Бетамакс (50 мг)

МНН: Сульпирид
Производитель: Гриндекс АО
Анатомо-терапевтическо-химическая классификация: Sulpiride
Номер регистрации в РК: № РК-ЛС-5№016752
Информация о регистрации в РК: 19.11.2015 - 19.11.2020

Инструкция

Саудалық атауы

БЕТАМАКС

Халықаралық патенттелмеген атауы

Сульпирид

Дәрілік түрі

Үлбірлі қабықпен қапталған 50 мг, 100 мг, 200 мг таблеткалар

Құрамы

Бір таблетканың құрамында

белсенді зат – 50 мг немесе 100 мг немесе 200 мг сульпирид,

қосымша заттар:

ядро: повидон, магний стеараты, кросповидон, жүгері крахмалы, микрокристалды целлюлоза,

қабығы: 33G28707 ақ Oпадрай бояғышы (гипромеллоза (Е 464), титанның қостотығы (Е 171), лактоза моногидраты, триацетин, макрогол 3000), карнауб балауызы.

Сипаттамасы

Дөңгелек, екі жақ беті дөңес, ақ немесе ақ дерлік түсті үлбірлі қабықпен қапталған таблеткалар. Сындыратын жері де ақ.

Фармакотерапиялық тобы

Психотропты препараттар. Нейролептиктер. Бензамидтер. Сульпирид

АТХ коды: N05AL01

Фармакологиялық қасиеттері

Фармакокинетикасы

Сіңуі

100 мг сульпириддің бұлшықет ішіне инъекциясынан кейін плазмада 2,2 мг/л ең жоғары концентрациясына (Сmax) 30 минут ішінде жетеді.

Пероральді қолданудан кейін сульпирид 4,5 сағат бойы сіңеді. 200 мг (таблетка) пероральді доза үшін Сmax 0,5‑1,8 мг/л құрайды.

Таралуы

Ішке қабылданатын дәрілік түрдің биожетімділігі жеке тұлғалар арасындағы үлкен құбылмалығымен 25 %-35 % құрайды.

Плазмада сульпирид деңгейі дозаға пропорционалды.

Сульпирид организм тіндеріне, әсіресе бауыр мен бүйректе жылдам таралады. Миға аздап диффузияланады. Плазма ақуыздарымен 40 %-дан аздауы байланысады. Плазмада эритроциттердің таралу жылдамдығы 1 құрайды.

Метаболизм

Сульпирид организмде нашар метаболизденеді.

Шығарылуы

Сульпирид организмнен негізінен шумақты сүзілу арқылы бүйрекпен шығарылады. Бүйрек клиренсі әдетте жалпы клиренсіне тең. Бұлшықет ішіне енгізілгеннің 92 %-ы өзгермеген күйінде несеппен шығарылады.

Ана сүтімен шығарылатын мөлшері тәуліктің дозаның 1/1000 құрайды.

Жартылай шығарылу кезеңі 7 сағатты құрайды. Таралу көлемі 0,94 л/кг (0,6-1,5 л/кг) құрайды. Жалпы клиренсі 126 мл/мин құрайды.

Фармакодинамикасы

Сульпирид D2 және D3 дофамин рецепторларын спецификалық антагонизациялайды. Жағымсыз симптомдар туындататын психоздық бұзылулары бар пациенттерде сульпирид күніне 150-ден бастап 600 мг дейінгі дозада тиімді. Осы дозалар диапазонында сульпирид позитивті симптомдарға іс жүзінде әсерін тигізбейді. Күніне 600-ден бастап 1600 мг дейінгі дозалар жедел және созылмалы психоздары бар пациенттерде позитивті симптомдарды жақсартады. Сульпиридтің өте жоғары дозалары ғана тыныштандыратын әсер туғызады.

Қолданылуы

  • егер тек қана антидепрессанттармен емдеу тиімсіз болғанда, антидепрессанттармен біріктірілімде психоздық симптомдары бар депрессиялық бұзылуларды емдеуде; антидепрессанттарға төзімді депрессияның басқа да күрделі түрлерін емдеуде

  • егер vertigo стандартты еміне реакция болмаған жағдайда, vertigo емдеуде

  • жедел және созылмалы психоздарды емдеуде

Қолдану тәсілі және дозалары

Таблетканы дұрысы тамақтанудың алдында, бүтіндей жұтып, ішке қолданады. Пациенттің жасын, дене салмағын және жалпы жай-күйін ескеріп, аурудың сипаты мен симптомдарына қарай, дозалар жекеше таңдалады.

Ересектер

Күні бойы тәуліктік дозаны үш қабылдауға бөледі.

Ұсынылатын дозалар мынадайды құрайды:

  • психоздық симптомдары бар депрессиялық бұзылулар және vertigo кезінде тәулігіне 150‑300 мг

  • жедел және созылмалы психоздар кезінде тәулігіне 200-1600 мг .

Жедел және созылмалы психоздарды емдеуді сульпиридтің инъекцияланатын ерітіндісінен бастаған жөн.

18 жасқа дейінгі балалар мен жасөспірімдер

Балалар мен жасөспірімдерде сульпирид тиімділігі мен қауіпсіздігі толық зерттелмеген. Сондықтан пациенттердің бұл тобында оны қолдануға болмайды.

Бүйрек жеткіліксіздігі бар пациенттер

Бүйрек жеткіліксіздігі кезінде дозаны креатинин клиренсіне сәйкес таңдау керек. Дозаны азайту, бұдан әрі көрсетілгендей, 35-70 % құрауы мүмкін:

  • креатинин клиренсі 30-60 мл/мин – әдеттегі тәуліктік дозадан 50-70 %-ын қолданады

  • креатинин клиренсі 10-30 мл/мин – әдеттегі тәуліктік дозадан 35-50 %-ын қолданады

  • креатинин клиренсі <10 мл/мин – әдеттегі тәуліктік дозадан 35 % дейінін қолданады

Егде жастағы пациенттер

Егде жастағы пациенттерде плазмада сульпирид концентрациясы жоғары болуы мүмкін. Сондықтан бұл пациенттерге бастапқы аз доза мен барынша біртіндеп таңдалатын доза қажет болуы мүмкін.

Дәріні қолдануды кенеттен тоқтату жүрек айнуы, құсу, тершеңдік, ұйқысыздық, мазасыздық пен еркін қимыл-қозғалыстардың пайда болуын туындатуы мүмкін. Дәрі қолдануды дозаны біртіндеп азайта отырып, тоқтатқан жөн.

Жағымсыз әсерлері

Әрі қарай аталатын жағымсыз әсерлері MedDRA ағзалар жүйелері мен жиілігін жіктеу деректер базасына сәйкес жүйеленген: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10 000-нан <1/1000 дейін), өте сирек (<1/10 000), белгісіз (қолда бар деректер бойынша анықтауға болмайды).

Қан және лимфалық жүйе тарапынан бұзылулар

Жиі емес: лейкопения.

Белгісіз: нейтропения және агранулоцитоз.

Иммундық жүйе тарапынан бұзылулар

Белгісіз: анафилаксиялық реакциялар (есекжем, ентігу, гипотензия және анафилаксиялық шок).

Эндокринді жүйе тарапынан бұзылулар

Жиі: гиперпролактинемия.

Психика тарапынан бұзылулар

Жиі: ұйқысыздық.

Жүйке жүйесі тарапынан бұзылулар

Жиі: седация немесе ұйқышылдық, экстрапирамидалық бұзылулар (бұл симптомдар паркинсонға қарсы дәрілерді қолданғанда әдетте қайтымды), паркинсонизм, діріл, акатизия.

Жиі емес: гипертензия, дискинезия, дистония.

Сирек: көз алмасының еркін қозғалуы, әдетте жоғары қарай.

Белгісіз: құрысулар, қатерлі нейролептикалық синдром, гипокинезия, бет және/немесе тілдің еріктен тыс ырғақты қимылдарымен сипатталатын кешеуілдеген дискинезия (сондай-ақ 3 айдан аса қолданғаннан кейін психозға қарсы басқа да дәрілермен). Паркинсонға қарсы дәрілер тиімсіз немесе симптомдар нашарлауын туындатуы мүмкін.

Барлық нейролептикалық дәрілердегі сияқты, қатерлі нейролептикалық синдром потенциалды өліммен аяқталатын асқыну болып табылады.

Бүйрек функциясының бұзылуы

Сирек: қарыншалық аритмия, қарыншалық тахикардия, қарыншалық фибрилляция.

Белгісіз: электрокардиограммада QT аралығының ұзаруы, жүректің тоқтап қалуы, torsades de pointes, кенеттен болған өлім.

Қантамырлар жүйесі тарапынан бұзылулар

Сирек: ортостатикалық гипотензия.

Белгісіз: веналық тромбоэмболия, өкпе эмболиясы (кейде өліммен аяқталатын), терең веналар тромбозы және қан қысымының жоғарылауы.

Асқазан-ішек жолы тарапынан бұзылулар

Жиі емес: сілекейдің көп ағуы.

Бауыр және/немесе өт шығару жүйесі тарапынан бұзылулар

Жиі: бауыр трансаминазалары белсенділігінің артуы.

Тері және тері асты тіндерінің зақымданулары

Жиі: макулопапулезді бөртулер.

Қаңқа-бұлшықет және қатар жүретін жүйенің зақымдануы

Белгісіз: жұтқыншақ пен тамақтың сіресуі.

Жүктілік, босанудан кейінгі және перинатальді кезең

Белгісіз: экстрапирамидалық симптомдар, жаңа туған нәрестелерде дәрілерді тоқтату синдромы.

Ұрпақ өрбіту жүйесі мен емшек аурулары

Жиі: галакторея, емшектің ауыруы.

Жиі емес: аменорея, емшектің ұлғаюы, оргазм және эректильді функцияның бұзылулары.

Белгісіз: гинекомастия.

Енгізген орындағы жалпы бұзылулар мен өзгерістер

Жиі: салмақтың артуы.

Қолдануға болмайтын жағдайлар

- препараттың белсенді затына немесе кез келген қосымша затына жоғары сезімталдық

- II-III дәрежелі артериялық гипертензия

- маниакальді психоз

- феохромоцитома

- Паркинсон ауруы

- эпилепсия

- жедел порфирия

- орталық жүйке жүйесінің (ОЖЖ) бәсеңдеуі

- коматозды жай-күйлер

- сүйек кемігінің бәсеңдеуі

- пролактинге тәуелді ісіктер (соның ішінде сүт безінің обыры)

- гиперпролактинемия

- симптомдарға түрткі болу қауіптілігі бар аффектілі және озбырлық жағдайындағы пациенттер

  • QT аралығы ұзарған, мысалы, туа біткен QT аралығының ұзару синдромы немесе қосымша қатер туындататын клиникалық жайттары бар пациенттер, мысалы:

  • клиникалық мәнді брадикардия (минутына<50 соғу);

  • анамнездегі симптоматикалық аритмия;

  • жүректің кез келген басқа клиникалық мәнді ауруы;

  • I немесе III класты аритмиялық дәрілермен бір мезгілде қолдану;

  • QT аралығын ұзартуы мүмкін кез келген дәрілермен бір мезгілде қолдану

  • паркинсонға қарсы дофаминергиялық дәрілермен бір мезгілде қолдану

  • алкогольмен, ұйықтататын дәрілермен, анальгетиктермен жедел улану

  • жүктілік және лактация кезеңі

  • 18 жасқа дейінгі балалар мен жасөспірімдер

Дәрілермен өзара әрекеттесуі

Өзара әрекеттесу қарсы көрсетілімді

  • леводопа, паркинсон ауруына қарсы дәрілер (ропинирол қоса), өйткені леводопа немесе паркинсон ауруына қарсы дәрілер және нейролептикалық дәрілер арасында өзара антагонизм бар

  • сульпиридпен емдеу кезінде грейпфрут шырынын қолдану

Өзара әрекеттесу ұсынылмайды

- алкоголь нейролептикалық дәрілердің тыныштандыратын әсерін күшейтуі мүмкін; сондықтан сульпиридпен емдегенде алкоголь және құрамында спирт бар дәрілерді қолданудан аулақ болған жөн

  • torsade de pointes типті аритмия туындатуы немесе QT аралығын ұзартуы мүмкін дәрілермен біріктірілім:

- брадикардия туындататын дәрілер, мысалы, бета-адреноблокаторлар, кальций өзекшелерінің блокаторлары және, мысалы, дилтиазем және верапамил, клонидин, гуанфацин, жүрек гликозидтері сияқты брадикардияны туғызатын дәрілер

- диуретикалық дәрілер сияқты гипокалиемияны туындататын дәрілер, диареяға түрткі болатын дәрілер, В амфотерицині в/і, гликокортикоидтар, тетракозактид; гипокалиемияны жойылуы керек

- аритмияға қарсы Iа класс дәрілері, мысалы, хинидин, дизопирамид

- аритмияға қарсы III класс дәрілері, мысалы, амиодарон, соталол

    • басқа да дәрілер, пимозид, сультоприд, галоперидол, тиоридазин, метадон, имипрамин антидепрессанттары, литий, бепридил, цизаприд, эритромицин в/і, винкамин в/і, галофантрин, пентамидин және спарфлоксацин сияқты)

Өзара әрекеттесуін бағалауға болады

  • сукральфат: сульпирид және сукральфатты бір мезгілде қолданғанда сульпиридтің сіңірілуі азаяды және плазмада сульпиридтің деңгейі де азаюы мүмкін, бұл емдік белсенділігінің азаюына немесе жоғалуына әкелуі ықтимал. Сульпирид пен осы дәрілерді қолдану арасында 2 сағаттық аралықты сақтау керек

  • антацидтік дәрілер: құрамында магний немесе алюминий бар сульпирид пен антацидтерді бір мезгілде қолданғанда сульпиридтің сіңірілуі азаяды және плазмада сульпирид деңгейі төмендеуі мүмкін, бұл емдік белсенділігінің азаюына немесе жоғалуына әкелуі мүмкін. Сульпирид және осы дәрілерді қолдану арасында 2 сағаттық аралықты сақтау керек.

  • гипертензияға қарсы дәрілер олардың гипертензияға қарсы әсері мен қабілетіне байланысты постуральді гипотензияның пайда болу (қосымша әсері) қаупін арттырады.

  • ОЖЖ депрессанттары, құрамында апиындар, тыныштандыратын Н1 гистаминге қарсы дәрілер, барбитураттар, бензодиазепиндер мен басқа да анксиолитиктер, клонидин және басқа орталық әсері бар гипертензияға қарсы дәрілерді қоса

  • литий экстрапирамидалық жағымсыз әсерлер қаупін арттырады. Нейроуыттылықтың бірінші белгілері кезінде екі дәрі-дәрмекті де тоқтату ұсынылады.

Айрықша нұсқаулар

Ескертулер

QT аралығының ұзаруы

Сульпирид QT аралығының ұзаруын индукциялайды. Бұл әсері ауыр қарыншалық аритмия, мысалы, torsade de pointes қаупін күшейтуі мүмкін. Емдеуді бастар алдында пациенттің клиникалық жай-күйін ескере отырып, осы ырғақтың бұзылу жағдайларын туындатуы мүмкін факторларды бақылау ұсынылады, мысалы:

  • брадикардия (< 55 рет соғу/мин)

  • электролиттер тепе-теңдігінің бұзылуы, әсіресе гипокалиемия

  • туа біткен QT аралығының ұзаруы

  • брадикардия (< 55 рет соғу/мин) туғызуы мүмкін дәрілермен емдеуді тоқтатпау

  • гипокалиемия

  • жүрекішілік өткізгіштіктің төмендеуі

  • QT аралығының ұзаруы.

Инсульт

Рандомизацияланған клиникалық зерттеулерде атипиялық психозға қарсы ұсынылған дәрілерді қолданған деменциясы бар егде пациенттерде плацебомен салыстырғанда инсульт қаупінің үш есе ұлғаюы байқалған. Мұндай қауіптің ұлғаю механизмі белгісіз. Басқа психозға қарсы дәрілерді немесе пациенттердің басқа топтарына қолданғанда қауіптің ұлғаюын жоққа шығаруға болмайды.

Инсульт қаупі факторлары бар пациенттерге сульпиридті сақтықпен қолданған жөн.

Қатерлі нейролептикалық синдром (ҚНС)

Басқа да нейролептикалық дәрілер сияқты, сульпирид потенциалды өліммен аяқталатын асқыну – қатерлі нейролептикалық синдромды туындатуы мүмкін. Оған гипертермия, бұлшықеттің сіресуі және вегетативті дистония тән. Шығу тегі болжамдалмаған гипертермия жағдайында сульпиридпен емдеуді тоқтатқан жөн.

Сульпирид және басқа да дофаминергиялық дәрілерді бір мезгілде қолданғанда пациенттерде Паркинсон ауруы өршуі мүмкін екендігін ескерген жөн. Бұл дәрілерді нейролептикалық емдеу абсолютті қажет болғанда ғана, қолдануға болады. Мұндай жағдайда емдеуді сақтықпен жүргізген жөн.

18 жасқа дейінгі балалар мен жасөспірімдер

Балаларда сульпиридтің тиімділігі мен қауіпсіздігі толық зерттелмеген. Сондықтан пациенттердің осы тобында оны қолдануға болмайды.

Деменциясы бар егде жастағы пациенттер

Психозға қарсы дәрілерді қолданған деменциямен байланысты психозы бар егде пациентерде өлім қаупі жоғары болады. Клиникалық зерттеулердің талдауы, атипиялық психозға қарсы дәрілерді қолданған пациенттерде плацебо алған пациенттерге қарағанда 1,6-1,7 есе көбірек өлім қаупі болғанын айғақтайды. Сульпирид қолданған пациенттердің әдеттегі бақыланған өлімі плацебо тобындағы шамамен 2,6 % салыстырғанда 4,5 % жуықты құраған. Атипиялық психозға қарсы емдеуді клиникалық зерттеулерде өлім себептерінде айырмашылық болғанымен, өлім жағдайларының көбін, шамасы, не жүрек және қантамыр аурулары (мысалы, жүрек жеткіліксіздігі, кенеттен болған өлім), не инфекциялар (мысалы, пневмония) туындатқан. Атипиялық психозға қарсы дәрілермен емдеу сияқты, дәстүрлі психозға қарсы дәрілермен емдеу де өлімді арттыруы мүмкін.

Веналық тромбоэмболия

Психозға қарсы дәрілер қолданумен байланысты веналық тромбоэмболия, кейде өліммен аяқталған жағдайлар туралы хабарлар алынған. Сондықтан сульпиридті тромбоэмболия қаупі факторлары бар пациенттерге сақтықпен қолданған жөн.

Қолдану кезінде сақтану

  • Гипергликемия жағдайында атипиялық психозға қарсы дәрілерді қолданған пациенттерге, қант диабеті диагнозы қойылған немесе сульпиридпен емдеуді бастаған диабет қаупі факторлары бар пациенттерге қандағы глюкоза деңгейіне тиісінше бақылау жүргізеді.

  • Сульпиридті қоса, нейролептикалық дәрілер құрысу шегін төмендетуі мүмкін. Сондықтан анамнезінде эпилепсиясы бар пациенттерді сульпиридпен емдеу кезінде мұқият бақылап отыру керек.

  • Сульпирид бүйрек арқылы шығарылады. Бүйрек жеткіліксіздігінде дозаны азайтқан жөн.

  • Сульпиридті, басқа да нейролептикалық дәрілер секілді, егде жастағы пациенттерге сақтықпен қолдану керек, өйткені ортостатикалық гипотензия, седация және экстрапирамидалық бұзылу, мысалы, кешеуілдеген дискинезия қаупінің артуы ықтимал. Кешеуілдеген дискинезияның бастапқы сатысын емдеу кезінде, анағұрлым күрделі симптомдар дамуының алдын алу үшін емдеуді азайту немесе тоқтату арқылы тексеріп-байқап отыру ұсынылады. Жүрек қызметін де бақылау ұсынылады. Егде пациенттерге бастапқы ең төмен доза және дозаны барынша біртіндеп таңдау қажет болуы мүмкін.

  • Озбырлық мінез-құлықпен немесе қозуы импульсивті пациенттерге сульпиридті тыныштандыратын дәрімен бірге қолдануға болады.

  • Психозға қарсы дәрілерді, оның ішінде сульпиридті қолданумен байланысты лейкопения, нейтропения және агранулоцитоз туралы хабарланған. Түсініксіз инфекция немесе қызба қан дискразиясын айғақтауы мүмкін; мұндай жағдайда дереу гематологиялық зерттеу қажет.

  • Сульпиридті глаукомасы, ішектің бітелуі, туа біткен асқазан және ішек жолы стенозы, несеп іркілуі немесе анамнезде простата гиперплазиясы бар пациенттерге сақтықпен қолданған жөн, өйткені сульпиридтің антихолинергиялық әсері бар.

  • Сульпиридті гипертензиялық криз қаупіне байланысты гипертензиясы бар, әсіресе егде жастағы пациенттерге сақтықпен қолданған жөн.

  • Сирек тұқым қуалайын галактоза жақпаушылығы, Lapp-лактаза тапшылығы немесе глюкоза-галактоза мальабсорбциясы бар пациенттерге осы дәрілік затты тағайындауға болмайды, өйткені таблетка құрамына лактоза кіреді.

Жүктілік және лактация кезеңі

Жүктілік

Жануарларға жүргізілген зерттеулер жүктілікке, эмбрион/шарана дамуына және/немесе босанудан кейінгі дамуына тікелей немесе жанама зиянды әсер ететінін айғақтамайды.

Жүктілік кезінде қолдану туралы клиникалық деректер өте шектеулі. Жүктіліктің 3 триместрі кезінде психозға қарсы дәрілердің (оның ішінде сульпирид) әсеріне ұшыраған жаңа туған нәрестелерде босанғаннан кейін жағымсыз әсерлердің пайда болу қаупі бар, оның ішінде экстрапирамидалық және/немесе дәріні тоқтату симптомдарының қаупі, олардың ауырлық дәрежесі мен ұзақтығы әртүрлі болуы ықтимал. Қозғыштық, бұлшықет тонусының жоғарылауы немесе төмендеуі, діріл, ұйқышылдық, респираторлық дистреcс немесе қоректенудің бұзылуы туралы хабарлар алынған. Сондықтан жаңа туған нәрестелерді мұқият тексерген жөн.

Бала емізу

Сульпирид осы дәріні қолданған әйелдердің ана сүтіне түседі. Сондықтан сульпиридпен емдеу кезінде бала емізу ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сульпирид орталық жүйке жүйесіне әсер етеді және ұйқышылдықты, бас айналуын, көрудің бұзылуын және психомоторлық реакцияларды баяулатуы мүмкін, сондықтан оны қолдану кезеңінде қауіппен байланысты және орындалуы ептілікті және шапшаң реакцияны талап ететін жұмысты (техникалық құрылғылармен жұмыс, көлік құралдарын басқару және т.б.) атқармау керек.

Артық дозалануы

Симптомдары

Сульпиридтің артық дозалану тәжірибесі шектеулі.

Артық дозалану кезінде дискинезия түріндегі белгілері спазмдық қисық мойын, тіл протрузиясы және сіреспе секілді көрінуі мүмкін. Кейбір пациенттерде өмірге қауіпті паркинсонизм көріністері және кома дамуы ықтимал.

Емі

Арнайы антидоты жоқ. Симптоматикалық ем. Артық дозалану жағдайында шұғыл асқазанды шаю қажет. Сіңірілген дәріні шығару үшін несептің сілтілік реакциясын қамтамасыз ету және диурезді көтермелеу қажет. Тыныс алуды және жүрек функциясын бақылау қажет (QT аралығының ұзару қаупі). Ауыр экстрапирамидалық синдром дамыған жағдайда антихолинергиялық дәрі қолдану керек. Сульпиридті ішінара гемодиализбен шығаруға болады.

 

Шығарылу түрі және қаптамасы

Алғашқы ашылуы бақыланатын және басып ашатын қақпағы бар пластмассадан жасалған құтыда 30 таблеткадан.

Қолдану жөніндегі мемлекеттік және орыс тілдеріндегі нұсқаулықпен бірге 1 құтыдан картон қорапшаға салынады.

Сақтау шарттары

Б тізімі.

Құрғақ жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Қаптамасында көрсетілген жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Тіркеу куәлігінің иесі

«Гриндекс» АҚ. Крустпилс к-сі, 53, Рига, LV-1057, Латвия

Телефон: +371 67083205

Факс: +371 67083505

Электрондық пошта: grindeks@grindeks.lv

Өндіруші

«Гриндекс» АҚ, Латвия

Қазақстан Республикасы аумағында тұтынушылардан өнім сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Гриндекс» АҚ өкілдігі

050010, Алматы қ., Достық д-лы, Бөгенбай батыр көш. бұрышы, 34а/87а үй, №1 кеңсе

т./ф. 291-88-77, 291-13-84

эл. пошта: grindeks.asia.kz@mail.ru

Прикрепленные файлы

864142621477976331_ru.doc 112.5 кб
669195681477977589_kz.doc 137.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники