Фортранс®

Фортранс®

Жоқ

Ішке қабылдау үшін ерітінді дайындауға арналған ұнтақ

Бір дозалық бір пакеттің құрамында

белсенді заттар: макрогол 4000 - 64,0 г, калий хлориді – 0,75 г, натрий хлориді – 1,46 г, сусыз натрий сульфаты – 5,70 г, натрий гидрокарбонаты – 1,68 г, натрий сахарині – 0,1 г

Суда жеңіл еритін, ашқылтым-тұзды дәмі бар, ақ түсті ұнтақ

Іш жүргізгіштер. Осмостық іш жүргізгіштер. Макрогол

АТХ коды А06АD15

Фармакокинетикасы

Макрогол 4000 асқазан-ішек жолынан сіңбейді және метаболизмге ұшырамайды.

Фармакодинамикасы

Фортранстың әсері жоғары молекулалық полимердің электролиттер изотониялық ерітіндісімен үйлесуіне негізделген. Макрогол 4000 асқазан мен ішектен судың сіңуіне бөгет болып, ішек ішіндегісінің жиі дефекация жолымен жылдам шығарылуына ықпал етеді. Фортранс құрамындағы электролиттер организмнің су-электролиттік теңгерімінің бұзылуына кедергі болады.

- тоқ ішекті эндоскопиялық немесе рентгенологиялық зерттеулерге даярлауда

- тоқ ішектегі операциялық араласуға даярлауда

- іш қатуды симптоматикалық емдеуде.

Қолдану тәсілі және дозалары

Ішке қабылдау керек.

Препарат тек ересектерге арналған.

Әрбір пакетті 1 литр суда ерітеді. Ұнтақ суда толық ерігенше араластыру керек. Дозасы шамамен 15 - 20 кг дене салмағына 1 литр ерітіндіні құрайды, бұл орташа алғанда ерітіндінің 3 - 4 литріне сәйкес келеді.

Қолдану тәсілі. Препаратты бір реттік дозада, сонымен қатар қалпына келтірілген ерітіндінің толық дозасы (пациенттің дене салмағына байланысты, орташа алғанда ерітіндінің 3-тен 4 литріне дейін) қабылданатын жағдайда бөлінген дозада да қабылдануы мүмкін.

- Бөлінген дозада: 2 литр ерітіндіні емшара қарсаңында кешкісін және 1 немесе 2 литрін – емшара күнінде таңертең қабылдау керек. Фортранс соңғы рет емшараға дейін 3-4 сағат бұрын қабылдануы тиіс. Немесе 3 литр ерітіндіні кешке емшара қарсаңында және 1 литрін емшара күні таңертең қабылдау керек. Фортранс соңғы рет емшараға дейін 3-4 сағат бұрын қабылдануы тиіс.

- Бір реттік дозада: 3-4 литр ерітіндіні емшара қарсаңында кешкісін қабылдау керек. Алғашқы екі литрін қабылдағаннан кейін 1 сағат үзіліс жасауға болады.

Ұсынылатын қабылдау қарқыны – 1 сағатқа 1-1,5 литр (яғни әрбір 10-15 минут сайын шамамен 250 мл).

Пациенттің клиникалық жағдайына және әлеуетті қатар жүретін ауруларына сәйкес дәрігер препараттың ұсынылатын қабылдау қарқынын реттей алады.

Фортранс қабылдаудың күтілетін әсері диарея болып табылады. Препаратты қабылдаудың басында жүрек айну және құсу туралы хабарланған, олар әдетте ұзақ қабылдағанда қайтады.

Төмендегі кестеде клиникалық зерттеулер кезінде байқалған жағымсыз әсерлер, сондай-ақ постмаркетингтік зерттеулерден алынған жағымсыз жағдайлар атап көрсетіледі. Жиілігі мынадай шкалаға сәйкес анықталады: өте жиі (≥ 1/10); жиі ( ≥1/100 < 1/10 дейін); жиі емес ( ≥ 1/1000 < 1/100 дейін); сирек (≥ 1/10000 < 1/1000 дейін); өте сирек (< 1/10000), белгісіз (қолда бар деректер негізінде бағалау мүмкін емес).

- белсенді затқа немесе қосымша заттардың кез келгеніне аса жоғары сезімталдық

- сусыздану немесе ауыр жүрек жеткіліксіздігі сияқты жалпы жай-күйінің ауыр бұзылуы.

- тоқ ішек обырының асқынып кеткен түрі немесе шырышты қабықтың шамадан тыс әлсізденуіне әкелетін басқа да аурулары.

- ішек бітелуінің дамуына бейімділік немесе асқазан-ішек обструкциясы

- ас қорыту жолының тесілуі немесе тесілу қаупі

- асқазан босатылуының бұзылуы (мысалы, гастропарез)

- уытты колит немесе уытты мегаколон

Дәрігер пациент ішке қабылдайтын кез келген басқа дәрілік препараттар туралы хабардар болуы тиіс. Фортранс әсер етуінің нәтижесінде асқазанның босатылуына байланысты басқа пероральді дәрілер сіңірілмеуі мүмкін. Оларды Фортранс енгізуге дейін 2 сағаттан астам уақыт бұрын қабылдаған жөн. Медициналық тексеру толық аяқталғанша іш жүргізіштерді қабылдауға дейін және одан кейін пероральді препараттарды қолданбаған дұрыс.

Жалпы жай-күйі әлсіреген егде адамдарға бұл препаратты тек дәрігердің бақылауымен қолдану керек.

Фортранс қолданудан туындаған диарея бір мезгілде қабылданатын препараттардың елеулі бұзылуына әкелуі мүмкін.

Бұл препараттың құрамында макрогол (полиэтиленгликоль немесе ПЭГ) бар. Макрогол негізіндегі препараттарға аллергиялық реакциялар туралы хабарланған: анафилаксиялық шок, бөртпе, ангиоісіну (Квинке).

Фортранс қабылдағанда оның изотониялық құрамына байланысты электролиттік бұзылулар күтілмейді; дегенмен қатер тобындағы пациенттерде өте сирек су-электролиттік теңгерімнің бұзылуы туралы хабарлар болған. Пациенттердің электролиттік бұзылулары ішек тазартуға арналған препарат енгізілгенге дейін түзетілуі тиіс. Фортранс® электролиттік бұзылуы бар пациенттерде немесе гипонатриемия және гипокалиемияны қоса, су-электролиттік теңгерімнің бұзылу қаупін арттыратын немесе мүмкін болатын асқынулар қаупін арттыратын (мысалы, бүйрек функциясы бұзылған, жүрек жеткіліксіздігі немесе диуретиктерді бір мезгілде қабылдайтын пациенттерде) қатар жүретін препараттарды қабылдайтын пациенттерде сақтықпен қолданылуы тиіс. Мұндай пациенттер тиісті бақылауда болулары қажет.

Аспирация үрдісімен пациенттерге немесе қозғалмай жатқан науқастарға немесе неврологиялық функциясы өзгерген және/немесе аспирациялық пневмония қаупіне байланысты қимыл-қозғалысы бұзылған пациенттерге препарат сақтықпен және тек дәрігердің бақылауымен қолданылуы тиіс. Осындай пациенттерге отырған қалпында препарат назогастральді зонд арқылы енгізілуі қажет.

Жүрек немесе бүйрек жеткіліксіздігімен пациенттерде артық суға байланысты жедел бүйрек ісінуінің қаупі бар.

Фортранс® құрамында натрий бар. Препарат құрамында әрбір пакетте 1,967 г натрий болады. Тұзды шектейтін қатаң диетадағы пациенттерде ескеру қажет.

Педиатрияда қолдану

Препарат тек ересектерге арналған. Фортранстың қауіпсіздігі мен тиімділігі 18-ден жас балаларда анықталмаған.

Жүктілік және лактация

Фортрансты жүкті әйелдерге қолдану жөніндегі деректер жоқ немесе өте шектеулі. Ұрпақ өрбіту уыттылығына қатысты жануарларға жүргізілген зерттеулер жеткіліксіз. Фортрансты жүктілік кезінде пайдалану жағын, егер күтілетін пайдасы қатерінен асып түсетін болса ғана, қарастырған жөн. Фортрансты бала емізу кезінде қолдану жөніндегі деректер жоқ немесе өте шектеулі. Емшек сүтіне Макрогол 4000 бөлінетіні-бөлінбейтіні белгісіз. Фортрансты бала емізу кезінде пайдалану жағын, егер күтілетін пайдасы қатерінен асып түсетін болса ғана, қарастырған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралын басқару және/немесе механизмдерді пайдалану қабілетіне әсер етуіне қатысты зерттеулер жүргізілмеген.

Симптомдары: диарея.

Емі: препаратты тоқтату. Ауыр диарея болатын артық дозалану жағдайында су-электролиттік теңгерім мен гидратация деңгейі бұзылуына мониторинг жүргізу қажет.

Шығарылу түрі және қаптамасы

Препарат алюминий фольгамен және полиэтиленмен ламинацияланған қағаз пакеттерге салынған. 4 пакеттен медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Рецептісіз

Өндіруші

Бофур Ипсен Индастри, Франция

Ипсен Фарма, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

ҚР-дағы IPSEN PHARMA (Ипсен Фарма) АҚ өкілдігі

050040 Алматы қ., Әл–Фараби д-лы, 45, 2 кеңсе

Тел./факс: 8 (727) 2646448, 2646620, 2646715

Электрондық пошта: aigul.ismagulova@ipsen.kz