Брюстин
Инструкция
-
русский
-
қазақша
Саудалық атауы
Брюстин
Халықаралық патенттелмеген атауы
Бетагистин
Дәрілік түрі
Таблеткалар 16 мг
Құрамы
Бір таблетканың құрамында
белсенді зат - 16 мг бетагистин дигидрохлориді,
қосымша заттар: лактоза моногидраты, микрокристалды целлюлоза, повидон K90, коллоидты кремнийдің қостотығы, кросповидон, стеарин қышқылы.
Сипаттамасы
Дөңгелек пішінді, беті тегіс, бір жағында ойығы мен сызығы бар, ақ немесе ақ дерлік түсті таблеткалар.
Фармакотерапиялық тобы
Жүйке жүйесі ауруларын емдеуге арналған басқа да препараттар. Бас айналуын қойдыруға арналған дәрі. Бетагистин.
АТХ коды N07CA01
Фармакологиялық қасиеттері
Фармакокинетикасы
Ішке қабылдағаннан кейін препарат асқазан ішек жолынан жылдам және толықтай сіңіріледі. Сmax үшінші сағатына қарай жетеді. Қан плазмасы ақуыздарымен байланысуы - төмен (5% аздау). Гистогематикалық бөгеттер арқылы өтеді және тіндерге енеді. Биотрансформацияға ұшырайды: көп бөлігі тәулік ішінде 2-пиридилсірке қышқылына айналады.
Жартылай шығарылу кезеңі 3,5 сағатты құрайды.
24 сағат ішінде толық дерлік несеппен шығарылады.
Фармакодинамикасы
Брюстин гистаминнің синтетикалық аналогы болып табылады.
Ішкі құлақтың гистаминдік Н1- және Н3-рецепторларына және ОЖЖ вестибулярлық ядросына әсер етеді. Диаминооксидазаны тежейді, эндогендік гистамин ыдырауын және мидың діңдік бөлігіндегі көпірі деңгейінде вестибулярлық жүйкенің бүйір ядролары полисинапстық нейрондарында нейрональді трансмиссияны бөгейді, қылтамыр алды сфинктеріне әсер етеді, қылтамыр алды қан ағымын ұлғайтады.
Ішкі құлақ қылтамырларының микроайналымын және өткізгіштігін жақсартады, базиллярлық артерияларда қан ағынын арттырады, лабиринтте және ішкі құлақ иірімінде эндолимфаның қысымын қалыпқа түсіреді. Бас ауыруының жиілігі мен қарқындылығын төмендетеді, құлақтың шуылдауын азайтады, естуі төмендеген жағдайда, оны жақсартады.
Қолданылуы
- әр түрлі генездегі вестибулярлық бас айналуын емдеу мен алдын алуда
- Меньер ауруы және синдромында
Қолдану тәсілі және дозалары
Брюстин 16 мг ересектер үшін 1/2-2 таблеткадан тәулігіне 3 рет, тамақтану кезінде.
Ұсынылатын ең жоғары тәуліктік дозасы 32 мг құрайды.
Жақсару әдетте емнің басында-ақ байқалады, тұрақты емдік әсері 2 апта емдегеннен кейін басталады және емдеудің бірнеше айы бойы артады. Емдеу курсы әр адамға жекелей анықталады.
Жағымсыз әсерлері
- жүрек айну, құсу, эпигастрий аймағында ауырлықты сезіну, қыжыл, метеоризм (егер препаратты тамақтану кезінде қабылдаса немесе дозаны азайтса, бұл симптомдардың дамуын жеңілдетуге болады)
- бас ауыру, ұйқышылдық
- аллергиялық реакциялар (тері бөртпесі, қышыну, есекжем), Квинке ісінуі
- сыртартқыда болған бронх демікпесінің өршуі, анафилактикалық реакциялар
- бассүйек ішілік қысымның жоғарылауы
- ыстықты сезіну, жүрек қағуы, жүрек тұсының қысуы
Қолдануға болмайтын жағдайлар
- препарат компоненттерінің біріне жоғары сезімталдық
- жүктілік және лактация кезеңі
- 18 жасқа дейінгі балалар
- феохромоцитома- өршу кезеңіндегі пептикалық ойық жара
Сақтықпен:
- бронх демікпесі
- ауыр гипотония
- есекжем, бөртпе немесе аллергиялық ринит бар емделушілерде - асқазанның ойық жара ауруы
Дәрілермен өзара әрекеттесуі
Басқа дәрілік заттармен өзара әрекеттесу немесе үйлеспеу жағдайлары белгісіз. Бетагистин метаболизмі В қосалқы түрін қоса (мысалы, селегилин), моноаминооксидазаны (МАО) тежейтін препараттармен бәсеңдетіледі. Н1 антагонистерін бір мезгілде қолдану белсенді агенттер әсерінің екі жақты әлсіреуін туындатуы мүмкін.
Айрықша нұсқаулар
Брюстин асқазан немесе он екі елі ішектің ойық жарасы бар емделушілерге сақтықпен тағайындалады.
Феохромоцитома және бронх демікпесі бар емделушілер препаратты қабылдаған кезеңде медициналық бақылауда болулары тиіс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Брюстиннің седативті әсері жоқ, бірақ ұйқышылдық түріндегі жағымсыз әсеріне байланысты автокөлік жүргізу қабілеттілігі төмендеуі мүмкін.
Артық дозалануы
Симптомдары: жүрек айнуы, құсу, ұйқышылдық, іштің ауыруы, ауыздың құрғауы, атаксия, беттің қызаруы, бас айналуы, тахикардия, бронх түйілуі және шырышты қабықтың ісінуі. Өте жоғары дозалар қабылдағаннан кейін конвульсия болуы мүмкін.
Емі: симптоматикалық. Арнайы у қайтарғысы жоқ.
Шығарылу түрі және қаптамасы
10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.
6 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Фармалабор Продуктос Фармасьютикос, С.А., Португалия
Индустриялық аймақ Де Кондексиа-а Нова 3150-194 Кондексиа-а-Нова Португалия
Тіркеу куәлігінің иесі
Брюфармэкспорт с.п.р.л., Бельгия
Рю де ла Грот Брюссель қ.
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Қазақстан Республикасы, 050034 Алматы қ., Қабдолов к-сі 22 б, 2 кеңсе
Тел/факс: 7 (727) 356-47-01/7 (727) 356-47-01
Электронды поштасы bruphbe@brupharm.skynet.be
4