Антифлу®

МНН: Парацетамол, Фенилэфрин, Хлорфенирамина малеат (Хлорфенамин)
Производитель: Контракт Фармакал Корпорейшн
Анатомо-терапевтическо-химическая классификация: Парацетамол в комбинации с другими препаратами (исключая психолептики)
Номер регистрации в РК: № РК-ЛС-5№002248
Информация о регистрации в РК: 20.10.2020 - 20.10.2030

Инструкция

Саудалық атауы

Антифлу®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар

Құрамы

1 таблетканың құрамында

белсенді заттар: 325 мг ацетаминофен, 5 мг фенилэфрин гидрохлориді, 2 мг хлорфенирамин малеаты.

қосымша заттар: микрокристалды целлюлоза, натрий кроскармеллозасы, коллоидты кремнийдің қостотығы, бояғыш D&C сары №10 лакталған, стеарин қышқылы, магний стеараты;

қабық: гипромеллоза, минералды май, полиэтиленгликоль, магний силикаты.

Сипаттамасы

Пішіні капсула тәрізді, бір жағында «AntiFlu» ойып жазылған, үлбірлі қабықпен қапталған сары түсті таблеткалар.

Фармакотерапиялық тобы

Анальгетиктер. Басқа да Анальгетиктер – Антипиретиктер. Анилидтер.

Басқа препараттармен біріктірілген парацетамол (психолептиктерді қоспағанда).

АТХ коды N02BE51

Фармакологиялық қасиеттері

Фармакокинетикасы

Ацетаминофен (парацетамол) – ацетаминофеннің жартылай шығарылу кезеңі (Т ½) 2-2,5 сағатты құрайды. Ол үлкен дозаларды қабылдағаннан кейін және бауыр аурулары бар адамдарда ұзарады. Парацетамол несеппен шығарылады (бір реттік ацетаминофеннің 85% 24 сағат ішінде шығарылады). Шығарылу бүйректің шығару функциясы бұзылғанда айтарлықтай нашарлайды, бұл организмде ацетаминофен мен оның метаболизмі өнімдерінің жинақталуына алып келеді.

Хлорфенирамин малеаты – элиминация бауырда жүреді. Жартылай элиминация 8 сағатты құрайды. Метаболизм өнімдері және препараттың метаболизденбеген бөлігі несеппен шығарылады.

Фенилэфрин гидрохлориді деметилдену жолымен бауырда элиминацияланады.

Фармакодинамикасы

ацетаминофен (парацетамол) орталық жүйке жүйесінде термореттеу орталығына және простагландиндердің синтезін тежеуге әсер етуі есебінен ауыруды және ыстықты басатын және әлсіз білінетін қабынуға қарсы әсер етеді;

хлорфенирамин малеаты – Н1-гистаминорецепторларының блокаторы, қабынудың негізгі медиаторларының бірі – гистаминнің әрекетіне кедергі келтіреді. Қылтамырлар қабырғаларының өткізгіштігін төмендетеді, жергілікті экссудативті білінулер: ринорея, көз бен мұрынның қышуы айқындығын азайтады. Мұрынның, мұрынжұтқыншақтың, жоғары тыныс алу жолдарының шырышты қабығының ісуін жойып, мұрынмен тыныс алуды жеңілдетеді;

фенилэфрин гидрохлориді – симпатомиметик, тамыр тарылтатын әсері бар, мұрын мен оның қосалқы қойнаулары шырышты қабығының ісінуі мен гиперемиясын азайтады, мұрынмен тыныс алуды жеңілдетеді.

Қолданылуы

- тұмауды, вирусты инфекциялар мен суық тиюді симптоматикалық емдеуде;

- бас және бұлшықет-буын ауыруын жеңілдетуде;

- тыныс алу жолдары шырышты қабығының ісінуінде.

Қолдану тәсілі және дозалары

Ересектерге әрбір 4 сағат сайын 1-2 таблеткадан. Таблетканы сумен қабылдайды. Тәуліктік ең жоғары доза тәулігіне 8 таблеткадан аспайды.

Емдеу ұзақтығы– 7 күннен артық емес.

Жағымсыз әсері

Көптеген жағдайларда дәрі жақсы көтерімді.

Төмендегі жағымсыз әсерлері сирек жағдайларда ұзақ уақыт ұсынылатын тәуліктік дозалардан артық қолданғаннан кейін байқалуы мүмкін.

Қан түзілу және лимфа жүйесі тарапынан бұзылыстар:

анемиялар, сульфгемоглобинемия және метгемоглобинемия (цианоз, ентігу, жүректің ауыруы), гемолитикалық анемия (пациент глюкозо-6-фосфатдегидрогеназа тапшылығынан зардап шегетін жағдайда), тромбоцитопения.

Асқазан-ішек бұзылыстары:

жүрек айну, эпигастрий аймағының ауыруы.

Гепатобилиарлық аурулар:

Жоғары деңгейдегі бауыр ферментінің белсенділігі (әдетте, сарғаю байқалмайды), бауыр некрозы (дозаға тәуелді әсері).

Иммун жүйесі тарапынан:

Аса жоғары сезімталдық реакциясы

Жүйке жүйесі бұзылыстары:

Ұйқышылдық Бауыр және несеп шығару жолдары бұзылыстары:

Бүйрек шаншуы және интерстициальді нефрит.

Тері және тері асты шелі аурулары:

Қышыну, тері мен шырышты қабықтың бөртуі (эритематозды, есекжем), ангионевроздық ісіну, мультиформалы эритема (оның ішінде Стивенс-Джонсон синдромы) және уытты эпидермалық некролиз (Лайелл синдромы).

Қолдануға болмайтын жағдайлар

  • препараттың компоненттеріне жеке жоғары сезімталдық

  • бауыр және/немесе бүйрек функциясының айқын бұзылулары

  • глюкоза-6- фосфатдегидрогеназа ферментінің тапшылығы (анемия сияқты қан ауруларының белгілері)

  • Жильбер синдромы (глюкуронил-трансфераза тапшылығы нәтижесіндегі салдарлы құбылмалы қатерсіз сарғаю)

  • гемопоэздік дисфункция

  • 18 жасқа дейінгі балаларға

  • жүктілік және лактация кезеңі

Дәрілермен өзара әрекеттесуі

Ұйықтататын, тыныштандыратын және құрамында алкоголь бар препараттармен бірге қабылдауға болмайды.

Ацетаминофенді барбитураттармен, алкогольмен біріктіргенде гепато- және нефроуыттылығы күшейеді.

Ұйықтататын, тыныштандыратын дәрілерді, нейролептиктер мен транквилизаторларды, алкогольді бір уақытта қабылдау хлорфенирамин малеатының орталық жүйке жүйесіне бәсеңдететін әсерін айтарлықтай күшейтеді.

Ацетаминофен антибиотиктердің ағзадан шығарылуын баяулатады.

Ацетаминофенді қабылдағанда тетрациклиндер анемия мен метгемоглобинемия даму қатерін жоғарылатады.

Фенилэфрин гидрохлориді резерпин мен октадиннің гипотензивті әсерін әлсіретеді. Моноаминоксидазалар тежегіштері мен фенилэфрин гидрохлоридімен бірге қабылдау гипертензивті криз дамуына соқтыруы мүмкін.

Айрықша нұсқаулар

Бір мезгілде тыныштандыратын, ұйықтататын препараттармен және құрамында спирті бар сусындармен пайдалануға болмайды.

Дәрі тек пайда-қатер арақатынасын дәрігердің бағалауынан кейін төмендегі жағдайларда қабылдануы тиіс:

- артериялық  гипертензия

- қант диабеті

- эпилепсия

- глаукома

- қуық асты безі аденомасы

- жүрек ырғағының бұзылуы

- тиреотоксикоз

- несеп шығарудың бұзылуы

- препаратты егде емделушілерде сақтықпен қолдану керек

Көлікті немесе қауіптілігі зор механизмдерді басқару қабілетіне әсер ету ерекшеліктері

Емделу кезінде көлік құралдарын басқарудан және басқа да қауіптілігі зор қызметтерден тартынған жөн.

Артық дозалануы

Симптомдары: қозу, бас айналу, ұйқының бұзылуы, жүрек айну, құсу.

Емі симптоматикалық. Осы немесе кез келген басқа да дәрілік заттар артық дозаланғанда медициналық көмекке жүгіну қажет.

Шығарылу түрі және қаптамасы

12 таблеткадан поливинилхлоридті үлбірден және баспалы алюминий фольгадан жасалған ішінді ұяшықты қаптамада.

1 пішінді ұяшықты қаптамадан қолданылуы жөніндегі мемлекеттік және орыс тіліндегі нұсқаулықтармен бірге картон қорапша салынады.

Сақтау шарттары

250С-ден аспайтын температурада сақтау қажет.

Балалардың қолы жетпейтін жерде сақтау керек!

Сақтау мерзімі

3 жыл.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз.

Өндіруші ұйымның атауы мен елі

Контракт Фармакал Корпорейшн, АҚШ

Тіркеу куәлігі иесінің атауы мен елі

Байер Консьюмер Кэр АГ, Швейцария

Қаптаушы ұйымның атауы мен елі

Контракт Фармакал Корпорейшн, АҚШ

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Байер КАЗ»ЖШС

Тимирязев к-сі, 42, «Экспо-Сити» бизнес орталығы, 15 пав.

050057 Алматы, Қазақстан Республикасы

тел.: +7 727 258 80 40 (148)

факс: +7 727 244 70 01

e-mail: kz.claims@bayer.com

 

 

 

5

 

Прикрепленные файлы

861918311477976300_ru.doc 61 кб
165882001477977546_kz.doc 61 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники