Артифрин-Здоровье форте

МНН: Артикаин, Эпинефрин
Производитель: ООО "Фармацевтическая компания "Здоровье"
Анатомо-терапевтическо-химическая классификация: Артикаин в комбинации с другими препаратами
Номер регистрации в РК: № РК-ЛС-5№014883
Информация о регистрации в РК: 06.04.2016 - 06.04.2021

Инструкция

Саудалық атауы

Артифрин-Здоровье форте

Халықаралық патенттелмеген атауы

Жоқ

Дәрілік түрі

Инъекцияға арналған ерітінді (1:100 000), 1.7 мл

Құрамы

1 мл ерітіндінің құрамында

белсенді заттар - 40 мг артикаин гидрохлориді (100% затқа шаққанда), 0.01 мг эпинефрин (100% затқа шаққанда),

қосымша заттар - натрий метабисульфиті, глицин (100% затқа шаққанда), натрий хлориді, 1 М хлорсутек қышқылы, инъекцияға арналған су

Сипаттамасы

Мөлдір түссіз немесе сәл жасылдау-сары ерітінді.

Фармакотерапиялық тобы

Жергілікті анестетиктер. Амидтер. Басқа препараттармен біріктірілген артикаин.

АТХ коды N01BB58

Фармакологиялық қасиеттері

Фармакокинетикасы

Ауыз ішіне инъекция жасағаннан кейін плазмада артикаин ең жоғары деңгейге шамамен 10 - 15 минуттан соң жетеді, таралу көлемі 1.67 л/кг құрайды, ауыз қуысының шырышты қабығына енгізгеннен кейін жартылай шығарылу кезеңі – 25 минут. Қан сарысуында артикаинның плазма ақуыздарымен байланысуы – 95%.

Артикаинның 10%-ы бауырда, негізінен, плазмалық және тіндік эстеразалармен метаболизденеді. Артикаин бүйрек арқылы, негізінен, артикаин қышқылы түрінде шығарылады.

Балаларда вестибулярлы инфильтрациядан кейінгі жалпы әсері ересектердегі әсерімен ұқсас, бірақ қан сарысуында ең жоғары концентрацияға тезірек жетеді.

Фармакодинамикасы

Артифрин-Здоровье форте (1:100000) – стоматологияда жергілікті анестезияға арналған біріктірілген препарат. Артикаин құрамында амид типті жергілікті әсер ететін жансыздандырғыш дәрі бар, және эпинефринде – жергілікті анестетиктердің әсер ету ұзақтығын арттыратын адреномиметик. Артикаин вегетативті, сенсорлы және моторлы жүйке талшықтарының сезімталдығын қайтымды тежейді, оның әсер ету механизмі жүйке талшығының жарғақшасындағы потенциалтәуелді натрий өзектерінің бөгелу себебінен болады. Эпинефрин қантамырлардың жергілікті деңгейде тарылуын туындатады, мұның нәтижесі енгізілген жерде ұзақ уақыт бойы жергілікті анестетиктің өте жоғары концентрацияда болуы және жалпы жағымсыз жанама әсерлердің туындау мүмкіндігінің азаюы болып табылады.

Біріктірілген препараттың әсері тез (инъекциядан кейін 1 - 3 минуттан соң) басталады. Препарат жансыздандырғыш әсерді сенімді түрде қамтамасыз етеді, жағымдылығы жақсы болады. Пульпаға анестезия жасағанда әсер ету ұзақтығы кем дегенде 75 минутты, ал жұмсақ тіндерге жасалған анестезияда 120-240 минутты құрайды.

Қолданылуы

Терең жансыздануды және қан ағынының айқын шектелуін қажет ететін стоматологиялық араласымдарда:

  • ауыз қуысының шырышты қабығына немесе сүйек тініне операцияда

  • тіс пульпасын ампутациялауда және экстирпациялауда

  • тістерді экстирпациялауда, трепанациялауда және сынған тісті жұлып тастағанда (остеотомияда)

  • Калдвелл-Люк, тері арқылы сүйек остеосинтезі, кистэктомия, шырышты қызыл иекке және ауыз қуысына операциялар, апекэктомия сияқты ұзақ хирургиялық араласымдарда

Қолдану тәсілі және дозалары

Препарат стоматологиялық тағайындау үшін жергілікті анестетик ретінде инъекция жасауға арналған. Тиімді анестезияға мүмкіндік беретін ерітіндінің, мүмкіндігінше, ең аз көлемін пайдаланған жөн.

Келесі дозалар ұсынылады:

Жоғарғы жақтың тістерін жұлу үшін көптеген жағдайларда бір тіске шаққанда 1.7 мл препаратты пайдаланып жүргізілетін инфильтрациялық анестезия жеткілікті болып табылады. Ары қарай көрші тістерді жұлған жағдайда инъекция жиі азайтылуы мүмкін.

Таңдайды тілгенде немесе тігіс жасағанда жансыздандыру үшін бір инъекцияға 0.1 мл-ге жуық есебінен қолданылады.

Төменгі жақтың кіші азу тістерін жұлғанда бір тіске шаққанда 1.7 мл препаратты пайдаланып жүргізілетін инфильтрациялық анестезия жеткілікті болып табылады; жекелеген жағдайларда өтпелі қыртыстар аймағындағы шырышты қабық астына жасалатын қосымша инъекцияға препараттың 1-ден 1.7 мл-ге дейінгі мөлшері қажет болуы мүмкін. Мандибулярлы анестезия сирек жағдайларда қолданылады.

Тісжегі қуысын егеп тазалағанда және тіс тұқылын дайындағанда жасанды тіс сауытының астына вестибулярлы жағынан бір тіске шаққанда препараттың 0.5-1.7 мл мөлшерімен инъекция жасауға рұқсат етіледі.

Төменгі жақтың кіші азу тістерін емдегенде аумақтық анестезияны қолданған жөн, 1.7 мл инъекция жеткілікті болып табылады.

Барлық операциялық араласымдарда Артифрин-Здоровье форте препаратын дозалау операция масштабына және ұзақтығына байланысты әрбір пациент үшін жекелей таңдап алынуы тиіс.

Дене салмағы 20 – 30 кг балалар үшін 0.25-1 мл доза, дене салмағы 30 – 45 кг балалар үшін 0.5 – 2 мл доза жеткілікті болып табылады.

Артифрин-Здоровье форте препаратын 4 жасқа дейінгі балаларға қолданбайды.

Егде жастағы пациенттерде метаболизмдік үдерістердің төмендеуінен және таралу көлемінің өте төмендігінен қан плазмасында артикаин деңгейі жоғарылауы мүмкін. Препараттың жинақталу қаупі оны қайталап қолданудан (мысалы, қайталанған инъекциядан) кейін жоғарылайды. Осыған ұқсас әсер пациенттің жалпы жағдайы нашарлағанда, сондай-ақ бауыр мен бүйрек функцияларының ауыр бұзылуларында байқалуы мүмкін («Сақтандыру шараларын» қараңыз). Сөйтіп, осыған ұқсас барлық жағдайларда препараттың өте төмен дозасы (анестезияның жеткілікті тереңдігі үшін ең төмен мөлшер) ұсынылады.

Препарат дозасы стенокардиядан, атеросклероздан зардап шегіп жүрген науқастарда төмендетілуі тиіс.

Ұсынылатын ең жоғары доза:

Ересектер

Ересектер үшін ең жоғары доза 500 мг артикаинды (дене салмағының бір кг шаққанда 7 мг) құрайды, ол 12.5 мл Артифрин-Здоровье форте (7 карпула) препаратына баламалы.

Балалар

Енгізілуі керек препарат мөлшері нәрестенің жасына және салмағына, сондай-ақ операция масштабына қарай белгіленуі тиіс, ең жоғары доза дене салмағының әр кг шаққанда 7 мг артикаиннан (0.175 мл Артифрин-Здоровье форте /кг) аспауы тиіс

Қантамырішілік енгізудің мүмкін екендігін-еместігін анықтау мақсатында екі проекцияда (инемен ротация 180° етіп) аспирациялық бақылау жасау қажет, алайда оның теріс нәтижесі абайсыз немесе байқаусызда қантамыр ішіне енгізілгенін әрдайым жоққа шығара бермейді.

Инъекция жылдамдығы 15 секундта 0.5 мл-ден аспауы тиіс (минутына 1 карпула).

Қантамыр ішіне байқаусызда енгізу нәтижесінде негізгі жүйелік реакцияларға көп жағдайларда келесі енгізу техникасын қолдана отырып – аспирациялық бақылаудан кейін 0.1 – 0.2 мл баяу енгізу және 20-30 секунд өткен соң қалған ерітіндіні баяу енгізу арқылы жол бермеуге болады.

Ашық карпулалар басқа пациенттер үшін қолданылмауы тиіс.

Препараттың қалдықтары жойылуы тиіс.

Жағымсыз әсерлері

Жиілігі белгісіз

- аса жоғары сезімталдық реакциялары (аллергиялық немесе жалған аллергиялық сипатты) инъекция жасалған жердегі ісіну және/немесе қабыну реакциясы, тері жабындарының эритемасы, қышыну, конъюнктивит, ринит, беттің ісінуі (Квинке ісінуі) жоғарғы және/немесе төменгі еріннің және/немесе жақтың ісінуімен бірге, «тамақта тас тұрғандай» сияқты сезілетін дауыс байламдарының ісінуімен және жұтынудың қиындауымен, есекжеммен және тыныстың тарылуымен бірге, олар анафилаксиялық шоктың дамуына өршуі мүмкін.

- орталық жүйке жүйесі тарапынан дозаға байланысты реакциялар (әсіресе шамадан тыс жоғары дозада немесе қантамыр ішіне байқаусызда енгізіп алғанда): ажитация, күйгелектік, мелшию (кейде естен тануға дейін өршитін), кома, кейде тыныстың тоқтап қалуына дейін өршитін тыныс алу бұзылыстары, инъекция орнының анатомиялық жағдайларына немесе инъекция техникасының дұрыс болмауы салдарынан, кейде жайылған құрысуларға ұласатын бұлшықет треморы және бұлшықеттің тартылуы, бет жүйкесінің салдануы, дәм сезімінің төмендеуі

- өткінші көру бұзылыстары (көрудің анық болмауы, заттың қосарланып көрінуі, қарашықтың ұлғаюы, соқырлық)

- жүрек аритмиясы, артериялық қысымның жоғарылауы, гипотензия, брадикардия, жүрек функциясының жеткіліксіздігі және шок (өмірге қауіп төндіруі мүмкін), асистолия, жүректің тоқтап қалуы

- қантамыр ішіне байқамай енгізіп алғанда енгізген жерде, кейде тін некрозына дейін өршитін, ишемия аймағы пайда болуы мүмкін («Қолдану тәсілі және дозаларын» қараңыз).

Жиі (≥ 1/100 < 1/10)

- парестезия, гипестезия, бас ауыру (сірә, препарат құрамында адреналиннің бар болуы салдарынан)

- жүректің айнуы, құсу

Жиі емес (≥ 1/1000 < 1/100)

- бас айналу

- тахикардия

Өте сирек

- құсу, диарея, ысқырық дем, демікпенің жедел ұстамалары, сананың бұзылуы немесе шок (натрий метабисульфитіне аллергиялық реакция)

Препараттың құрамында артикаиннің және эпинефриннің белсенді компоненттерінің бар болуы келесі жағымсыз әсерлерге әкелуі мүмкін

Препаратты енгізген сәттен бастап 2 апта ішінде бет жүйкесінің салдануының кейіннен дамуы мүмкін екендігін жоққа шығаруға болмайды. Осы құбылыстың 6 ай өткеннен кейін де орын алғаны жөнінде деректер бар.

Әртүрлі асқынулардың және жағымсыз әсерлердің пайда болуы препарат компоненттерінің клиникалық көрініске өзара ықпалының нәтижесі болуы мүмкін.

Қолдануға болмайтын жағдайлар

- 4 жасқа дейінгі балаларға

- препараттың белсенді және қосымша компоненттеріне аса жоғары сезімталдық

Артикаинның бар болуы себебінен қолдануға болмайтын жағдайлар:

- амид типті жергілікті анестетиктерге аса жоғары сезімталдық

- синустық түйін функциясының және жүрек өткізгіштігінің ауыр бұзылулары (мысалы, атриовентрикулярлық блокаданың ІІ – ІІІ дәрежесі, айқын брадикардия)

- жүрек функциясының декомпенсация сатысындағы жедел жеткіліксіздігі

- күрт білінген артериялық гипотензия

- кардиогендік шок

Эпинефриннің бар болуы себебінен қолдануға болмайтын жағдайлар:

- тұрақсыз стенокардия

- жақын арада бастан кешкен (3 ай бұрын) миокард инфарктісі, коронарлы шунттау

- пароксизмальді тахикардия және жүрек ырғағының басқа да бұзылулары, соның ішінде миокард инфарктісін бастан кешкеніне көп бола қоймаған (3-тен 6 айға дейін) пациенттерде жүрек қағуы жиілейтін абсолютті немесе тұрақты аритмия

- коронарлы шунттауды бастан кешкеніне көп бола қоймаған (3 ай бұрын болған) пациенттерде қолдану

- кардиоселективтік емес бета-адреноблокаторлармен, мысалы, пропранололмен бір мезгілде қолдану (гипертониялық криздің немесе ауыр брадикардияның даму қаупі бар)

- жабық бұрышты глаукома

- гипертиреоз

- феохромоцитома

- ауыр артериялық гипертензия

- үш циклді антидепрессанттармен немесе MAO (моноаминоксидаза) тежегіштерімен бір мезгілде қолдану, өйткені соңғылары жүрек-қантамыр жүйесіне эпинефриннің әсерін күшейтуі мүмкін, бұл МАО тежегіштерімен емдеу аяқталғаннан кейін 14 күнге дейінгі кезеңде көрініс беруі мүмкін

Препаратты көктамыр ішіне енгізуге болмайды

Препаратты анемияда (соның ішінде В12-тапшы болатын анемияда), метгемоглобинемияда, гипоксияда қолданбаған жөн. Сульфиттерге жоғары сезімталдықта бронх демікпесі бар пациенттерге пайдалануға болмайды.

Жүйке тармақтарының ұштарын анестезиялауға қолданбайды.

Келесі жағдайларда сақтықпен қолданады

- стенокардия

- атеросклероз

- қан коагуляциясының елеулі нашарлауы

- тиреотоксикоз

- тар бұрышты глаукома

- қант диабеті

- өкпе аурулары, әсіресе бронх демікпесінің болуы

- эпилепсия

- артериялық гипертензия

- қарыншаішілік және І дәрежелі артиовентикулярлы блокада, жүрек функциясының созылмалы жеткіліксіздігі

- бауыр функциясының жеткіліксіздігі

- бүйрек функциясының жеткіліксіздігі

- фенотиазинді, кардиоселективтік бета-адреноблокаторларды, антикоагулянттарды және антиагреганттарды бір мезгілде қабылдау

- жалпы ахуалдың ауыр болуы, әлсіз науқастарда

- егде жастағы пациенттерде

- холинэстераза тапшы болатын пациенттерде, өйткені препараттың әсері ұзаққа созылуы және, кейде шамадан тыс күшеюі мүмкін

Дәрілермен өзара әрекеттесуі

Әртүрлі жансыздандырғыш дәрілердің біріктірілімі жүрек-қантамыр жүйесіне және ОЖЖ (орталық жүйке жүйесіне) аддитивті әсер етуге себеп болады.

Қантамырларды тарылтатын, артериялық қысымды арттыратын препараттардың, симпатомиметиктер типінің (эпинефрин сияқты) әсерлері үш циклдік антидепрессанттармен немесе МАО тежегіштерімен күшеюі мүмкін, сондықтан оларды қолдануға болмайды.

Артифрин-Здоровье форте кардиоселективтік емес бета-блокаторларды (мысалы, пропранолол) қабылдап жүрген пациенттерде пайдаланылмауы тиіс. Эпинефрин ұйқы безінен инсулиннің бөлініп шығуын тежеуі мүмкін, соның салдарынан диабетке қарсы пероральді препараттардың тиімділігі төмендейді.

  • Ингаляциялық наркозға арналған кейбір дәрілер, мысалы, галотан, миокардтың катехоламиндерге сезімталдығын арттырып және, осылайша, Артифрин-Здоровье форте препаратын қолданғаннан кейін аритмияны туындатуы мүмкін.

  • Фенотиазиндер эпинефриннің прессорлы әсерін төмендетуі мүмкін. Мұндай препараттарды бір мезгілде пайдалануға жол бермеген жөн. Қатар жүргізілетін ем қажет болып табылатын жағдайларда пациенттің мұқият бақылануын қамтамасыз ету керек.

    Тромбоздарға қарсы дәрілерді (мысалы, гепарин немесе ацетилсалицил қышқылы) қабылдап жүрген пациенттерде жергілікті анестезия кезінде байқамай қантамырды шаншып алу ауыр қан кетуді туындатуы мүмкін екендігін ескерген жөн (мұндай пациенттерде, әдеттегідей, қан кетуге жоғары бейімділік байқалады).

Айрықша нұсқаулар

Препаратты көктамыр ішіне қолданбайды! Қантамырішілік инъекцияға жол бермеу үшін, енгізілетін ерітіндіге тіндердің кедергісін бақылау жолымен, аспирацияға тест жүргізу қажет. Инъекциялық қысым тіннің тығыздығына сәйкес келуі тиіс.

Қабылған аймаққа инъекция жасамайды.

Сезімталдық қалпына келгеннен кейін ғана тамақ ішуге болады.

Артифрин-Здоровье форте препаратын сульфиттерге аллергиялық реакциялары және аса жоғары сезімталдылығы бар пациенттерді емдеу үшін, сондай-ақ бронх демікпесінің ауыр түрінен зардап шегіп жүрген пациенттерді емдеу кезінде қолдануға ұсынылмайды. Препаратты қолдану анафилаксиялық симптомдары (мысалы, бронхтың түйілуі) болатын аллергиялық реакцияларға әкеп соғуы мүмкін.

Байқаусызда препаратты қантамыр ішіне енгізіп алу құрысумен қатар жүріп, кейіннен орталық жүйке жүйесі қызметінің тежелуіне немесе жүрек-қантамыр қызметінің тоқтап қалуына ұласуы мүмкін. Осы симптомдар пайда болған кезде реанимациялық құрал-жабдықтарды, оттегіні және басқа да реанимациялық дәрілерді қолданып, дереу реанимациялық шаралар жүргізу қажет.

Амид типті жергілікті анестетиктер сондай-ақ бауырда метаболизденетін болғандықтан, Артифрин-Здоровье форте препараты мыналарда сақтықпен пайдаланылуы тиіс: бауыр аурулары бар пациенттерді емдеген кезде, өйткені қан плазмасында препараттың уыттылық концентрациясының даму қаупі жоғарылайды; сондай-ақ жүрек-қантамыр қызметінің бұзылулары бар пациенттерді емдеген кезде, өйткені мұндай науқастарда препарат әсерінен атровентрикулярлы өткізгіштіктің баяулауымен байланысты болған функциональді өзгерулердің орнын толтыру қабілетінің төмендеуі байқалуы мүмкін.

Препарат сыртартқысында эпилепсиясы бар пациенттерді емдеген кезде сақтықпен қолданылуы тиіс.

Спортшыларда допинг-тест жүргізген кезде оң нәтижелер алынуы мүмкін.

Қан ұю және агрегация тежегіштерін (мысалы, гепарин немесе ацетилсалицил қышқылы) пайдаланып емдеген кезде, жергілікті анестетиктерді байқамай қантамыр ішіне енгізіп алу ауыр қан кетуге әкеп соғуы мүмкін. Абайсызда қантамыр ішіне енгізіп алуға жол бермеген жөн («Қолдану тәсілі және дозалары» бөлімін қараңыз).

Тіс сауыты астындағы тісжегі қуысын егеп тазалағанда эпинефрин пульпа тініндегі қан ағынын төмендетеді, ол тіс пульпасының ашылу қаупінің жоғарылауына әкеп соғады.

Жергілікті анестетикті қолданған кезде келесі дәрілік заттар/емдеу шаралары дәрігердің қарауында болуы тиіс:

- құрысуға қарсы препараттар (мысалы, бензодиазепиндер немесе барбитураттар), бұлшықет релаксанттары, атропин және вазопрессорлар немесе ауыр аллергиялық және анафилаксиялық реакциялар үшін адреналин;

- қажет болған жағдайда өкпеге жасанды желдету мүмкіндігін қамтамасыз ететін реанимациялық құрал-жабдық (әсіресе оттегі көзі);

- жергілікті анестетиктің әрбір инъекциясынан кейін ОЖЖ, жүрек-қантамр және тыныс алу жүйелері жағдайының негізгі көрсеткіштерін және сана-сезімін мұқият және ұдайы бақылау. Қозу, мазасыздық, құлақтың шыңылдауы, бас айналу, көз алдының қарауытуы, тремор, депрессия немесе ұйқышылдық орталық жүйке жүйесіне уытты әсерін алдын ала ескертетін ерте дабыл болуы мүмкін («Артық дозалануы» бөлімін қараңыз).

Кардиоселективтік әсер бермейтін бета-блокаторларды қатар қолдану құрамындағы эпинефриннің болуы себепті артериялық қысымның жоғарылауына әкелуі мүмкін («Дәрілермен өзара әрекеттесуі» бөлімін қараңыз).

Жүктілік және лактация кезеңі

Препаратты әйелдерге жүктілік және бала емізу кезінде қолдану жөнінде клиникалық деректер жеткіліксіз. Артикаинды жүктілік кезінде пайдаланғанда ұрықтың дамуына жағымсыз әсерін тигізетіні анықталған жоқ. Бұл препарат жүктілік кезінде тек ана үшін күтілетін пайдасы ұрық үшін қаупінен басым болатын жағдайларда ғана пайдаланылуы тиіс.

Артикаинның және оның метаболиттерінің емшек сүтіне бөлініп шығуы жөнінде клиникалық деректер жеткіліксіз. Алайда клиникаға дейінгі деректер емшек сүтіндегі артикаинның концентрациясы клиникалық тұрғыдан маңызды шамаға жетпейтінің айғақтайды. Осыған байланысты препаратты қолданып анестезия жасағаннан кейін емшек сүтінің бірінші бөлігін сүзу қажет, сүзілген сүтті баланы қоректендіру үшін қолдануға болмайды.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Арнайы тестілерде препараттың зейінді жұмылдыруға және қимыл-қозғалыс реакциясының шапшаңдығына айқын ықпалы анықталған жоқ. Алайда операция алдында науқастың мазасыздануы және операциялық араласымның себебінен күйзелуі іс-әрекет тиімділігіне ықпалын тигізуі мүмкін, пациенттің көлік құралын жүргізуіне немесе потенциалды қауіпті механизмдермен жұмыс жасауына рұқсат ету мәселесін дәрігер әрбір нақты жағдайда жекелей шешеді.

Артық дозалануы

Симптомдары

ОЖЖ cтимуляцияcы: қозу күйі, мазасыздық, сананың шатасуы, гиперпноэ, тахикардия, артериялық қысым жоғарылап, беттің қызаруы, жүректің айнуы, құсу, тремор, бұлшықеттің тартылуы, тонустық - клонустық эпилепсиялық ұстамалар.

ОЖЖ басылуы: бас айналу, естудің нашарлауы, сөйлей алмау, мелшию, есінен тану, бұлшықет атониясы, вазомоторлы салдану (әлсіздік, бозару), диспноэ, тыныстың салдануы салдарынан болатын өлім.

Жүрек-қантамыр жүйесінің басылуы: брадикардия, аритмия, қарыншалар фибрилляциясы, артериялық қысымның төмендеуі, цианоз, жүректің тоқтап қалуы.

Емі: жағымсыз әсерлердің немесе уыттанудың, мысалы, бас айналу, моторлы қозу немесе мелшию сияқты алғашқы белгілерінде инъекцияны тоқтату және пациентті жатқызған жөн. Пациенттің тыныс жолдарының өткізгіштігін қамтамасыз ету және тамырының соғуы мен артериялық қысымын бақылау керек.

Тіпті, уыттану симптомдары ауыр болып көрінбегеннің өзінде, қажет болғанда, дереу көктамырішілік инъекция жасау үшін көктамырішілік катетер қою ұсынылады.

Тыныс алудың бұзылуларында, олардың ауырлығына байланысты, оттегі беру ұсынылады, ал қажеттілік болғанда жасанды тыныс алдыру, сондай-ақ керек болған жағдайда эндотрахеальді интубация және өкпеге басқарылатын желдету жүргізу керек.

Бұлшықеттің тартылуы немесе жайылған құрысулар көктамыр ішіне әсері қысқа болатын спазмолитиктерді (мысалы, суксаметоний хлориді, диазепам) енгізу арқылы басылуы мүмкін. Бұдан басқа, өкпені жасанды желдету (оттегімен) ұсынылады.

Артериялық қысымның төмендеуі, тахикардия немесе брадикардия тек жай пациентті жатқызған немесе басын сәл төмендеткен кезде жойылуы мүмкін.

Қан айналымының ауыр бұзылуларында және шокта, себептеріне қарамай-ақ, препаратты енгізуді тоқтату және келесі шұғыл шараларды дереу қолдану қажет:

- пациентті жатқызу немесе басын шалқайтып жатқызу және тыныс алу жолдарының өткізгіштігін (оттегі беруді) қамтамасыз ету

- көктамырішілік инфузияны (теңдестірілген электролиттік ерітіндімен) қамтамасыз ету,

- глюкокортикоидтарды (мысалы, 250-1000 мг преднизолонды немесе оның туындыларының баламалы көлемін, мысалы, метилпреднизолонды) көктамырішілік енгізу,

- айналымдағы қан көлемін толтыру (қосымша, қажет болған жағдайда, плазма алмастырғыштарды, адам альбуминін).

Қантамырлық коллапс және күшейе түскен брадикардия басталған жағдайда эпинефрин (адреналин) ерітіндісін дереу көктамыр ішіне енгізу қолданылады. Эпинефриннің стандартты 1 мл 1:1000 ерітіндісін 10 мл-ге дейін (мұның орнына 1:10000 эпинефрин ерітіндісін пайдалануға болады) сұйылту және, тамырдың соғуын және артериялық қысымды бақылай отырып (жүрек аритмиясы дамуы мүмкін), осы ерітіндінің 0.25–1 мл-ін (0.025–0.1 мг эпинефрин) көктамыр ішіне баяу енгізу керек. Бір көктамырішілік енгізуде 1 мл-ден (0.1 мг эпинефриннен) артық енгізбеген жөн. Қажет болғанда қосымша дозаларды инфузиялық ерітіндімен бірге енгізу ұсынылады (инфузия жылдамдығы жүректің жиырылу жиілігін және артериялық қысымды ескере отырып, реттеледі).

Тахикардияның және тахиаритмияның ауыр түрлері аритмияға қарсы препараттарды қолдану арқылы жойылуы мүмкін, алайда пропранолол сияқты кардиоселективтік бета-блокаторларды пайдаланбаған жөн («Қолдануға болмайтын жағдайларды» қараңыз). Мұндай жағдайларда оттегіні қолдану және гемодинамика көрсеткіштерін бақылау қажет.

Гипертониядан зардап шегіп жүрген науқастарда артериялық қысым артқан кезде, қажет болса, шеткергі вазодилататорларды қолданған жөн.

Шығарылу түрі және қаптамасы

Бір жағы дентальді резеңке тығынмен, басқа жағы резеңке дискі орналастырылған алюминий қалпақшамен тығындалған силикондалған карпулаларға 1.7 мл-ден құйылған.

Карпулаға өздігінен желімденетін заттаңба жапсыруға болады немесе мәтін тікелей карпуланың өзіне шыны бұйымға арналған терең мөр бояуымен жазылады.

ПВХ үлбірден немесе ПВХ үлбірден және алюминий фольгадан, немесе ПВХ үлбірден және полиэтиленді жабыны бар қағаздан жасалған пішінді ұяшықты қаптамаға 10 карпуладан салынған.

Пішінді ұяшықты 1 немесе 5 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Топталған және тасымалдайтын ыдыс ГОСТ 17768-90 бойынша.

Сақтау шарттары

Жарықтан қорғалған жерде, 25ºС-ден аспайтын температурада сақтау керек.

Қатырып мұздатуға болмайды. Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткен препаратты пайдалануға болмайды!

Дәріханалардан босатылу шарттары

Рецепт арқылы

Өндіруші/Қаптаушы

“Здоровье” фармацевтикалық компаниясы” ЖШҚ.

Украина, 61013, Харьков қ., Шевченко к-сі, 22.

Тіркеу куәлігінің иесі

“Здоровье” фармацевтикалық компаниясы” ЖШҚ, Украина.

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

«Фарм-Евро» ЖШС

050039, Алматы қ., Майлин к-сі, 72 үй, 34 пәт.

Тел.: +7(727) 271-10-17

Факс: +7(727) 271-84-97

E-mail: farmevro@mail.ru

Прикрепленные файлы

164702811477976237_ru.doc 87 кб
354512591477977497_kz.doc 117 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники