Нормомед®

Нормомед®

Жоқ

Дәрілік түрі, дозалануы

Таблеткалар, 500 мг

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы дәрілер. Тікелей әсер ететін вирусқа қарсы препараттар. Вирусқа қарсы басқа да препараттар. Инозин Пранобекс.

АТХ коды: J05АХ05

• иммунитеті төмендеген және жоғарғы тыныс алу жолдарының инфекциялары қайталанатын адамдарда қосымша емдеу тәсілі

Қолдануды бастағанға дейін қажетті мәліметтер тізбесі

• Белсенді затқа немесе препараттың қосымша заттарының кез келгеніне аса жоғары сезімталдық

• Жедел подагра ұстамалары, сондай-ақ қандағы және несептегі несеп қышқылының концентрациясы жоғары пациенттер

• Несеп-тас ауруы

• Бүйректің созылмалы жеткіліксіздігі

• Аритмиялар

• Жүктілік және бала емізу кезеңі

• 6 жасқа дейінгі балалар.

Қолдану кезінде қажетті сақтық шаралары

Нормомед препараты әдетте, қалыпты диапазон шегінде (0,18-0,42 ммоль/л), әсіресе еркектер мен екі жыныстағы егде адамдарда қан сарысуындағы және несептегі несеп қышқылы концентрациясының уақытша жоғарылауын туындатуы мүмкін. Несеп қышқылы концентрациясының жоғарылауы инозиннің оның түзілуіндегі катаболиялық метаболизмімен байланысты, бірақ ферменттің негізгі функцияларының өзгеруімен немесе бүйрек клиренсімен байланысты емес. Сондықтан Нормомед анамнезінде подаграсы бар, қандағы несеп қышқылы, несеп тастарының деңгейі жоғарылаған және бүйрек функциясы бұзылған науқастарда сақтықпен қолдану керек. Бұл пациенттерде емдеу кезінде несеп қышқылының деңгейін мұқият бақылау керек.

Нормомед препаратымен ұзақ уақыт (3 айдан астам) емделгенде әрбір пациентте қан сарысуындағы және несептегі несеп қышқылының концентрациясын, қанның жалпы талдауының көрсеткіштерін, бауыр және бүйрек функциясын (трансаминазалардың белсенділігі, креатинин деңгейі) үнемі бақылау қажет.

Ұзақ ем алатын пациенттерде несепағар тастарының түзілу мүмкіндігі бар.

Кейбір пациенттерде аса жоғары сезімталдық реакциялары (есекжем, ангионевроздық ісіну, анафилаксия) дамуы мүмкін. Мұндай жағдайларда Нормомед препаратымен емдеуді тоқтату керек.

Қосымша заттар

Препараттың құрамында маннитолдың болуына байланысты орташа босаңсытатын әсері бар.

Бір таблеткада 67 мг натрий карбоксиметилкрахмалы бар, мұны тұзсыз диета ұстанатын адамдарға тағайындағанда ескеру қажет.

Басқа дәрілік препараттармен өзара әрекеттесуі

Иммунодепрессанттар препараттың иммуностимуляциялық әсерін әлсіретеді.

Препаратты бір мезгілде ксантиноксидаза (аллопуринол) тежегіштерін немесе несеп қышқылының өзекшелік секрециясын бөгеуге қабілетті препараттарды, мысалы, «ілмектік» диуретиктерді (фуросемид, торасемид, этакрин қышқылы) қабылдайтын пациенттерге сақтықпен қолданған жөн, өйткені бұл қан сарысуында несеп қышқылы концентрациясының жоғарылауына әкелуі мүмкін.

Препаратты зидовудинмен бірге қолдану қан плазмасындағы соңғысының концентрациясының ұлғаюына әкеледі және оны Т1/2 ұзартады (бірге қолданған кезде зидовудин дозасын түзету қажет болуы мүмкін).

Азидотимидинмен бір мезгілде қолданған кезде плазмадағы азидотимидиннің биожетімділігі мен адам қанының моноциттерінде жасушаішілік фосфорлануының ұлғаюын қоса, көптеген үдерістер салдарынан нуклеотидтің түзілуі артады.

Арнайы ескертулер

Арнайы ескертулер жоқ.

Жүктілік және лактация уақытында қолдану.

Жүкті әйелдерге қолдануға болмайды, себебі препараттың қауіпсіздігі зерттелмеген.

Препараттың емшек сүтіне өтетіні белгісіз.

Емшек емізетін әйелдерге қолдануға болмайды, өйткені препараттың қауіпсіздігі зерттелмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препараттың психомоторлық реакциялардың жылдамдығына әсері зерттелмеген. Препаратты қолданған кезде бас айналу және ұйқышылдық пайда болу мүмкіндігін ескеру керек.

Қолдану жөніндегі нұсқаулар

Дозалау режимі

Ересектерге

Доза пациенттің дене салмағы мен аурудың ауырлығына байланысты анықталады. Тәуліктік доза күніне бірнеше рет қабылдау үшін тең бөліктерге бөлінуі тиіс.

Ересек пациенттерде, оның ішінде егде жастағы адамдарда ұсынылған тәуліктік доза дене салмағының 50 мг/кг құрайды, яғни 6-дан 8 таблеткаға дейін немесе тәулігіне 3-4 рет 2 таблеткадан.

Ең жоғарғы доза тәулігіне 4 г (8 таблетка) құрайды.

6 жастан асқан балалар

6 жастан асқан балаларда тәуліктік доза бірнеше қабылдауға тағайындалатын дене салмағының 50 мг/кг құрайды немесе келесі кестені пайдалануға болады:

Енгізу жолы және тәсілі

Ішке қабылдау үшін.

Таблетка қабылдауды жеңілдету үшін ұсақтауға және аз мөлшерде ерітуге болады.

Қабылдау уақыты көрсетілген қолдану жиілігі

Таблеткалар бір күн ішінде тең уақыт аралығында аз мөлшерде су іше отырып, тамақтан кейін қабылданады.

Емдеу ұзақтығы

Емдеу ұзақтығы, әдетте, 5-14 күнді құрайды. Препарат қабылдауды симптомдардың айқындығы азайғаннан кейін тағы 1-2 күн ішінде жалғастыру керек. Егер 5-14 күннен кейін жағдайы жақсармаса немесе одан да нашарласа пациент емдеуші дәрігермен хабарласуы тиіс.

Артық дозалану жағдайында қабылдануы қажет шаралар

Артық дозалану оқиғалары хабарланбады. Артық дозалану қан сарысуындағы және несептегі несеп қышқылы деңгейінің жоғарылауын туындатуы мүмкін.

Артық дозалану кезінде асқазанды шаю және симптоматикалық ем тағайындалады.

Дәрілік препараттың бір немесе бірнеше дозасын жіберіп алғанда қажетті шаралар

Жекелеген дозалар өткізілген жағдайда препараттың қосарлы дозасын қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдаудан бұрын дәрігерге немесе фармацевтке қаралыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)

Жағымсыз әсерлердің даму жиілігінің жіктелуі: өте жиі (≥1/10), жиі (≥1/100, бірақ <1/10), жиі емес (≥1/1000, <1/100), сирек (≥1/10 000, <1/1000), өте сирек (<1/10 000), жиілігі белгісіз (даму жиілігін бағалау үшін деректер жеткіліксіз).

Жиі:

• бас ауыры, бас айналуы

• қажу, өзін-өзі нашар сезіну, әлсіздік

• тәбеттің төмендеуі

• жүрек айнуы, құсу, эпигастрияның ауыруы

• қан плазмасындағы трансаминазалар мен сілтілік фосфатаза белсенділігінің уақытша жоғарылауы

• қан плазмасындағы мочевина концентрациясының жоғарылауы

• қышыну, бөртпе

• буын ауыруы

• подаграның өршуі

• қандағы азот мочевинасы концентрациясының жоғарылауы (қан плазмасындағы мочевина концентрациясының жоғарылауы)

• қан плазмасындағы бауыр трансаминазалары және сілтілік фосфатаза деңгейінің жоғарылауы

Жиі емесс:

• күйгелектік

• ұйқышылдық, ұйқысыздық

• диарея, іш қатуы

• макулопапулездік бөртпе, есекжем, ангионевроздық ісіну

• полиурия

Белгісіз:

• бас айналуы

• ангионевроздық ісіну, аса жоғары сезімталдық реакциялары, есекжем, анафилаксиялық реакциялар, анафилаксиялық шок

• эпигастральді аумақтың ауыруы

• эритема

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді зат: инозин пранобекс, 500,0 мг

қосымша заттар: микрокристалды целлюлоза, перлитол флеш (маннитол - 80 % және жүгері крахмалы - 20 %), натрий карбоксиметилкрахмалы, повидон К-17, магний стеараты

Сыртқы түрінің, иісінің, дәмінің сипаттамасы

Ұзынша екі беті дөңес, бір жағында сызығы бар, өзіне тән әлсіз иісімен ақ немесе ақ дерлік түсті таблеткалар.

Шығарылу түрі және қаптамасы

10 таблеткадан поливинилхлоридті/поливинилиденхлоридті үлбірден және лакталған баспалы алюминий фольгадан жасалған пішінді ұяшықты қаптамада.

2, 3 немесе 5 пішінді ұяшықты қаптамадан қолдану жөніндегі орыс және қазақ тілдеріндегі нұсқаулықпен бірге картон қорапшаға салынады. Қорапшаларды топтық қаптамаға салады.

3 жыл.

Жарамдылық мерзімі өткеннен кейін қолдануға болмайды.

Жарықтан қорғалған жерде 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәлімет

«ОХФК» ЖАҚ, Ресей

Заңды мекенжайы: 249036, Калужская обл., Обнинск қ., Королев к-сі, 4 үй.

Өндіріс орнының мекенжайы: Калужская обл., Обнинск қ., Киевское шоссесі, 103 ғим., 107 ғим.

Телефон/факс: (48439) 6-47-41, 6-35-84, 6-65-35

Электронды пошта: obninsk@mirpharm.ru

Тіркеу куәлігінің ұстаушысы

«Валента Фарм» АҚ

141101, Ресей, Мәскеу обл., Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: moscowoffice@valentapharm.com

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

«Валента Азия» ЖШС

Қазақстан Республикасы, 050009, Алматы қаласы, Алмалы ауданы, Абай даңғылы, №151 үй, № 1102 кеңсе

Тел./факс: +7 (727) 3341551 ішкі тел. 4027

Ұялы тел. +7 771 779 79 37

Электронды пошта: asia@valentapharm.com