Бактериофаг сальмонеллезный групп АВСDЕ

МНН: Бактериофаг сальмонеллезный
Производитель: ФГУП "НПО "Микроген" Минздрава России
Анатомо-терапевтическо-химическая классификация: Другие антибактериальные препараты
Номер регистрации в РК: № РК-БП-5№014880
Информация о регистрации в РК: 04.08.2015 - 04.08.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

ABCDE топтары сальмонеллездік бактериофагы

Халықаралық патенттелмеген атауы

Жоқ

Дәрілік түрі

Таблеткалар

Құрамы

Бір таблетканың құрамында

белсенді зат - лиофилизацияланған ABCDE топтары сальмонеллаларының фаголизат сүзіндісінің концентраты, 0,072 г,

қосымша заттар: пектин, кальций глюконаты, декстроза моногидраты немесе глюкоза, тальк, кальций стеараты.

Сипаттамасы

Екі беті дөңес, тегіс беткейімен, әр түрлі деңгейдегі ақшыл-сұр түсті, ақшыл қоспаларымен, дөңгелек пішінді таблеткалар.

Фармакотерапиялық тобы

Басқа да бактерияларға қарсы препараттар

АТХ коды J01X

Фармакологиялық қасиеттері

Фармакокинетикасы

Бактериялық штамдардың фагосезімталдығында бактериофагтың белсенділігі енуі, жасушаішілік көбеюі, бактериялық жасушаны ыдыратуы және жаңа бактериялық жасушаларды зақымдауға дайын фаголық бөлігінің шығарылуы түрінде білінеді.

Бактериофагты ішу арқылы бір рет қабылдағаннан кейін, фаголық бөлігі 1 сағаттан кейін қан үлгілерінде, 2 сағаттан кейін ликвор мен несепте анықталады.

Фармакодинамикасы

ABCDE топтары сальмонеллездік бактериофагы таблеткалары ең көп таралған сальмонеллалардың фаголизат сүзіндісінің лиофилизацияланған концентраты болып табылады

  • А тобы – Salmonella paratyphi А;

  • В – S тобы paratyphi В, S. typhimurium, S. heidelberg;

  • С – S тобы newport, S. choleraesuis, S. оranienburg, S. infantis;

  • D – S. тобы dublin, S. enteritidis;

  • Е – S тобы anatum, S. newlands.

Препарат жоғарыда көрсетілген сальмонеллалар серотиптерінің спецификалық лизисін туындатады.

Қолданылуы

  • сальмонеллезді емдеу;

  • реконвалесценттерді санациялау (Salmonella spp. бактерия тасымалдаушы)

  • эпидкөрсеткіштері бойынша сальмонеллездердің алдын алу

Қолдану тәсілі және дозалары

Препарат ішке қабылдауға арналған. Фаготерапияның әсері оң болуы үшін маңызды жағдай- ол алдын ала қоздырғыштың фагосезімталдығын анықтау және препаратты ертерек қолдану. Емдеу үшін, аурудың бірінші күнінен бастап 7-10 күн бойы препаратты тамақ ішуден 1 сағат бұрын күніне 3 рет қабылдайды.

Препараттың ұсынылатын дозалануы

Жасы

1 қабылдауға арналған доза

1жастан 3 жасқа дейін

1 таблетка

3 жастан 8 жасқа дейін

1-2 таблетка

8 жастан бастап одан үлкендерге

2-3 таблетка

Жасы бірге толмаған балаларға сұйық сальмонеллез бактериофагын қабылдау ұсынылады.

Аздап білінетін колит синдромымен сипатталатын ауруларда және, реконвалесценция кезеңінде осы таблеткаларды ішке қабылдаумен бір мезгілде, ішекті босатқаннан кейін, ауыз арқылы 1 қабылдаудың орнына (ABCDE топтарының сальмонеллездік сұйық бактериофагының ішуге және жергілікті қолдануға арналған ерітіндісін қолдану жөніндегі нұсқаулықты қара) клизма арқылы тікішекке сұйық бактериофаг енгізу керек.

Препарат бактериотасымалдауды, аурухана ішілік жұқпаны болдырмас үшін, ұйымдастырылған ұжымдарда және отбасында топтап ауырған кезде, алдын алу мақсатында қолданылады. Пайдаланудың ең қолайлы сызбасы жасқа байланысты бір реттік дозаны күн сайын қабылдау. Препаратты қабылдау ұзақтығы қалыптасқан эпиджағдайға байланысты анықталады.

Ескерту. 1 жастан 6 жасқа дейінгі балаларға, қабылдар алдында таблетканы ұнтақтап және бөлме температурасындағы қайтылған суда еріту керек.

Жағымсыз әсерлері

Анықталмаған

Қолдануға болмайтын жағдайлар

- препарат компоненттерін көтере алмаушылық

- 1 жасқа дейін

Дәрілермен өзара әрекеттесуі

Препаратты басқа да дәрілік заттармен, оның ішінде антибиотиктермен біріктіріп қолдануға болады.

Айрықша нұсқаулар

Этиологиясы сальмонеллезді емес ішек жұқпаларының алдын алу және емдеу үшін тиімсіз.

Педиатрияда қолданылуы

Бір жасқа дейінгі балаларға сұйық сальмонеллездік бактериофагты қолдану ұсынылады.

Жүктілік және лактация кезеңі

Фотосезімтал штаммдармен (дәрігердің ұсынымы бойынша) туындаған жұқпаларда препаратты қолдану мақсатқа сай болады.

Дәрілік заттың көлік құралдарын немесе зейінді жоғары жұмылдыруды талап ететін басқа механизмдерді басқару қабілетіне әсер ету ерекшеліктері

Әсер етпейді

Артық дозалануы

Қабылдау кезінде ешқандай реакция анықталған жоқ. Арнайы у қайтарғысы жоқ. Емі белгісіне қарай.

Шығарылу түрі және қаптамалары

Құтыларда 50 таблеткадан. 10 құты медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.

Сақтау шарттары

Құрғақ, жарықтан қорғалған жерде 2 °С-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Микроген «ҒӨБ» ФМУК Ресей ДСМ

Ресей Федерациясы, 115088, Мәскеу қ-сы, 1-ші Дубровская к-сі, 15 үй, тел. (495) 710-37-87, факс (495)783-88-04, e-mail: secretariat@microgen.ru

Өндірістің мекенжайы: Ресей Федерациясы, 603950, Нижегородская облысы, Нижний Новгород қ-сы, Грузинская к-сі, 44 үй, тел./факс (831) 434-42-77

Тіркеу куәлігінің иесі

«Микроген «ҒӨБ» ФМУК Ресей ДСМ, Ресей Федерациясы

Қазақстан Республикасы аумағында тұтынушылардан препараттың сапасы туралы түскен шағымдарды қабылдайтын ұйымның мекенжайы:

«Нестеренко Н.А.» ЖК, Қазақстан Республикасы, 050000, Алматы қ-сы, Фурманов к-сі, 128 үй, 16 кеңсе,

тел. /факс (727) 2796659, e-mail: ip_n_nesterenko@list.ru.

 

 

Прикрепленные файлы

888944131477976421_ru.doc 47.5 кб
300015761477977622_kz.doc 57 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники