Бронхостоп® Раствор

• русский
• қазақша

• Скачать инструкцию медикамента

Саудалық атауы

Бронхостоп® Ерітінді

Халықаралық патенттелмеген атауы

Жоқ

Дәрілік түрі

Ішуге арналған ерітінді, 150 мл

Құрамы

100 г препараттың құрамында

белсенді заттар: 13.50 г жебіршөптің сұйық сығындысы,

11.53 г жалбызтікен тамырының сұйық сығындысы*,

қосымша заттар: таңқурай шырынының концентраты, сахароза, аскорбин қышқылы, метилпарагидроксибензоат (Е 218), пропилпарагидроксибензоат (Е 216), тазартылған су.

*Жалбызтікен тамырының сұйық сығындысының құрамына метилпарагидроксибензоат және сахароза кіреді.

Сипаттамасы

Жебіршөп және таңқурайға тән иісі бар сарғыш-қоңырдан қызыл-қоңыр түске дейінгі тұтқыр сұйықтық.

Фармакотерапиялық тобы

Суық тию және жөтел симптомдарын жоюға арналған препараттар. Қақырық түсіретін препараттар.

Қақырық түсіретін препараттар біріктірілімі.

АТХ коды R05CА10

Фармакологиялық қасиеттері

Фармакокинетикасы

Тимол жебіршөптің сұйық сығындысының негізгі компоненті, асқазан-ішек жолынан жылдам сіңеді. Ең жоғары плазмалық деңгейіне шамамен 2 сағаттан соң жетеді. Жартылай шығарылу кезеңі 10 сағатқа жуықты құрайды. 24 сағаттан кейін өкпе (қақырықпен) және бүйрек арқылы тимол сульфаты және глюкуронид түрінде бөлінеді.

Фармакодинамикасы

Жебіршөптің ингредиенттері өзінің секретоликалық, секретомоторлық және бронхоспазмолитикалық қасиеттерінің арқасында тұрақты, тұтқыр шырыштың қақырықпен түсуін жеңілдетеді. Бұдан басқа, жебіршөптің сұйық сығындысы құрамында болатын эфир майларының антисептикалық қасиеттері бар.

Жалбызтікен тамырының құрамына кіретін полисахаридтер шырышты қабықтың тітіркенуін азайтады және шеткергі жөтел белсенділігін азайтады.

Қолданылуы

- жоғарғы тыныс жолдарының суық тию ауруларынан болған жөтел кезінде жұтқыншақтың тітіркенуін азайту үшін және қақырық түсіретін дәрі ретінде.

Қолдану тәсілі және дозалары

Сұйылтылмаған түрде ішке қабылдауға арналған.

Егер қажет болса, Бронхостоп® Ерітінді препаратын сумен немесе жылы шаймен сұйылтып қолдануға болады.

Ересектер: 10 мл-ден әрбір 3 сағат сайын тәулігіне 6 ретке дейін. Ең жоғары тәуліктік доза 60 мл.

Қолдану ұзақтығы

Бронхостоп® Ерітінді препаратын пайдаланып өздігінен емделу 5 күннен артық созылмауы тиіс. Егер ауру симптомдары қайтпаса, дәрігермен кеңескен жөн.

Жағымсыз әсерлері

- аса жоғары сезімталдық реакциялары (анафилаксиялық шоктың бір оқиғасы мен Квинке ісінуінің бір оқиғасын қоса)

- құрамында аскорбин қышқылының болуына байланысты асқазан-ішек жолы тарапынан болатын бұзылыстар (қыжыл, жүрек айну, құсу, іштің тұйіліп ауыруы, диарея)

- аллергиялық реакциялар (тері бөртпесі, тері гиперемиясы)

- тромбоцитоз, гиперпротромбинемия, гипергликемия, глюкозурия

- несеп шығарудың жиілеуі (поллакиурия), бүйрек гломерулярлық аппаратының зақымдануы, кристаллурия, бүйректе және несеп шығару жолдарында уратты және/немесе оксалатты конкременттердің түзілуі (аскорбин қышқылының жоғары дозасы кезінде).

Қолдануға болмайтын жағдайлар

- белсенді заттарға, Қалақайлар (Lamiaceae) тұқымдастығының басқа өсімдіктеріне немесе қосымша заттардың кез келгеніне жоғары сезімталдық,

- алкоголизм, эпилепсия,

- гипероксалуриясы бар пациенттердің аскорбин қышқылын 1 г артық дозада бір мезгілде қабылдауы,

- гемохроматоз, тромбоз, тромбофлебит,

- жүктілік және лактация кезеңі,

- 18 жасқа дейінгі балалар мен жасөспірімдер.

Дәрілермен өзара әрекеттесуі

Өзара әрекеттесуіне зерттеу жүргізілмеген.

Құрамында аскорбин қышқылының болуымен байланысты өзара әрекеттесулер:

- дәрілік затты құрамында аскорбин қышқылы бар басқа дәрілік заттармен бір мезгілде қабылдау ұсынылмайды,

- аскорбин қышқылы қандағы пенициллин мен тетрациклиннің концентрациясын жоғарылатады,

- аскорбин қышқылы ішекте темір мен алюминий препараттарының сіңуін жақсартады, сондықтан антацидтер мен аскорбин қышқылын бір мезгілде қолдану, әсіресе бүйрек жеткіліксіздігі бар пациенттерге ұсынылмайды,

- С витамині пероральді контрацептивтер қабылдағанда және гормондық-орын басу емінде (ГОБЕ) эстроген деңгейін жоғарылатуы мүмкін,

- аскорбин қышқылы қысқа мерзімді әсер ететін салицилаттармен және сульфаниламидтермен емдеу кезінде кристаллурияның даму қаупін арттырады, қышқылдардың бүйрекпен шығарылуын баяулатады, сілітілік реакциясы бар дәрілік заттардың (оның ішінде алкалоидтардың) шығарылуын ұлғайтады,

- аскорбин қышқылы, қалпына келтіргіш ретінде зертханалық тестілердің нәтижелерін (қандағы глюкоза, «бауыр» трансаминазалары мөлшерін, және ЛДГ белсенділігін) бұрмалауы мүмкін.

Айрықша нұсқаулар

Ентігу, қызба және/немесе іріңді бөліністер пайда болғанда дәрігерге көріну қажет.

Аскорбин қышқылы жоғары дозаларда (>400 мг / тәул) глюкозо-6-фосфат-дегидрогеназа тапшылығы бар кейбір пациенттерде гемолиздік анемия туғызуы мүмкін.

Қан ұюы жоғары, сидеробластты және орақ тәрізді жасушалық анемиясы, талассемиясы, полицитемиясы, үдемелі қатерлі аурулары бар пациенттер

құрамында аскорбин қышқылының болуына байланысты сақтық танытулары қажет.

Құрамында аскорбин қышқылы бар препараттарды бүйрек жеткіліксіздігімен зардап шегетін пациенттер бүйректе оксалаттық тастардың түзілу қаупіне байланысты сақтықпен қабылдауы қажет.

С витаминін жоғары дозада (2000 - 3000 мг/тәул) қабылдағанда бүйрек тастарының қалыптасуына бейімділік жағдайында бүйректе кальций оксалаты тастарының түзілу қаупі бар. Сондықтан бүйрек тастарының қайталанып қалыптасуы бар пациенттерге C витаминін күнделікті қабылдауды 50 - 100 мг асырмау ұсынылады.

Бронхостоп® Ерітінді препаратын аскорбин қышқылының дозасы грамнан асатын мөлшерде қабылдаудан соң, оның несептегі концентрациясы әр түрлі клиникалық параметрлер деректерінің (глюкоза, несеп қышқылы, креатинин, органикалық емес фосфат) бұзылатындай дәрежесіне дейін артуы мүмкін. Мұнымен қоса, мұның аскорбин қышқылын грамдық дозаларда қабылдаған соң нәжісті жасырын қанға тексерудің жалған теріс нәтижелеріне әкелуі мүмкін. Жалпы, химиялық заттарды колориметрикалық әдіспен анықтаудың бұзылуы мүмкін. Сондықтан С витаминін қабылдауды осындай зерттеулер жүргізгенге дейін бірнеше күн бұрын тоқтата тұру ұсынылады. Бронхостоп® Ерітінді құрамында 5 мл-де 232 мг этанол болады. Сондықтан бұл препаратты балалар, алкогольге тәуелділігі, бауыр аурулары, эпилепсиясы бар пациенттер, жүкті және бала емізетін әйелдердің қолданбағандары жөн.

Бронхостоп® Ерітінді препаратының құрамында метилпарагидроксибензоат, пропилпарагидроксибензоат консерванттары бар, олар баяу типті реакцияларды қоса, аса жоғары сезімталдық реакциялары дамуына әкелуі мүмкін.

Қант диабеті бар науқастарға ескерту:

5 мл препаратта 1.75 г сахароза болады, бұл шамамен 0.15 нан бірлігіне (НБ) сәйкес келеді. Қант диабетімен зардап шегетін пациенттердің мұны ескергендері жөн.

Жүктілік және лактация кезеңі

Қолданудың қауіпсіздігі жөніндегі жеткілікті деректер болмауына байланысты жүктілік және бала емізу кезінде қолдану ұсынылмайды.

Дәрілік заттың көлікті және қауіптілігі зор механизмдерді басқару қабілетіне әсер ету ерекшеліктері

Препарат құрамында спирт бар, сондықтан оны көлік құралдары жүргізушілеріне және қауіптілігі зор механизмдермен жұмыс істейтіндерге қолдану ұсынылмайды.

Артық дозалануы

Артық дозалану жағдайлары туралы хабарланбаған.

Симптомдары: жағымсыз әсерлерінің байқалуы.

Емі: симптоматикалық.

Шығарылу түрі және қаптамасы

150 мл препараттан ашылып кетуінен қорғайтын сақинасы, қондырмасы және полиэтиленнен жасалған бұрандалы қақпақшасы бар қоңыр шыны құтыда.

1 құтыдан 2.5-тен 20 мл дейін шкаласы бар полипропиленді өлшеуіш стақанымен және дәрілік затты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейінгі қолдану кезеңі – 4 апта.

Қаптамасында көрсетілген жарамдылық мерзімі өткеннен кейін пайдалануға болмайды.

Қалпақшаның ішкі бетіне үлпек тәрізді шөгіндіге және түзілімдерге жол беріледі.

Дәріханалардан босатылу шарттары

Рецептісіз

Өндіруші

Квизда Фарма ГмбХ, Эффингергассе 21, 1160 Вена, Австрия.

Тіркеу куәлігінің иесі

Квизда Фарма ГмбХ, Эффингергассе 21, 1160 Вена, Австрия.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы

«Дельта Медикел Промоушнз АГ» (Швейцария) АҚ өкілдігі

050040, Алматы қ., Бостандық ауданы, Байзақов к-сі, 280 үй

Tел./факс +7 (727) 332 20 79 Электронды пошта: PVG@deltamedical.com.ua