АМКАФАРМ ПЛЮЩ
Инструкция
-
русский
-
қазақша
Саудалық атауы
АМКАФАРМ ШЫРМАУЫҚ
Халықаралық патенттелмеген атауы
Жоқ
Дәрілік түрі
Шәрбат
Құрамы
100 мл препараттың құрамында
белсенді зат: 0,87 г шырмауық жапырақтарының құрғақ сығындысы [(6-7):1]
қосымша заттар: 40% этил спирті, мальтодектрин, калий сорбаты, лимон қышқылы, повидон 30, пропиленгликоль, фруктоза, глицерол, натрий бензоаты, шие хош иістендіргіші, тазартылған су.
Сипаттамасы
Мөлдір сары түсті жеңіл хош шие дәмі және иісі бар сұйықтық
Фармакотерапиялық тобы
Тұмау және жөтел симптомдарын жоюға арналған препараттар. Қақырық түсіретін препараттар. Шырмауық жапырақтарының сығындысы
АТХ коды R05CA12
Фармакологиялық қасиеттері
Фармакодинамикасы
Өсімдік препараты. Құрамында сапониндер, тритерпеноидтар, флавоноидтар бар. Бронхолитикалық, қақырық түсіретін, жөтелге қарсы және спазмалитикалық әсері бар. Қақырықтың тұтқырлығын төмендетеді және оның түсуін жеңілдетеді. Микробқа қарсы белсенділікке ие.
Фармакокинетикасы
Фармакокинетикалық деректер және биологиялық жетімділік зерттеулері туралы мәліметтер жоқ.
Қолданылуы
Кешенді емде симптоматикалық дәрі ретінде:
- жоғарғы тыныс алу жолдары және өкпенің қабыну ауруларында
- бронхтың созылмалы ауруларында
Қолдану тәсілі және дозалары
1-4 жастағы балаларға – күніне 2 рет 1 мл-ден
(тиісінше күніне 113 мг шырмауық жапырақтары).
5-11 жастағы балаларға – күніне 1-2 рет 1,8 мл-ден
(тиісінше күніне 102-204 мг шырмауық жапырақтары).
12 жастан асқан балаларға және ересектерге – күніне 3 рет 1,8 мл-ден
(тиісінше күніне 306 мг шырмауық жапырақтары).
Шәрбатты сұйылтылмаған күйде немесе судың аздаған мөлшерімен қабылдауға болады. Сұйықтықтың қажетті мөлшерін ішу керек мүмкіндігінше (бір стақан сумен).
Қабылдау ұзақтығы
Препаратты бір аптадан артық қолдануға болмайды.
Жағымсыз әсерлері
Жиі (<1/100)
- асқазан-ішек бұзылыстары (жүрек айну, құсу, диарея)
Сирек (<1/1000)
- есекжем, бөртпе, купероз (жарылған капиллярлар, негізінен бетте және мұрында), демікпе, Квинке ауруы, ісіну сияқты аллергиялық реакциялар
Қолдануға болмайтын жағдайлар
- препараттың компоненттеріне жоғары сезімталдықта
- фруктозаны көтере алмаушылықта
- 1 жастан кіші балаларға
- жүктілік және лактация кезеңінде
Дәрілермен өзара әрекеттесуі
Анықталмаған
Айрықша нұсқаулар
«АМКАФАРМ ШЫРМАУЫҚ» дәрісін қабылдаған кезде гастриті және асқазанның ойық жарасы бар пациенттерге ерекше сақ болған жөн, себебі құрамында шырмауық бар препараттар, асқазанның шырышты қабығының тітіркенуін тудыруы мүмкін.
Препаратты дәрігердің тағайындауысыз жөтелге қарсы дәрілік заттармен бірге қолдануға болмайды, мысалы, Кодеинмен немесе Декстрометорфанмен
Жүктілік және лактация кезеңі
Бұл дәрілік затты жүктілік және лактация кезеңінде қолдану жағдайлары зерттелмеген. Сондықтан, препаратты жүкті және емшек емізетін әйелдерге қолдану ұсынылмаған.
Көлік құралдарын және потенциалды қауіпті механизмдерді басқару қабілетіне әсері
Әсер етпейді
Артық дозалануы
Препаратты күндізгі дозадан үш есе асатын мөлшерде қабылдау жүрек айну, құсу және диареяны тудыруы мүмкін.
Емі – симптоматикалық.
Шығарылу түрі және қаптамасы
100 мл-ден полиэтилен бұралатын қақпағы бар күңгірт түсті шыны құтыда.
1 құтыдан дозалаушы пипетка және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
Жарықтан қорғалған жерде 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Құтыны ашқаннан кейін қолдану уақыты – 6 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Амкафарм Фармасьютикал ГмбХ» фирмасы
Индустриештрассе, 10-14, 61191 Росбах, Германия
Тіркеу куәлігінің иесі
«Қызылмай» фирмасы» өндірістік кооперативі
Ипподромная к-сі 6
050016, Қазақстан
Қазақстан Республикасы аумағында тұтынушылардан дәрілік заттың тіркеуден кейінгі қауіпсіздігін қадағалауға жауапты және өнім (тауар) сапасына қатысты шағымдарды қабылдайтын ұйымның мекенжайы:
«Қызылмай» фирмасы» өндірістік кооперативі
Алматы қ-сы, Ипподромная к-сі, 6.
Тел./факс + 7 727 382-20-28 E-mail: reception@kyzylmay.com