Дисоль (раствор для инфузий; 200 мл, 400 мл; Фармацевтическая компания Ромат)
Инструкция
-
русский
-
қазақша
Саудалық атауы
Дисоль
Халықаралық патенттелмеген атауы
Жоқ
Дәрілік түрі
Инфузияға арналған 200 мл, 400 мл ерітінді
Құрамы
1 л препаратқа, грамм бойынша
белсенді зат: 6.00 г натрий хлориді, 2.00 г натрий ацетаты
қосымша зат - 1 л-ге дейін инъекцияға арналған су
Сипаттамасы
Түссіз мөлдір сұйықтық
Фармакотерапиялық тобы
Плазма алмастырғыш және перфузиялық ерітінділер. Көктамыр ішіне енгізуге арналған ерітінділер. Сулы-электролитті теңгерімге әсер ететін ерітінділер. Электролиттер
АТХ коды В05ВВ01
Фармакологиялық қасиеттері
Иондық құрамы: Na + - 126 ммоль/л, Cl - - 103 ммоль/л, иондар ацетаты - 23 ммоль/л.
Фармакокинетикасы
Препарат қантамыр арнасында көп болмайды, интерстициалды кеңістікке тез өтеді. Диурезді күшейте отырып, бүйрекпен шығарылады.
Фармакодинамикасы
Регидратация мен уытсыздануға арналған біріктірілген тұзды ерітінді. Сусыздану кезінде организмдегі су-электролиттік теңгерімді және қышқылдық-негіздік жай-күйді қалыпқа келтіреді.
Метаболизмдік ацидоздың дамуына кедергі келтіреді, диурезді арттырады. Плазма алмастырғыш, уытсыздандырғыш, регидратациялағыш әсер етеді.
Қолданылуы
- регидратацияда
- гиперкалиемияда
- уыттану аясында сусыздануда (тырысқақ), жедел дизентерия, тағамдық уыттану)
Қолдану тәсілі және дозалары
Ересектерге және балаларға
Дисоль препаратын зертханалық көрсеткіштерді бақылаумен көктамыр ішіне (сорғалатып және тамшылатып) енгізеді. 1 сағат бойына науқастың 7-10 % дене салмағына сәйкес мөлшердегі ерітіндіні енгізеді, одан кейін сорғалатып енгізуді минутына 40-120 тамшы жылдамдықпен 24-48 сағат бойына тамшылатып енгізумен алмастырады. Ерітіндіні енгізер алдында 36°С-37°С-ге дейін жылытады. Енгізілетін ерітіндінің жалпы көлемі жоғалтқан сұйықтық көлеміне сай болуы тиіс. Енгізілген және жоғалған сұйықтық теңгерімін әрбір 6 сағат сайын анықтайды.
Аурудың ауыр түрлерінде (гиповолемиялық жұқпалы-уытты шок, талапқа сай емес қылтамырлық перфузия, қалпына келмейтін метаболикалық ацидоз, анурия) кейіннен тамшылатып енгізуге ауыстыра отырып, препаратты сорғалатып енгізуден бастайды.
Аурудың анағұрлым жеңіл түрлерінде (организмнің уыттануы және сусыздануы, метаболикалық ацидоз, олигурия) препаратты тамшылатып енгізумен шектелуге болады.
Жағымсыз әсерлері
- ісінулер
- тахикардия
Өте сирек
- аллергиялық реакциялар (қышыну)
Кейбір жағдайларда қалтыраудың туындауы мүмкін.
Қолдануға болмайтын жағдайлар
- аса жоғары сезімталдық
- ми және өкпе ісінуінің даму қаупі
- гипертоникалық және изотоникалық гипергидратация
- метаболикалық алкалоз
- бүйрек және созылмалы жүрек жеткіліксіздігі
Дәрілермен өзара әрекеттесуі
Басқа дәрілік заттармен араластырғанда үйлесімділігін көзбен шолып бақылау қажет.
Айрықша нұсқаулар
Емдеуді гематокритті және қан электролиттерінің концентрациясын бақылай отырып жүргізеді. Бүйрек шығару функциясының бұзылуы, декомпенсацияланған жүрек ақауы бар науқастарға, бауыр циррозымен науқастарда ісіну-асциттік синдромы болған кезде сақтықпен енгізу керек.
Жүктілік және лактация
Препаратты жүктілік және бала емізу кезеңінде қолдану тәжірибесі жоқ.
Дәрілік заттың көлік құралдары немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: гипокалиемия, гипернатриемия.
Емі: электролиттік бұзылыстарды түзету; қандағы электролиттер деңгейін бақылау.
Шығарылу түрі мен қаптамасы
200 мл және 400 мл препараттан резеңке тығындармен тығындалған және алюминий қалпақшалармен қаусырылған, қанға, трансфузиялық және инфузиялық препараттарға арналған сыйымдылығы 250 мл және 450 мл (сәйкесінше) шыны бөтелкелерге құйылады. Бөтелкелерге заттаңбалық немесе жазу қағазынан жасалған заттаңбалар жапсырылады. Бөтелкелерді гофрланған картоннан жасалған аралықтармен жеке қорапшасыз гофрланған картоннан жасалған қорапқа қаптайды. Қорапқа бөтелке санына сәйкес медицинада қолданылуы жөніндегі мемлекеттік және орыс тілдерінде нұсқаулықтар салынған.
Сақтау шарттары
Жарықтан қорғалған жерде, 25 °С-ден аспайтын температурада сақтау керек.
Бөтелке бүтіндігі сақталған кезде ерітіндіні мұздатып қатыру, препаратты
қолдануға қарсы көрсетілім болып табылмайды.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz
Тіркеу куәлігінің иесі
«Ромат» Фармацевтикалық компаниясы ЖШС, Медициналық препараттар зауыты, Қазақстан
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Ромат» Фармацевтикалық компаниясы ЖШС, Медициналық препараттар зауыты, Қазақстан, Семей қ., Краснознаменная к-сі, 13, тел. (7222) 340867, факс (7222) 347559, e- mail: zmp@romat.kz