Гевискон® (Таблетки жевательные мятные)

МНН: Кальция карбонат, Натрия алгинат, Натрия гидрокарбонат
Производитель: Рекитт Бенкизер Хелскэр (Великобритания) Лимитед
Анатомо-терапевтическо-химическая классификация: Прочие противоязвенные препараты
Номер регистрации в РК: № РК-ЛС-5№021338
Информация о регистрации в РК: 22.04.2015 - 22.04.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

Гевискон®

Халықаралық патенттелмеген атауы

Жоқ

Дәрілік түрі

Жалбызды шайнайтын таблеткалар

Құрамы

Бір таблетканың құрамында

белсенді заттар: натрий альгинаты 250 мг,

натрий гидрокарбонаты 133,5 мг,

кальций карбонаты 80 мг;

қосымша заттар: маннитол, макрогол 20 000, магний стеараты, аспартам, коповидон, калий ацесульфамы, жалбыз хош иістендіргіші.

Сипаттамасы

Дөңгелек пішінді, тегіс беткейлі, аздаған теңбілдері, ойығы бар, таблетканың бір жағында шеңбер мен семсер және екінші жағында G 250 бейнеленген, жалбыз иісті, ақ дерліктен крем тәрізді түске дейінгі таблеткалар.

Фармакотерапиялық тобы

Ойық жараға қарсы басқа да препараттар және гастроэзофагеальді рефлюксті емдеуге арналған препараттар.

ATХ коды A02ВХ

Фармакологиялық қасиеттері

Фармакокинетикасы

Гевискон® препаратының әсер ету механизмі физикалық үдеріс болып табылады және жүйелік қан ағымына сіңуге байланысты болмайды.

Фармакодинамикасы

Гевискон® ішке қабылдаған кезде асқазанның қышқылды құрамын жылдам сезінеді. Бұл ретте рН мәні бейтарап дерлік альгинат гелі түзіледі. Гель гастро-эзофагеальді рефлюкс туындауына кедергі келтіре отырып, асқазан ішіндегісінің беткейінде қорғаныш қабығын қалыптастырады. Регургитация жағдайында гель өңешке түседі, ол жерде шырышты қабықтың тітіркенуін азайтады.

Қолданылуы

Гастроэзофагеальді рефлюкс симптомдарын (қышқылды кекірік, қыжыл, жүктілерде болатын диспепсия) емдеуде.

Қолдану тәсілі және дозалары

Жақсылып шайнап, ішке қабылдайды.

Ересектер және 15 жастан асқан балалар: 2 – 4 таблеткадан тамақтанудан кейін және ұйықтар алдында.

Егде жастағы емделушілер: бұл жас тобы үшін дозаны өзгерту қажет етілмейді.

Егер препаратты 7 күн қабылдағаннан кейін симптомдары сақталып немесе ушығып кеткен болса, дәрігерге қаралу қажет.

Жағымсыз әсерлері

Аллергиялық реакциялар болуы мүмкін (есекжем, бронх түйілуі, анафилактикалық реакциялар).

Қолдануға болмайтын жағдайлар

  • препарат компоненттерінің кез келгеніне жоғары сезімталдық

  • фенилкетонурия

  • 15 жасқа дейінгі балалар

Дәрілермен өзара әрекеттесуі

Препарат құрамына кіретін кальций карбонаты антацидті белсенділігін байқататын болғандықтан, онда Гевискон® және басқа препараттарды қабылдаудың арасында (әсіресе Н2 – гистаминді рецепторлар блокаторларымен, тетрациклин, дигоксин, фторхинолон, темір тұздары, кетоконазол, нейролептиктер, тироксин, пеницилламин, бета-адреноблокаторлар, глюкокортикостероидтар, хлорохин және дифосфаттар тобының антибиотиктерімен бір мезгілде қабылдағанда) кем дегенде 2 сағат өтуі тиіс.

Айрықша нұсқаулар

Төрт таблеткадан тұратын дозада натрийдің мөлшері 246 мг (10,6 ммоль) құрайды. Мұны тұз мөлшері өте шектеулі болатын емдәм сақтау қажеттілігі кезінде, мысалы, кейбір жағдайларда іркілісті жүрек жеткіліксіздігі мен бүйрек функциясының бұзылулары жағдайларында ескерген жөн.

Төрт таблеткадан тұратын әрбір дозаның құрамында 320 мг (3,2 ммоль) кальций карбонаты болады. Гиперкальциемиясы, нефрокальцинозы және құрамында кальций бар бүйрек тастары түзілуінің қайталануы бар емделушілерді емдегенде сақтық танытқан жөн. Құрамында аспартам болғандықтан бұл препаратты фенилкетонуриясы бар емделушілерге тағайындамау керек. Асқазан сөлі қышқылдығының деңгейі өте төмен емделушілерде препараттың тиімділігі төмендеуі мүмкін. Жеті күн бойы емдегеннен кейін симптомдары басылмаса, онда клиникалық жағдайын қайтадан бағалаған жөн.

Жүктілік және лактация кезеңі

Гевискон® жүктілік және бала емізу кезеңінде қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті және механизмдерді басқару қабілетіне, сондай-ақ жоғары зейін қою мен психомоторлық реакциялар жылдамдығын қажет ететін басқа да қызмет түрлерімен айналысуға әсер етпейді.

Артық дозалануы

Симптомдары: іштің кебуі байқалуы мүмкін.

Емі: симптоматикалық.

Шығарылу түрі және қаптамасы

8 таблеткадан поливинилхлорид, полиэтилен, поливинилиденхлорид және алюминий фольгадан тұратын үш қабатты үлбірден жасалған пішінді ұяшықты қаптамада.

2 немесе 4 пішінді ұяшықты қаптамадан қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.

16 таблеткадан “flip top” типті қақпағы бар полипропилен контейнерге салынады. Медицинада қолданылуы жөніндегі мемлекеттік және орыс тіліндегі нұсқаулық бүктелетін парақ түрінде контейнерге жапсырылады.

1 контейнер картон қорапшаға салынбайды.

Сақтау шарттары

30 ° C-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші ұйымның атауы мен елі

Рекитт Бенкизер Хелскэр (Ұлыбритания) Лимитед, Ұлыбритания.

Тіркеу куәлігі иесінің атауы мен елі

Рекитт Бенкизер Хелскэр (Ұлыбритания) Лимитед, Ұлыбритания.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050040, Алматы қ., «Көктем-1» ы/а, үй 15 «А», 302 кеңсе.

Тел.: + 7 (727) 356 07 52; факс: +7 (727) 356 07 50

Электронды поштасы: contact_ru@reckittbenckiser.com

 

Прикрепленные файлы

303910101477976516_ru.doc 45.5 кб
845389091477977684_kz.doc 56.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники