Лафукем (10 мг)

• русский
• қазақша

• Скачать инструкцию медикамента

Саудалық атауы

ЛАФУКЕМ

Халықаралық патенттелмеген атауы

Лафутидин

Дәрілік түрі

Үлбірлі қабықпен қапталған таблеткалар, 5 мг және 10 мг

Құрамы

Бір таблетканың құрамында:

белсенді зат - 5.1 мг және 10.2 мг лафутидин

қосымша заттар: микрокристалды целлюлоза, лактоза моногидраты, крахмал, крахмал (паста үшін), тазартылған су, натрий кроскармеллозасы, L-гидроксипропилцеллюлоза-LH21, аэросил 200, магний стеараты,

қабықтың құрамы: Instacoat SOL IC-S-223 (ақ)2 (5 мг доза үшін), Instacoat А05D00511 (көк)3 (10 мг доза үшін),

Сипаттамасы

Екі беті дөңес дөңгелек пішінді, ақ түсті, үлбірлі қабықпен қапталған таблеткалар (5 мг доза үшін).

Екі беті дөңес дөңгелек пішінді, көк түсті, үлбірлі қабықпен қапталған таблеткалар (10 мг доза үшін).

Фармакотерапиялық тобы

Қышқылдылықтың бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюксті емдеуге арналған препараттар. Гистаминді H2-рецепторлар блокаторлары. Лафутидин

АТХ коды A02BA08

Фармакологиялық қасиеттері

Фармакокинетикасы

Лафутидин асқазан-ішек жолынан тез сіңіріледі және плазмадағы шекті концентрациясына шамамен бір сағаттан соң жетеді, екінші шегі 3 сағаттан соң болуы мүмкін. Тамақтану жылдамдықты баяулатады және жұтылу дәрежесін аздап азайтуы мүмкін және плазмадағы концентрация шегі шамамен 2 сағаттан кейін болады.

Лафукемді қабылдағаннан кейін биожетімділігі шамамен 60-тан 70%-ға дейінді құрайды. Таралу көлемі шамамен 1 л / кг, плазма ақуыздарымен байланысуы 20%-ға жуық. Плазмадан жартылай шығарылу кезеңі шамамен 2 сағатты құрайды және бүйрек жеткіліксіздігі кезінде артады. Препарат бауырда метаболизденеді және несеп арқылы шығарылады.

Фармакодинамикасы

Лафутидин асқазан секрециясын бәсеңдететін әсері бар Н2-рецепторлар блокаторы болып табылады. Мұнан бөлек, Н2-блокаторлары пепсин өнімін бәсеңдетеді, асқазан шырышының бөлінуін арттырады, асқазанның шырышты қабығындағы простагландиндер синтезін арттырады, бикарбонаттар секрециясын арттырады, микроциркуляцияны жақсартады, асқазан мен он екі елі ішектің моторлық функциясын қалыпқа келтіреді.

Қолданылуы

- асқазан мен он екі елі ішектің ойық жара ауруында

- рефлюкс эзофагитте

- жедел гастритпен немесе созылмалы гастриттің асқынуымен байланысты асқазанның шырышты қабығының зақымдануында (эрозиялар, геморрагиялар)

Қолдану тәсілі және дозалары

Асқазанның, он екі елі ішектің ойық жара ауруы

Ересектер үшін әдеттегі доза күніне екі рет, тамақтанғаннан кейін бір сағаттан соң, таңертең және кешке немесе ұйықтар алдында пероральді 10 мг лафутидинді құрайды. Дозасы мен емдеу курсының ұзақтығын емделушінің жасына және аурудың клиникалық көрінісіне байланысты жекелей анықтайды.

Рефлюкс эзофагит және жедел гастритпен немесе созылмалы гастриттің асқынуымен байланысты асқазанның шырышты қабығының зақымданулары (эрозиялар, қан құйылулар, қызару немесе ісіну)

Ересектер үшін әдеттегі доза күніне бір рет, кешке немесе ұйықтар алдында пероральді 10 мг лафутидинді құрайды. Доза емделушінің жасына және клиникалық көрінісіне байланысты түзетілуі мүмкін. Емдеу курсы мен ұзақтығын емдеуші дәрігер анықтайды.

Асқазан ішіндегісімен аспирацияланудың алдын алу үшін операция қарсаңында немесе операция жасалатын күні таңертең – 10 мг.

Жағымсыз әсерлері

• тәбеттің жоғалуы, ауыздың құрғауы, дәм сезу бұзылыстары, жүрек айнуы, құсу, іштің кебуі, диарея немесе іш қату

• гиперурикемия

• бауырдың функционалды сынамаларының жоғарылауы (АСТ және АЛТ), гипербилирубинемия

• аллергиялық реакциялар, тері қышынуы, ангионевротикалық ісіну, бронхтың түйілуі, анафилактикалық реакция

• шеткергі қан көрінісінің патологиялық өзгерістері: агранулоцитоз, тромбоцитопения

• бас ауыруы, бас айналу, қатты шаршағыштық, елестеулер

• гинекомастия

Қолдануға болмайтын жағдайлар

- лафутидинге және препараттың басқа компоненттеріне жоғары сезімталдық

- бауыр және бүйрек функциясының бұзылулары немесе диализдегі емделушілер

- жүктілік, лактация кезеңі

- энцефалопатия

- 18 жасқа дейінгі балаларға және жасөспірімдерге (қауіпсіздігі мен тиімділігі анықталмаған).

Дәрілермен өзара әрекеттесуі

Антацидтер мен сукральфат сіңірілуді баяулатады.

Сүйек кемігін бәсеңдететін дәрілік заттар нейтропенияның даму қаупін арттырады.

Айрықша нұсқаулар

Егде адамдар сақтықпен қабылдау керек.

Препаратпен емдеу кезінде емделушілерді мұқият бақылау керек және клиникалық көрінісіне сәйкес ең төменгі тиімді дозаны тағайындау қажет. Егер әсері болмаса, басқа емді тағайындау қажет.

Қан көрсеткіштері және бауырдың функционалды сынамалары өзгергенде мұқият бақылауы қажет.

Асқазан карциномасымен байланысты симптомдар бүркемеленуі мүмкін, сондықтан емді бастар алдында қатерлі жаңа түзілімдердің бар-жоғын анықтау қажет. «Рикошет» синдромының даму қаупі салдарынан Лафутидинді қабылдауды біртіндеп тоқтатады. Емдеу барысында асқазанның шырышты қабығының тітіркенуін туындататын азық-түліктерді, сусындарды және дәрілік заттарды қолданудан аулақ болу керек. Шылым шегу тұз қышқылының түнгі секрециясына қатысты лафутидиннің тиімділігін төмендетеді.

Жүктілік және лактация кезеңі

Лафутидинді жүкті әйелдерде қолдану қауіпсіздігі анықталмаған. Жануарларға (егеуқұйрықтарға) жүргізілген зерттеулер лафутидиннің емшек сүтіне бөлінетінін көрсетті, сондықтан препаратпен емдеу қажет болғанда ем уақытында бала емізуді тоқтату қажет.

Педиатрияда қолдану:

Балаларда бұл препараттың қауіпсіздігі анықталмаған (клиникалық тәжірибесі жоқ).

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Орталық жүйке жүйесі тарапынан бұзылулар пайда болу мүмкіндігіне байланысты көлік немесе механизмдерді басқарғанда сақ болу керек.

Артық дозалануы

Симптомдары: құсу, қимыл-қозғалыстық қозу, тремор, артериялық қысымның төмендеуі, тахикардия, коллапс.

Емі: құстыру немесе/және асқазанды шаю. Симптоматикалық және демеуші ем.

Шығарылу түрі және қаптамасы

Алюминий фольгадан жасалған пішінді ұяшықты қаптамада 10 таблеткадан.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші ұйымның атауы мен елі

Alkem Laboratories Ltd

Village Thana, Baddi, Distt. Solan, [H.P.], India

ALKEM HOUSE, “Devashish”, Senapati Bapat Marg, Lower Parel, Mumbai-400013

Тіркеу куәлігі иесінің атауы мен елі

Alkem Laboratories Ltd Mumbai, India

Қаптаушы-ұйымның атауы

Alkem Laboratories Ltd Mumbai, India

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Қазақстан Республикасындағы Алкем Пвт Лтд компаниясының өкілдігі

Алматы қ., Мәметова к-сі 67

8(7272)66-39-90

8(7272)66-39-90

viral.parikh@alkem.com