Заласта® Ку-таб® (20 мг)

МНН: Оланзапин
Производитель: КРКА, д.д., Ново Место
Анатомо-терапевтическо-химическая классификация: Olanzapine
Номер регистрации в РК: № РК-ЛС-5№022393
Информация о регистрации в РК: 23.09.2016 - 23.09.2021

Инструкция

Саудалық атауы

Заласта® Ку-таб®

Халықаралық патенттелмеген атауы

Оланзапин

Дәрілік түрі

Ауыз қуысында ұнтақталынатын таблеткалар, 5 мг, 10 мг, 15 мг, 20 мг

Құрамы

Бір таблетканың құрамында

белсенді зат – 5 мг, 10 мг, 15 мг, 20 мг оланзапин,

қосымша заттар: маннитол, микрокристалды целлюлоза, кросповидон, орын алмасуы төмен LH-21 гидроксипропилцеллюлоза, аспартам, кальций силикаты, магний стеараты

Сипаттамасы

Мәрмәрлі-сары түсті, екі жақ беті сәл дөңес, теңбілдері болуы мүмкін дөңгелек пішінді таблеткалар

Фармакотерапиялық тобы

Психотроптық препараттар. Нейролептиктер (Антипсихотиктер). Дибензодиазепиндер және оның туындылары. Оланзапин.

АТХ коды N05AH03

Фармакологиялық қасиеттері

Фармакокинетикасы

Пероральді түрде қабылдағаннан кейін оланзапин жақсы сіңеді және ол қан плазмасында ең жоғары концентрацияға 5 - 8 сағаттан соң жетеді. Оланзапиннің сіңімділігі тамақ ішуге байланысты емес. Плазмадағы 7-ден 1000 нг/мл-ге дейінгі концентрацияда, плазма ақуыздарымен, негізінен альбуминмен және 1-қышқылдық-гликопротеинмен оланзапиннің 93%-ға жуығы байланысады.

Оланзапин бауырда конъюгация және тотығу үдерістерінің нәтижесінде метаболизденеді. Негізгі айналымдағы метаболиті 10-N-глюкуронид болып табылады, ол гематоэнцефалдық бөгет арқылы өтпейді. Р450 цитохромының CYP1A2 және CYP2D6 изоферменттері оланзапиннің N-десметил және 2-гидроксиметил метаболиттерінің түзілуіне қатысады. Р450 цитохромының CYP2D6 изоферментінің белсенділігі оланзапин метаболизмінің деңгейіне ықпалын тигізбейді. Препараттың негізгі фармакологиялық белсенділігі бастапқы зат – оланзапинммен шартталған. Оланзапиннің 57%-ға жуығы бүйрек арқылы, негізінен метаболиттер түрінде шығарылады.

Оланзапин емшек сүтімен бірге бөлініп шығады. Анасындағы тепе-тең концентрацияға жеткен кезде нәрестенің алатын орташа дозасы (мг/кг) анасындағы оланзапиннің 1,8% дозасын (мг/кг) құрайды.

Оланзапиннің фармакокинетикалық көрсеткіштері темекі шегуге, жынысқа және жасқа байланысты ауытқып отырады (кестені қараңыз).

Пациенттердің сипаттамасы

Жартылай шығарылу кезеңі (сағат)

Плазмадағы клиренсі

(л/сағ.)

Темекі шегетіндер

38,6

18,6

Темекі шекпейтіндер

30,4

27,7

Әйелдер

36,7

18,9

Еркектер

32,3

27,3

Егде жастағылар (65 және одан үлкен жас)

51,8

17,5

65 жасқа толмаған

33,8

18,2

     

Бүйрегі зақымданған (креатинин клиренсі <10 мл/мин) пациенттерде сау субъектілермен салыстырғанда жартылай шығарылуының орташа кезеңінде (сәйкесінше, 37,7 және 32,4 сағат) немесе плазмалық клиренсінде (сәйкесінше, 21,2 және 25,0 л/сағ.) елеулі айырмашылықтар білінбейді.

Бауыр функциясының аздаған бұзылулары бар, темекі шегетін адамдарда бауыр функциясы бұзылмаған, темекі шекпейтін адамдарға қарағанда (сәйкесінше, 48,8 сағат және 14,1 л/сағ.), оланзапиннің жартылай шығарылу кезеңі (39,3 сағ.) көбірек және клиренсі (18,0 л/сағ.) төмен.

Егде жастағы пациенттерде, 65 жасқа толмаған пациенттермен салыстырғанда, оланзапиннің плазмалық клиренсі еркектерде әйелдермен салыстырғанда, және темекі шекпейтін пациенттерде темекі шегетін пациенттермен салыстырғанда төмен. Алайда жастың, жыныстың немесе темекі шегудің креатинин клиренсіне және жартылай ыдырау кезеңіне ықпал ету шамасы жалпы жеке адамдар арасындағы ауытқушылықпен салыстырғанда аз.

Ересек пациенттерде және 13-тен 17 жасқа дейінгі пациенттерде оланзапиннің фармакокинетикасы ұқсас. Клиникалық зерттеулерде оланзапиннің орташа әсері жасөспірімдер арасында 27%-ға жоғары болды, бұл пациенттердің осы тобының демографиялық ерекшеліктерімен байланысты болуы мүмкін (дене салмағының өте төмен болуы және темекі шегетіндер санының азырақ болуы).

Фармакодинамикасы

Заласта Ку-таб® препаратының серотониннің (5HT2A/2C, 5HT3, 5HT6), дофаминнің (D1 - D5), мускариннің (М1 – М5), гистаминнің (Н1) рецепторларына, сондай-ақ адренергиялық жүйенің α-1 рецепторларына да ұқсастығы жоғары болады.

Препарат мезолимбиялық (А10) дофаминергиялық нейрондардың қозғыштығын селективті түрде төмендетеді, және сол кезде моторлы функцияларды реттеуге қатысатын стриарлы (А9) жүйке жолдарына аздаған әсерін тигізеді. Заласта Ку-таб® каталепсияны (моторлы функцияға жағымсыз ықпалын көрсететін бұзылыс) туындататын дозаларға қарағанда өте төменірек дозаларда шартты қорғаныс рефлексін (психозға қарсы белсенділікті сипаттайтын тест) төмендетеді. Заласта Ку-таб® «анксиолитикалық» тест жүргізген кезде үрейленуге қарсы әсерді арттырады.

Заласта Ку-таб® өнімді де (сандырақтау, елестеулер және басқалар), сонымен қатар жағымсыз да бұзылыстардың редукциясын қамтамасыз етеді.

Қолданылуы

Заласта Ку-таб® препараты мыналарға арналған:

  • айқын білінетін өнімді (мысалы, сандырақтар, елестеулер, ойлаудың бұзылысы, өшігушілік және күмәнданушылық) және/немесе жағымсыз (мысалы, эмоциональді немқұрайлық, эмоциональді және әлеуметтік тұрғыдан бөлектену, сөйлеудің жұтаңдануы) симптоматикасы, сондай-ақ қатар жүретін салдарлық аффективті бұзылыстары бар пациенттерде шизофренияны және соған ұқсас психоздық бұзылыстардың асқынуын және демеуші ем үшін; емдеудің бастапқы әсері байқалатын пациенттерде емдеуді жалғастырған кездегі клиникалық жақсаруын демеу үшін

  • биполярлы бұзылыстары бар пациенттерде психоздық көріністері бар немесе жоқ болғанда немесе фазалардың тез алмасуы болмағанда жедел маниакальді немесе аралас эпизодтарды монотерапия түрінде немесе литиймен немесе вальпроатпен біріктіріп емдеу үшін; биполярлы бұзылыстарда маниакальді, аралас немесе депрессиялық эпизодтардың қайталануы арасындағы аралықты ұзарту мен қайталану жиілігінің азаюы үшін.

  • биполярлы бұзылыстары бар пациенттерде депрессиялық эпизодтарды монотерапия түрінде немесе флуоксетинмен біріктіріп емдеу үшін

  • резистентті депрессиясы бар пациенттерді (екі антидепрессантпен жеткілікті дозада және тиісінше ұзақтықпен емдеуге жауап бермейтін пациенттердегі үлкен депрессиялық бұзылыс) флуоксетинмен біріктіріп емдеу үшін

  • ауырлығы орташадан айқын дәрежеге дейінгі маниакальді эпизодтарды емдеу үшін

  • препаратпен маниакальді эпизодтарды емдеген кезде тиімді болған, биполярлы бұзылысы бар пациенттерде аурудың қайталануына жол бермеу үшін

Қолдану тәсілі және дозалары

Ішке қабылдауға арналған.

Ауыз қуысында ұнтақталынатын Заласта Ку-таб® таблеткалары сілекейде тез ериді және оңай жұтылады. Ауыздан таблетканы ерімеген күйінде шығарып алу қиындау. Таблетканың сынғыштығына байланысты, таблетканы тура қолданар алдында ғана блистерден шығарған жөн. Таблеткаларды тура қабылдар алдында сондай-ақ суда немесе басқа да сұйықтықтарда (мысалы, апельсин немесе алма шырыны, сүт, кофе) ерітуге болады. Заласта Ку-таб препаратын тамақ ішуге қарамай-ақ қабылдай беруге болады, өйткені тамақтану препараттың сіңімділігіне ықпалын тигізбейді.

Заласта Ку-табтың емдік дозалары тәулігіне 5 мг-ден 20 мг-ге дейінгі диапазонда ауытқиды. Тәуліктік дозаны науқастың клиникалық жағдайына байланысты жекелей таңдау қажет. Дозаны стандартты тәуліктік дозадан арттыру пациентті тиісінше клиникалық тексеруден кейін, кем дегенде, 24 сағат аралықпен жүргізу ұсынылады. Дозаны біртіндеп азайту Заласта Ку-табты қабылдау тоқтатылған жағдайда қарастырылуы тиіс.

Ауыз қуысында ұнтақталынатын Заласта® Ку-таб® таблеткалары және Заласта таблеткалары биобаламалы және сіңу жылдамдығы және дәрежесі ұқсас болады. Ауыз қуысында ұнтақталынатын Заласта® Ку-табтың таблеткалары Заласта таблеткаларындағыдай, белгілі бір мөлшерде және жиілікте қолданылады. Ауыз қуысында ұнтақталынатын Заласта Ку-табтың таблеткаларын оланзапин таблеткаларының орнына қолдануға болады.

Шизофрения және ұқсас психоздық бұзылыстар: Заласта Ку-табтың ұсынылатын бастапқы дозасы тәулігіне бір рет 10 мг құрайды. Заласта Ку-табтың емдік дозалары тәулігіне 5 мг-ден 20 мг-ге дейінгі диапазонда ауытқиды. Стандартты тәуліктік 10 мг дозадан жоғары дозаға арттыру пациентті тиісінше клиникалық тексеруден кейін, кем дегенде, 24 сағат аралықпен жүргізу ұсынылады.

Биполярлы бұзылыстағы жедел мания: Заласта Ку-табтың ұсынылатын бастапқы дозасы монотерапия ретінде тәулігіне бір рет 15 мг немесе литиймен немесе вальпроатпен біріктірілімі ретінде тәулігіне бір рет 10 мг құрайды.

Биполярлы бұзылыстағы демеуші ем: жедел манияны емдеу үшін Заласта Ку-табты қабылдаған пациенттерде сол дозадағы демеуші емді жалғастыру қажет. Ремиссиядағы пациенттерде Заласта Ку-табтың ұсынылатын бастапқы дозасы тәулігіне бір рет 10 мг құрайды. Ары қарай тәуліктік дозаны пациенттің клиникалық жағдайына байланысты жекелей, 5 мг-ден 20 мг-ге дейінгі шекте таңдау қажет.

Биполярлы және резистентті депрессия: Заласта Ку-табты флуоксетинмен біріктірілімін тамақ ішуге қарамай, кешкі уақытта күніне 1 рет тағайындаған жөн. Әдеттегідей, бастапқы доза Заласта Ку-табтың 5 мг және флуоксетинннің 20 мгқұрайды. Қажет болған кезде Заласта Ку-табтың, сонымен қатар флуоксетиннің де дозасын өзгертуге рұқсат етіледі.

Маниакальді эпизод: Заласта Ку-табтың ұсынылатын бастапқы дозасы монотерапияда тәулігіне бір рет 15 мг немесе біріктірілген емде тәулігіне бір рет 10 мг құрайды.

Биполярлы бұзылыс кезінде қайталанудың профилактикасы: Заласта Ку-табтың ұсынылатын бастапқы дозасы тәулігіне бір рет 10 мг құрайды Маниакальді көріністі емдеу үшін Заласта Ку-табты қабылдап жүрген пациенттерде қайталану профилактикасы үшін емдеуді сол дозада жалғастыру қажет. Жаңа маниакальді, аралас немесе депрессиялық көрініс пайда болған жағдайда Заласта® Ку-таб® препаратымен емдеу (қажет болғанда дозаны оңтайландыру), клиникалық көрсетілімдері бойынша көңіл-күйдің өзгеру симптомдарын емдеу үшін қосымша ем тағайындай отырып, жалғастырылуы тиіс.

Пациенттердің ерекше топтары үшін тәуліктік дозаны таңдаудың жалпы ережесі

Бастапқы дозаны тәулігіне 5 мг-ге дейін төмендету 65 жастан бастап және одан үлкен пациенттерге немесе ауыр бүйрек жеткіліксіздігін немесе ауырлығы орташа дәрежелі бауыр жеткіліксіздігін (бауыр циррозы, Чайлд-Пью шкаласы бойынша А және В класы) қоса, басқа да клиникалық қауіп факторлары бар пациенттерге ұсынылады. Дозаны 5 мг-ден астамға арттыруды сақтықпен жүргізу қажет.

Бастапқы дозаны төмендету оланзапиннің метаболизмін баяулата алатын факторлардың біріктірілімі (әйел жынысты науқастар, егде жастағылар, темекі шекпейтіндер) бар пациенттер үшін ұсынылуы мүмкін. Мұндай пациенттерде дозаны арттыру сақтықпен жүргізілуі тиіс.

Заласта Ку-табты 18 жасқа толмаған пациенттер тобына қолдану, препаратты педиатриялық популяцияда қолданудың қауіпсіздігі және тиімділігі жөнінде деректер жоқ болғандықтан, ұсынылмаған.

2,5 мг дозада тағайындау қажет болғанда, Заласта® таблеткаларын пайдаланған жөн.

Жағымсыз әсерлері

Өте жиірек мәлімделген жағымсыз реакцияларға ( 1%) ұйқышылдық, дене салмағының артуы, эозинофилия, пролактин, холестерин, глюкоза және триглицерид деңгейлерінің жоғарылауы, глюкозурия, тәбеттің жоғарылауы, бас айналу, акатизия, паркинсонизм, дискинезия, ортостатикалық гипотония, антихолинергиялық әсерлер, бауыр трансаминазаларының транзиторлы симптомсыз жоғарылауы, бөртпе, астения, шаршау және ісіну жатады.

Өте жиі (≥10%):

  • салмақтың артуы1,3 (дене салмағының ≥7%-ы)

  • плазмада пролактин деңгейінің жоғарылауы3,8

  • ортостатикалық гипотензия3

  • ұйқышылдық

  • ашқарындағы бастапқы ≥5,17 - <6,2 ммоль/л көрсеткішпен салыстырғанда, холестерин деңгейінің ≥6,2 ммоль/л артуы3

  • бастапқы ≥1,69 - <2,26 ммоль/л көрсеткішпен салыстырғанда, триглицеридтер деңгейінің3 ≥2,26 ммоль/л артуы,

  • ашқарындағы бастапқы ≥5,56 - <7 ммоль/л көрсеткішпен салыстырғанда, глюкоза деңгейінің ≥7 ммоль/л артуы3

Жиі (≥1%, <10%):

  • салмақтың артуы,3 (дене салмағының ≥15%-ы)

  • эозинофилия3, лейкопения (нейтропенияны қоса)3

  • бауыр аминотрансферазаларының (АЛТ, АСТ), әсіресе емнің ерте кезеңдерінде транзиторлы асимптоматикалық жоғарылауы3

  • сілтілік фосфатаза (СФ) деңгейлерінің артуы 3

  • ашқарындағы бастапқы <5,17 ммоль/л көрсеткішпен салыстырғанда, холестерин деңгейінің ≥6.2 ммоль/л артуы3

  • бастапқы <1,69 ммоль/л көрсеткішпен салыстырғанда, триглицеридтер деңгейінің ≥2.26 ммоль/л артуы3

  • ашқарындағы бастапқы <5,56 ммоль/л көрсеткішпен салыстырғанда, глюкоза деңгейінің3 ≥7 ммоль/л артуы

  • гамма-глутамилтрансфераза деңгейінің артуы3

  • несеп қышқылы деңгейінің артуы3

  • глюкозурия3

  • тәбеттің күшеюі

  • гбас айналу

  • акатизия6

  • паркинсонизм6

  • дискинезия6

  • іш қатуды және ауыз ішінің құрғауын қоса, орташа транзиторлы антихолинергиялық әсерлер

  • еркектерде эректильді дисфункция, еркектер мен әйелдерде жыныстық құмарлықтың төмендеуі

  • бөртпе, ісіну (соның ішінде шеткергі)

  • астения, шаршау, қызба

  • артралгия

Кейде (≥0,1%, <1%):

  • салмақтың артуы1 (дене салмағының ≥25%-ы)

  • лейкопения, нейтропения

  • брадикардия, QTc аралығының ұзаруы

  • тромбоэмболия (соның ішінде өкпе артерияларының тромбоэмболиясы және тереңдегі көктамырлар тромбозы)

  • фотосезімталдық реакциясы

  • алопеция

  • несепті ұстай алмау, несептің іркілуі

  • аменорея, сүт бездерінің ұлғаюы, әйелдерде галакторея, гинекомастия/еркектерде кеуде бездерінің ұлғаюы

  • креатинфосфокиназа деңгейінің артуы, жалпы билирубиннің жоғарылауы

  • іштің кебуі

  • амнезия

  • мұрыннан қан кету

Сирек (≥0,01%, <0,1%):

  • гепатит (бауырдың бауыр-жасушалық, холестаздық немесе аралас зақымдануын қоса)

  • гипергликемия

  • талмалар/ұстамалар

Өте сирек (<0,01%):

  • аллергиялық реакция (мысалы, анафилаксиялық реакция, ангионевроздық ісіну, есекжем)

  • тоқтату симптомдары7

  • панкреатит

  • тромбоцитопения

  • сарғаю

  • кейбір өліммен аяқталуды қоса, кейде кетоацидозбен4 немесе комамен байланысты, қант диабетінің пайда болуы немесе өршуі

  • рабдомиолиз

  • приапизм

  • гипертриглицеридемия5, гиперхолестеринемия

Жиілігі белгісіз

  • гипотермия

  • құрысулар көп жағдайларда ұстамалары сыртартқысында болғанда және құрысудың даму қаупінің факторлары бар болғанда

  • қатерлі нейролептикалық синдром

  • дистония (көз алмасының қозғалысын қоса)

  • жаңа туған нәрестелерде тоқтату синдромы

  • кешеуілдеген дискинезия

  • қарыншалық тахикардия/фибрилляция, кенеттен болатын өлім

  • несептің бөлініп шығуының қиындауы

1 Дене салмағының клиникалық тұрғыдан маңызды артуы ДСИ (дене салмағының индексі) барлық категориялары бойынша байқалды. Ұсынылған деректер препаратты қысқа мерзімдік қолдану кезеңіне (орта есеппен 47 күн) сәйкес келеді.

2 Ашқарында липидтер мәнінің орташа артуы басында липидтік алмасудың бұзылуы болмаған пациенттерде жоғары болды.

3 Баға беру осы клиникалық зерттеулер базасында өлшенген мәндер негізінде жасалды.

4Диабеттік ацидоз COSTART термині.

5Гиперлипидемияның COSTART термині.

6 Клиникалық зерттеулерде оланзапин қабылдаған пациенттерде паркинсонизм және дистонияның пайда болу жиілігі саны жағынан жоғары болды, бірақ плацебодан статистикалық тұрғыдан айырмашылығы болған жоқ. Оланзапин қабылдаған пациенттерде, галоперидолдың титрленетін дозаларымен салыстырғанда, паркинсонизм, акатизия және дистония жиілігі өте төмен болды.

7 Оланзапин қабылдауды кенеттен тоқтатқан кезде тершеңдік, ұйқысыздық, тремор, мазасыздық, жүректің айнуы және құсу сияқты жедел симптомдардың дамуы байқалды.

8 Ұзақтығы 12 аптаға дейін созылған клиникалық зерттеулерде плазмадағы пролактин деңгейі оланзапин қабылдаған пациенттердің шамамен 30%-да жоғары қалып шегінен асып кетті. Көптеген пациенттерде пролактин деңгейінің жоғарылауы орташа болды және қалыпты диапазон мәндерінің жоғарғы шегінен екі есе төмен күйінде қалды.

Шизофрениясы бар пациенттерде кейде жыныс функциясының бұзылуымен және сүт бездерінің ауруларымен (≥0.1% <1% дейін) байланысты клиникалық көріністердің дамуы байқалды және етеккір функциясының бұзылуымен (≥1% <10% дейін) потенциальді түрде байланысты жағымсыз реакциялардың дамуы байқалды. Басқа да психикалық аурулары (биполярлы депрессия, психоздық депрессия, жеке тұлғалық шектеу бұзылысы және биполярлы мания) бар пациенттерде сексуальді функцияның бұзылуымен байланысты жағымсыз реакциялар пролактин деңгейін арттырғанда жиі (≥1% <10% дейін) болды, сол кезде етеккір функциясының бұзылуымен және сүт бездерінің ауруларымен байланысты жағымсыз реакциялар анда-санда (≥0.1% <1% дейін) кездесті.

Заласта Ку-табты ұзақ қолданғанда (кем дегенде 48 апта) қолданғанда дене салмағында, глюкоза, жалпы холестерин, ТТЛП, ТЖЛП немесе триглицеридтер деңгейінде клиникалық тұрғыдан маңызды өзгерістері бар пациенттердегі мөлшерлік арақатынас уақыт өте келе ұлғайды. Емнің 9-12 курсын аяқтаған пациенттерде қандағы глюкоза деңгейінің орташа шамада өсу қарқыны шамамен 6 айдан соң баяулады.

Пациенттердің ерекше топтарындағы жағымсыз әсерлер

Ақыл кемдігі бар егде жастағы пациенттерде жүргізілген клиникалық зерттеулерде Заласта Ку-табпен емдеу, плацебоман салыстырғанда, өте жоғары өліммен және жүрек-қантамыр жүйесі тарапынан жағымсыз реакциялардың жоғары жиілікте дамуымен астасты. Пациенттердің осы тобындағы өте жиі жағымсыз реакцияларға (10%) жүріс-тұрыстың бұзылуы және құлап қалу жатты. Жиі жағымсыз реакциялар (≥1%, <10%) дене температурасының жоғарылауы, летаргия, эритема, көру елестеулері, пневмония және несепті ұстай алмау болды.

Паркинсон ауруында дәрілік препаратты (допамин агонисі) қабылдаумен индукцияланған психозы бар науқастарда, плацебоға қарағанда, елестеулер және паркинсонизм симптомдарының күшеюі өте жиі ( 10%) және өте жоғары жиілікте байқалды.

Заласта Ку-табты литиймен немесе вальпроатпен біріктіріп қабылдап жүрген, биполярлы маниясы бар науқастарда нейтропенияның дамуы байқалды. Осы топтағы өте жиі (10%) жағымсыз әсерлер салмақтың жоғарылауы, ауыз ішінің құрғауы, тәбеттің жоғарылауы, тремор болды және жиі әсерлер (< 10% және ≥ 1%) сөйлеудің бұзылуы болды. Литиймен немесе дивалпроекспен біріктіріп Заласта Ку-табпен емдеу кезінде салмақтың бастапқы деңгейінен ≥7%-ға артуы жедел кезеңдегі ем кезінде (6 аптаға дейінгі) пациенттердің 17,4%-да байқалды. Биполярлы бұзылысы бар пациенттерде қайталану профилактикасы үшін Заласта Ку-табпен ұзақ мерзім (12 айға дейін) емдеу пациенттердің 39,9%-да дене салмағының бастапқы деңгейден ≥7%-ға артуымен астасты.

Қолдануға болмайтын жағдайлар

  • препараттың кез келген компоненттеріне жоғары сезімталдық

  • жабық бұрышты глаукома

  • бала емізу кезеңі

  • 18 жасқа дейінгі балалар мен жасөспірімдер

Дәрілермен өзара әрекеттесуі

Оланзапиннің метаболизмі CYP1А2 қатысты спецификалық белсенділік танытатын Р450 цитохромы изоферменттері тежегіштерінің немесе индукторларының әсер етуімен өзгеруі мүмкін.

Іn vitro зерттеу деректері бойынша, оланзапин Р450 цитохромының келесі: CYP1A2, CYP2C9, CYP2C19, CYP2D6 және CYP3A изоферменттерінің белсенділігін басу үшін өте аз потенциалға ие. Клиникалық сынақтарда келесі препараттармен: үш циклдік антидепрессанттармен (CYP2D6) (соның ішінде имипраминмен немесе оның метаболиті дезипраминмен (CYP2D6, CYP3A, CYP1A2)), варфаринмен (CYP2C19), теофиллинмен (CYP1A2) немесе диазепаммен (CYP3A4, CYP2C19) емдеу аясында оланзапин дозасын бір реттік енгізу метаболизмнің басылуымен қатар жүрмегені көрінді.

Оланзапиннің клиренсі темекі шегетін пациенттерде және карбамазепин (CYP1А2 белсенділігінің артуымен байланысты) қабылдап жүрген науқастарда жоғарылайды. Клиникалық мониторинг жүргізу және қажет болғанда оланзапин дозасын арттыру ұсынылады.

Белгілі күшті CYP1А2 тежегіштері оланзапиннік клиренсін төмендетуі мүмкін. Оланзапин CYP1А2 белсенділігінің күшті тежегіші емес, сондықтан Заласта Ку-таб препаратын қабылдаған кезде негізінен CYP1A2 қатысуымен метаболизденетін, теофиллин сияқты дәрілік заттардың фармакокинетикасы өзгермейді.

Сондай-ақ оланзапинді литиймен немесе бипериденмен біріктіріп қолданғанда дәрілік өзара әрекеттесулердің белгілері байқалған жоқ.

Оланзапин допамин агонистерінің тікелей және тікелей емес агонистерінің әсерін баяулатуы мүмкін.

Оланзапиннің тұрақты концентрациясының аясында этанолдың фармакокинетикасында өзгерулер байқалған жоқ. Алайда этанолды оланзапинмен бірге қабылдау оланзапиннің фармакологиялық әсерлерінің, соның ішінде седативтік әсерінің күшеюімен қатар жүруі мүмкін.

Флуоксетин (бір реттік 60 мг немесе күн сайын 60 мг 8 күн бойы) оланзапиннің ең жоғары концентрациясын орта есеппен 16%-ға арттырады және оланзапиннің клиренсін орта есеппен 16%-ға төмендетеді. Флуоксетиннің ықпал ету дәрежесі осы көрсеткіштердің жекелей айырмашылықтарының айқындылығынан едәуір басым болады, сондықтан әдетте флуоксетинмен біріктіріп қолданғанда Заласта Ку-табтың дозасын өзгерту ұсынылмайды.

Құрамында алюминий- немесе магний- бар антацидті немесе циметидиннің бір реттік дозасын ішке қабылдаған кезде оланзапиннің биожетімділігін бұзған жоқ.

Белсендірілген көмірді бірге тағайындау ішке қабылдағанда оланзапиннің биожетімділігін 50 - 60%-ға дейін төмендетеді. Белсендірілген көмірді Заласта Ку-таб препаратын қабылдаудан кем дегенде 2 сағат бұрын немесе кейін қабылдау қажет.

Флувоксамин, CYP1A2 спецификалық тежегіші оланзапиннің клиренсін едәуір төмендетеді. Нәтижесінде, флувоксаминді қабылдаған кезде оланзапиннің Сmах мәні темекі шекпейтін әйелдерде 54%-ға және темекі шегетін еркектерде 77%-ға артады және оланзапиннің AUC орташа артуы, сәйкесінше, 52% және 108% құрайды. Флувоксаминді немесе ципрофлоксацин сияқты кез келген басқа CYP1A2 тежегішін қабылдап жүрген пациенттерге Заласта Ку-табпен өте төмен бастапқы дозада тағайындау қажет. CYP1A2 тежегіштерімен емдеуді бастағанда кезде Заласта Ку-табтың дозасын төмендету қажет.

Адам бауырының микросомаларын пайдаланып жүргізілген in vitro зерттеулер оланзапиннің вальпроат глюкуронидінің түзілу үдерісін едәуір басатынын көрсетті (вальпроат метаболизмінің негізгі жолы). Вальпроат сондай-ақ оланзапиннің метаболизміне аздаған in vitro ықпалын тигізеді. 2 апта бойы 10 мг оланзапинді in vivo күн сайын бірге тағайындау плазмадағы вальпроаттың тұрақты концентрациясына ықпалын тигізбейді. Осылайша, Заласта Ку-таб препаратын бір мезгілде тағайындау вальпроат дозасын түзетуді қажет етпейді.

Заласта Ку-табты алкоголь қолданатын немесе орталық жүйке жүйесінің тежелуін туындататын дәрілік препараттармен тағайындағанда сақтық таныту қажет.

Паркинсон ауруы және ақыл кемістігі бар пациенттерге Заласта Ку-табты паркинсонизмді емдеуге арналған дәрілік препараттармен бір мезгілде қолдану ұсынылмайды.

Оланзапинді QTc аралығын арттыратын препараттармен бір мезгілде тағайындағанда сақтық таныту қажет.

Айрықша нұсқаулар

Психозға қарсы препараттармен емдеу кезінде пациенттің клиникалық жағдайының жақсаруына қол жеткізу бірнеше күннен бірнеше аптаға дейін болуы мүмкін. Осы кезеңде пациенттің жағдайын мұқият бақылау қажет.

Мінез-құлық бұзылыстары және/немесе деменциямен байланысты психоздар

Заласта® Ку-таб® деменцияға байланысты психозы және/немесе өліммен аяқталу жиілігінің және цереброваскулярлы бұзылулардың (инсульт, транзиторлы ишемиялық шабуылдар) даму қаупінің артуына байланысты психозы бар егде жастағы пациенттерге қолдануға ұсынылмайды. Өлімнің артуы Заласта Ку-табтың дозасымен немесе ұзақтығымен байланысты емес. Осы популяциядағы пациенттер өлімінің артуына бейім етуі мүмкін қауіп факторлары 65 жастан асу, дисфагия, седация, тойып тамақтанбау, сусыздану, өкпеде патологияның болуы (аспирациясымен/онсыз пневмония) немесе бензодиазепиндерді бір мезгілде қолдану болды.

Цереброваскулярлық бұзылулар цереброваскулярлық жағымсыз құбылыстары (мысалы, бұрын байқалған цереброваскулярлық жағымсыз құбылыс жағдайы немесе транзиторлы ишемиялық шабуыл, гипертония, темекі шегу) бар, сондай-ақ қатар жүретін аурулары және/немесе цереброваскулярлық жағымсыз құбылыстармен уақытша байланысы бар препараттары қабылдаған барлық пациенттерде болды. Жастың 75-тен асуы, қантамырлық деменция немесе аралас типті деменция Заласта Ку-табпен емдеген кезде цереброваскулярлық жағымсыз реакциялардың даму қаупінің факторлары ретінде анықталды. Осы топтағы пациенттерде оланзапиннің тиімділігі анықталған жоқ.

Паркинсон ауруы

Заласта Ку-табты қолдану дофаминдік рецепторлар агонистерін қолданудан туындаған Паркинсон ауруында, паркинсонизм симптомдары және елестеулер күшеюі мүмкін болғандықтан, психозды емдеу үшін ұсынылмайды. Психоздық симптомдарды емдеу үшін Заластаны қолданудың тиімділігі бұл жағдайда плацебо қолданудан басым болмайды.

Қатерлі нейролептикалық синдром (ҚНС)

Заласта Ку-табты қоса, кез келген нейролептиктерді қолданған кезде клиникалық көріністеріне дене температурасының едәуір жоғарылауы, бұлшықеттің сіресушілігі, психикалық жағдайдың өзгеруі және вегетативтік бұзылулар (тахикардия, тамыр соғуының тұрақты болмауы немесе артериялық қысым, жүрек аритмиясы, қатты терлеу) жататын ҚНС дамуы мүмкін. Қосымша белгілерге сарысулық КФК концентрациясының артуы, миоглобинурия (рабдомиолиз симптомы) және бүйрек функциясының жедел жеткіліксіздігі жатады. Қатерлі нейролептикалық синдромның клиникалық көріністері немесе дене температурасының осы синдромның басқа симптомдарынсыз едәуір жоғарылауы, Заласта Ку-таб препаратын қоса, барлық нейролептиктерді тоқтатуды қажет етеді.

Гипергликемия және қант диабеті

Жекелеген жағдайларда Заласта Ку-табты қолданған кезде гипергликемия, қант диабеті, бұрыннан бар диабеттің өршуі, диабеттік кетоацидоз және диабеттік кома, соның ішінде өліммен аяқталатын кома дамуы мүмкін. Пациенттің дене салмағының артуы осы жағымсыз әсерлердің дамуы үшін бейімді фактор болуы мүмкін екендігі мәлімделді. Заласта Ку-табты қоса, кез келген психозға қарсы препараттарды қабылдап жүрген пациенттерде гипергликемии симптомдарының (полидипсия, полиурия, тәбеттің жоғарылауы және әлсіздік) бар-жоқтығына, сондай-ақ қант диабеті және диабеттің даму қаупінің факторлары бар пациенттерде гликемиялық бақылаудың нашарлау белгілерінің бар-жоқтығына мұқият клиникалық мониторинг жүргізу ұсынылады. Пациенттердің дене салмағына мұқият мониторинг қажет.

Липидтер концентрацияларының өзгеруі

Дислипидемиясы бар пациенттерде және липидтердің алмасуында бұзылулардың даму қаупінің факторлары бар пациенттерді Заласта Ку-табпен емдеген кезде қан плазмасындағы липидтер концентрацияларының өзгеруін бақылау қажет. Заласта Ку-табты қоса, құрамында пайдаланылатын нормативтерге сәйкес липидтері бар кез келген психозға қарсы препараттарды қабылдап жүрген пациенттерде мұқият клиникалық мониторинг жүргізу ұсынылады.

Антихолинергиялық белсенділік

Заласта Ку-табпен емдеу антихолинергиялық әсерінің білінуімен байланысты жағымсыз реакциялармен қатар жүруі мүмкін. Қатар жүретін аурулары бар пациенттерде Заластаны қолданудың клиникалық тәжірибесі шектеулі, сондықтан қуықасты безінің клиникалық тұрғыдан маңызды қатерсіз гипертрофиясы, ішектің салданған бітелісі, жабық бұрышты глаукомасы және басқа да осындай көріністері бар пациенттерде Заласта Ку-табты қолданғанда сақтық таныту ұсынылады.

Бауыр функциясының бұзылулары

Бауыр трансаминазалары (аспартатаминотрансфераза (ACT) және аланинаминотрансфераза (АЛТ)) белсенділігінің транзиторлы симптомсыз жоғарылауы Заласта Ку-табпен емдеудің басында өте жиі білінді. АЛТ және/немесе ACT белсенділігі бастапқыда жоғары болған пациенттерде, бауырдың функциональді резерві шектелген бауыр функциясының жеткіліксіздігі бар пациенттерде немесе потенциальді гепатоуытты препараттармен ем қабылдап жүрген пациенттерде сақ болған жөн. Гепатит (соның ішінде гепатоцеллюлярлы, холестаздық немесе аралас этиологиялы) дамыған жағдайда Заласта Ку-табпен емдеуді тоқтату керек.

Нейтропения

Кез келген себептермен, соның ішінде нейтропенияны туындататын дәрілік препараттарды қабылдаумен қатар жүретін аурулар себеп болатын сүйек кемігі функциясының тежелуімен, сыртартқыдағы сәулемен емдеу немесе химиотерапиямен, сондай-ақ гиперэозинофилиямен немесе миелопролиферативтік аурулармен байланысты лейкоциттер және/немесе нейтрофилдер саны төмен болатын пациенттерде сақтық танытқан жөн. Нейтропения, әдеттегідей, Заластаны жәневальпрой қышқылын бір мезгілде қолданғанда туындайды.

Тоқтату синдромы

Заласта Ку-табты қабылдауды күрт тоқтатқан кезде жекелеген жағдайларда жедел туындайтын симптомдармен: қатты тершеңдікпен, ұйқысыздықпен, тремормен, мазасыздықпен, жүректің айнуымен және құсумен қатар жүретін жағдай дамуы мүмкін.

QT аралығы

Клиникалық зерттеулер барысында ауызда ұнтақталынатын оланзапин таблеткаларын қабылдап жүрген пациенттерде, плацебо тобындағы пациенттермен салыстырғанда, кейде жүрек-қантамыр жүйесі тарапынан қатар жүретін құбылыстарында аздаған айырмашылықтары бар, QTc аралығының клиникалық тұрғыдан маңызды ұзаруы (бастапқы QTcF <500 мс болған пациенттерде Фридериция бойынша QTcF≥500 мс түзетілген QT аралық) байқалды. Алайда, басқа психозға қарсы препараттарды қабылдаған кездегідей, Заласта Ку-табты QT аралығын ұзартатын дәрілік препараттармен бір мезгілде қолданғанда, әсіресе егде жаста, QT аралығының туа біткен ұзару синдромы бар пациенттерде, іркілген жүрек жеткіліксіздігінде, миокард гипертрофиясында, гипокалиемияда немесе гипомагниемияда сақ болған жөн. Оланзапинмен емдеу кезінде электрокардиограмманы мезгіл-мезгіл бақылау жүргізу керек.

Орталық жүйке жүйесіне (ОЖЖ) ықпалы

Препараттың ОЖЖ-ге әсер ету сипатын ескере отырып, Заласта® Ку-таб® препаратының орталыққа әсері бар препараттармен және алкогольмен біріктіріп қолданғанда сақ болған жөн. Іn vitro жағдайларында Заласта® Ку-таб® дофаминдік рецепторларға қатысты қарама-қайшылық танытады және дофаминнің тікелей және тікелей емес агонистерін басуы мүмкін.

Тромбоэмболия

Заласта Ку-табты қабылдаған кезде көктамырлық тромбоэмболиялардың пайда болуының жекелеген жағдайлары жөнінде мәлімделді. Осы оқиғалар арасында себеп-салдарлық байланыс анықталған жоқ. Алайда шизофрениясы бар пациенттерде, көктамырлық тромбоэмболияның даму қаупінің жүре пайда болған факторларымен қатар, көктамырлық тромбоэмболияның даму қаупінің басқа да, мысалы, ұзақ уақыт төсек тарту сияқты ықтимал факторлары болуы мүмкін, осы қауіп факторларын анықтау және профилактикалық шаралар жүргізу қажет.

Талмалар/ұстамалар

Заласта Ку-табпен талмалар/ұстамалар сыртартқысында бар немесе құрысу белсенділігінің шегін төмендетуге мүмкіндік беретін қауіп факторлары бар пациенттерге сақтықпен қолданған жөн. Сирек жағдайларда (олардың көбісінде талмалар сыртартқысында бар немесе талманың пайда болуының қауіп факторларының бар екендігі байқалған) Заласта Ку-таб препаратын қабылдаған пациенттерде талмалардың/ұстамалардың пайда болғаны жөнінде мәлімделді.

Кешеуілдеген дискинезия

Ұзақтығы бір жыл немесе одан аз жүргізілген салыстырмалы зерттеулерде Заласта Ку-табпен емдегенде дәрі-дәрмекпен түзетуді қажет ететін дискинезияның дамуы сиректеу қатар жүрді. Алайда кешеуілдеген дискинезияның даму қаупі Заласта Ку-табты өте ұзақ қолданғанда артады. Кешеуілдеген дискинезия белгілері немесе симптомдары пайда болған кезде препарат дозасын төмендету немесе тоқтату жөніндегі мәселені қарастыру қажет. Кешеуілдеген дискинезия симптомдары тіпті препаратты тоқтатқаннан кейін де уақытша күшеюі немесе көрініс беруі мүмкін.

Постуральді гипотензия

Клиникалық зерттеулерде сирек жағдайларда егде жастағы пациенттерде постуральді гипотензияның дамуы жөнінде мәлімделді. Басқа да психозға қарсы препараттарды қолданған жағдайдағы сияқты, 65 жастан асқан пациенттерде артериялық қысымды мезгіл-мезгіл бақылау ұсынылады.

Жүректен кенеттен өлу (ЖКӨ)

Постмаркетингтік зерттеулерде ауыз қуысында ұнтақталынатын оланзапин таблеткаларын қабылдаған пациенттер арасында жүректен кенеттен өлу жағдайлары тіркелген. Ретроспективтік обсервациялық когортты зерттеу деректері бойынша, антипсихотиктер қолданбаған пациенттер арасындағы кенеттен өлу жағдайларымен салыстырғанда, атипиялық нейролептиктер қабылдаған пациенттер арасында кенеттен өлу қаупінің, дозаға байланысты сияқты, екі есе артқаны анықталды.

Қосымша заттары жөнінде ақпарат

Ауыз қуысында ұнтақталынатын Заласта® Ку-таб® таблеткаларының құрамында фенилаланиннің көзі болып табылатын аспартам бар. Фенилкетонуриясы бар пациенттер Заласта Ку-табты қабылдамауы тиіс.

Ауыз қуысында ұнтақталынатын Заласта® Ку-таб® таблеткаларының құрамында орташа іш өткізетин әсер беретін маннитол бар.

Жүктілік және лактация

Жүктілік кезінде Заласта Ку-табты қолдану тәжірибесінің жеткіліксіздігіне және тиісті клиникалық зерттеулердің жоқ болуына байланысты, препаратты жүктілік кезінде, егер пациент үшін потенциальді пайдасы ұрық үшін потенциальді қаупінен басым болған жағдайда ғана, тағайындаған жөн. Заласта Ку-табпен емделу кезеңінде жүктіліктің басталғанынан немесе жоспарланғанынан емдеуші дәрігерді хабардар ету қажеттілігі пациенттерге алдын ала ескертілуі тиіс.

Жүктіліктің үшінші трисместрінде психозға қарсы препараттар (Заласта Ку-табты қоса) әсер еткен жағдайда, жаңа туған нәрестелер, экстрапирамидтік симптомдарды және/немесе ауырлығы мен ұзақтығы ауытқып отыратын тоқтату симптомдарын қоса, жағымсыз реакциялардың даму қаупіне тап болады. Қозудың, гипертонияның, гипотонияны, тремордың, ұйқышылдықтың, тыныс немесе тамақтану бұзылыстарының даму жағдайлары жөнінде мәлімделді. Демек, жаңа туған нәрестелер мұқият бақылауда болуы тиіс.

Заласта® Ку-таб® емшек сүтімен бірге бөлініп шығатыны анықталды. Заласта Ку-табпен емдеу кезінде бала емізу ұсынылмайды.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Көлік құралын немесе қауіпті механизмдерді басқару қабілетіне Заласта® Ку-таб® препаратының ықпал етуіне зерттеулер жүргізілген жоқ. Ку-таб препаратын қабылдап жүрген пациенттер автомобильді қоса, механикалық құралдарды басқарғанда сақтық танытқаны жөн, өйткені дәрілік препарат ұйқышылдықты және бас айналуды туындатуы мүмкін.

Артық дозаланғанда

Өліммен аяқталатын жедел артық дозалануда ең төмен доза 450 мг, жағымды аяқталған (тірі қалған) артық дозалануда ең жоғары доза 2000 мг құрады.

Симптомдары: Заласта Ку-табпен артық дозаланғанда өте кең таралған (жиілігі 10%) симптомдар: тахикардия, қозу/озбырлық, дизартрия, әртүрлі экстрапирамидтік бұзылыстар және сананың ауырлығы әртүрлі дәрежедегі бұзылулары (седативтік әсерден комаға дейін).

Артық дозаланудың басқа да клиникалық тұрғыдан маңызды зардаптарына сандырақтаулар, құрысулар, қатерлі нейролептикалық синдром, тыныстың тарылуы, аспирация, артериялық гипертензия немесе гипотензия, жүрек аритмиялары (артық дозалану жағдайларының <2%) және жүрек пен тыныстың тоқтап қалуы жатады.

Емі: өзіне тән арнайы у қайтарғысы жоқ. Құстыруға әрекет ету ұсынылмайды. Артық дозаланған кезде стандартты емшараларды (асқазанды шаю, белсендірілген көмір тағайындау) жүргізу қажет болуы мүмкін. Белсендірілген көмірді бірге тағайындағанда ішке қабылданған оланзапиннің биожетімділігінің 50-60%-ға дейін төмендегенін көрсетті .

Клиникалық жағдайға сәйкес симптоматикалық емдеу және, артериялық гипотонияны, циркуляторлық коллапсты емдеуді және тыныс функцияларын демеуді қоса, өмір үшін маңызды функцияларды бақылау қолданылады. Эпинефрин, дофамин және бета-агонистік белсенділігі бар басқа да симпатомиметиктер қолданбаған жөн, өйткені стимуляция бета-адренорецепторларды стимуляциялау артериялық гипотонияны өршітуі мүмкін. Ықтимал аритмияларды анықтау мақсатында жүрек-қантамыр жүйесіне мониторинг жүргізу қажет. Мұқият медициналық бақылау және мониторинг пациент сауыққанға дейін жалғастырылуы тиіс.

Шығарылу түрі және қаптамасы

Полиамид/ алюминий/ поливинилхлоридті үлбірден және алюминий фольгадан жасалған пішінді перфорациялы ұяшықты қаптамаға 7 таблеткадан салынған. Пішінді перфорациялы ұяшықты 2 немесе 4 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

КРКА, д.д., Ново место, Словения

Шмарьешка 6, 8501 Ново место, Словения

Қаптаушы

КРКА-ПОЛЬСКА Сп. з.о.о., Польша

Тіркеу куәлігінің иесі

КРКА, д.д., Ново место, Словения

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«КРКА Қазақстан» ЖШС ҚР, 050059, Алматы қ., әл-Фараби д-лы 19,

1 б корпус, 2-ші қабат

тел.: +7 (727) 311 08 09

факс: +7 (727) 311 08 12

info.kz@krka.biz

Прикрепленные файлы

341396831477976116_ru.doc 150 кб
679648681477977440_kz.doc 201 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники