Герветин (1,5мг/г)

МНН: Бензидамин
Производитель: REPLEK FARM Ltd. Skopje
Анатомо-терапевтическо-химическая классификация: Benzydamine
Номер регистрации в РК: № РК-ЛС-5№021389
Информация о регистрации в РК: 11.01.2021 - бессрочно

Инструкция

Саудалық атауы

Герветин

Халықаралық патенттелмеген атауы

Бензидамин

Дәрілік түрі, дозасы

Жергілікті қолдануға арналған 1.5 мг/г ерітінді

Фармакотерапиялық тобы

Фармакотерапиялық тобы: Ас қорыту жолы және зат алмасу. Стоматологиялық препараттар. Ауыз қуысы ауруларын жергілікті емдеуге арналған басқа препараттар. Бензидамин.

АТХ коды А01AD02

Қолданылуы

Анальгетикалық және қабынуға қарсы дәрілер ретінде жергілікті симптоматикалық емдеу үшін (кешенді ем құрамында)

- ауыз қуысы мен тамақтың қабыну аурулары мен жарақаттық жай-күйі (гингивит, стоматит, фарингит, сәулемен емдеуден кейінгі ойық жаралану, бадамша безді алып тастағаннан кейінгі және мұрын асқазан зондын пайдаланғаннан кейінгі жай-күй)

- тістерді консервативті емдеуге қосымша ретінде және стоматологиялық операциялардан кейін

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препарат компоненттеріне жоғары сезімталдық

- салицил қышқылына және / немесе қабынуға қарсы стероидты емес дәрілік заттарға аса жоғары сезімталдық

- жұту проблемалары

- 18 жасқа дейінгі балалар мен жасөспірімдер.

Қолданған кездегі қажетті сақтандыру шаралары

Ұзақ қолдану әсер етуші затқа немесе препараттың қосымша заттардың кез келгеніне аса жоғары сезімталдықты туындатуы мүмкін, сондықтан Герветинді әсер алу үшін қажетті ұсынылған уақыт кезеңі ішінде ғана қолдану қажет. Аса жоғары сезімталдық дамыған жағдайда емдеуді тоқтату қажет.

Басқа дәрілік препараттармен өзара әрекеттесуі

Герветин препаратының басқа дәрілік заттармен клиникалық мәнді өзара әрекеттесулері анықталмаған.

Арнайы ескертулер

Препарат бронх демікпесі бар және бұрын бронх демікпесі болған пациенттерде бронх түйілуін туындатуы мүмкін.

Препарат құрамында аллергиялық, соның ішінде баяу типті реакцияларды туындатуы мүмкін метилпарагидроксибензоат бар.

Пациенттердің аздаған санында ауыз қуысының шырышты қабығы мен жұтқыншақтың қабынуы мен ойық жарасы күрделі аурулардың белгілері болуы мүмкін. Егер қабыну симптомдары артатын болса немесе емдеудің 3 күні ішінде жақсару байқалмаса, сіз емдеуші дәрігерден немесе стоматологтан кеңес алуыңыз қажет.

Герветин препаратымен ұзақ емдеу аллергиялық реакциялар тудыруы мүмкін, бұл жағдайда емдеуді тоқтату және дәрігерге қаралу қажет.

Егер 7 күннен кейін, жақсару болмаса, дәрігерге қаралу керек.

Егер ерітіндіні қолданғанда күйдіру сезімі пайда болса, ерітіндіні 1:2 арақатынасында сумен алдын ала сұйылту керек. Препараттың құрамында 96 % спирт бар, сондықтан оны алкоголизм және эпилепсия кезінде қолдану ұсынылмайды.

Педиатрияда қолдану: Герветин, жергілікті қолдануға арналған ерітіндіні 18 жастан кіші балаларға қолдануға болмайды.

Жүктілік немесе лактация кезінде

Герветин препараты жүктілік кезінде қолданылмауы тиіс. Егер дәрігер қажет деп санамаса, Герветин препаратын емшекпен емізу кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында спирт бар, бұны автокөлікті басқару және жоғары зейін қоюды талап ететін жұмыстарды жүргізу кезінде ескеру қажет.

Қолдану жөніндегі нұсқаулар

Дозалау режимі

Ересектерге: егер ауыруды жеңілдету үшін қажет болса, әр 1,5 - 3 сағат сайын 15 мл ерітіндіден (1 ас қасық).

Енгізу әдісі мен жолы

Препаратты әдетте сұйылтылмаған күйде пайдаланады, бірақ «күйдірген» кезде 1:2 арақатынасында сумен сұйылтуға болады. Шайғаннан кейін ерітіндіні түкіріп тастау керек.

Емдеу ұзақтығы

Емдеу ұзақтығы 7 күннен аспауы тиіс. Ұсынылған дозадан асыруға болмайды. Тек дәрігердің ұсынымы мен қадағалауы бойынша ұзағырақ емделуге болады.

Артық дозаланған жағдайда қабылдануы тиіс шаралар

Симптомдары: ерітіндіні кездейсоқ азғана мөлшерде жұтып қою күрделі жағымсыз әсерлердің дамуына әкелу ықтималдығы аз. Бензидаминді көп мөлшерде (300 мг астам) жұтып қойған жағдайда жүрек айнуы, құсу, іштің ауыруы және өңештің тітіркенуі дамуы мүмкін. Орталық жүйке жүйесіне әсер ету симптомдарына бас айналу, елестеулер, қозу, мазасыздану және ашушаңдық кіреді.

Емі: жедел артық дозаланғанда дәрігерге бару керек, себебі симптоматикалық ем қажет болуы мүмкін. Сұйықтықтың жеткілікті мөлшерін қабылдау қажет.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну ұсынылады.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Сирек

- ауыз қуысының ұйып қалуы және ауызда күйдіру сезімі, ауыз қуысының ауырсынуы.

Өте сирек

- айқын ентігумен (ларингоспазм) дыбыс саңылауының кенеттен еріксіз жабылуы, тыныс алудың қиындауын тудыратын бронх саңылауының тарылуы (бронх түйілуі)

- қышыну, есекжем, күн сәулесінің теріге әсері және бөртпе түрінде пайда болуы мүмкін аллергиялық реакциялар.

Белгісіз (қолда бар деректер негізінде бағалау мүмкін емес)

- терінің терең қабатының және теріасты тіндерінің тығыз, асимметриялық, ауыртпай ісінуі, өмірге қауіп төндіретін тез ауыр аллергиялық реакция (анафилаксиялық реакция) және аллергиялық реакциялар, соның ішінде баяу түрдегі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г препараттың құрамында

белсенді зат – 0,15 г бензидамин гидрохлориді,

қосымша заттар: метилпарагидроксибензоат, глицерол, 96 % этанол, натрий сахарині, натрий гидрокарбонаты, полисорбат 60, жалбыз сұйығы 27198/14, хинолинді сары 70 (E 104), индиготин 85 (E 132), тазартылған су.

Сыртқы түрінің иісінің, дәмінің сипаттамасы

Жалбыздың иісі бар, қарқынды сарғыш-жасыл түсті мөлдір сұйықтық.

Шығарылу түрі және қаптамасы

100 г препараттан бұрандалы қақпағы бар шыны құтыда.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

Сақтау мерзімі 4 жыл

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 250С-ден аспайтын температурада, түпнұсқалық қаптамада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

REPLEK FARM Ltd. Skopje, ул. Козле 188, 1000 Скопье,

Солтүстік Македония Республикасы

Телефон: +389 2 3081343

Электронды пошта: info@replek.com.mk

Тіркеу куәлігінің ұстаушысы

Spey Medical Ltd., Линтон Хаус 7-12 Тависток Сквер, Лондон, WC1H 9LT, Ұлыбритания

Телефон: +44 203 598 2050

Электронды пошта: info@spey.eu

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):

«Cepheus Medical» (Цефей Медикал) ЖШС, 050000, Қазақстан Республикасы, Алматы қ., Панфилов к-сі 98, «OLD SQUARE» БО, телефон: +7 (727) 300 69 71, +7 777 175 00 99 (тәулік бойы), электронды пошта: drugsafety@evolet.co.uk

Прикрепленные файлы

ЛВ_Герветин,_каз.docx 0.05 кб
ЛВ_Герветин,_рус.docx 0.05 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники