Ивалгин® Бейби

МНН: Ибупрофен
Производитель: Зентива к.с.
Анатомо-терапевтическо-химическая классификация: Ketoprofen
Номер регистрации в РК: № РК-ЛС-5№021422
Информация о регистрации в РК: 28.05.2015 - 28.05.2020

Инструкция

Саудалық атауы

Ивалгин® Бэйби

Халықаралық патенттелмеген атауы

Ибупрофен

Дәрілік түрі

Ішуге арналған суспензия, 100 мл

Құрамы

Бір құтының (100 мл) ішінде:

белсенді зат - 2.000 г ибупрофен,

қосымша заттар: сұйық сорбитол (кристалданбайтын), дисперсті целлюлоза RC 591, натрий кармеллозасы, лимон қышқылының моногидраты, натрий бензоаты, дәмдік қоспалар (таңқурай), натрий сахарині, полисорбат 60, қызғылт антоциан сығындысы (Е 163), тазартылған су.

Сипаттамасы

Қызғылт түсті тұтқыр суспензия.

Фармакотерапиялық тобы

Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропион қышқылының туындылары. Ибупрофен.

АТХ коды: M01AE01

Фармакологиялық қасиеттері

Фармакокинетикасы

Ішке қабылдаған кезде тез және жақсы сіңіріледі, ашқарынға қабылдағанда қан плазмасындағы ең жоғары шектегі концентрациясына 45 минут ішінде, ал тамақпен бірге қабылдағанда шамамен 1 – 3 сағат ішінде жетеді. Тамақтану ибупрофеннің биожетімділігіне аз ғана ықпалын тигізеді. Ибупрофен қан плазмасы ақуыздарымен қайтымды байланысады. Бауырда біршама тез метаболизденеді және несеппен негізінен метаболиттер және олардың конъюгаттары түрінде бөлініп шығады, аздаған бөлігі нәжіспен шығарылады. Жартылай шығарылу кезеңі шамамен 2 сағатты құрайды. Шығарылуының төмендеуі препараттың организмде жиналуына әкелуі мүмкін. Ибупрофен соңғы дозаны қабылдағаннан кейін 24 сағат ішінде шығарылады. Ибупрофен плацентаға өтеді және емшек сүтіне 1 мкг/мл-ден аз мөлшерде бөлініп шығады.

Фармакодинамикасы

Ибупрофен, пропион қышқылының туындысы, қабынуға қарсы және ыстықты түсіретін әсері бар ревматизмге қарсы стероидты емес дәрі. Төмен дозаларда анальгезиялық әсер береді, өте жоғары дозаларда қабынуға қарсы әсер етеді. Қабынуға қарсы әсері циклооксигеназаның тежелуімен жүзеге асып, әрі қарай простагландиндер синтезінің тежелуіне ұласады. Гранулоциттерден, базофилдерден және жуан жасушалардан қабыну медиаторларының босап шығуының төмендеуі қабынуды азайтады. Ибупрофен қантамырлардың брадикининге және гистаминге сезімталдығын азайтады, Т-лимфоциттерде лимфокиннің өндірілуіне ықпалын тигізеді, сондай-ақ қантамырлардың кеңеюін басады, тромбоциттердің агрегациясын тежейді. Анальгезиялық әсері басталғанға дейінгі кезең 30 минутты құрайды, ыстықты түсіретін ең жоғары әсерге 2 – 4 сағат ішінде жетеді. Ыстықты түсіретін әсері 4 – 8 сағатқа немесе одан астамға созылады, анальгезиялық әсері 4 – 6 сағатқа дейін созылады.

Қолданылуы

Ивалгин® Бэйби келесі жағдайларда 3 айлықтан асқан балаларға қолдануға арналған:

  • ыстықты түсіретін және ауыруды басатын дәрі ретінде: жедел бактериялық және вирустық жұқпаларда, поствакцинальді реакцияларда

  • тіс, бас ауырғанда (соның ішінде этиологиясы қантамырлық бас сақинасы)

  • арқаның, бұлшықеттердің немесе буындардың этиологиясы қабынудан емес ауыруында

  • буындардың қабыну ауруларын симптоматикалық емдеуде, соның ішінде ювенильді идиопатиялық артритте, буыннан тыс ревматизмде, буындардың және омыртқаның дегенеративтік ауруларында

  • буындардың деформациясында және тірек-қимыл аппаратының соғылуларында

Қолдану тәсілі және дозалары

Препаратты мүмкіндігінше өте қысқа мерзім ішінде ең төмен тиімді дозада қолданған жөн.

Дене температурасы жоғарылағанда дене салмағының әр кг шаққанда 5 - 10 мг ибупрофеннің бір реттік дозасын берген жөн; тәуліктік доза дене салмағының әр кг шаққанда 30 мг-ден аспауы тиіс.

Жасқа және дене салмағына байланысты ұсынылатын тәуліктік дозасы.

Жасы

Дене салмағы

Жекелей дозасы

Қабылдау жиілігі

3 - 6 ай

6-8 кг

2.5 мл суспензия (50 мг ибупрофен)

Тәулігіне 3-4 рет

6-12 ай

9-10 кг

3 мл суспензия (60 мг ибупрофен)

Тәулігіне 3-4 рет

1 - 2 жас

11-13 кг

4 мл суспензия (80 мг ибупрофен)

Тәулігіне 3-4 рет

2-3 жас

14-16 кг

5 мл суспензия (100 мг ибупрофен)

Тәулігіне 3-4 рет

3 жас - 6 жас

17-20 кг

7 мл суспензия (140 мг ибупрофен)

Тәулігіне 3 рет

6 - 12 жас

20-30 кг

8 мл суспензия (160 мг ибупрофен)

Тәулігіне 3 рет

30-40 кг

10-15 мл суспензия (200-300 мг ибупрофен)

Тәулігіне 3 рет

Препаратты дене салмағы 5 кг-ден төмен балаларға қолдануға ұсынылмайды.

Емдеу курсы жекелей анықталады, ыстықты түсіретін дәрі ретінде 3 күннен асырмай қолдану керек, егер симптомдар нашарласа, дәрігерден кеңес алу қажет.

Басқа ауруларды емдеген кезде 12 жасқа толмаған балалар үшін тәуліктік дозасы дене салмағының әр кг шаққанда 20 - 35 мг құрайды, ол 3-4 қабылдауға бөлінеді; ювенильді идиопатиялық артритте дене салмағының әр кг шаққанда тәулігіне 40 - 50 мг-ге дейін, ол 3 – 4 қабылдауға бөлінеді.

Нәрестенің дене салмағына байланысты дозаны есептеу үлгісі (ибупрофен дозасының ең төмен ұсынылатын шегін – тәулігіне 20 мг/кг пайдалана отырып, тәуліктік дозаны есептеу):

Дене салмағы (кг)

Ибупрофен дозасы/тәулік (мг)

Суспензия дозасы / тәулік (мл)

6

120

6

8

160

8

10

200

10

12

240

12

14

280

14

16

320

16

18

360

18

20

400

20

30

ең жоғ. 500

ең жоғ. 25 мл

Дене салмағы 30 кг-ден төмен балалар үшін дозаны тәулігіне 25 мл суспензиядан (яғни 500 мг ибупрофен) асырмаған жөн.

Поствакцинальді қызба

Поствакцинальді қызбаны басу үшін Ивалгин® Бэйби препаратының ұсынылатын дозасы 2.5 мл (50 мг ибупрофен) құрайды, қажет болған кезде қайталанатын 2.5 мл дозаны 6 сағаттан кейін беруге болады. Ивалгин® Бэйби препаратының ең жоғары тәуліктік дозасы 5 мл-ден аспайды (100 мг ибупрофен).

Қанағаттанарлық нәтижеге қол жеткізгеннен кейін дозаны тиімді ең төмен демеуші дозаға дейін төмендету ұсынылады.

Дозаланудың дәлдігі үшін градуирленген еккіш-тамшуыр жанына қоса салынады.

Қолданар алдында ішінде суспензиясы бар құтыны мұқият сілкілеп араластыру қажет (шамамен 5 секунд бойы).

Суспензияны судың мол мөлшерімен ішіп қабылдау қажет.

Бауыр немесе бүйрек функциясының жеткіліксіздігі бар емделушілер

Ұсынылмайды.

Жағымсыз әсерлері

Жағымсыз реакциялардың пайда болу жиілігі төмендегі сияқты бағаланады: «өте жиі» (> 1/10), «жиі» (> 1/100 <1/10 дейін), «жиі емес» (> 1/1000 < 1/100 дейін), «сирек» (> 1/10000 < 1/1000 дейін), «өте сирек» (< 1/10000), белгісіз (қолда бар деректермен анықтау мүмкін емес).

Жиі емес

  • аллергиялық реакциялар: есекжем, терінің қышуы, әртүрлі тері бөртпелері

  • іштің ауыруы, жүректің айнуы, диспепсия

Сирек

  • құсу, метеоризм, диарея, іш қату

Өте сирек

  • аса жоғары сезімталдықтың ауыр реакциялары: беттің, тілдің және көмейдің ісінуі, ентігу, тахикардия, артериялық гипотензия (анафилаксия, Квинке ісінуі немесе ауыр шок)

  • бронх демікпесінің және бронхтың түйілуінің өршуі

  • пептикалық ойық жара, ойық жараның тесілуі немесе асқазан-ішектік қан кету, мелена, қан құсу (кейде өліммен аяқталатын, әсіресе егде жастағы емделушілерде), ойық жаралы стоматит, гастрит, ойық жаралы колитің өршуі және Крон ауруы

  • бас ауыру

  • бүйрек функциясының жедел жеткіліксіздігі, сарысудағы мочевинаның жоғарылауымен және ісінулермен астасқан папиллонекроз (әсіресе ұзақ қабылдағанда)

  • қан түзудің бұзылулары (анемия, лейкопения, тромбоцитопения, панцитопения, агранулоцитоз). Алғашқы симптомдары мыналар болып табылады: қызба, тамақтың ауыруы, ауыз қуысындағы беткейлік ойық жаралар, тұмауға ұқсас симптомдар, айқын әлсіздік, түсініксіз қан кету және қанталаулардың пайда болуы

  • бауыр функциясының бұзылуы

  • тері реакцияларының, көп формалы эритеманы қоса, буллезді реакциялар сияқты ауыр түрлері дамуы мүмкін, уытты эпидермальді некролиз, Стивенс-Джонсон синдромы

Бірлі-жарым жағдайлар

  • сыртартқысында аутоиммундық бұзылулары (жүйелік қызыл жегі, дәнекер тіннің аралас ауыруы) бар емделушілерде ибупрофенмен емдеу кезінде желке бұлшықеттерінің сіресуі, бас ауыру, жүректің айнуы, құсу, қызба немесе бағдардың бұзылуы сияқты асептикалық менингит симптомдары байқалды

  • асептикалық менингит

Қабынуға қарсы стероидты емес дәрілермен емдеумен байланысты ісінулердің, артериялық гипертензияның және жүрек функциясы жеткіліксіздігінің дамуы жөнінде мәлімделді.

Эпидемиологиялық деректер және клиникалық зерттеу деректері ибупрофенді қолдану (әсіресе жоғары дозаларда: тәулігіне 2400 мг) және оны ұзақ қабылдау артериялық тромбоздың (мысалы, миокард инфарктісі немесе инсульт) даму қаупінің аздаған жоғарылауымен астасуы мүмкін деп болжам жасауға мүмкіндік береді.

Жағымсыз әсерлер пайда болғанда препаратты қолдануды тоқтатқан жөн.

Қолдануға болмайтын жағдайлар

  • препараттың белсенді затына немесе қосымша компоненттерінің қандай да болсын біреуіне аса жоғары сезімталдық

  • бүйрек (креатинин <30 мл/мин) және/немесе бауыр функциясының ауыр жеткіліксіздігі

  • ацетилсалицил қышқылына және қабынуға қарсы стероидты емес препараттарға демікпе, есекжем немесе басқа аллергиялық реакциялар түрінде көрініс беретін аса жоғары сезімталдық

  • бұдан бұрын ҚҚСП пайдаланып емделумен байланысты сыртартқыда асқазан-ішектік қан кетулер немесе тесілулер

  • асқазан-ішек жолының ойық жаралы зақымдануы (асқазанның және он екі елі ішектің ойық жара ауруы)

  • асқазан-ішектік қан кету, қайталанатын пептикалық ойық жара (ойық жараның немесе қан кетулердің анық айғақталған екі немесе одан көбірек көріністері), Крон ауруы

  • қан түзудің бұзылуы және гемокоагуляциялар

  • жүрек функциясының ауыр жеткіліксіздігі

  • естудің төмендеуі

  • глюкозо-6-фосфатдегидрогеназа тапшылығы

  • 3 айлыққа дейінгі балалар

  • жүктіліктің үшінші триместрі және лактация кезеңі

Дәрілермен өзара әрекеттесуі

Ибупрофенді (жоғары дозаларда) антикоагулянттармен, мысалы, варфаринмен бір мезгілде қолданғанда протромбиндік уақыттың артқаны және қан кетудің жоғары қаупі байқалады. Ацетилсалицил қышқылымен бірге қабылдау ацетилсалицил қышқылының антитромбицарлық әсерін төмендетеді.

Фенобарбитал ибупрофеннің метаболизмін жылдамдатады; ибупрофен қан плазмасындағы литий, дигоксин және фенитоин мөлшерлерінің деңгейлерін жоғарылатады және метотрексат пен баклофеннің уыттылығын арттырады. Стероидты гормондарды немесе басқа ҚҚСП бірге қабылдау асқазан-ішектік қан кету қаупін және он екі елі ішектің ойық жаралы ауруының пайда болу қаупін арттырады, антитромбоцитарлық препараттарды немесе серотонинді кері қармайтын селективтік тежегіштерді бірге қабылдау асқазан-ішектік қан кетулердің пайда болу қаупін ұлғайтады.

Ибупрофен несеп қышқылының шығарылуына мүмкіндік беретін пробенецидтің және сульфинпиразонның әсерін төмендетеді. Диуретиктердің, гипертензияға қарсы препараттардың және мифепристонның әсерлері төмендеуі мүмкін. Калий жинақтайтын диуретиктерді бірге қабылдау гиперкалемияға әкеп соғуы мүмкін. Хинолды антибиотиктерді және ҚҚСП бірге қабылдау құрысулар қаупін арттыруы мүмкін.

Айрықша нұсқаулар

Ивалгин® Бэйби препаратын басқа ҚҚСП, соның ішінде селективтік циклооксигеназа-2 тежегіштерімен бір мезгілде қабылдауға болмайды.

Жағымсыз әсерлер қаупін симптомдарды бақылау үшін қажетті өте қысқа мерзім ішінде тиімді ең төмен дозаны пайдалана отырып, барынша төмендетуге болады.

Асқазан-ішек жолына әсер етуі

Кез келген ҚҚСП қабылдаған кезде өлімге әкеп соғуы мүмкін асқазан-ішектік қан кетулер, ойық жара немесе тесілулер дамуы мүмкін, осы жағымсыз әсерлер емдеу барысында алдын ала сақтандыратын симптомдармен немесе онсыз кез келген уақытта дамуы мүмкін (көбіне сыртартқысында АІЖ ауыр зақымдары бар болған жағдайда).

Асқазан-ішектік қан кетулердің, ойық жараның немесе тесілулердің пайда болу қаупі сыртартқысында ойық жара ауруы бар науқастарда, атап айтқанда, егер ол қан кетумен немесе тесілумен асқынған болса, сондай-ақ егде жастағы адамдарда ҚҚСП дозаларын арттырғанда жоғары болады. Мұндай науқастар емдеуді тиімді ең төмен дозалардан бастауы тиіс. Ацетилсалицил қышқылының немесе АІЖ зақымдану қаупін арттыратын басқа препараттардың төмен дозаларын ұдайы қолдануды қажет ететін емделушілер үшін емдеуді қосымша дәрілерді (мизопростол немесе протонды сорғы тежегіштері) қолдана отырып жүргізген жөн. Сыртартқысында ҚҚСП қабылдау салдарынан АІЖ зақымданған емделушілер, атап айтқанда егде жастағылар, әсіресе емнің бастапқы сатыларында туындаған әдеттен тыс кез келген абдоминальді симптомдарды (атап айтқанда асқазан-ішектік қан кету) дәрігерге мәлімдеуі тиіс.

Ойық жараның немесе қан кетулердің даму қаупін ұлғайтуы мүмкін препараттарды, мысалы, пероральді кортикостероидтарды, антикоагулянттарды (варфарин), серотонинді кері қармайтын селективті тежегіштерді немесе аспиринді бір мезгілде қабылдап жүрген науқастарда сақтық шараларын қолдану ұсынылады.

Ивалгин® Бэйби препаратын қабылдап жүрген науқастарда асқазан-ішектік қан кетулер немесе ойық жаралар туындаған жағдайда емдеуді тоқтату қажет.

ҚҚСП-ті сыртартқысында ойық жаралы колит, Крон ауруы сияқты АІЖ аурулары бар емделушілер сақтықпен қабылдағаны жөн, өйткені ҚҚСП қабылдау олардың жағдайының нашарлауына әкеп соғуы мүмкін.

Жүрек-қантамыр жүйесіне әсер етуі

Артериялық гипертензиясы және (немесе) жүрек функциясының жеткіліксіздігі бар науқастар сақтық шараларын қолдану ұсынылады, өйткені ҚҚСП емдеумен байланысты сұйықтық іркілісі және ісіну жағдайлары байқалды.

Клиникалық және эпидемиологиялық зерттеулердің деректері бойынша, кейбір ҚҚСП (әсіресе жоғары дозаларда және ұзақ емделгенде) артериялық тромбоздық асқынулар (миокард инфарктісі немесе инсульт) қаупін арттыруы мүмкін. Эпидемиологиялық зерттеулер барысында ибупрофеннің төмен дозаларын (тәулігіне 1200 мг) қабылдаумен миокард инфарктісінің жоғары қаупі арасында өзара байланыстар анықталған жоқ.

Бақыланбайтын артериялық гипертензиясы, іркілу құбылыстарымен жүрек функциясының жеткіліксіздігі, жүректің созылмалы ишемиялық ауруы, шеткергі артериялардың атеросклерозы және (немесе) цереброваскулярлық аурулары бар науқастар пайда/қаупі арақатынасын зерделеуден кейін ғана ибупрофенмен ем қабылдауы тиіс. Жүрек-қантамыр ауруларының даму қаупінің факторлары (мысалы, артериялық гипертония, гиперлипидемия, қант диабеті, темекі тарту) бар науқастарды ұзақ емдеуді бастар алдында препаратты тағайындау жөнінде мәселені осы сияқты мұқият қарастыру қажет болады.

Сақтандырудың қосымша шаралары

Жоғары сақтық шаралары мына науқастарда қажет:

  • бүйрек және бауыр функциясының жеткіліксіздігі бар,

  • демікпеден зардап шегіп жүрген,

  • жүйелік қызыл жегісі және дәнекер тіннің басқа да аурулары бар (асептикалық менингиттің пайда болу қаупі бар).

Жүрек және бүйрек функциялары бұзылған кезде қауіп дәрежесі жоғары болатын науқастар үшін диуретиктермен емдеу, кез келген этиологиялы гипогидратация, бүйрек функциясын бақылау ұсынылады.

Көрудің бұзылулары, көрудің бұлыңғырлануы, скотома немесе түрлі түсті қабылдаудың бұзылулары пайда болған жағдайда емдеуді тоқтату қажет. Емдеу сондай-ақ бауыр функциясының персистерлеуші бұзылулары жағдайында немесе бауыр функциясы жеткіліксіздігінің клиникалық симптомдары пайда болған жағдайда тоқтатылуы тиіс. Ұзақ емделген кезде гемограмманы бақылау және бауыр функциясын мезгіл-мезгіл тексеру ұсынылады. Кумарин типті антикоагулянттарды қабылдап жүрген науқастарда қан коагуляциясының параметрлерін жиі бақылаған жөн. Сондай-ақ мерзім сайын қандағы қант деңгейін бақылап отыру орынды.

ҚҚСП қабылдаумен байланысты кейбіреулері өлімге әкеп соғатын ауыр тері реакциялары, соның ішінде эксфолиативті дерматит, қатерлі экссудативті эритема (Стивенс-Джонсон синдромы) және уытты эпидермальді некролиз өте сирек байқалды. Көбіне бұл реакциялар емнің бастапқы сатысында дамиды: реакциялардың басталуы емдеудің алғашқы айында байқалады. Тері бөртпелері алғаш көрініс бергенде, шырышты қабықтар зақымданғанда немесе аса жоғары сезімталдықтың кез келген белгісінде Ивалгин® Бэйби препаратын қабылдауды тоқтатқан жөн.

Циклооксигеназа тежегіштерін / простагландиндер синтезінің тежегіштерін қабылдау овуляцияға әсер етуіне байланысты, әйелдің фертильділігіне жағымсыз әсерін тигізуі мүмкін. Бұл әсер қайтымды және емдеуді тоқтатқаннан кейін жоғалады.

Ұрықтануға қатысты қиындықтары бар әйелдерде, және бедеуліктің айқын себептері анықталғанда Ивалгин® Бэйби препаратын қолдану қажеттілігін қарастырған жөн.

Балаларда қолданылуы

Сусызданған балаларда бүйрек функциясының жеткіліксіздігі қаупі бар.

Ивалгин® Бэйби препаратын 3 айлыққа толмаған балаларға, сондай-ақ дене салмағы 5 кг-ден төмен балаларға бермеу керек, өйткені осы жас тобында ибупрофенді қолдануға жеткілікті тәжірибе жоқ.

Ивалгин® Бэйби препаратының әрбір 5 мл суспензиясында ең көп дегенде 0.12 г сахаридтер бар. Препарат құрамында сорбитол бар. Сирек тұқым қуалайтын фруктоза жақпаушылығы мәселелері бар науқастар бұл препаратты қабылдамауы тиіс.

Жүктілік және бала емізу кезеңі

Простагландиндер синтезінің бәсеңдеуі жүктілікке және (немесе) эмбрионның немесе ұрықтың дамуына жағымсыз әсер етуі мүмкін. Эпидемиологиялық зерттеу деректері жүктіліктің ерте сатыларында простагландиндер синтезінің тежегіштерін қабылдағаннан кейін жүктілікті үзу, жүрек ақауының және гастрошизистің даму қаупінің жоғарылағанын көрсетеді. Жүрек-қантамыр жүйесі ауытқуларының абсолюттік қаупі 1%-дан аздан 1.5%-ға дейін жоғарылайды. Дозаны арттырғанда және емдеуді жалғастырғанда қауіп жоғарылайды.

Жүктіліктің үшінші триместрі кезінде простагландиндер синтезінің барлық тежегіштері ұрыққа келесі әсерлерін тигізеді:

- жүректік-өкпелік уыттылық (артериялық түтіктің мезгілінен ерте жабылуымен және өкпелік гипертензиямен);

- бүйрек дисфункциясы, ол олигогидроамнионмен бүйрек функциясының жеткіліксіздігіне дейін өршуі мүмкін

Ана мен ұрықтың жүктіліктің соңындағы жағдайы:

- қан кету уақыты ұзаруы мүмкін, ұюға қарсы әсері тіпті өте төмен дозаларда да байқалуы мүмкін,

- жатырдың жиырылу белсенділігінің азаюы, бұл босану қызметі белсенділігінің төмендеуіне немесе оның кідіруіне әкеп соғуы мүмкін.

Осы фактілердің салдарынан жүктіліктің үшінші триместрі кезінде Ивалгин® Бэйби препаратын қабылдауға болмайды.

Жүктілік кезінде және жүкті болғысы келіп жүрген әйелдер Ивалгин® Бэйби препаратын қабылдамағаны жөн.

Ибупрофен және оның метаболиттері ана сүтіне аздаған мөлшерде өтеді. Қазіргі таңда емшек жасындағы балаларға теріс ықпалы жөнінде деректер жоқ болғандықтан, препаратты емдік дозаларда қысқа мерзім қабылдағанда емшек емізуді тоқтатудың қажеті жоқ.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Бас айналу, ұйқышылдық, көрудің нашарлауының дамуы, сананың шатасуы сияқты жағымсыз реакциялар дамуы мүмкін екендігін ескеріп, көлік құралын басқарғанда немесе қозғалыстағы механизмдермен жұмыс жасағанда сақтық таныту қажет.

Артық дозалануы

Симптомдары: комаға ауысуы мүмкін бас ауыру, бас айналу, нистагм, құрысулар, іштің ауыруы, жүректің айнуы және құсу. Ауыр жағдайларда препараттың артық дозалануы гипотензияны, ацидозды, тыныстың тоқтап қалуын және цианозды туындатуы мүмкін.

Емі: белсендіріліген көмірді және іш жүргізетін дәрілерді енгізумен бірге асқазанды шаю (мүмкіндігінше тезірек).

Қажет болғанда симптоматикалық ем жүргізу: су-тұз теңгерімін тексеру және реттеу, тыныс алу және жүрек-қантамыр функцияларын демеу, құрысуға жол бермеу үшін диазепам енгізілуі мүмкін, гипотензияда плазма алмастырғыштарды немесе допаминді, немесе норэпинефринді енгізу.

Жеделдетілген диурез және гемодиализ тиімді емес, гемоперфузия жөнінде деректер жоқ.

Шығарылу түрі және қаптамасы

Пластмасса қақпақпен бұрап жабылатын, алғаш ашылғаны бақыланатын және балалардың ашып қоюынан қорғайтын қорғағыш сақинамен қамтамасыз етілген, қоңыр шыны құтыға 100 мл-ден құйылған препарат, тығыздығы төмен ПЭ жасалған өлшеуіш еккіш-тамшуырмен бірге.

1 құты және 1 еккіш-тамшуыр (6 мл) медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны алғаш ашқаннан кейінгі қолдану кезеңі – 6 ай.

Дәріханалардан босатылу шарттары

Рецептісіз

Өндіруші

Зентива к.с., У Кабеловны 130, 102 37 Прага 10, Долни Мехолупы, Чех Республикасы

Тіркеу куәлігінің иесі

Зентива к.с., Чех Республикасы

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

«Санофи-авентис Қазақстан» ЖШС

Қазақстан Республикасы,

050013, Алматы қ., Фурманов к-сі 187Б

телефон: 8-727-244-50-96

факс: 8-727-258-25-96

e-mail: quality.info@sanofi.com

Прикрепленные файлы

727396621477976515_ru.doc 105 кб
025860071477977688_kz.doc 135.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники