Бромгексин Гриндекс (8мг)

• русский
• қазақша

• Скачать инструкцию медикамента

Саудалық атауы

БРОМГЕКСИН ГРИНДЕКС

Халықаралық патенттелмеген атауы

Бромгексин

Дәрілік түрі

8 мг таблеткалар

Құрамы

Бір таблетканың құрамында

белсенді зат – 8 мг бромгексин гидрохлориді,

қосымша заттар: сахароза, лактоза моногидраты, картоп крахмалы, магний стеараты.

Сипаттамасы

Дөңгелек, жалпақ цилиндрлі, ойығы бар ақ түсті таблеткалар.

Фармакотерапиялық тобы

Жөтелге қарсы дәрілермен біріктірілімін қоспағанда, қақырық түсіретін дәрілер. Муколитиктер. Бромгексин.

AТХ коды R05C B02

Фармакологиялық қасиеттері

Фармакокинетикасы

Ішке қабылдаған кезде бромгексин 30 минут ішінде толығымен сіңеді (99%). Биожетімділігі шамамен 20%. Бромгексин гидрохлоридін енгізгеннен кейін 1 сағаттан соң қан плазмасындағы ең жоғарғы концентрациясына жетеді. Плазма ақуыздарымен байланысуы 80-90%-ы құрайды. Гематоэнцефалдық және плацентарлық бөгет арқылы өтеді, аздаған мөлшері ана сүтіне түседі.

Бауырда диметилдену және тотығу жолымен метаболизденеді. Препараттың негізгі белсенді метаболиті амброксол болып табылады.

Жартылай шығарылу кезеңі – 15 сағат. Негізінен бүйрек арқылы (85-90%) шығарылады. Жинақталуы мүмкін. Бромгексин метаболиттер түрінде несеппен шығарылады. Өзгермеген түрінде препараттың тек аздаған бөлігі шығарылады.

Фармакодинамикасы

Бромгексин муколитикалық (секретолитикалық) және қақырық түсіретін әсер береді. Препараттың муколтикалық әсері бронхиалды сөліністің мукопротеиндері және мукополисахаридтерін бөлу және сұйылту қабілеттілігіне байланысты.

Дем алу процесі кезінде альвеолярлы жасушалар тұрақтылығын қамтамасыз ететін эндогенді сурфактанттың өндірілуіне жағдай жасайды.

Бромгексин жөтелге қарсы әлсіз әсер етеді, көп дозада (40 есеге асатын емдік доза) қолданғанда құсуды тудырады.

Қолданылуы

- тұтқырлығы жоғары қақырықтың түзілуімен қатарласа жүретін жедел және созылмалы өкпе ауруларында (бронх демікпесі, муковисцидоз, туберкулез, пневмония, трахеобронхит, обструктивті бронхит, бронхоэктаздар, өкпе эмфиземасы, пневмокониоз)

Қолдану тәсілі және дозалары

Бромгексинді ішке ас қабылдауға байланыссыз күніне 3 рет қабылдайды.

Емдеу кезінде жеткілікті сұйықтық мөлшерін қолдану ұсынылады (препаратты әр қабылдаған сайын 1 стақан су), ол бромгексиннің секретолитикалық әсерін қамтамасыз етеді.

Ересектерге және 14 жастан бастап балаларға күніне 3 рет 8-16 мг-ден (8 мг-ден 1-2 таблеткадан) тағайындайды.

6-дан 14 жасқа дейінгі балаларға - 4-8 мг-ден (4 мг-ден 1-2 таблеткадан немесе 8 мг-ден ½-1 таблеткадан) күніне 3 рет.

6 жасқа дейінгі балаларға бромгексин таблеткаларын (жұту қиындығы болғандықтан) қабылдауға болмайды, алайда бромгексиннің басқа дәрілік түрін қолдану керек.

Емдік әсері емнің 2-5 күні білінуі мүмкін.

Пациенттің жағдайы бромгексинмен 5 күндік емделу ішінде жақсармаса, дәрігерге қаралуы керек.

Емдеу курсы – 2-ден 5 күнге дейін. Қолдану ұзақтығы көрсеткіштерге және ауру ағымына байланысты жекелей анықталады.

Жағымсыз әсері

Өте сирек

• жоғары сезімталдық реакциялары (теріге және шырышқа бөрітулер, терінің ауыр реакциялары (полиморфты эритеманы, Стивенс-Джонсон синдромын/уытты эпидермальді некролизді және жедел жайылған экзантематозды пустулезді, беттің ісінуін, қиын тыныс алуды, дене температурасының жоғарылауын, анафилаксиялық шокты анафилаксиялық реакцияны қоса)

• ойықжара ауруының өршуі

Өте сирек

• бас ауыруы, бас айналуы

• тәбеттің болмауы, жүрек айнуы, құсу, іштің ауыруы, іштегі жайсыздықты сезіну

• тершеңдік

• сарысудағы аминотрансфераза деңгейінің қысқа мерзімдік артуы

Қолдануға болмайтын жағдайлар

• бромгексинге және/немесе препараттың қандай да бір қосымша бөлігіне жоғары сезімталдылық

• асқазан немесе он екі елі ішектің ойық жара ауруы, өйткені бромгексин асқазан-ішек жолының шырышты қабығына әсер етуі мүмкін

• әсіресе ұйықтар алдында, жөтел рефлексін басатын (мысалы, кодеинмен) жөтелге қарсы дәрілермен бір мезгілде қолдануда. Мұндай дәрілерді біріктіріп қолдану қақырық түсіруді баяулатады

• жүктілік және лактация кезеңінде

• тұқым қуалайтын лактоза және фруктозаны көтере алмаушылықта, гюкоза-галактоза мальабсорбциясы синдромында, тұқым қуалайтын сахараза-изомальтаза жеткіліксіздігінде

• 6 жасқа дейінгі балаларға

Дәрілермен өзара әрекеттесуі

Бромгексинді бронхөкпе ауруларын емдеу кезінде қолданылатын басқадай препараттармен бір мезгілде тағайындауға болады.

Бромгексинді құрамында кодеині бар дәрілік заттармен бір мезгілде тағайындамайды, өйткені ол сұйылтылған қақырықтың түсуін қиындатады.

Бромгексин антибиотиктердің (эритромицин, цефалексин, окситетрациклин) өкпе тіндеріне енуіне ықпал етеді.

Бромгексинді кейбір стероидты емес қабынуға қарсы дәрілермен (мысалы, салицилаттармен, фенилбутазонмен немесе бутадионмен) бірге қолдану асқазанның шырышты қабығын тітіркендіруі мүмкін.

Бромгексин сілтілі ерітінділермен үйлесімсіз.

Айрықша нұсқаулар

Бромгексинді нашарлаған әлсіз пациенттерге, сонымен қатар бронхтық демікпесі және бронхтардың механикалық жолмен тарылуы (бронх сөлінісінің шығарылуы қиындаған) бар пациенттерге сақтықпен қолданған жөн.

Бромгексинді асқазан немесе он екі елі ішек ойық жара аурулары кезінде асқазан-ішек жолының шырышты қабығын тітіркендіретіндіктен сақтықпен қабылдау керек.

Бауырының немесе бүйрегінің ауыр жеткіліксіздігі бар пациенттерде бромгексиннің және оның метаболиттерінің шығарылуы азаяды, сондықтан сақтық таныту қажет.

Бромгексин терінің ауыр реакциясын туындатуы мүмкін, мысалы, полиморфты эритема, Стивенс-Джонсон синдромы/уытты эпидермальді некролиз және жедел жайылған экзантематозды пустулез. Теріде өршімелі бөртпелер немесе шырыштың зақымдануы жағдайында бромгексинді қолдануды тездете тоқтату және дәрігерге қаралу керек.

8 мг БРОМГЕКСИН ГРИНДЕКСТІҢ әр таблеткасы құрамында 120 мг сахароза және 60 мг лактоза бар. Сирек туа біткен галактоза көтере алмаушылығы, Lapp лактаза тапшылығы немесе глюкоза-галактоза мальабсорбциясы бар пациенттерге, сондай-ақ сирек туа біткен фруктоза көтере алмаушылығы және сахараза-изомальтаза жеткіліксіздігі бар пациенттерге дәрілік затты тағайындауға болмайды.

Дәрілік заттың көлік құралдарын және қауіпті механизмдерді басқару қабілетіне әсер ету ерекшеліктері

Зерттелмеген

Артық дозалануы

Симптомдары: жағымсыз әсерінің күшеюі.

Емі: артық дозаланған кезде асқазанды шаю, қан айналымының көрсеткіштерін бақылау және қажет кезде симптоматикалық ем тағайындау ұсынылады.

Бромгексиннің фармакокинетикалық ерекшелігін ескере отырып (таралуының көп көлемі, қайта таралуының баяу үдерісі және ақуыздармен айқын байланысуы), диализ немесе қарқынды диурез бромгексиннің шығарылуына елеулі әсер етпейді.

Шығарылу түрі және қаптамасы

8 мг таблеткалар.

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

5 пішінді ұяшықты қаптамадан мемлекеттік және орыс тілдерінде жазылған қолданылуы жөніндегі нұсқаулықпен бірге картоннан жасалған қорапшаға салады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Гриндекс» АҚ, Латвия

Тіркеу куәлігінің иесі

«Гриндекс» АҚ. Крустпилс көшесі, 53, Рига, LV-1057, Латвия

Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Гриндекс» АҚ өкілдігі

050010, Алматы қ., Достық даңғ., Бөгенбай батыр көш. қиылысы, 34а/87а үй, №1 кеңсе, т./ф. 291-88-77, 291-13-84

эл. пошта grindeks.asia.kz@mail.ru