Нольпаза® таблетки (20 мг)

• русский
• қазақша

• Скачать инструкцию медикамента

Саудалық атауы

Нольпаза®

Халықаралық патенттелмеген атауы

Пантопразол

Дәрілік түрі

Ішекте еритін қабықпен қапталған таблеткалар, 20 мг және 40 мг

Құрамы

Бір таблетканың құрамында

белсенді зат - 22,55 мг немесе 45,10 мг пантопразол натрий сесквигидраты (сәйкесінше 20 мг немесе 40 мг пантопразолға баламалы) бар,

қосымша заттар: маннитол, кросповидон (В типі), сусыз натрий карбонаты, сорбитол (Е420), кальций стеараты,

ішекте еритін қабықтың құрамы: гипромеллоза (2,4-3,6 mPas), повидон (К25), титанның қостотығы (E171), темірдің сары тотығы (E172), пропиленгликоль, * метакрил қышқылы-этилакрилат сополимері (1:1) 30% дисперсиясы, макрогол 6000, тальк

* метакрил қышқылы – этилакрилат сополимері мен судан басқа 30 % дисперсия құрамында эмульгаторлар ретінде натрий лаурилсульфаты (дисперсиядағы қатты затқа шаққанда 0.7 %) және полисорбат 80 бар (дисперсиядағы қатты затқа шаққанда 2.3 %)

Сопақша пішінді, ақшыл-сарғыш-қоңыр түсті ішекте еритін қабықпен қапталған, екі беті сәл дөңес таблеткалар

Фармакотерапеиялық тобы

Қышқылдылықтың бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагальді рефлюксті емдеуге арналған препараттар. Протондық помпа тежегіштері. Пантопразол

АТХ коды А02ВС02

Фармакологиялық қасиеттері

Фармакокинетикасы

Пантопразол жылдам сіңеді, қан плазмасындағы ең жоғарғы концентрациясына (20 мг доза үшін: 1-1,5 мкг/мл, 40 мг доза үшін: 2-3 мкг/мл) препаратты ішке қабылдағаннан кейін шамамен 2- 2,5 сағаттан соң жетеді және қайталанған дозаларын қабылдағаннан кейін тұрақты болып қалады. Абсолюттік биожетімділігі 77 % құрайды, ас ішу AUC көрсеткіштеріне («концентрация-уақыт» қисығы астындағы ауданы), сарысудағы ең жоғарғы концентрацияларына және биожетімділігіне әсер етпейді. 10 мг-ден 80 мг дейінгі дозалары ауқымында пантопразолдың қан плазмасындағы кинетикасы дозаға тәуелді сипатта болады.

Плазма ақуыздарымен пантопразолдың 98%-ы байланысады. Таралу көлемі 0,15 л/кг жуықты құрайды.

Пантопразол толығымен дерлік бауырда метаболизденеді. Жартылай шығарылуының ақырғы кезеңі 1 сағатқа жуықты және клиренсі 0,1 л/сағ/кг жуықты құрайды. Кей жағдайларда шығарылу уақыты артуы мүмкін.  Пантопразолдың париетальді жасушалардың протондық помпасымен спецификалық байланысуына байланысты жартылай шығарылу кезеңі емдік әсерінің ұзақтығымен өзара байланыспайды (тұз қышқылы секрециясының төмендеуі).

Пантопразол метаболиттері шығарылуының негізгі жолы (80%-ға жуық) – бүйрек арқылы; қалған бөлігі нәжіспен шығарылады. Қан плазмасында және несепте анықталатын негізгі метаболиті – десметилпантопразол, жартылай шығарылу кезеңі пантопразолға қарағанда сәл ғана жоғары (шамамен 1,5 сағат) сульфатпен конъюгацияланады.

Бүйрек функциясы бұзылған емделушілерде (соның ішінде диализде жүрген емделушілерде де) пантопразолды қолданғанда дозасын түзету қажет емес

Бауыр циррозы бар емделушілерде (Child жіктемесі бойынша А және В класы), жартылай шығарылу кезеңі ұзағырақ (3 сағаттан 6 сағатқа дейін), AUC 3-5 есе жоғары, ал қан плазмасындағы ең жоғарғы концентрациясы ден сау адамдармен салыстырғанда 1,3 есе жоғары.

Егде жастағы емделушілерде - AUC және Cmax көрсеткіштерінің аздап жоғарылауы (клиникалық маңызы жоқ).

Балалар

Пантопразолдың бір реттік пероральді 20 немесе 40 мг дозасын қолданғаннан кейін 5 - 16 жас шамасындағы балаларда AUC және Cmax көрсеткіштері ересектердегі сәйкесінше көрсеткіштер аралығында болған.

Фармакодинамикасы

Нольпаза® - орын алмасқан бензимидазол, ол асқазандағы тұз қышқылының секрециясын париетальді жасушалардың протондық помпаларына спецификалық әсер ету арқылы бәсеңдетеді.

Пантопразол өзінің белсенді түріне париетальді жасушаларды қоршаған қышқылды ортада өзгереді, ол жерде H+/K+АТФаза ферментін тежейді және асқазандағы тұз қышқылы синтезінің ақырғы сатысын бөгейді. Тежеуі дозасына тәуелді және қышқылдың базальді, және стимуляцияланған секрециясына әсер етеді. Асқазан мен он екі елі ішектің Неlicobacter pylori-мен астасқан ойық жаралы ауруы кезінде асқазан сөлінісінің мұндай төмендеуі микроорганизмнің антибиотиктерге сезімталдығын арттырады.

Нольпазаны® ішу арқылы қабылдағаннан кейін антисекреторлық әсері 1 сағаттан соң басталады және ең жоғарғысына 2 - 4 сағаттан соң жетеді. Асқазан-ішек жолының моторикасына әсер етпейді. Секреторлық белсенділігі бастапқы деңгейіне қабылдау аяқталғаннан кейін 3 - 4 күннен соң қайта келеді.

Емделушілердің көпшілігінде симптомдарының басылуына 2 апта ішінде қол жеткізіледі. Протондық помпаның басқа тежегіштері және H2 рецепторының тежегіштері сияқты, пантопразолмен емдеу асқазандағы қышқылдылықты азайтады және сол арқылы, гастриннің қайтымды артуы жүреді. Пантопразол басқа заттармен (ацетилхолин, гистамин, гастрин) стимуляциялануына байланыссыз, тұз қышқылының секрециясына әсер етуі мүмкін.

Қолданылуы

20 мг доза үшін:

Ересектер мен 12 жастағы және одан үлкен жасөспірімдерге

- симптоматикалық гастроэзофагеальді рефлюкс ауруы

- рефлюкс-эзофагитті ұзақ уақыт емдеу және қайталануының алдын алу үшін.

Ересектерге

- жоғары қаупі бар және ҚҚСП-мен тұрақты емдеуді қажет ететін емделушілерде селективті емес қабынуға қарсы стероидты емес препараттарды (ҚҚСП) қабылдаудан туындаған асқазан мен он екі елі ішектің эрозиялы-ойық жара ауруларының алдын алуда («Айрықша нұсқаулар» бөлімін қараңыз)

40 мг доза үшін

Ересектер мен 12 жасқа толған және одан үлкен жасөспірімдерге

- рефлюкс-эзофагитте

Ересектерге

- Н.pylori-мен астасқан ойық жарасы бар емделушілерде бактерияға қарсы тиісті еммен біріктірілген Helicobacter pylori (H. pylori) эрадикациясында

- асқазан мен он екі елі ішектің ойық жара ауруында

- Золлингер-Эллисон синдромында және басқа патологиялық гиперсекреторлық жағдайларда

Қолдану тәсілі және дозалары

Ішекте еритін Нольпаза® таблеткаларын шайнауға немесе үгуге болмайды, оларды тамаққа дейін, азғантай мөлшерде сумен іше отырып жұту керек.

Ересектер мен 12 жасқа толған және одан үлкен жасөспірімдерге

Симптоматикалық гастроэзофагеальді рефлюкс ауруы: ішке қабылдау үшін ұсынылатын дозасы күніне бір 20 мг тaблетканы құрайды. Симптомдарының жеңілдеуі әдетте 2-4 апта ішінде басталады. Егер бұл уақыт жеткіліксіз болса, сауығу әдетте алдағы қосымша 4 апта емдеу кезінде басталады. Симптомдарын басқаннан кейін олар қайта пайда болса, күніне бір рет 20 мг дозада «қажеттілігіне қарай» режимінде қабылдау жеткілікті. Қосымша демеуші ем, егер «қажеттілігіне қарай» қабылдағанда симптомдарының күтілетін жеңілдеуіне қол жеткізу мүмкін болмаса тағайындалады.

Рефлюкс-эзофагит: ішке қабылдау үшін ұсынылатын дозасы күніне бір 40 мг тaблетканы құрайды. Жекелеген жағдайларда, әсіресе, басқа емге жауап ретінде клиникалық жақсару болмаса, дозасын екі еселеуге болады (күніне 40 мг 2 таблеткаға дейін арттыру). Рефлюкс-эзофагитті емдеу үшін 4 апталық емдеу курсы керек, қажет болған жағдайда емдеуді тағы 4 апта жалғастырады.

Рефлюкс-эзофагитті ұзақ уақыт бойы емдеу және қайталануының алдын алу: ұзақ уақыт емдеу үшін күніне 20 мг демеуші дозасы ұсынылады, ол өршу кезінде күніне 40 мг дейін арттырылады. Өршу симптомдары жоғалғаннан кейін дозасын қайтадан 20 мг пантопразолға дейін төмендетуге болады.

Ересектерге

Жоғары қаупі бар және ҚҚСП-мен тұрақты емдеуді қажет ететін емделушілерде селективті емес қабынуға қарсы стероидты емес препараттарды (ҚҚСП) қабылдаудан туындаған асқазан мен он екі елі ішектің эрозиялы-ойық жаралы ауруларының алдын алуда: ішке қабылдау үшін ұсынылатын дозасы күніне 20 мг пантопразолды құрайды.

H.pylori эрадикациясында екі сәйкесінше антибиотикпен біріктіріп: асқазан мен он екі елі ішектің H.pylori-мен байланысты ойық жарасы бар емделушілерде, бактериялар эрадикациясын біріктірілген еммен жүзеге асыру қажет. Қарастырған кезде бактериялық резистенттілікке және бактерияға қарсы дәрілердің тиісінше пайдаланылуына және тағайындалуына қатысты ресми жергілікті қағидаларды (мысалы, ұлттық ұсынымдар) ескеру керек. Резистенттілігіне байланысты, H.pylori эрадикациясы үшін төмендегі біріктірілімдер ұсынылуы мүмкін:

а) Нольпаза® тәулігіне 2 рет 40 мг-ден + амоксициллин тәулігіне 2 рет 1000 мг-ден

+ кларитромицин тәулігіне 2 рет 500 мг-ден

б) Нольпаза® тәулігіне 2 рет 40 мг-ден + метронидазол тәулігіне 2 рет 400 - 500 мг-ден (немесе 500 мг тинидазол) + кларитромицин тәулігіне 2 рет 250– 500 мг

в) Нольпаза® тәулігіне 2 рет 40 мг-ден + амоксициллин тәулігіне 2 рет 1000 мг-ден

+ метронидазол тәулігіне 2 рет 400 – 500 мг-ден (немесе 500 мг тинидазол).

H. pylori бактериясының эрадикациясын біріктіріп емдеу кезінде, екінші Нольпаза® таблеткасын кешкі асқа дейін 1 сағат бұрын қабылдау керек.

Біріктірілген ем 7 күн бойы жүргізіледі және тағы 7 күнге ұзартылуы мүмкін (жалпы ұзақтығы - 2 аптаға дейін). Ойық жаралардың жазылуын қамтамасыз ету үшін, препаратты асқазан мен он екі елі ішектің ойық жарасы кезінде дозалау жөніндегі ұсынымдарды қарастырып шыққаннан кейін ары қарай емдеу көрсетілген.

H. Pylori-ге теріс нәтижесі бар емделушілерде Нольпазамен® монотерапия кезінде төмендегі дозалау қағидаларын басшылыққа алуға болады:

Асқазанның ойық жара ауруын емдеу: ұсынылатын дозасы 40 мг 1 таблетка.

Жекелеген жағдайларда, әсіресе, басқа емге жауап ретінде клиникалық жақсарулар болмаса, дозасын екі еселеуге (Нольпазаның® күніне 40 мг-ден 2 таблеткасына дейін арттыру) болады. Асқазанның ойық жарасын емдеу үшін 4 апталық, кей жағдайларда келесі 4 апта бойғы емдеу курсы қажет.

Он екі елі ішектің ойық жара ауруын емдеу: ұсынылатын дозасы 40 мг 1 таблетка. Тиімсіз болса, дозасын күніне 80 мг дейін (Нольпазаның® 40 мг 2 таблеткасы) екі еселеуге болады. Он екі елі ішектің ойық жара аурының жазылуы әдетте 2 апта ішінде, кей жағдайларда келесі 4 апта ішінде басталады.

Золлингер-Эллисон синдромы және асқазан сөлінісінің жоғарылығымен байланысты басқа патологиялық жағдайлар: Золлингера-Эллисона синдромы және асқазан сөлінісінің жоғарылығымен байланысты басқа патологиялық жағдайлары бар емделушілерді ұзақ уақыт емдеу үшін, емдеуді тәуліктік 80 мг дозасынан (40 мг-ден 2 таблетка) бастау керек. Содан кейін дозасын қажеттілігіне қарай, тұз қышқылы секрециясының деңгейіне байланысты арттыруға немесе төмендетуге болады. Күніне 80 мг асатын дозаларында, дозасын күніне екі қабылдауға бөлу керек. Пантопразолдың 160 мг асатын тәуліктік дозасын уақытша арттыруға болады, бірақ асқазан сөлінісін талапқа сай бақылау кезеңіндегі қажеттісіне қарағанда ұзақ қолдануға болмайды.

Золлингер-Эллисон синдромын және асқазан сөлінісі жоғарылығымен байланысты басқа патологиялық жағдайларды емдеудің ұзақтығы шектелмеген және клиникалық қажеттілігіне байланысты бейімделуі тиіс.

Емделушілердің ерекше санаты

Бауырдың ауыр жеткіліксіздігі бар емделушілерде пантопразолдың тәуліктік дозасы 20 мг аспауы тиіс.

Нольпазаны® бауырдың орташа және ауыр дисфункциясы бар емделушілерде және бүйрек функциясы бұзылған емделушілерде H. рylori бактериясының эрадикациясы үшін антибиотиктермен біріктіріп емдеуде қолдануға болмайды

Егде жастағы емделушілерге және бүйрек функциясының бұзылулары бар емделушілерге дозасын түзету қажет емес.

Жағымсыз әсерлері

Жиі емес (≥ 1/1, 000-дан <1/100 дейін)

• ұйқының бұзылуы

• бас ауыру, бас айналуы

• диарея, жүрек айнуы, құсу, іштің кебуі және метеоризм, іштің қатуы, ауыздың құрғауы, іштің ауыруы, жайсыздық

• бауыр ферменттері (трансаминаз, γ-GT) деңгейінің жоғарылауы

• бөртпе, экзантема, терідегі бөртпелер, қышыну

• омыртқа, сан және білезік сүйектерінің сынуы

• астения, дімкәстану және қажу

Сирек (≥ 1/10 000-дан <1/1 000 дейін)

• агранулоцитоз

• жоғары сезімталдық реакциялары (анафилактикалық реакциялар және анафилактикалық шокты қоса)

• гиперлипидемия, триглицеридтер, холестерин деңгейінің артуы, дене салмағының өзгерістері, дәм сезудің бұзылуы

• депрессия (және барлық өршулер)

• көру бұзылулары, көрудің бұлыңғырлануы

• билирубин деңгейінің жоғарылауы

• есекжем, Квинке ісінуі

• артралгия, миалгия

• гинекомастия

• дене температурасының жоғарылауы, шеткергі ісіну

Өте сирек (<1/10 000)

• тромбоцитопения, лейкопения

• бағдарсыздық (және барлық қатарлас өршулер)

Белгісіз (қолда бар мәліметтердің негізінде бағалау мүмкін емес):

• гипонатриемия, гипомагниемия

• елестеулер, сананың шатасуы (әсіресе генетикалық тұрғыдан бейім емделушілерде, сондай-ақ бұл симптомдардың өршуі, егер олар емдеу басталғанға дейін болған болса)

• гепатоцеллюлярлық зақымданулар, сары ауру, гепатоцеллюлярлық жеткіліксіздік

• Стивенс-Джонсон синдромы, Лайелл синдромы, мультиформалы эритема, фотосезімталдық

• интерстициальді нефрит

Қолдануға болмайтын жағдайлар

- пантопразолға, орын алмасқан бензимидазолдарға немесе препараттың қосымша компоненттеріне жоғары сезімталдық

- атазанавирмен бірге қолдану

Дәрілермен өзара әрекеттесуі

Асқазан сөлі секрециясының терең және ұзақ тежелуіне байланысты, пантопразол, биожетімділігі асқазан ортасындағы рН мәніне тәуелді препараттардың, мысалы, азолдар тобының кетоконазол, итраконазол, позаконазол сияқты кейбір зеңге қарсы дәрілерінің және эрлотиниб сияқты басқа дәрілердің сіңуін төмендетуі мүмкін.

Сіңуі pH мәніне тәуелді атазанавир мен АИВ емдеуге арналған басқа препараттарды, протондық помпа тежегіштерімен бір мезгілде қолдану, АИВ емдеуге арналған препараттардың биожетімділігінің айтарлықтай төмендеуіне алып келуі және бұл дәрілердің тиімділігін төмендетуі мүмкін. Протондық помпа тежегіштерін атазанавирмен үйлестіріп емдеу қарсы көрсетілімді.

Кумариндік антикоагулянттарды (мысалы, фенпрокумон немесе варфарин) қабылдап жүрген емделушілерде емдеудің басында, емдеу аяқталғанда немесе пантопразолды жүйесіз пайдалану кезінде протромбиндік уақытқа/ХҚҚ бақылау жүргізу ұсынылады.

Метаболизмінің жолы пантопразол сияқты карбамазепин, диазепам, глибенкламид, нифедипин және құрамында левоноргестрел және этинил эстрадиол бар пероральді ұрықтануға қарсы дәрілер, бір мезгілде қолданылғанда клиникалық маңызды өзара әрекеттесулерді көрсетпеген.

Пантопразол, CYP1A2 көмегімен метаболизденетін (кофеин, теофиллин сияқты), CYP2C9 көмегімен метаболизденетін (пироксикам, диклофенак, напроксен сияқты), CYP2D6 көмегімен метаболизденетін (метопролол сияқты), CYP2E1 көмегімен метаболизденетін (этанол сияқты) белсенді заттарға әсер етпейді немесе p-гликопротеинмен байланысты дигоксиннің сіңірілуіне қатыспайды.

Пантопразол антацидтермен бір мезгілде қолданылғанда өзара әрекеттеспейді.

Пантопразолды кларитромицин, метронидазол, амоксициллин сияқты антибиотиктермен бірге қабылдау клиникалық маңызды өзара әрекеттесулер туғызбайды.

Айрықша нұсқаулар

Бауыр жеткіліксіздігі

Бауыр функциясының ауыр бұзылулары бар емделушілерде пантопразолмен емдеу кезінде, әсіресе ұзақ уақыт қолданғанда, бауыр ферменттерінің деңгейін жүйелі бақылап отыру керек. Бауыр ферменттерінің деңгейі жоғарылаған жағдайда, емдеуді тоқтату керек.

ҚҚСП бір мезгілде қолдану

20 мг дозасын қолдануды спецификалық емес қабынуға қарсы стероидты емес препараттармен (ҚҚСП) ұзақ емдеуді қажет ететін және асқазан-ішектік асқынулар дамуының жоғары қауіп тобындағы емделушілерде гастродуоденальді ойық жаралардың алдын алу үшін қолдануды шектеу керек.

Жоғары қауіпті жекелей қауіп факторларына, мысалы: егде жас (> 65 жас), асқазан мен он екі елі ішектің ойық жарасы, немесе сыртартқыдағы асқазан-ішек жолының жоғарғы бөлігінен қан кетулерге сәйкес бағалау керек.

Біріктіріп емдеу

H. рylori эрадикациясын біріктіріп емдеуде, тиісті дәрілік заттардың қысқаша сипаттамасын ескеру қажет.

Үрейлі симптомдар бар болса

Кез-келген үрейлі симптомдар болса (мысалы, байқаусызда дене салмағын айтарлықтай жоғалту, қайталанатын құсу ұстамалары, дисфагия, қан аралас құсу, анемия немесе мелена), сондай-ақ асқазанның ойық жарасы бар болса немесе оған күдік болса, қатерлі ісіктің бар-жоқтығын анықтап алу қажет, өйткені пантопразолды қабылдау симптомдарын жеңілдетуі және диагноз қойылуын кідіртуі мүмкін. Емдеуді бастар алдында қатерлі түзілімдердің болу мүмкіндігін жоққа шығару керек.

Атазанавирмен бірге емдеу

Атазанавирді протондық помпа тежегіштерімен бірге қабылдау қарсы көрсетілімді.

B12 витаминінің сіңуіне әсері

Пантопразол, тұз қышқылының өндіріліп шығарылуын бөгейтін барлық препараттар сияқты, гипо- және ахлоргидрия салдарынан В12 витаминінің (цианокобаламин) сіңуін төмендетуі мүмкін. Мұны дене салмағы төмен немесе В12 витаминінің сіңуінің төмендеу қаупі жоғары емделушілерде ұзақ емдеу кезінде немесе, егер сәйкесінше клиникалық симптомдар байқалғанда ескеру керек.

Ұзақ емдеу

Ұзақ уақыт емдеу кезінде, әсіресе 1 жылдан астам уақыт емдеуде, емделушілер жүйелі бақылауда болуы тиіс.

Бактериялардан туындаған асқазан-ішек жұқпалары

Пантопразол, барлық протондық помпа тежегіштері сияқты, әдетте асқазан-ішек жолының жоғарғы бөліктерінде болатын бактериялар санын арттырады. Нольпазамен® емдеу Salmonella және Campilobacter сияқты бактериялардан туындайтын асқазан-ішек жұқпалары қаупінің артуына алып келуі мүмкін.

Гипомагниемия

Пантопразол сияқты протондық помпа (ППТ) тежегіштерімен ем қабылдап жүрген емделушілерде кемінде үш ай және көпшілік жағдайларда, жыл бойы гипомагниемияның ауыр формасы дамыған жағдайлар байқалған. Шаршау, тетания, сандырақтау, құрысулар, бас айналуы және қарыншалық аритмия сияқты гипомагниемияның күрделі көріністері туындауы, бірақ айқын симптомдарсыз және елеусіз өтуі мүмкін. Емделушілердің көпшілігінде, гипомагниемия магний жеткіліксіздігінің орнын толтырғаннан және ППТ-мен емдеу тоқтатылғаннан кейін басылады.

Ұзақ емдеу жоспарланып отырған емделушілерде немесе, ППТ дигоксинмен немесе гипомагниемияны тудыруы мүмкін басқа препараттармен (мысалы, диуретиктер) бірге қабылдап жүрген емделушілерге, ППТ-мен емдеудің алдында және емдеу кезінде ауық-ауық магний деңгейін өлшеуді жүргізу керек.

Сан, білезік және омыртқа сүйектерінің сынуы

Протондық помпа тежегіштерін, әсіресе жоғары дозаларда және ұзақ уақыт бойы (> 1 жыл) қолдану, көбінесе жас ұлғайғанда немесе басқа жалпыға ортақ қауіп факторлары бар кезде, сан, білезік және омыртқа сүйектерінің сыну қаупін елеусіз арттыруы мүмкін. Бақылау мақсатындағы зерттеулер протондық помпа тежегіштерінің жалпы сынулар қаупін 10-40 %-ға арттыруы мүмкін екендігін көрсетеді. Бұл артудың бір бөлігі басқа қауіп факторларымен байланысты болуы мүмкін. Остеопороздың даму қаупі бар емделушілер қолданыстағы клиникалық ұсынымдарға сәйкес көмек алуы және жеткілікті дәрежеде D витамині мен кальцийді қабылдауы тиіс.

Қосымша заттар

Нольпазаның® құрамында сорбитол бар. Сирек тұқым қуалайтын фруктозаны көтере алмаушылығы бар емделушілерге бұл дәріні қабылдамау керек.

Педиатрияда қолданылуы

Қауіпсіздігі мен тиімділігі туралы мәліметтер жеткіліксіз болғандықтан, пантопразолдың 12 жасқа толмаған балаларда рефлюкс-эзофагит, симптоматикалық гастроэзофагеальді рефлюкс ауруы кезінде қолданылуы ұсынылмайды.

Пантопразол препаратының балалар мен 18 жасқа дейінгі жасөспірімдерде асқазан мен он екі елі ішектің ойық жарасы, Helicobacter pylori эрадикациясы кезінде, Золлингер-Эллисон синдромында, асқазан мен он екі ілі ішектің селективті емес ҚҚСП тудырған эрозиялы-ойық жаралы зақымдануларының алдын алу үшін қолданылуы туралы мәліметтер жоқ.

Жүктілік және лактация кезеңі

Жануарларға жүргізілген зерттеулер пантопразолдың репродуктивтік уыттылығын көрсетеді.

Нольпазаны® егер қажеттілігі болмаса, жүктілік кезінде қолданбау керек.

Пантопразол емшек сүтіне бөлініп шығады. Препаратпен емдеу кезінде бала емізуді тоқтату керек.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері

Емдеу кезінде бас айналуы және көрудің бұзылуы сияқты жайсыз жағымсыз реакциялар орын алуы мүмкін. Мұндай жағдайларда, көлік құралдарын басқармаған немесе механизмдермен жұмыс жасамаған жөн.

Артық дозалануы

Симптомдары: жағымсыз әсерлерінің күшеюі.

Емі: симптоматикалық, әдеттегі уытсыздандыру шараларын жүргізу қажет.

Шығарылу түрі және қаптамасы

14 таблеткадан алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Түпнұсқалық қаптамасында, 30 ºС-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д., Ново место, Словения

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы

«КРКА Қазақстан» ЖШС, ҚР, 050059, Алматы қ., Әл-Фараби д-лы 19,

1б корпус, 2-ші қабат, 207 кеңсе

тел. 8 (727) 311-08-09, факс 8 (727) 311-08-12

info.kz@krka.biz