Алька-Прим
Инструкция
-
русский
-
қазақша
Саудалық атауы
Алька-Прим
Халықаралық патенттелмеген атауы
Ацетилсалицил қышқылы
Дәрілік түрі
330 мг көпіршитін таблеткалар
Құрамы
Бір таблетканың құрамында:
белсенді зат – 330 мг ацетилсалицил қышқылы
қосымша заттар: аминосірке қышқылы, сусыз лимон қышқылы, натрий гидрокарбонаты
Сипаттамасы
Дөңгелек пішінді, беті тегіс, суда қатты көпіршіп еритін ақ түсті таблеткалар.
Фармакотерапиялық тобы
Салицил қышқылы және оның туындылары, басқа да ауруды басатын және ыстықты түсіретін препараттар.
АТХ коды N02ВА01
Фармакологиялық қасиеттері
Фармакокинетикасы
Сіңуі
Ацетилсалицил қышқылы асқазан-ішек жолында 80-100%-ға сіңеді.
Тамақтану ацетилсалицил қышқылының биологиялық жетімділігін төмендетпейді, бірақ сіңу кезеңін ұзартуы мүмкін.
Ерігіш түрдегі ацетилсалицил қышқылының сіңу жылдамдығы дәстүрлі дәрілік түрлерінің сәйкес көрсеткішінен асып түседі.
Жүзгін түріндегі (таблетканы суда еріту арқылы) қабылданған ацетилсалицил қышқылының ауру сезімін басатын және қызу түсіретін әсері қабылдаудан соң 30 минуттан кейін басталып, 1 – 3 сағат ішінде жоғары деңгейіне жетеді. Дозаны бір рет қабылдаған соң, препараттың әсері 3- 6 сағат бойы жалғасады. Толық қабынуға қарсы әсеріне емдеудің 1-4 күндері ішінде қол жеткізіледі.
Таралуы
Қан сарысуындағы концентрациясы 120 мкг/мл болған жағдайда, ацетилсалицил қышқылының 33%-ға жуығы қан плазмасының ақуыздарымен байланысады. Ақуыздармен байланысу дәрежесі қан сарысуындағы альбуминдердің концентрациясына байланысты. Гидролизден соң пайда болған салицил қышқылы бүкіл ағзаны бойлап жылдам тарайды. Салицил қышқылының терапиялық концентрациядағы таралу көлемі дене салмағының 0,15-0,2 л/кг-ын құрап, қан сарысуындағы концентрациясының артуымен ұлғая түседі.
Метаболизмі
Ацетилсалицил қышқылы салицил қышқылына дейін плазмада гидролизденеді. Салицил қышқылы салицилурат, салицилфенолды глюкуронид, салицилацил глюкурониді және басқа да метаболиттер түзе отырып, бауырда метаболизденеді.
Ағзалардан шығарылуы
Ацетилсалицил қышқылының жартылай шығарылу кезеңі шамамен 2-3 сағатты, салицил қышқылы – шамамен 6 сағатты құрайды. Ацетилсалицил қышқылының басқа салицилаттардан айырмашылығы, гидролизденбеген ацетилсалицил қышқылын көп пайдаланғанда қан сарысуында жинақталмайды. Ацетилсалицил қышқылының пероральды дозасының 1%-ға жуығы ғана гидролизденбеген түрінде несеппен шығарылады, қалған бөлігі салицил қышқылы және оның метаболиттері түрінде несеппен шығарылады. Ацетилсалицил қышқылын бір рет қабылдаған соң, дозанның 80-100%-ы 24-72 сағат ішінде несеппен шығарылады.
Фармакодинамикасы
Ацетилсалицил қышқылы қабынуға қарсы стереоидты емес (ҚҚСД) дәрілер тобына жатады. Ауру сезімін басатын, қабынуға қарсы және қызу түсіретін қасиеттерге ие салицил қышқылының эфирі болып келеді.
Алька-Приманың әсер ету механизмі арахидон қышқылының циклооксигеназасының тежелуі (СОХ-1 және (немесе) СОХ-2 белсенділігінің баяулауы) салдарынан простагландиндердің - простагландин Е2 (PGЕ2), простагландин I2 (PGI2) және тромбоксан А2-нің синтезін баяулатудан құралады. Бұл қосылыстар лейкоциттердің орын ауысуының күшеюі, тамырлардың өткізгіштігінің артуы, ісіктердің пайда болуы, нейромедиаторлардың (серотонин, брадикинин, ацетилхолин) әсеріне ауыру рецепторлары сезімталдығының күшеюі арқылы қабыну үдерісін демейді. Гипоталамуста PGЕ2 күшті пирогенді фактор болып табылады, оның синтезінің баяулауы дене температурасының көтерілуін тежейді. ҚҚСД сондай-ақ қабынудан (немесе басқа да себептерден) туындаған әлсіз ноцицептивтік және нейрогенді ауыру жағдайларында ауру сезімін басатын әсер береді, мұндайда зиянды факторлар пероксидтер мен простагландиндердің мөлшерін ұлғайта отырып, циклооксигеназаның белсенділігін көтермелейді. Түрлі деректер сондай-ақ ҚҚСД-ның орталықтық ауру сезімін басатын әсерінің болу мүмкіндігін де көрсетеді.
Алька-Прим тромбоциттердің агрегациясын баяулатады. Циклооксигеназаның қайтымсыз тежелуі, әсіресе, тромбоциттер жағдайында байқалады, өйткені олар осы ферментті қайта құра алмайды. Болжам бойынша ацетилсалицил қышқылы тромбоциттерге баяулатушы әсердің басқа да түрлерін көрсетеді. Глицин асқазанның ацетилсалицил қышқылынан туындайтын тітіркенуін төмендетіп, диспептикалық бұзылысты жояды.
Қолданылуы
-
қарқындылығы әлсіз және орташа ауыру синдромында (бас, оның ішінде асқазан сөлінің жоғары қышқылдығында, бұлшықет, буындар ауыруы)
-
салқын тию және басқадай вирусты-жұқпалы аурулардағы дене қызуының артуында
Қолдану тәсілдері және дозасы
Тамақтану кезінде қабылдау керек. Қабылдардың алдында таблетканы ¾ стақан суда еріту керек. 1-2 таблеткадан тәулігіне 2-4 рет кем дегенде 4 сағат аралықпен қабылдау керек. Ең жоғары бір реттік доза – 1 г (3 таблетка). Ең жоғары тәуліктік доза – 3 г (9 таблетка). Дәрігердің бақылауынсыз симптоматикалық ем 3 күннен артық болмағаны дұрыс.
Жағымсыз әсерлері
-
жүректің айнуы, құсу, тәбеттің болмауы, іштің ауыруы
-
қан кету, құлақтағы шуыл, терінің бөртуі, шырышты қабықтан қан кету, қан құрамының өзгеруі
-
асқынсезімталдық реакциясы: есекжем, ангионевротикалық ісіну (Квинке ісінуі), бронхтардың түйілуі, шок, көзден жас ағу, коллапс, естен тану. Аллергияға, бронх демікпесіне, мұрын полипіне шалдыққан науқастар қаупі жоғары топқа жатады. Кейбір науқастарда есекжем де, сондай-ақ шок сияқты жағымсыз әсерлер де препаратты қабылдағаннан кейін 3 сағаттың ішінде пайда болуы мүмкін.
Қолдануға болмайтын жағдайлар
-
ацетилсалицил қышқылына немесе басқа салицилаттарға, ҚҚСП асқын сезімталдық
-
аптасына 15 мг және одан да көп дозада метотрексатпен үйлестіріп қолданғанда
-
ҚҚСП және салицилаттардан туындаған бронх түйілуі
-
геморрагиялық диатез
-
асқазанның немесе 12 елі ішектің ойық жара ауруы
-
бауыр мен бүйректің айқын бұзылулары
-
16 жасқа дейінгі балаларға (Рей синдромының даму қаупі бар)
-
жүктілікте, әсіресе препаратты жүктіліктің алғашқы және үшінші триместрінде қолдануға болмайды.
Дәрілермен өзара әрекеттесуі
Ацетилсалицил қышқылы метотрексаттың уыттылығын, есірткілік анальгетиктердің, қабынуға қарсы басқа стероидтық емес препараттардың, пероральді гипогликемиялық препараттардың, гепариннің, тікелей емес антикоагулянттардың, тромболитиктердің және тромбоциттердің бірігуін тежегіштердің, сульфаниламидтердің (соның ішінде ко-тримоксазолдың), лиотирониннің әсерлерін күшейтеді; урикозуриялық препараттардың (бензбромаронның, сульфинпиразонның), гипотензиялық дәрілердің және диуретиктердің (спиронолактонның, фуросемидтің) әсерлерін төмендетеді.
Глюкокортикостероидтар, алкоголь және құрамында алкоголі бар препараттар асқазан-ішек жолының шырышты қабығын зақымдайтын әсерді арттырады, асқазан-ішектік қан кетудің даму қаупін жоғарылатады.
Ацетилсалицил қышқылы дигоксиннің, барбитураттардың және литий препараттарының қан плазмасындағы концентрациясын арттырады.
Құрамында магний және/немесе алюминий гидроксиді бар антацидтер ацетилсалицил қышқылының сіңуін баяулатады және нашарлатады.
Айрықша нұсқаулар
Препаратты аллергиялық ауруларға (бронх демікпесі, аллергиялық ринит, есекжем, терінің қышуы, мұрынның шырышты қабығының ісінуі) шалдыққан адамдарға дәрігердің бақылауымен қолдану керек.
Ацетилсалицил қышқылын диабетке қарсы дәрілер қабылдап жүрген науқастарға қолданған кезде қандағы қант деңгейін ұдайы бақылап отырған жөн.
Препаратты глюкокортикостероидтармен, гипертензияға қарсы және несеп айдағыш дәрілермен бірге қолдану мұқият бақылауды қажет етеді; құрамында магний немесе алюминий гидроокисі бар антацидтік препараттарды ацетилсалицил қышқылын қабылдағаннан кейін 2 (екі) сағаттан соң ғана қабылдаған жөн.
Препаратты ұзақ уақыт қолданған кезде мезгіл-мезгіл қанға талдау жасаған және нәжісте қанның бар-жоқтығын тексерген жөн. Ацетилсалицил қышқылы ағзалардан несеп қышқылының шығарылуын азайтады, ол бейім емделушілерде жедел подагра ұстамасына себеп болуы мүмкін.
Жүктілік және лактация кезеңі
Препаратты жүктілік кезінде қолдануға болмайды.
Препараттың бір реттік дозасын қысқа уақыт қолдану нәресте үшін қауіп төндірмесе де, ацетилсалицил қышқылының үлкен дозаларымен ұзақ уақыт емдеген кезінде баланы емізбеу керек.
Препараттың көлікті басқаруға, механикалық құралдармен қызмет көрсетуге және психофизикалық қабілетке ықпал етуі
Ықпал етпейді.
Артық дозаланғанда
Уыттанудың ауыр симптомдары 200 мг/кг-нан жоғары дозаны қабылдаған кезде болады. Уланған деп күмәнданған кезде медициналық жәрдем алуға дереу жүгінген жөн. Уланудың бастапқы сатысында орталық жүйке жүйесінің қозу симптомдары, бас айналу, көрудің және естудің бұзылуы, жүректің айнуы, құсу, тыныс алудың күшеюі дамиды. Кейінірек сананың комаға дейін бәсеңдеуі, тыныс алу қызметінің жеткіліксіздігі, су-электролиттік алмасудың бұзылуы басталады. Улану белгілері кезінде құстырған немесе асқазанды шайған, белсенділендірілген көмірді тағайындаған жөн. Емдеуді мамандандырылған бөлімдерде жүргізу керек.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықсыз қаптамаға (стрипке) 2 таблеткадан салынған.
1 немесе 5 пішінді ұяшықсыз қаптамадан (стриптен) мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салынған.
Сақтау шарттары
Құрғақ жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Жарамдылық мерзімі
2 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
«Польфарма» фармацевтикалық зауыты АҚ,
Пельплиньска к-сі 19, 83-200 Старогард Гданьски, Польша
Қаптаушы-ұйымның атауы мен елі
«Польфарма» фармацевтикалық зауыты АҚ, Польша
Тіркеу куәлігінің иесі
“Химфарм” АҚ, Қазақстан
Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның атауы және мекенжайы:
«Химфарм» АҚ, Шымкент қаласы, ҚАЗАҚСТАН РЕСПУБЛИКАСЫ,
Рашидов көшесі, н/ж, т/ф: 560882
Телефон нөмірі: 7252 (561342)
Факс нөмірі: 7252 (561342)
Электронды поштасы: standart@santo.kz