Димедрол (таблетки, 50 мг, Луганский химико-фармацевтический завод ПАО)

МНН: Дифенгидрамин
Производитель: Луганский химико-фармацевтический завод ПАО
Анатомо-терапевтическо-химическая классификация: Diphenhydramine
Номер регистрации в РК: № РК-ЛС-5№014388
Информация о регистрации в РК: 23.07.2014 - 23.07.2019

Инструкция

Саудалық атауы

Димедрол

Халықаралық патентелмеген атауы

Дифенгидрамин

Дәрілік түрі

Таблеткалар 50 мг

Құрамы

Бір таблетканың құрамында

белсенді зат - 50 мг дифенгидрамин гидрохлориді;

қосымша заттар: лактоза моногидраты, картоп крахмалы, стеарин қышқылы, сусыз коллоидты кремнийдің қостотығы (аэросил)

Сипаттамасы

Жалпақ цилиндр тәрізді, ойығы мен сызығы бар ақ түсті таблеткалар

Фармакотерапиялық тобы

Гистаминге қарсы жүйелі қолдануға арналған препараттар. Аминоалкильді эфирлер. Дифингидрамин.

АТХ коды R06A A02

Фармакологиялық қасиеттері

Фармакокинетикасы

Ішке қабылдағанда асқазан-ішек жолында жылдам және жақсы сіңеді. Биожетімділігі – 50 %. Плазма ақуыздарымен байланысуы 98- 99 % құрайды. Қан плазмасындағы ең жоғары концентрациясына ішу арқылы қабылдаудан кейін 1-4 сағаттан соң жетеді (өкпеде, көкбауырда, бүйректе, бауырда, мида, бұлшық еттерде анағұрлым жоғары концентрацияда анықталады). Енгізілген дозаның көп бөлігі дефинилметоксисірке қышқылын түзе отырып, негізінен бауырда метаболизденеді, аздауы - өзгермеген күйі бүйрек арқылы шығарылады. Организмге жақсы тарайды, гематоэнцефалдық бөгеттен өтіп, емшек сүтіне түседі, емшекпен қоректендіргенде балаларда тыныштандыратын әсерін туындатуы мүмкін. Жартылай шығарылу кезеңі 4-10 сағатты құрайды. Тәуліктің ішінде глюкурон қышқылымен конъюгацияланған метаболиттер түрінде бүйрек арқылы толық шығарылады.

Фармакодинамикасы

Гистаминге қарсы дәрі. Гистаминнің әсерін жоя отырып, Н1-гистаминдік рецепторларды бөгейді: тамырлар, ішек, бронхтар және бронхиолалар тегіс бұлшықеттерінің түйілуін, қылтамырлар өткізгіштігі жоғарылауын, тіндер ісінуін, қышыну мен гиперемияны азайтады немесе алдын алады. Димедролдың гистаминге қарсы әсері жүйелілеріне қарағанда (артериялық қысымның төмендеуі) қабыну және аллергия кезінде жергілікті тамырлық реакцияларға қатысты едәуір айқынырақ. Жергілікті жансыздандыратын әсер етеді (ішке қабылдағанда ауыз қуысы шырышты қабығының қысқа мерзімді ұюын сезінуді туындатады), спазмолитикалық, ганглийбөгегіш және орталық холинолитикалық белсенділікке ие. Тыныштандыратын, ұйықтататын әсер етеді (қайталап қабылдағанда едәуір айқын байқалады) және құсуға қарсы орташа айқындықтағы әсері бар. Орталық жүйке жүйесіне әсері мидың Н3 - гистаминді рецепторларын бөгеуге және орталық холинергиялық құрылымдардың бәсеңдеуіне байланысты. Гистаминнің либераторлары (тубокурарин, морфин, сомбревин) түрткі болған бронх түйілуінде едәуір тиімді және аллергиялық бронх түйілуінде белсенділігі азырақ. Әсер етуінің басталуы ішке қабылдаудан кейін 15-60 минуттан соң байқалады, ұзақтығы - 12 сағатқа дейін.

Қолданылуы

- аллергиялық реакцияларды емдеуде: есекжем, пішен қызбасы, ангионевротикалық ісіну, сарысу құю ауруы, жанаспалы дерматит, мультиформалы экссудативтік эритема, экзема, терінің қышынуы, геморрагиялық васкулит (қылтамыртоксикоз), вазомоторлық ринит, респираторлық аллергоз, аллергиялық конъюнктивит

- аллергиялық асқынуларда, дәрілік заттарды (антибиотиктерді, ферменттерді) қабылдаудан болған жағымсыз әсерлерін бәсеңдету мақсатында, қан немесе қан алмастырғыш сұйықтықтарды құю кезінде

- хореяда, теңіз және ауа ауруында, Меньер ауруында

Қолдану тәсілі және дозалары

Ересектерге тәулігіне 1-3 рет ½ - 1 таблеткадан (25-50 мг дифенгидрамин гидрохлориді) тағайындайды. Шайқалудан жүрек айнуының алдын алу үшін сапарға шыққанға дейін 30-60 минут бұрын ½ - 1 таблетканы қабылдайды.

Ересектер үшін ең жоғары дозалар: бір реттік - 100 мг, тәуліктік 250 мг.

6 - 12 жастағы балаларға бір қабылдауға ¼ - ½ таблеткадан (12,5-25 мг дифенгидрамин гидрохлориді) тағайындайды. Емдеу курсы: 3-5 күн, одан ұзақ емдеу туралы мәселені емдеуші дәрігер шешеді.

Жағымсыз әсерлері

- әлсіздік, ұйқышылдық, зейіннің төмендеуі, қозғалыс үйлесімділігінің бұзылуы, жоғары қозғыштық, ұйқысыздық, бас айналуы, бас ауыруы, неврит, құрысулар, парестезиялар, сананың шатасуы

- артериалық гипотензия, жүрек қағуын сезіну, тахикардия, экстрасистолия

- агранулоцитоз, тромбоцитопения, гемолитикалық анемия

- ауыздың құрғауы, ауыз қуысы шырышты қабығының ұюы, анорексия,

жүрек айнуы, эпигастральді дистресс, құсу, диарея, іш қату

- көріп қабылдаудың бұзылуы, диплопия, құлақтың шуылдауы

- жиі және/ немесе қиналып несеп шығару, несеп бөлінуінің іркілуі,

етеккір жиілігінің артуы

- мұрын мен тамақтың құрғауы, мұрынның бітелуі, бронх секретінің қоюлануы, кеуденің қысылуы

- тері бөртпесі, қышыну, есекжем, анафилактикалық шок

Басқалары

- тершеңдік, қалтырау, фотосенсибилизация

Қолдануға болмайтын жағдайлар

- дифенгидрамин гидрохлоридіне немесе препарат компоненттеріне жекелей жоғары сезімталдық

- жабық бұрышты глаукома

- ұзарған QT аралығы синдромы немесе QT-аралығын ұзартатын препараттарды ұзақ қолдану.

- қуық асты безінің гипертрофиясы

- асқазан мен он екі елі ішектің ойық жара ауруы

- қуық мойны стенозы

- эпилепсия

- бронх демікпесі

- тұқым қуалайтын лактазаны көтере алмаушылық, L-лактаза ферменті тапшылығы, глюкоза-галактоза мальабсорбциясы

- жүктілік және лактация кезеңі

- 6 жасқа дейінгі балалар

Дәрілермен өзара әрекеттесуі

Димедрол наркозға арналған дәрілердің, ұйықтататын, тыныштандыратын, есірткілік анальгетиктердің әсерін күшейтеді.

Үш циклді антидепрессанттармен қолданған кезде димедролдың холинбөгегіш әсерінің және орталық жүйке жүйесіне бәсеңдетуші ықпалының күшеюі мүмкін.

Моноаминооксидаза тежегіштері препараттың холинолитикалық тиімділігін күшейтеді және ұзартады.

Аналептиктермен біріктіріп қолданғанда құрысу қаупінің артуы мүмкін.

Этанол мен ОЖЖ бәсеңдететін дәрілік заттардың әсерін күшейтеді.

Айрықша нұсқаулар

Гипертиреозы, өкпенің созылмалы обструктивтік аурулары, жоғары көзішілік қысымы, жүрек - қантамыр жүйесінің аурулары бар емделушілерге, сондай-ақ егде жастағы адамдарға сақтықпен қолданады.

Препарат жанаспалы линзаларды таққанда көздің құрғауын және жайсыздық туғызуы мүмкін. Препаратпен емдеу кезеңінде алкогольдік ішімдіктерді қабылдауға болмайды.

Препаратты ұзақ пайдаланғанда дәріге тәуелділіктің дамуы мүмкін.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, автокөлік басқару және зейін қоюды талап ететін жұмыс кезінде препаратты қолдану ұсынылмайды.

Артық дозалануы

Симптомдары: ауыздың құрғауы, тыныс алудың қиындауы, мидриаз, беттің қызаруы, қозу, сананың шатасуы, балаларда құрысулардың дамуы және өлімге әкелуі.

Емі: препаратты тоқтату, асқазанды шаю, белсенділендірілген көмір қабылдау, тыныс алу мен артериялық қысым деңгейін мұқият бақылаумен симптоматикалық және демеуші ем.

Шығарылу түрі мен қаптамасы

10 таблеткадан полиэтилен жабыны бар қағаздан жасалған пішінді ұяшықсыз қаптамада.

Пішінді қаптамалар медицинада қолданылуы жөніндегі мемлекеттік және орыс тілдеріндегі нұсқаулықтың сәйкес санымен бірге гофрокартон жәшікке салынады.

Сақтау шарттары

Жарықтан қорғалған жерде, 15 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

"Луганск химфармзауыты" ЖАҚ, 91019, Украина,

Луганск қ., Киров к-сі, 17.

Тіркеу куәлігі иесінің атауы мен елі

"Луганск химфармзауыты" ЖАҚ, Украина,

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Тлеубергенова Г.С. ЖК, 010000, Ақмола обл., Астана қ.,

Бозінген к-сі, 8 үй

aldokinakbar@mail.ru

 

Прикрепленные файлы

474101631477976715_ru.doc 54 кб
713086521477977870_kz.doc 83.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники