелісі арқылы, диуретик қолданумен байланысты калий жоғалтуды азайтады.

Лозарел Плюс препаратының гипертензияға қарсы әсері 24 сағат бойы сақталады. Кемінде бір жылға созылатын клиникалық зерттеулерде емді жалғастырғанда гипертензияға қарсы әсері сақталды. Артериялық қысымның едәуір төмендеуіне қарамастан, Лозарел Плюс препаратын қабылдау жүректің жиырылу жиілігіне елеулі клиникалық ықпалын тигізбейді.

Клиникалық зерттеулерде 50 мг лозартанмен/12,5 мг гидрохлоротиазидпен 12-апталық емнен кейінгі ең төмен диастолалық артериялық қысым, орта есеппен, 13,2 мм сын. бағ. төмендеді. Лозарел Плюс емделушілердің жынысына, нәсілдік тегіне, жасына (жастар <65 жас және егделер ≥65 жас) қарамастан және артериялық қысымның кез келген дәрежесінде артериялық қысымды тиімді төмендетеді.

Лозартан. Лозартан ангиотензин II рецепторының ішуге арналған синтетикалық антагонисі (АТ1 типі) түрінде болады. Ангиотензин II, күшті әсер ететін тамыр тарылтқыш зат, ренин-ангиотензин жүйесінің негізгі белсенді гормоны және гипертензия патофизиологияның маңызды детерминантасы болып табылады. Ангиотензин II көптеген тіндерде (мысалы, тамырлардың тегіс бұлшықеттерінде, бүйрек үсті безінде, бүйректе және жүректе) болатын АТ1 рецепторларымен байланысады және қан тамырларының тарылуын және альдостеронның босап шығуын қоса, бірнеше маңызды биологиялық әсер туғызады. Ангиотензин II тегіс бұлшықет жасушаларының пролиферациясын да көтермелейді.

Лозартан АТ1 рецепторын селективті бөгейді. Ин витро және ин виво зерттеулерінде лозартан мен оның фармакологиялық тұрғыда белсенді E-3174 карбон қышқылды метаболиті, оның шығу тегіне және синтезделу бағытына қарамастан, II ангиотензиннің физиологиялық мәнді әсерлерінің бәрін бөгейді.

Лозартанда агонист әсері жоқ және гормональді рецепторларды немесе жүрек-қантамырлық реттеліс үшін маңызды ион өзектерін бөгемейді. Оның үстіне, лозартан брадикининді ыдырататын ангиотензин өзгертуші фермент (кининаза II) – энзимді тежемейді. Демек, брадикининмен байланысты қолайсыз әсерлерінің жоғарылау әсері болмайды.

Лозартан қолдану кезінде ренин секрециясындағы ангиотензин II теріс әсерінің жойылуы плазма ренині белсенділігінің (ПРБ) күшеюіне әкеледі. ПРБ күшеюі плазмадағы ангиотензин II артуына алып келеді. Ондай жоғарылауға қарамастан, гипертензияға қарсы әсері және плазма альдостероны концентрациясының бәсеңдеуі сақталады, бұл ангиотензин II рецепторларының тиімді бөгелісін айғақтайды. Лозартан қабылдауды тоқтатқан соң ПРБ және ангиотензин II көрсеткіштері 3 күн ішінде әдеттегі көрсеткіштерге дейін төмендейді.

Лозартан және оның негізгі белсенді метаболиті, АТ2 рецепторына қарағанда, АТ1 рецепторымен өте жоғары байланыста болады. Белсенді метаболит, салмағына шаққанда, лозартаннан 10-нан 40 есеге дейін белсенді.

Лозартанмен ем алатын емделушілердегі жөтелдің пайда болу жиілігін бағалау мақсатында жүргізілген зерттеуде, АӨФ тежегіштерімен ем алатын емделушілермен салыстырғанда, лозартан немесе гидрохлоротиазид алатын емделушілерде жөтелдің пайда болу жиілігі ұқсас және АӨФ тежегіштерімен ем алатын емделушілерден едәуір аз болды.

Протеинуриясы бар диабеттік емес гипертензиялық емделушілерде калий лозартанын қолдану протеинурияны, альбумин және IgG (G класс иммуноглобулині) фракциялық экскрециясын төмендетеді. Лозартан гломерулалық сүзіліс деңгейін сақтайды және сүзілу фракциясын төмендетеді. Жалпы, лозартан қан плазмасында несеп қышқылын төмендетеді (әдетте <0.4 мг/дл), бұл ұзаққа созылатын ем кезінде тұрақты түрде болады.

Лозартан автономды рефлекстерге ықпал етпейді және плазма норадреналині демеуіне сүйенбейді.

Сол жақ қарынша жеткіліксіздігі бар емделушілерде лозартанның 25 және 50 мг дозалары гемодинамикалық және нейрогормональді оң әсерлер береді, бұл жүрек индексінің артуымен және өкпе қылтамырларының ұшындағы қысымның, жүйелі тамырлық кедергінің, ортаңғы артериялық жүйелі қысымның және жүректің жиырылу жиілігінің төмендеуімен, сондай-ақ альдостерон мен норадреналин айналымы деңгейлерінің төмендеуімен тиісінше сипатталады.

Жүрек жеткіліксіздігі бар емделушілерде гипотензияның туындауы дозаларға байланысты.

Гипертензия зерттеулері

Клиникалық зерттеулерде артериялық гипертензия дәрежесі жеңіл және орташа емделушілерде тәулігіне бір рет лозартан қабылдаудың систолалық және диастолалық артериялық қысымның едәуір төмендеуін туындатуы расталды. Дозаны енгізуден соң 24 сағат өткеннен кейінгі қан қысымын дозаны енгізуден кейін 5-тен 6 сағатқа дейін уақыт өткен соңғы қысыммен салыстыру 24 сағат ішінде қан қысымының төмендеуін көрсетті; қалыпты тәуліктік ырғақ сақталған. Дозалау аралығының соңында артериялық қысымның төмендеуі 70-тен 80% дейін болды, әсер дозаны енгізуден кейін 5-тен 6 сағатқа дейін өткенде айқын білінді.

Артериялық гипертензиясы бар емделушілерде лозартан қабылдауды тоқтату артериялық қысымның күрт төмендеуіне (кері реакция) әкелмеген. Артериялық қысым төмендеуінің білінуіне қарамастан, лозартан жүректің жиырылу жиілігіне клиникалық мәнді әсер етпейді.

Лозартан артериялық гипертензиясы бар ерлер мен әйелдерде, жастарда (65 жасқа дейінгілер) және егде жастағы емделушілерде бірдей тиімді.

Гидрохлоротиазид

Гидрохлоротиазид – тиазидті диуретик. Тиазидті диуретиктердің гипертензияға қарсы әсер ету механизмі соңына дейін белгісіз. Тиазидтер натрий мен хлор экскрециясын шамамен бірдей мөлшерлерде тікелей арттыра отырып, электролиттер қайта сіңірілетін бүйрек өзекшелік механизмдерге әсер етеді. Гидрохлоротиазидтің диурездік әсері плазма көлемін азайтады, плазма ренині белсенділігін арттырады және несептегі калийдің және бикарбонаттар жоғалтудың бірізді жоғарылауымен альдостерон секрециясын ұлғайтады, сондай-ақ қан плазмасындағы калий деңгейін төмендетеді. Ренин-альдостерон байланысын ангиотензин II сақтап тұрады, сондықтан да ангиотензин II рецепторларының антагонисін бірге қабылдау тиазидті диуретиктер туындататын калий жоғалтуды кедергілейді.

Ішу арқылы қолданудан кейін диурездік әсері 2 сағат ішінде басталады, шамамен 4 сағат өткен соң жоғары шегіне жетеді және 6-12 сағатқа жуық жалғасады, гипертензияға қарсы әсері 24 сағат бойы сақталады.

Қолданылуы

- тек лозартан немесе гидрохлоротиазид қолдану кезінде жеткіліксіз бақыланатын артериялық гипертензия

Қолдану тәсілі және дозалары

Лозарел Плюсті гипертензияға қарсы басқа дәрілермен біріктіріп тағайындауға болады.

Таблеткаларды бір стақан сумен ішіп, тамақтануға байланыссыз ішке қолдану керек.

Артериялық гипертензия

Лозартан мен гидрохлоротиазид бастапқы ем ретінде қабылданбайды, ал калий лозартанын немесе гидрохлоротиазидті әр бөлек қолданғанда артериялық қысымы талапқа сай бақыланбайтын емделушілерге тағайындалады.

Екі компоненттің әрқайсысының (лозартан және гидрохлоротиазид) дозасын титрлеу ұсынылады.

Клиникалық қажеттілік туындағанда, артериялық қысымы тиісінше

бақыланбайтын емделушілерде монотерапияны бекітілген

біріктірілімге тікелей ауыстыру жағын қарастыруға болады.

Үлбірлі қабықпен қапталған 50 мг/12.5 мг Лозарел Плюс таблеткалары

Әдеттегі дозасы: тәулігіне 1 рет 50 мг/12.5 мг 1 таблетка.

Жеткілікті жауабы байқалмайтын емделушілер үшін дозаны тәулігіне 1 рет

50 мг/12.5 мг 2 таблеткаға дейін арттыруға болады немесе тәулігіне 1 рет

100 мг/25 мг 1 таблетка.

Әдетте, гипертензияға қарсы әсеріне ем басталған соң 3-4 апта ішінде жетеді.

Үлбірлі қабықпен қапталған 100 мг/25 мг Лозарел Плюс таблеткалары

Ең жоғары доза: тәулігіне 1 рет 100 мг/25 мг 1 таблетка.

Әдетте, гипертензияға қарсы әсеріне ем басталған соң 3-4 апта ішінде жетеді.

Бүйрек функциясы бұзылған емделушілерде және гемодиализде жүрген емделушілерде қолдану.

Бүйрек функциясы орташа бұзылған (яғни, креатинин клиренсі 30-50 мл/мин құрайтын) емделушілерде бастапқы дозаны түзету қажет емес. Лозарел Плюс препаратын гемодиализде жүрген емделушілерде қолдану ұсынылмайды. Лозарел Плюсті бүйрек функциясының бұзылуы ауыр (креатинин клиренсі <30 мл/мин) емделушілерге тағайындауға болмайды.

Тамырішілік гиповолемиясы бар емделушілерде қолдану

Лозарел Плюс препаратымен емдеуді бастар алдында тамырішілік гиповолемия және/немесе натрий деңгейінің төмендеуі сияқты жай-күйлерді түзетіп алу қажет.

Бауыр функциясы бұзылған емделушілерде қолдану

Лозарел Плюс бауыр функциясының бұзылулары ауыр емделушілерге қарсы көрсетілімді.

Егде жастағы емделушілерде қолдану

Егде жастағы емделушілер үшін, әдетте, дозаны түзету қажет емес.

Жағымсыз әсерлері

Бақыланатын клиникалық зерттеулерде лозартан/гидрохлоротиазид қабылдаумен байланысты бірден-бір жағымсыз әсер бас айналу болды.

Постмаркетингтік кезеңде бауыр бұзылыстары (гепатит), гиперкалиемия және АЛТ деңгейінің жоғарылауы сирек білінді.

Компоненттердің біреуін, лозартанды немесе гидрохлоротиазидті қолданудан болатын жағымсыз әсерлер төменде берілген.

Пайда болу жиілігі былайша белгіленген: өте жиі ≥1/10; жиі ≥1/100 <1/10; жиі емес ≥1/1,000 <1/100; сирек ≥1/10,000 <1/1,000; өте сирек <1/10,000; белгісіз – қолда бар деректер бойынша анықтау мүмкін емес.

Лозартан

Қан және лимфалық жүйе

Жиі емес

  • анемия, Шенлейн-Генох пурпурасы, экхимоздар, гемолиз

Белгісіз

  • тромбоцитопения

Жүрек-қантамыр аурулары

Жиі емес

  • артериялық және ортостатикалық гипотензия, кеуденің ауыруы, стенокардия, II дәрежелі атриовентрикулярлы бөгет, инсульт, миокард инфарктісі, жүрек қағу, аритмиялар (жүрекшелер фибрилляциясы, синустық брадикардия, тахикардия, қарыншалық тахикардия, қарыншалар фибрилляциясы), васкулит

Есту ағзалары және вестибулярлы аппарат тарапынан болатын бұзылу

Жиі емес

  • вертиго, құлақтың шыңылдауы

Көру ағзалары тарапынан бұзылулар

Жиі емес

  • көру өткірлігінің төмендеуі, көздегі ашыту/қатты ауыру сезімі, конъюнктивит, анық көрудің төмендеуі

Асқазан-ішек бұзылыстары

Жиі

  • іштің ауыруы, жүрек айну, диарея, диспепсия

Жиі емес

  • іш қату, тіс ауыру, ауыздың кеберсуі, метеоризм, гастрит, құсу

Белгісіз

  • панкреатит

Жалпы бұзылулар

Жиі

  • астения, қатты қажу, кеуденің ауыруы

Жиі емес

  • беттің ісінуі, қызба

Белгісіз

  • тұмау тәрізді симптомдар, дімкәстану

Бауыр және өт шығару жолдарының бұзылыстары

Белгісіз

  • бауыр сынамаларының патологиялық нәтижелері

Иммундық жүйе бұзылыстары

Сирек

  • аса жоғары сезімталдық реакциялары (анафилактикалық реакциялар, ангионевроздық ісіну, соның ішінде тыныс алу жолдары обструкциясының дамуымен көмей және дауыс саңылауының ісінуі және/немесе бет, ерін, жұтқыншақ және/немесе тілдің ісінуі); кейбір емделушілерде ангионевроздық ісіну жағдайлары бұрын дәрілік препараттар, соның ішінде АӨФ тежегіштерін енгізумен байланысты білінді

Метаболизм және тамақтану бұзылыстары

Жиі емес

  • анорексия, подагра

Қаңқа-бұлшықет және дәнекер тін тарапынан болатын бұзылулар

Жиі

  • құрысулар, арқаның және аяқтардың ауыруы, миалгия

Жиі емес

  • қаңқа-бұлшықет ауыруы, қол, иық, буындар, тізелердің ауыруы, буындардың ісінгіштігі, буын қимылының шектелуі, артрит, коксалгия, фибромиалгия, бұлшықет әлсіреуі

Белгісіз

  • рабдомиолиз

Жүйке жүйесінің аурулары

Жиі

  • бас ауыру, бас айналу

Жиі емес

  • күйгелектік, парестезиялар, шеткергі нейропатия, тремор, бас сақинасы, естен танулар

Психикалық бұзылыстар

Жиі

  • ұйқысыздық

Жиі емес

  • ұйқысыздық, мазасыз және үрейлі бұзылыстар, сананың шатасуы, депрессия, патологиялық түстер көру, ұйқының бұзылуы, ұйқышылдық, есте сақтаудың нашарлауы

Бүйрек және несеп шығару жүйесінің бұзылыстары

Жиі

  • бүйрек жеткіліксіздігі

Жиі емес

  • никтурия, жиі несеп шығару, несеп-жыныс жүйесінің инфекциялары

Ұрпақ өрбіту жүйесі және сүт бездері тарапынан болатын бұзылулар

Жиі емес

- либидо төмендеуі, эректильді дисфункция / импотенция

Тыныс алу жүйесі, кеуде қуысы және көкірек ортасы ағзалары тарапынан болатын бұзылулар

Жиі

  • жөтел, жоғарғы тыныс алу жолдарының инфекциялары, мұрын бітелісі, синусит, синустар тарапынан болатын бұзылу

Жиі емес

  • жұтқыншақтағы жайсыздық, фарингит, ларингит, ентігу, бронхит, мұрыннан қан кету, ринит, тыныс алу жолдарындағы іркілісті құбылыстар

Тері жабындары және теріасты шелі тарапынан бұзылыстар

Жиі емес

  • алопеция, дерматит, терінің құрғауы, эритема, қызару, жарыққа сезімталдық, қышыну, бөртпе, есекжем, тершеңдік

Зертханалық зерттеулер

Жиі

  • гиперкалиемия, гематокрит пен гемоглобиннің мардымсыз төмендеуі, гипогликемия

Жиі емес

  • қан сарысуындағы мочевина және креатинин деңгейлерінің болымсыз жоғарылауы

Өте сирек

  • бауыр ферменттері мен билирубин деңгейлерінің жоғарылауы

Белгісіз

- гипонатриемия

Гидрохлоротиазид

Қан және лимфалық жүйе

Жиі емес

  • агранулоцитоз, апластикалық анемия, гемолиздік анемия, лейкопения, пурпура, тромбоцитопения

Иммундық жүйе бұзылыстары

Сирек

  • анафилактикалық реакциялар

Метаболизм және тамақтану бұзылыстары

Жиі емес

  • анорексия, гипергликемия, гиперурикемия, гипогликемия, гипонатриемия

Психикалық бұзылыстар

Жиі емес

  • ұйқысыздық

Жүйке жүйесінің аурулары

Жиі

  • цефалгия

Көру ағзалары тарапынан бұзылулар

Жиі емес

  • өткінші анық көрмеу, ксантопсия

Жүрек-қантамыр бұзылулары

Жиі емес

  • некроздық ангиит (васкулит, тері васкулиті)

Тыныс алу жүйесі, кеуде қуысы және көкірек ортасы ағзалары тарапынан болатын бұзылулар

Жиі емес

  • тыныс алу жеткіліксіздігі, пневмонит пен өкпе ісінуін қоса

Асқазан-ішек бұзылыстары

Жиі емес

  • сиалоаденит, түйілулер, асқазанның тітіркенуі, жүрек айну, құсу, диарея, іш қату

Бауыр және өт шығару жолдары тарапынан бұзылыстар

Жиі емес

  • сарғаю, бауырішілік холестаз, панкреатит

Тері және теріасты шелі тарапынан болатын бұзылулар

Жиі емес

  • фотосезімталдық, есекжем, уытты эпидермалық некроз

Тірек-қимыл аппараты және дәнекер тін тарапынан болатын бұзылулар

Жиі емес

  • бұлшықеттердің құрысуы

Бүйрек және несеп шығару жүйесінің бұзылулары

Жиі емес

  • гликозурия, интерстициальді нефрит, бүйрек функциясының бұзылуы, бүйрек жеткіліксіздігі

Жалпы бұзылулар

Жиі емес

  • қызба, бас айналу

Қолдануға болмайтын жағдайлар

- препарат компоненттерінің кез келгеніне және сульфаниламидтер туындыларына жоғары сезімталдық

- емдеуге берілмейтін гипокалиемия немесе гиперкальциемия

- бауыр функциясының ауыр бұзылуы, холестаз және өт шығару жолдары өткізгіштігінің бұзылуы

- рефрактерлі гипонатриемия

- симптоматикалық гиперурикемия/подагра

- жүктілік кезеңі және лактация кезеңі

- бүйрек функциясының ауыр бұзылуы (креатинин клиренсі <30 мл/мин)

- анурия

- тұқым қуалайтын лактозаны көтере алмаушылық

- 18 жасқа дейінгі балалар мен жасөспірімдерге

- қант диабеті бар емделушілерде алискиренмен бірге тағайындау.

Дәрілермен өзара әрекеттесуі

Лозартан

Рифампицин мен флуконазолдың белсенді метаболит деңгейлерін төмендетуі хабарланған. Осы өзара әрекеттесудің клиникалық зардаптары белгісіз.

Ангиотензин II немесе оның әсерлерін бөгейтін басқа препараттарды қолдану кезіндегідей, калий сақтаушы диуретиктерді (мысалы, спиронолактон, триамтерен, амилорид), калий қоспаларын немесе құрамында калий бар тұз алмастырғыштарды бір мезгілде қолдану қан сарысуында калий деңгейін жоғарылатуы мүмкін. Сондықтан бір мезгілде қолдану ұсынылмаған.

Натрий шығарылуына ықпал ететін басқа препараттарды қолдану кезіндегідей, литийдің шығарылуы әлсіреуі мүмкін. Сондықтан, егер литий тұзының препараттары ангиотензин II рецепторларының антагонистерімен бір мезгілде қолданылса, қан сарысуындағы литий деңгейлерін мұқият бақылау керек.

Ангиотензин ІІ антагонистері және қабынуға қарсы стероидты емес препараттар (мысалы, ЦОГ-2 селективті тежегіштері, қабынуға қарсы әсер ететін дозалардағы ацетилсалицил қышқылы) немесе селективті емес ҚҚСП бір мезгілде қолданылғанда гипертензияға қарсы әсерді әлсіретуі мүмкін. Ангиотензин ІІ антагонистерін немесе диуретиктерді ҚҚСП-мен бір мезгілде қолдану, жедел бүйрек жеткіліксіздігінің болжамды дамуын қоса, бүйрек функциясының нашарлау қаупінің артуына, сондай-ақ, әсіресе, бүйрек функциясының бұзылуы бұрыннан бар емделушілерде қан сарысуындағы калий деңгейінің жоғарылауына әкелуі мүмкін. Ондай біріктірілімді, әсіресе, егде жастағы емделушілерге абайлап тағайындау керек. Емделушілерге қатарлас ем басталған соң тиісті гидратациялау, ал артынан бүйрек функциясына мезгіл-мезгіл мониторинг жасау керек.

ЦОГ-2 селективті тежегіштерін қоса, ҚҚСП емін алатын бүйрек функциясы төмендеген кейбір емделушілерде ангиотензин II рецепторы антагонистерін бір мезгілде қолдану бүйрек функциясының әріқарай нашарлауына әкелуі мүмкін. Әдетте, бұл әсерлер қайтымды болады.

Үш циклды антидепрессанттар, психозға қарсы дәрілер, баклофен, амифостин сияқты кейбір заттар артериялық гипотензияның дамуын индукциялауы мүмкін. Негізгі немесе жағымсыз әсері артериялық қысымның төмендеуі болып табылатын препараттармен бір мезгілде қолдану артериялық гипотензияның пайда болу қаупін күшейтуі мүмкін.

Гидрохлоротиазид

Бір мезгілде қолданғанда келесі препараттар тиазидті диуретиктермен өзара әрекеттесуі мүмкін.

Алкоголь, барбитураттар немесе есірткілік дәрілер немесе антидепрессанттар

Ортостатикалық гипотензияның күшеюі орын алуы мүмкін.

Диабетке қарсы препараттар (ішуге арналған дәрілер және инсулин)

Тиазидтермен емдеу глюкозаға төзімділікке ықпал етуі мүмкін. Диабетке қарсы препарат дозасын түзету қажет болуы мүмкін. Гидрохлоротиазид қолдану аясында бүйрек функциясының бұзылуымен индукцияланған лактацидоздың даму қаупі бар екендіктен, метформинді сақтықпен қолдану керек.

Гипертензияға қарсы басқа да препараттар

Аддитивті әсер.

Холестирамин және колестипол шайырлары

Анион алмасу шайырлары болғанда гидрохлоротиазидтің сіңірілуі нашарлайды. Холестираминнің де, колестипол шайырларының да бір реттік дозалары гидрохлоротиазидті байланыстырады және оның асқазан-ішек жолынан сіңірілуін, тиісінше, 85% және 43% төмендетеді.

Кортикостироидтар, АКТГ

Электролиттердің қатты төмендеуі, атап айтқанда, гипокалиемия.

Прессорлы аминдер (мысалы, адреналин)

Прессорлы аминдер әсері төмендеуі мүмкін, бірақ олардың пайдаланылуын жоққа шығаруға жеткіліксіз.

Қаңқа бұлшықеттерін деполяризацияламайтын релаксанттар (мысалы, тубокурарин)

Бұлшықет релаксанттарына жауап реакциясының болжамды жоғарылауы.

Литий

Диуретиктер литийдің бүйрек клиренсін төмендетеді және литиймен уыттану қаупін арттырады; бірге қолдану ұсынылмайды.

Подаграны емдеуге арналған препараттар (пробенецид, сульфинпиразон және аллопуринол)

Урикозуриялық препараттардың дозасын түзету қажет болады, өйткені гидрохлоротиазид қан сарысуында несеп қышқылы деңгейін арттыруы мүмкін. Пробенецид немесе сульфинпиразон дозасын арттыру қажет болуы мүмкін. Тиазидті бір мезгілде қолдану аллопуринолға аса жоғары сезімталдық реакцияларының пайда болу жиілігін арттыруы мүмкін.

Антихолинергиялық дәрілерысалы, атропин, бипериден)

Тиазидті диуретиктердің биожетімділігі асқазан-ішек жолының моторикасы мен асқазанның босатылу жылдамдығы азайғанда артады.

Цитоуытты препараттарысалы, циклофосфамид, метотрексат)

Тиазидтер цитоуытты дәрілік заттардың бүйректік экскрециясын төмендетіп, олардың миелосупрессиялық әсерін күшейтуі мүмкін.

Салицилаттар

Салицилаттардың жоғары дозаларында гидрохлоротиазид салицилаттардың орталық жүйке жүйесіне уытты әсерін күшейтуі мүмкін.

Метилдопа

Гидрохлоротиазид пен метилдопа бір мезгілде қолданылғанда гемолиздік анемияның дамуы жөнінде хабарламалар болды.

Циклоспорин

Циклоспоринмен бір мезгілде қолдану гиперурикемияның және подаграға ұқсас асқынулардың пайда болу қаупін арттыруы мүмкін.

Оймақгүл гликозидтері

Тиазидтер туындататын гипокалиемия немесе гипомагниемия оймақгүл препараттарын қолданумен индукцияланған жүрек аритмиясының ағымын өршітуі мүмкін.

Қан сарысуындағы калий деңгейінің өзгеруі әсер ететін дәрілік препараттар

Егер лозартан/гидрохлоротиазид қан сарысуында калий деңгейінің өзгеруі ықпал ететін препараттармен (мысалы, оймақгүл гликозидтері және аритмияға қарсы дәрілер) және «пируэт» типті қарыншалық тахикардияны (қарыншалық тахикардия) индукциялайтын препараттармен (аритмияға қарсы кейбір препараттарды қоса) бір мезгілде қолданылса, қан сарысуындағы калий деңгейлерін мезгіл-мезгіл бақылау және ЭКГ тіркеу ұсынылады, ал соңғыларының туындауына бейімдейтін фактор гипокалиемия болып табылады.

Ондай препараттарға жататындар:

  • Iа класты аритмияға қарсы препараттар (мысалы, хинидин, гидрохинидин, дизопирамид)

  • III класты аритмияға қарсы препараттар (мысалы, амиодарон, соталол, дофетилид, ибутилид)

  • психозға қарсы кейбір препараттар (мысалы, тиоридазин, хлорпромазин, левомепромазин, трифторперазин, циамемазин, сульпирид, сультоприд, амисульприд, тиаприд, пимозид, галоперидол, дроперидол).

  • басқа да препараттар (мысалы, бепридил, цизаприд, дифеманил, к/і эритромицин, галофантрин, мизоластин, пентамидин, терфенадин, к/і винкамин).

Кальций тұздары

Тиазидті диуретиктер экскреция төмендеуі салдарынан қан сарысуында кальций деңгейлерін арттыруы мүмкін. Кальций қоспаларын қолдану қажет болса, қан сарысуындағы кальций деңгейлерін бақылау және кальций дозасын тиісінше түзету керек.

Зертханалық талдаулар нәтижелеріне ықпалы

Тиазидтердің кальций метаболизміне ықпал етуімен байланысты, оларды қабылдау қалқанша маңы бездерінің функциясын зерттеу нәтижелерін бұрмалауы мүмкін.

Карбамазепин.

Симптоматикалық гипонатриемия қаупі. Клиникалық және биологиялық көрсеткіштерді бақылау талап етіледі.

Құрамында йод бар контрастылы препараттар

Диуретиктер қабылдаудан болатын дегидратацияда, әсіресе, йод препараттарын жоғары дозаларда қолданғанда жедел бүйрек жеткіліксіздігінің даму қаупі артады. Ондай препараттарды қолданар алдында емделушілерде регидратация жүргізген жөн.

Амфотерицин B (парентеральді), кортикостероидтар, АКТГ немесе іш жүргізуді көтермелеуші дәрілер немесе глицирризин (лакрицада болады)

Гидрохлоротиазид электролит теңгерімсіздігін, атап айтқанда, гипокалиемияны күшейтуі мүмкін.

Айрықша нұсқаулар

Лозартан Ангионевроздық ісіну

Сыртартқысында ангионевроздық ісінуі (бет, ерін, жұтқыншақ және/немесе тілдің ісінуі) бар емделушілерді мұқият қадағалау талап етіледі.

Гипотензия және тамырішілік гиповолемия

Диуретиктерді қарқынды қабылдау, тұз тұтынуды емдәмдік шектеу, диарея немесе құсу салдарынан пайда болған гиповолемия және/немесе гипонатриемия бар емделушілерде, әсіресе, алғашқы дозаны қабылдаудан кейін симптоматикалық гипотензия туындауы мүмкін. Мұндай жағдайларды Лозарел Плюс препаратымен емдеу басталғанша түзету қажет.

Электролит теңгерімсіздігі

Бүйрек функциясы бұзылған емделушілерде (қант диабетімен/онсыз) электролит теңгерімсіздігі жиі байқалатынын есте ұстау керек. Сондықтан қан плазмасындағы калий концентрациясын және креатинин клиренсін жиі бақылау қажет; ондай бақылау, әсіресе, жүрек жеткіліксіздігі бар және креатинин клиренсі 30-50 мл/минут болатын емделушілерде жиі орындалу керек.

Калий жинақтаушы диуретиктерді, калий қоспаларын немесе құрамында калий бар тұз алмастырғыштарды Лозарел Плюс препаратымен бір мезгілде қолдану ұсынылмайды.

Бауыр функциясының бұзылуы

Бауыр циррозына шалдыққан емделушілерде қан плазмасындағы лозартанның едәуір көп концентрацияларын айғақтайтын фармакокинетикалық деректер негізінде сыртартқысында ауырлығы жеңіл және орташа дәрежедегі бауыр функциясының бұзылуы бар емделушілерде Лозарел Плюсті сақтықпен қолдану ұсынылады. Бауыр функциясының бұзылуы ауыр емделушілерде лозартан қолданудың емдік тәжірибесі жоқ, сондықтан Лозарел Плюс ондай емделушілерде қолдануға қарсы көрсетілімді.

Бүйрек функциясының бұзылуы

Ренин-ангиотензин жүйесінің бәсеңдеуімен байланысты бүйрек жеткіліксіздігін қоса, бүйрек функциясының өзгерістері туралы хабарланды (әсіресе, бүйрек функциясы ренин-ангиотензин-альдостерон жүйесіне тәуелденетін емделушілерде, яғни жүрек функциясының бұзылуы ауыр немесе бүйрек функциясының бұзылулары бұрыннан бар емделушілерде). Ренин-ангиотензин-альдостерон жүйесіне ықпал ететін басқа препараттарды қолдану кезіндегідей, бүйрек артерияларының екі жақты стенозы немесе жалғыз бүйрек артериясының стенозы бар емделушілерде қан сарысуындағы қан мочевинасы және креатинин деңгейлерінің жоғарылауы жөнінде хабарланды. Бүйрек функциясының бұл өзгерістері емді тоқтатудан кейін қайтымды болуы мүмкін. Бүйрек артерияларының екі жақты стенозы немесе жалғыз бүйрек артериясының стенозы бар емделушілерде лозартан сақтықпен қолданылу керек.

Бүйрек трансплантациясы

Таяуда бүйрек трансплантациясы жасалған емделушілерде препаратты қолдану тәжірибесі жоқ.

Бастапқы гиперальдостеронизм

Бастапқы гиперальдостеронизмі бар емделушілерде, әдетте, ренин-ангиотензин жүйесін тежеу арқылы әсер ететін гипертензияға қарсы препараттар тиімсіз. Сондықтан Лозарел Плюс препаратын қолдану ұсынылмаған.

Ишемиялық жүрек ауруыЖА) және цереброваскулярлы аурулар

Гипертензияға қарсы басқа да препараттарды қолдану кезіндегідей, ишемиялық жүрек-қантамыр аурулары және цереброваскулярлы аурулары бар емделушілердегідей, артериялық қысымды шамадан тыс төмендету миокард инфарктісінің немесе инсульттің дамуына әкелуі мүмкін.

Жүрек жеткіліксіздігі

Ренин-ангиотензин-альдостерон жүйесіне ықпал ететін басқа препараттарды қолдану кезіндегідей, бүйрек функциясының бұзылуымен/онсыз жүрек жеткіліксіздігі бар емделушілерде ауыр артериялық гипотензияның және бүйрек функциясы бұзылуының (көбінесе жедел) даму қаупі бар.

Аортальді және митральді клапандар стенозы, обструкциялық гипертрофиялық кардиомиопатия

Басқа вазодилататорларды қолдану кезіндегідей, аортальді және митральді клапандар стенозы немесе обструкциялық гипертрофиялық кардиомиопатиясы бар емделушілерге препарат ерекше сақтықпен тағайындалады.

Нәсілдік айырмашылықтар

Ангиотензин өзгертуші фермент тежегіштеріне қатысты анықталғандай, лозартан мен басқа ангиотензин антагонистерінің қара нәсілді емделушілердегі тиімділігі басқа емделушілердегіден аз, оған осы нәсіл өкілдері болып табылатын гипертензиясы бар емделушілерде рениннің төмен белсенділігі көп кездесу жиілігі себеп болуы мүмкін.

Гидрохлоротиазид

Гипотензия және электролит/су теңгерімсіздігі

Гипертензияға қарсы кез келген ем кезіндегідей, кейбір емделушілерде симптоматикалық артериялық гипотензия туындауы мүмкін. Емделушілердің жай-күйін су немесе электролит теңгерімі бұзылуының клиникалық белгілеріне, мысалы, гиповолемия, гипонатриемия, гипохлоремиялық алкалоз, интеркуррентті диарея немесе құсу аясында дамуы мүмкін гипомагниемия немесе гипокалиемияға қатысты бақылау керек. Мұндай емделушілерде қан сарысуындағы электролиттер деңгейін тиісті уақыт аралықтары өткенде мезгіл-мезгіл тексеру керек. Шеткергі ісінулері бар емделушілерде ыстық ауа райында сұйылту гипонатриемиясы дамуы мүмкін.

Метаболизмдік және эндокриндік әсерлер

Тиазидті ем глюкозаға төзімділікке ықпал етуі мүмкін. Гипогликемиялық дәрілер, соның ішінде инсулин дозасын түзету қажет болуы мүмкін. Тиазидті ем кезінде жасырын қант диабеті көрініс беруі мүмкін.

Тиазидтер кальцийдің несеппен шығарылуын әлсіретіп, қан сарысуында кальций деңгейінің қысқа мерзімді және мардымсыз жоғарылауын туғызуы мүмкін. Айқын гиперкальциемия жасырын гиперпаратиреозды айғақтай алады. Тиазидті диуретик қалқанша маңы бездерінің функциясына зерттеу жүргізер алдында тоқтатылу керек.

Холестерин және триглицеридтер деңгейінің жоғарылауы да тиазидті диуретиктер емімен байланысты болуы мүмкін.

Кейбір емделушілерде тиазидті диуретиктер қабылдау гиперурикемия және/немесе подаграның дамуына әкелуі мүмкін. Лозартан несеп қышқылы деңгейін төмендететіндіктен, оны гидрохлоротиазидпен біріктіру диуретик қабылдаумен индукцияланған гиперурикемия айқындылығын азайтады.

Бауыр функциясының бұзылуы

Бауыр ауруы бұзылған немесе үдеген емделушілерге тиазидтер сақтықпен тағайындалу керек, өйткені ондай препараттар бауырішілік холестазға себеп болып, ал су-электролит теңгерімінің болымсыз өзгерістері бауыр комасын туындатуы мүмкін. Лозарел Плюс препараты бауыр функциясының бұзылуы ауыр емделушілерге қарсы көрсетілімді.

Басқа да әсерлері

Тиазидті диуретиктер алатын емделушілерде аса жоғары сезімталдық реакциялары сыртартқысында аллергия немесе бронх демікпесінің бар-жоғына байланыссыз туындауы мүмкін. Тиазидті диуретиктер қабылдау аясында жүйелі қызыл жегінің үдеуі немесе өршуі хабарланды.

Допингке қарсы тест

Гидрохлоротиазид допингке қарсы тест талдауының оң нәтижесін беруі мүмкін.

Дәрілік заттың көлік құралын немесе қауіптілігі зор механизмдерге әсер ету ерекшеліктері

Препараттың автокөлік пен механизмдерді басқару қабілетіне ықпал етуге қатысты зерттеулер жүргізілмеген. Алайда автокөлік пен механизмдерді басқару кезінде, әсіресе, емдеудің басында және препарат дозасын арттырғанда бас айналу және ұйқышылдық сияқты жағымсыз реакциялардың дамуы мүмкін екенін есте ұстау керек.

Артық дозалануы

Лозартан Адамдарда артық дозалануы туралы деректер шектеулі. Артық дозалану көріністері гипотензия және тахикардия болуы аса ықтимал; брадикардия парасимпатикалық (вагустық) стимуляция салдарынан болуы мүмкін. Симптоматикалық артериялық гипотензия дамыған жағдайда демеуші ем жүргізуді бастау керек. Лозартан мен оның белсенді метаболиті гемодиализ көмегімен шығарылмайды.

Гидрохлоротиазид Ең жиі байқалған артық дозалану белгілері мен симптомдарына электролиттер тапшылығы (гипокалиемия, гипохлоремия, гипонатриемия) және шектен тыс диурез салдарынан дегидратация симптомдары жатады. Дигиталис препараттарын бір мезгілде қабылдағанда гипокалиемия жүрек аритмиясын өршітуі мүмкін.

Гидрохлоротиазидті организмнен гемодиализ арқылы қандай дәрежеде шығаруға болатыны анықталмаған.

Емі симптоматикалық және демеуші сипатта болады. Лозарел Плюс препаратымен емдеуді тоқтатып, ал емделуші мұқият тексерілу керек. Ұсынылатын шараларда, егер препарат таяуда қабылданған жағдайда, құстыру, сонымен бірге, белгіленген емшараларға сай, дегидратацияны, электролит теңгерімсіздігін, бауыр комасын және гипотензияны түзету қамтылады.

Шығарылу түрі және қаптамасы

Алюминий фольгадан жасалған пішінді ұяшықты қаптамаға 7 таблеткадан салады.

Медициналық қолдану жөніндегі мемлекеттік және орыс тілдеріндегі нұсқаулықпен бірге пішінді ұяшықты 4 қаптамадан картон қорапшаға салынады.

Дәріханалардан босатылу шарттары

Рецепт арқылы

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Тіркеу куәлігінің иесі

Лек Фармасьютикалс д.д., Словения

Verovskova 57, Ljubljana, Slovenia

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның, дәрілік заттарды тіркеуден кейінгі қауіпсіздік мониторингі үшін жауапты мекенжайы

Қазақстан Республикасындағы «Сандоз Фармасьютикалс д.д.» АҚ өкілдігі

Қазақстан Республикасы, 050051, Алматы қ., Луганский к-сі, 96,

«Керуен» бизнес орталығы, Тел. +7 (727) 2581048   Факс: +7 (727) 2581047,

e-mail: kzsdz.drugsafety@sandoz.com

8 800 080 0066 – Қазақстан бойынша тегін қоңырау шалу нөмірі

Прикрепленные файлы

231286311477976358_ru.doc 130.5 кб
041284931477977552_kz.doc 183.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники